Baby Kingdom - 親子王國 香港 討論區 › 首頁 › 心聲留言› 尋晚勁嬲!

心聲留言

收藏本版
發帖
返回列表
跳至頁

首頁
12

尾頁
   0
麟媽媽


王國長老

積分: 89578

好媽媽勳章 王國長老


21#
發表於 04-6-25 23:54 |只看該作者

Re: 尋晚勁嬲!

以前亞仔BB時去健康院打針，個度D姑娘比退燒藥我時都話有燒先好食，唔食放在雪柜看門口。
後來我問亞仔的兒科醫生，他告知有好幾支針BB大多有反應，等佢燒到出黎先比佢食藥，佢已好辛苦，所以叫我打完針返到屋企便食藥打底。我當然信個醫生，我個仔3歲前打過晒的針未試過打完佢會訓唔到、扭計、針口紅腫之類，跟專業意見，最主要BB唔使咁辛苦，唔係好D咩？
私人傳訊

faifai125


別墅

積分: 630


22#
發表於 04-6-26 21:01 |只看該作者

Re: 尋晚勁嬲!

Kristy-mummy 寫道:
千萬不要咁"顧汁",何況藥物可幫病人抑制住體溫,另病者無咁辛苦,減短病痛的時間,而藥物亦由執業醫生開出,自然有醫生的道理,如果懷疑,應即時詢問醫生,而不是自行控制藥物的份量,太危險了!!!

其實妳真的很幸福,有一對咁鍚妳囝囝的老爺&奶奶,肯成晚唔瞓幫手睇注bb,而妳老公雖然幫注妳老爺&奶奶(但我覺得佢幫得arm),但佢冇因為妳的"自把自為"而同妳爭吵;比著很多mummy,日頭要返工,如果bb生病晚上就無覺好瞓,成晚要做"看更",老公就大覺瞓,老爺奶奶就只有電話問下亞孫病好未;妳話妳係咪應多謝佢地的辛勞及照顧呢?唔好再鑽牛角尖la,多d包容及體諒,大家都會開心d啦.

Kristy-mummy,
我都好同意你講, 固執無用, 更可况我哋個個媽咪嘅經驗都好一致, 而且都係為BB好, 因為BB嘅健康都係媽咪嘅手, 一時嘅錯失後果不堪設想。發燒如處理不當有很多手尾, e.g. 燒壞腦, 抽搐........等等, 全部都對發展好大影响， 如果唔清楚可買吓d護理BB書睇好有幫助。
私人傳訊

850212


禁止訪問

積分: 6156


23#
發表於 04-6-27 12:02 |只看該作者

Re: 尋晚勁嬲!

提示: 作者被禁止或刪除 內容自動屏蔽
私人傳訊

cherrylemon


子爵府

積分: 11328


24#
發表於 04-6-27 15:48 |只看該作者

Re: 尋晚勁嬲!

850212, 話分兩頭,我都明白你比兩老"審問"時有幾咁煩,有時就算知佢地係好意,但老人家d態度會令人窒息.其實我話你唔arm冇惡意的,希望你度氣落左會明白到你家兩老都係好人而日後好好咁同佢地相處.共享天倫!

私人傳訊

Kristy-mummy


男爵府

積分: 8221

好媽媽勳章


25#
發表於 04-6-28 12:02 |只看該作者

Re: 尋晚勁嬲!

850212,
無錯,妳講得"arm",的而且確係有好多家長過份緊張,少少問題都帶小朋友去睇醫生,我都好讚成小朋友只有少少鼻水可觀察注,不用即時睇醫生,可給多些天然維他命(如蔬菜生果)給小朋友,因我們的身體可自行產生抗體,對抗病菌;但只局限小朋友流清澈的鼻水(即唔係黃黃綠綠)&無發燒.

而由始至終係妳話bb有燒,所以妳帶他去睇醫生,但好奇怪,妳帶佢睇得醫生又唔信醫生,醫生開的藥妳唔比佢食而比上次打針d藥佢食,咁妳覺得bb發燒有問題定無問題呢???如果妳認為bb可自行痊癒,跟本就無需要睇醫生及食藥;但妳帶得佢睇醫生,即妳都認同佢發燒係有問題,係咪?咁點解唔跟足醫生指示服藥呢???

