夫婦情感

收藏本版
發帖
返回列表
跳至頁

首頁
123

尾頁
   0
wingmama123


複式洋房

積分: 251


21#
發表於 04-6-19 00:05 |只看該作者

Re: 我honey的媽咪要我地係一個月內都唔可以見面,大家評評理吧!!!

你叫我地來評評理呀，我覺得成件事係你唔岩，有d無理取鬧添，人地個媽要做咁大個手術，怕感染，叫你地唔好見面一排，好合理播，咁通為左你的大小姐脾氣唔理自己條命呀，當你講到你係唯一一個可以令你男友發咁大脾氣，你重好似好得戚咁，你無非都係想證實你男友有幾愛你，但愛你唔代表要阿媽冒險呀，唔該你為下他人著想啦
私人傳訊

Mummy


男爵府

積分: 5874


22#
發表於 04-6-19 18:20 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman,

其實你男友思想好成熟, 識得解釋比你聽, 唔成熟果個係你, 人地阿媽已經大病在身, 做仔既心情當然沉重, 你就一味掛住去街, 驚死人地唔同你去街會去滾咁, 你係咪以為佢搵阿媽做藉口?! 講真, 如果要去滾的話, 日頭陪完你, 夜晚出去滾你都唔會知。 呢d男友你要珍惜, 亦都要檢討自己, 做人要成熟d, 知道嗎?

[quote]
小manman 寫道:
........因為我講極都唔明個利害關鍵,佢今日舉左好多例子解釋比我知,佢話如果情況掉番轉,如果我地結左婚,有事個個係我,而佢知道佢媽咪有可能帶菌,佢亦唔會見佢媽咪,亦唔會比佢媽咪見我~
佢亦都同我解釋生命比任何一樣野都重要,佢唔可以見我佢都好唔開心,但無辦法~......
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

Monnielee


洋房

積分: 41


23#
發表於 04-6-19 19:12 |只看該作者

Re: 我honey的媽咪要我地係一個月內都唔可以見面,大家評評理吧!!!

男人最怕女人麻煩,特別有重要事的時候,男的在擔心家人的健康,女的卻在說:[honey,你唔愛我喇!你又話唔會唔理我,依家你唔鍚我喇,以前你都唔會咁架,行下街都唔得........!]雖然有點誇張,但當你發現我的言論有些幼稚的時候,你便是那麻煩的女人!
私人傳訊

~小熊貓~


禁止訪問

積分: 1160


24#
發表於 04-6-19 20:32 |只看該作者

Re: 我honey的媽咪要我地係一個月內都唔可以見面,大家評評理吧!!!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

Mrs.Chan


公爵府

積分: 26464


25#
發表於 04-6-19 20:58 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman:

咁佢mummy對你都幾好喎, 又送手鍊又叫埋你做節,
都當你係家企人啦! 咁你大個女喇, 遲下做埋新抱仔,
要懂人情世故, 你有時間打電話俾伯母問下佢老人家,
關心下佢, 佢會感受到, 伯母同你男友會更鍚你, 你
付出的不會白費.

mrs chan
恭賀新禧，迎春接福！
私人傳訊

小manman


翡翠宮

積分: 85569


26#
發表於 04-6-19 21:10 |只看該作者

Re: 我honey的媽咪要我地係一個月內都唔可以見面,大家評評理吧!!!

好多謝大家的回應,令我舒服左好多~
而我honey亦都開解左我好多,但雖然係明白到個利害關係,亦都明白我honey都係緊張同孝順佢媽咪,但感覺依然唔好受,每當我諗起過時過節,honey陪唔到我,亦諗起佢上星期先同我講話端午節去佢屋企食飯,但依架無奈地無得去的時候,我個心就會好難受~
就連黎緊呢幾個星期六/日都無honey陪,只好自己揾節目,拍拖唔見面,咁我同無男朋友有乜分別~
我honey同我講話佢媽咪話我實會嬲死佢,令我地無得見面,都唔知應該點同我地講好,但實在係無辦法先要咁做,我都知無人想,而我亦同honey講我從來都無嬲過佢媽咪,只係真係好難受,亦都好無奈,我依架最希望就係快d過左呢幾個星期就好喇,最好訓醒一覺就過左,唉.......呢幾個星期好難過,好漫長,亦都每一日都過得好辛苦,想咸.......
私人傳訊

22182218


大宅

積分: 2101


27#
發表於 04-6-19 22:26 |只看該作者

Re: 我honey的媽咪要我地係一個月內都唔可以見面,大家評評理吧!!!