當然,妳帶得bb睇某個醫生,一定係對佢有信心先睇,妳係消費者,亦係病者家屬,絕對有理由,有責任,有權利及有必要問消楚藥物的份量,藥性及用途,唔係所有醫生都無醫德的.

平心靜氣,兩老雖然係煩,但都是為小朋友著想,當睇在bb份上,體諒老人家的心意,小朋友多人錫始終"京貴"d,係味?
私人傳訊

月如


複式洋房

積分: 447


26#
發表於 04-6-28 13:04 |只看該作者

Re: 尋晚勁嬲!

850212:

可能妳覺得有d家長太緊張,見bb發燒就俾退燒水食,但係妳知道嗎,發高燒係有可能燒壞腦導致弱智,我老公同我,男家女家都有人係咁,唔係話機會好微架. 妳諗下,燒壞左就一世架啦,冇得好番. :-( 所以bb發燒我都唔會掉以輕心,醫生係professional, 我會遵照佢俾既instruction去餵藥.

如果妳好似我咁,見到有bb細過時本來非常可愛,後來因為燒壞腦,越大越...唔可以好似正常人咁返學讀書返工,做媽媽既幾辛苦都要照顧個女.... 係一輩子既包袱 :-( 妳會明白點解有d家長咁緊張.
林月如
私人傳訊

yukkie


男爵府

積分: 7827


27#
發表於 04-6-28 14:09 |只看該作者

Re: 尋晚勁嬲!

cherrylemon 寫道:
850212, 話分兩頭,我都明白你比兩老"審問"時有幾咁煩,有時就算知佢地係好意,但老人家d態度會令人窒息.其實我話你唔arm冇惡意的,希望你度氣落左會明白到你家兩老都係好人而日後好好咁同佢地相處.共享天倫!


850212
係呀﹐我想其實你明白你老爺奶奶的好意﹐但可能係佢地的行為及語氣令你唔係甘容易接受﹐老人家有時係會似老賣老﹐總之大家都係為左BB好 :-P
Nijnje
私人傳訊

麟媽媽


王國長老

積分: 89578

好媽媽勳章 王國長老


28#
發表於 04-6-28 18:09 |只看該作者

Re: 尋晚勁嬲!

食咩或者需唔需要食咩藥係要清楚小朋友每個個別病情而論，傷風咳我個人都覺得唔一定要食藥，我個仔傷風咳我都唔使佢食藥的，因小朋友本身可從中強化自己的immunity•但發燒就有D唔同了，點解會燒呢？可能是身體有地方發炎了，身體在對抗中，食退燒藥不能有助於病情而是要靠第二D藥物，退燒藥只是用來降低體溫的。因發燒可於短時間內提高體溫，咁就變得危險了，會有咩後果我諗大家都聽唔少，我亦不多講了。怕遇上無醫德的醫生，做媽媽的便要多做點功夫了，我仔由細到大食咩藥我都會上外國網頁看看藥的成份、藥性、功用、副作用之類，而藥樽上的招紙我都會"meet"出黎之後file起，咁當轉醫生時便有記錄得知佢食開咩藥、食開咩份量，等醫生作為reference。記得我仔約10個月大時有一兒科開有steroid成份的藥給我仔食，我無比佢食即時轉醫生，個醫生都說BB咁細，唔好食有steroid的藥呢！

* 大家如果想知點可check藥物可上 www.webmd.com
個度仲有好多醫學上的article，知多點可大家分享下嘛！
私人傳訊

Kristy-mummy


男爵府

積分: 8221

好媽媽勳章


29#
發表於 04-6-29 08:57 |只看該作者

Re: 尋晚勁嬲!

麟媽媽,

嘩,妳好細心呀,我每次帶亞囡睇醫生,只會多口問清楚醫生開的每一隻藥的成份、藥性、功用、副作用之類,因我相信醫生不會騙我;但就唔知連藥的成分都可自己在網上check到,