我同意
Monnielee 寫道:
男人最怕女人麻煩,特別有重要事的時候,男的在擔心家人的健康,女的卻在說:[honey,你唔愛我喇!你又話唔會唔理我,依家你唔鍚我喇,以前你都唔會咁架,行下街都唔得........!]雖然有點誇張,但當你發現我的言論有些幼稚的時候,你便是那麻煩的女人!
[img align=left]http://forum.bjcg.com/images/upload/2005/02/18/161709.gif[/img]
私人傳訊

Monnielee


洋房

積分: 41


28#
發表於 04-6-20 00:04 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman(小女孩):
好了,別再胡鬧!不要活在自己的世界當中!這地球上還有其他人!首先,恭喜你,找到一個成熟,孝順的男人。但要留意,你這個行為會令人反感!
有時間和朋友或這兒的媽媽多點傾訴,學會做人太太的道理!
私人傳訊

C9Chung


民房

積分: 51


29#
發表於 04-6-20 14:04 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman,
你真的很幸福, 你不但找到了一個很成熟穩重又錫你的男友, 看來你的未來奶奶也很好啦, 你試想想一個患重病的老人家, 除了自己suffer病魔的折磨外, 她還要擔心你會不開心, 你會嬲, 更內疚自己令兒子當了她與女友之間的磨心...大病已經不幸, 仲要憂心你們倆口子的幸福, 對這老人家而言, 真的不好受啦, 她這樣會從你的立場來著想, 也真的可遇不可求耶, 你別再身在福中不知福!!

其實在這事中, 你大可當個大體的女友, 你不要再為這事不開心, 自己鬰悶之餘, 還應該主動關心你的男友及你的未來奶奶, 例如主動打tel給男友打氣...說實在孝順仔遇上母親有事, 怎會不憂心煩惱, 所以你應安慰他, 關心他而且跟他說不用擔心你, 你會等他..讓他安心, 讓他心靈上有一個加油站...再者, 如果你跟他母親有連絡開的話, 也大可主動打給她慰問一下, 甚至買定d手術後調補的食品給她...氹下老人家之餘, 也可氹下男友呢, 更為自己加分啦^_^
私人傳訊

小manman


翡翠宮

積分: 85569


30#
發表於 04-6-20 20:37 |只看該作者

Re: 我honey的媽咪要我地係一個月內都唔可以見面,大家評評理吧!!!

C9Chung:
你地成日話恭喜我,揾到一個成熟的好男人,但我問自己:我真係揾到一個錫我的好男人咩???
我同我honey拍拖咁耐,10次有9次我發脾氣都係因為佢媽咪,我唔係唔鍾意佢媽咪,我都覺得佢媽咪好好,好鍚我,但因為我honey好倚賴佢媽咪,佢媽咪話乜就乜,所以我一d都唔覺得佢成熟~
你的建議我都好想咁做,但我實在做唔到,我做唔慣一d擦鞋的野,其實,我唔係唔關心佢媽咪,但我只擺係心裏面,我無表現過出黎,我覺得我關唔關心佢,唔需要掛係嘴邊,關心人係用個心黎關心,唔係用個口架,我覺得如果用個口講得出的關心就已經係好表面化,所以好多人都話我唔識做表面野,唔識大體,唔識人情細故,而最傷心既就係竟然連我honey都誤會我,佢話我從佢媽咪有事開始,我一句鼓勵佢同支持佢的說話都無,亦都feel唔到我擔心佢媽咪,我聽到佢咁講,簡直好像有好多枝針插入我個心度咁,真係好hurt~
我知道黎緊呢個星期我都唔會開心,我同自己講過埋呢幾個星期就無事架喇,但真係得咩,我覺得就算見到面都唔會好似以前咁開心,因為今次佢令我好難過,好傷心,佢講的每一句hurt我的說話,都令我好難受..........
我知道到左端午節個日,我會仲難受,因為佢每次有親戚去佢屋企,佢都會叫埋我,我知道今次唔會,我真係唔知點樣度個一日先可以令自己好過d,如果比我食粒藥昏迷成日就好喇,我根本唔想面對個日~
今日佢同我講有親戚去佢屋企,我個心就係咁難受,我好想我honey可以講句說話氹下我,但好可惜佢根本唔知我唔開心,我好希望佢可以自動自覺同我講:"其實,我好想你今日黎架,你唔係度我都無咁開心,如果唔係因為發生呢件事,我一定會叫你黎架!!!"我知道事實係無辦法改變,但如果佢識得氹下我,我諗我起碼會好受d,我只好安慰自己:"佢唔氹我,可能因為佢知道佢唔講我都會知道佢個心係咁諗"其實,佢唔講我點會知呢???
我好想大聲講一句"我好想死呀!!!"我同自己講:可唔可以聽日出街過馬路時比車撞我,等我昏迷一個月,醒番就乜事都無"我覺得依架好痛苦呀,唔好咁樣折磨我喇!!!
究竟有誰明白我???
私人傳訊

stkyo


象牙宮

積分: 206249

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


31#
發表於 04-6-20 21:25 |只看該作者

Re: 我honey的媽咪要我地係一個月內都唔可以見面,大家評評理吧!!!

你地成日話恭喜我,揾到一個成熟的好男人,但我問自己:我真係揾到一個錫我的好男人咩???
(你點解覺得佢唔鍚你？你有無站係佢立場諗吓？佢可能都會覺得你唔關心佢，唔鍚佢，佢比你更難受。)

最傷心既就係竟然連我honey都誤會我,佢話我從佢媽咪有事開始,我一句鼓勵佢同支持佢的說話都無,亦都feel唔到我擔心佢媽咪
(佢媽咪今次唔係小病，佢遇到D咁既情況，係人都需要關懷，就算你擺係心度都好，係呢個時候都必須要表達出嚟。)

今日佢同我講有親戚去佢屋企,我個心就係咁難受,我好想我honey可以講句說話氹下我,但好可惜佢根本唔知我唔開心
(如果佢知道你唔開心，佢只會更加唔開心，點解你咁唔諒解佢。)

我覺得你唔需要唔開心，佢哋又唔係無理取鬧咁對待你，如果你係呢個時候對你honey作出關懷，又多D打電話問候佢媽咪，我相信你honey會好開心，係呢個時候，唔好再亂諗嘢！
私人傳訊

bandband


子爵府

積分: 11510


32#
發表於 04-6-20 22:34 |只看該作者

Re: 我honey的媽咪要我地係一個月內都唔可以見面,大家評評理吧!!!

完全同意stkyo既講法,我諗呢個時候唔係俾你去撒嬌去爭竉既時候,而係陪你honey同佢媽咪渡過難關既時候,依家你男友已經好大壓力,你仲要製造難題去令佢難做?你男友講既嘢都無唔啱架噃,反之,我一路睇你成個topic講既嘢,真係同其他媽咪既感覺一樣,你好細路女囉!有時做人要識得做,並唔係叫你去擦鞋,而係用實際既行動去表達出你對佢媽咪既關心,而唔係响呢個非常時期俾個難題俾你男友去諗"亞媽重要啲定係老婆重要啲"囉!再者,坦白講亞媽同老婆係無得比既!甚至乎隻佬愛自己亞媽多過自己條女/老婆都係好正常.你試諗吓,你都係會有仔女既一日架啦,倘若你養到個仔咁大,個仔為咗個女人連你有大病都唔理又唔顧,咁你個心又點睇點諗?係咪覺得呢個仔好狼心狗肺先?養到你咁大,我又咁愛鍚你,你今日竟然為咗陪個女人去行街而唔理我??再諗衰啲,個女人仲衰,好好醜醜都係未來奶奶(隻佬個亞媽),明明對你咁好,平日咁就咁鍚你,依家我有病唔就我不但只仲要走嚟同我玩爭竉???......故事發展成咁,你話,邊個做得過份先???我明白你係掛住你honey,但都係暫時唔見面啫,但都可以日日打幾個電話傾吓偈浪漫吓嘛,成日都要見住都唔代表啲乜嘢,想見啫吓嘛,咁你咁上網用webcam同佢見面囉!唔好再俾咁多理由自己去嬲自己隻佬同佢亞媽喇!亦無謂俾咁多理由同空間自己叫自己去唔開心去鑽牛角尖囉!你依家搞到自己咁樣,只會俾人覺得你好自私唔識得體諒,明明你係一個可愛既人都變成唔可愛甚至可憎,咁, 又何必呢...??其實你男友真係對你好好,咁好脾氣,雖然佢好大壓力又唔開心,俾你咁難為佢法,佢都識得去解釋俾你聽又極之極之去就你,明明佢係至唔開心嗰個都要倒番轉頭去氹番你,你話,咁好既男人你都嫌唔夠好,咁你係咪過份到極點?咁你問番自己喇,點既男人你先至覺得係好男人???咁你答番自己喇!有啲嘢係要靠你本身既努力同珍惜先得到架!你呢刻唔識得去珍惜眼前美好既嘢,反而去不斷追求啲唔實際既嘢,到你將來失去哂搵唔番,你就喊都無謂@!你好似我一個朋友,佢對上成千上萬既前度男友,查實有好多個都係好男人嚟,仲要係令我地好羨慕佢嗰隻,但佢唔珍惜,一時嫌人呢樣,一時嫌人嗰樣,依家有時同佢傾番,佢都會話以前總之唔同邊個玩分手啦,依家佢問番人地仲起唔起番埋一齊,人地已經頂多當佢係小妹妹,一口拒絕佢:"no way lu~~~!!!"咁,呢啲係咪佢自己攞嚟先???我都係講番我個睇法咋...如有得罪,請見諒!但希望你可以諗清楚自己衰乜囉...
老公VOICEMAIL 1 2 3
私人傳訊

hinhei


男爵府

積分: 9835


33#
發表於 04-6-20 23:03 |只看該作者

Re: 我honey的媽咪要我地係一個月內都唔可以見面,大家評評理吧!!!

睇晒成個topic,真係火都來~~~
我想罵你,你係唔係痴線架!你好自私,真係好自私~~~~

唔好怪我咁講,叫你掉轉頭諗你係你男朋友,你都話你都會咁做.若你試吓諗吓你自己係你男友亞媽..........
到你老咗,你個仔個女朋友係咁...........同你爭,你自己生死關頭,你個仔個女朋友仲要咁..........
我真係唔知你諗乜!!!

真係大吉利市講告,你真係帶菌,你男朋友就係因為你啲白痴嘢同你見咗面,傳染咗比佢亞媽.........上咗天堂,你呢世點過??!!良心點過??!!

唔見一個月姐,又唔係要你一世唔見得!若你們是天長地久,仲有排你哋對啦!
你男朋友巳經擔心到死,身邊無一個可以安慰自己的女朋友,反之換來一個麻煩無理取鬧,無嘢找嘢來罵的女朋友!唉!!我覺得你男朋友好慘囉!

再講一句,唔好怪我咁直接!因我巳是兩子之母!
你有時間真的貼高枕頭諗吓你係佢唔媽...........
唉!希望你諗得通啦!
私人傳訊

wingmama123


複式洋房

積分: 251


34#
發表於 04-6-22 10:13 |只看該作者

Re: 我honey的媽咪要我地係一個月內都唔可以見面,大家評評理吧!!!

你話你係一個好痴的女朋友，我記得你話你男朋友失業，你地先有可能日日見咁多，如果你男友找到工作，你地無得見咁多，你係唔係情願你男友唔好返工，日日陪住你呀。

你好似講到我地完全唔理解你的感受，我地真係好唔明白你，因為我地無人好似你咁細路女，係人地個媽生死關頭，重要個男友下下呵住你，我都驚你男友有朝一日頂你唔順。係的候長大啦，亦係時候為他人著想，唔好下下以自己為中心，如果唔係身邊的人會好辛苦。
私人傳訊

小manman


翡翠宮

積分: 85569


35#
發表於 04-6-22 11:31 |只看該作者

Re: 我honey的媽咪要我地係一個月內都唔可以見面,大家評評理吧!!!

自從我發表呢個topic咁耐,我好多謝咁多人的回應,係呢度有d媽咪用好溫和的方法開解我,亦有d媽咪用責罵的口吻鬧我,無論你地用乜野方法都好,你地確實開解同鬧醒左我好多~
thx all~
但依架已經唔係呢個問題,我承認一開始我發脾氣係做錯左,我確實唔體諒佢,但你地有無從我角度諗下如果我唔鍾意佢,我何需咁嬲呢???我無得見佢成個月,難度你地叫我唔掛住佢???依架的問題係理性同感性的分別,理性上我係明白,但我都有感性的一面,我都可以覺得難受吧!!!
依架我係被迫,亦係好被動的一方,我係被佢地強行隔離架,我唔知佢地要隔離到我幾時,我honey話要問過醫生,上次個醫生話水痘潛伏期為一個月,但我上醫管局網頁睇過水痘正確的潛伏期為21日,我都有同我honey講,佢話下次再見到醫生會再問下佢,佢話如果醫生依然話一個月,都要聽醫生講,我好嬲囉,我話如果個醫生再話係一個月,唔該你比佢個名我,我打電話問下個醫生憑乜野咁講~
你地唔係我當然唔明白我的感受,你地日日見住個老公當然說得口響吧!!!如果你地無得見老公成個月,我相信你地都會一樣覺得難受、寂寞,唔開心一定有吧!!!
我問你地一個問題吧!!!如果我係街遇到我honey,你地話我應該怎樣???我係唔係應該避開佢,當唔識佢,唔同佢打招呼,更應該對佢避之則吉,你地話係唔係好奇怪,一個同我咁親蜜的人,我係街遇到佢唔單止擦身而過都唔得,仲要有咁遠避咁遠,係咪好可笑???佢地話我帶菌呀嘛!!!
有媽咪話佢揾到野做都係唔可以日日見面,但放左工食餐飯都可以吧???有d媽咪話當佢出左trip,如果你地老公要出trip一個月,你地都會覺得寂寞吧???如果好似拍戲個d戀人咁被迫分開,當佢地見到面,都會情不自禁咁擁抱對方,但我同佢唔單止唔可以擁抱,就連面對面講野的機會都無呀!!!
如果你地係我,你地的感受又會如何呀???
私人傳訊

katrina959


大宅

積分: 4533


36#
發表於 04-6-22 15:20 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman,(你真係要同我睇晒佢,我打得好辛苦)
你唔好咁啦,唉~~
我知你鐘意你honey,但依賴多d囉!
記得"非典型"嘛?我姑奶咁多個月都無得番屋企,一路都無得見佢老公(留意:佢係剛剛結婚,蜜月都好似未去旅行)!係!我同佢係無感情,所以見唔見也擺!但如果佢有事,成家人有事,我隻佬會無得番工,我剛剛大肚....(你自己諗!)

我知一個月唔見會好辛苦,好似失戀咁,放左工又漫無目的咁番屋企,同阿男友拍左拖一段長既時間,連自己既朋友都疏離,就算有朋友,佢地都變得一點都唔重要,因為你真係好掛住你男友!

我大緊肚果時,我奶奶入左醫院,我隻佬要去睇佢,但我奶奶話醫院多菌,叫我唔好去,果晚佢番左屋企訓,第二日佢又響屋企無番黎,果晚8號風球(中間掛9號風球),我唔敢落街,間屋又吹到嘭嘭聲,哈!果晚我只有叫pizza,邊吃邊寫[道別信] (當然寫完就算啦,因為我大緊肚,自然多野諗!)

響呢段時間,買d食譜(點解唔上網搵,因為要有物證!)學下點煮飯,最好買埋孕媽媽,類似呢d育嬰書,到你見番你honey,同佢講,因為好掛住佢,又唔想佢擔心,所以用呢d時間"進修"!仲要眼帶點淚光!唔好覺得我無聊,拍拖係咁架!

咁多時間,同呢度d媽媽研究下個月點迎接你honey,呢度咁多個媽媽都係過來人,都拍過拖,你聽下人講,佢地唔會老點你!
與其要埋怨[隔離問題],醫學既野,佢識你,你唔識佢,當初sars,醫管局都叫d市民唔洗咁緊張啦!依家....仲搵緊[替死鬼]!

好喇,講到呢度,唔好徙晒我d心機,byebye喇,我要入宮做宮女喇,希望過兩日你會想得通啦!
私人傳訊

annielau


洋房

積分: 38


37#
發表於 04-6-22 16:18 |只看該作者

Re: 我honey的媽咪要我地係一個月內都唔可以見面,大家評評理吧!!!

Dear little man man and others,

It's clear that most of us overlook something important here. Our manman must be given
some reason to continue the relationship.

Please tell us whether you are married or not. Because you sound like the old lady is just his mother
not yours. (Mother in law is mother in the law.)
No one really have to love boyfriend's mother.
However, we all love husb's parents. If you show
you don't, problems will follow for sure.
At least, no matter what, you have to pretend
you do love them. This won't hurt.

YOU have to focus who is the one who wants
to stay with the mother. YOU can be the one
who asks your man to stay with HIS MOTHER
for the rest of his life IF YOU WANT TO. I am
not joking. YOU HAVE THE POWER TO DO THIS.
But it seems we ve spent so much talking this
over 'cause you are a good girl. Other mothers
seem to agree with me, right?

I wonder if your MAN a good boy who deserves
your efforts or not. Is he good to you with or
without his mother's presence? In the past,
do you share same vision in both of your work
and future? What are the Parents comments on
both of you? (Your parents over you two?)
What did your MAN do to you recently?
I heard similar excuse when I was young.
My boyfriend told me to seperate for a few month
to test ourselves.


Focus ! No regrets if he doesn't deserve your
waiting.

**** But, PLEASE SEPERATE THE REASON
if his mother is still sick, this can be his good
reason (excuse) to cool you down.
私人傳訊

stkyo


象牙宮

積分: 206249

牛年勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


38#
發表於 04-6-22 21:25 |只看該作者

Re: 我honey的媽咪要我地係一個月內都唔可以見面,大家評評理吧!!!

小manman,

我哋唔係唔明你既感受，只不過係想你忍受一下，再者，我都唔係日日見住我老公，識得我既媽咪都知我同老公分隔異地差不多一年，係因為經濟既問題，我老公被迫要去外地工作，而我要留係香港湊女女兼工作，我諗我比你寂寞好多倍，但係你有無諗過你今次係因為一個"非常"既問題，所以對方先有咁既要求，講真，見少一頭半個月真係對你咁重要，呢個世界唔通唔見佢就真係無法生存？

其實我知道你會覺得難受，因為佢哋認為你係帶菌者，只需要挨過呢段時間就會無事，希望你忍受一下，其實你亦可以當呢一個係一個小考驗，因為將來結咗婚，你要面對既考驗會更加多亦更加難。



小manman 寫道:
你地唔係我當然唔明白我的感受,你地日日見住個老公當然說得口響吧!!!如果你地無得見老公成個月,我相信你地都會一樣覺得難受、寂寞,唔開心一定有吧!!!
我問你地一個問題吧!!!如果我係街遇到我honey,你地話我應該怎樣???我係唔係應該避開佢,當唔識佢,唔同佢打招呼,更應該對佢避之則吉,你地話係唔係好奇怪,一個同我咁親蜜的人,我係街遇到佢唔單止擦身而過都唔得,仲要有咁遠避咁遠,係咪好可笑???佢地話我帶菌呀嘛!!!
有媽咪話佢揾到野做都係唔可以日日見面,但放左工食餐飯都可以吧???有d媽咪話當佢出左trip,如果你地老公要出trip一個月,你地都會覺得寂寞吧???如果好似拍戲個d戀人咁被迫分開,當佢地見到面,都會情不自禁咁擁抱對方,但我同佢唔單止唔可以擁抱,就連面對面講野的機會都無呀!!!
如果你地係我,你地的感受又會如何呀???
私人傳訊

小manman


翡翠宮

積分: 85569


39#
發表於 04-7-2 17:11 |只看該作者

Re: 我honey的媽咪要我地係一個月內都唔可以見面,大家評評理吧!!!

大家係咪以為我同honey已經和好如初呢???我都以為係,因為聽日7月3日已經過左佢地所講的水痘潛伏期21日,而佢媽咪係前兩日都終於做左手術~
點知我honey頭先打比我的時侯,聽到我有兩聲咳,佢就問我"乜你仲未好架,仲有咳既"我話"都好番喇,兩聲咳之嘛"佢就話"仲諗住呢一/兩日叫你去探我媽咪添,過埋下個星期先喇都係"我即刻話"你自己喉嚨痛就好地地,我有兩聲咳你都好似唔知驚乜咁,係,你阿媽條命咁京貴,你叫我都唔去探佢呀"
我對佢都已經無話可說喇,為左呢件事都都已經吵架左好多次,我之前係患左感冒,仲咳得好犀利,但我honey又係咁啱係前幾日喉嚨痛,咁我呢段期間都無見過佢呀,佢咪一樣有事,我話佢自己喉嚨痛又去探媽咪,佢話佢已經好番,我話我夠話自己已經好番喇,唉.............我都唔知點講,咁又係個個係人地個仔呀嘛,有病傳染左比佢都心甘命抵喇,我算係乜野姐~
你地講得啱,唔好講話未結婚喇,結左婚人地都係當你係外人架咋,就睇呢件事都睇到個分別係邊度喇!!!
唔好講佢媽咪,就連我honey都係咁,我同佢足足一個月無見,難度佢一d都唔掛住我,唔想快d見到我架咩???唔去探佢媽咪,咁佢都可以約我去街卦,如果佢識得氹下我,我個心都舒服d呀,如果佢同我講"如果你無咳,星期日同你去探我媽咪呀!!!"都好過佢依架一句"你唔好黎探我媽咪喇"
講真一句,依架真係見番我honey,我都唔知同佢講乜,同佢傾電話都ok,都無乜野,但我見到佢真係唔知點同佢相處,你叫我好似番以前咁,我真係做唔到,我根本依架就唔想比佢掂我,如果佢真係叫我去探媽咪,我真係唔知去定唔去好,但我起碼會覺得開心囉,,我d同事都話我應該去探佢媽咪,我話我唔去呀,見到佢媽咪都唔知講乜好,根本依架個問題唔係我唔想去,我成日都覺得佢地怕左我咁,成日唔係驚我呢樣就個樣,永遠都係我有問題,佢個仔夠有病喇,唔見佢叫佢個仔唔好去探佢,佢都無叫過我去探佢喇!!!我使乜好心做壞事呀!!!
我覺得依架我同我honey好有隔膜,要見面好似難過登天咁,人做女朋友,我做女朋友,做得我咁唔受歡迎,真係悲哀呀!!!
私人傳訊

月如


複式洋房

積分: 447


40#
發表於 04-7-2 23:23 |只看該作者

Re: 我honey的媽咪要我地係一個月內都唔可以見面,大家評評理吧!!!

始終都覺得妳好自我,妳男朋友咁樣講,都係唔想一陣妳俾人blame, 佢整病佢媽咪,佢媽咪真係唔會介意喎~ 但佢唔想妳俾人blame係妳整病佢媽咪o者,佢都係愛護妳,但妳太衝動喇,都企係佢立場諗過,一味埋怨佢.

"我都唔知點講,咁又係個個係人地個仔呀嘛,有病傳染左比佢都心甘命抵喇,我算係乜野姐~" ->呢句妳好晦氣, 講真,結左婚妳仲會了解到,做人新抱點好,始終都係半個外人,妳冇可能要求奶奶真係當自己係女一樣. 媽媽同女 vs 奶奶同新抱,點都唔可能係一樣.

"你自己喉嚨痛就好地地,我有兩聲咳你都好似唔知驚乜咁,係,你阿媽條命咁京貴,你叫我都唔去探佢呀"->呢句仲弊,一個好既女朋友應該大方d,體貼d,妳咁講俾佢個印象好小家子氣,如果我係佢,覺得未結婚已經咁對未來奶奶,我都要三思呀.... 冇男人想結婚後,阿媽老婆嘈不停....阿媽冇得換,女朋友就可以...


如果妳唔睇化d,我諗就算妳換左第二個男友,妳都會激氣. 男人大多都係阿媽第一,老婆第二. (如果老婆地位高過阿媽又唔係好事,幾十年養育之恩都唔及一個老婆...)
林月如
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy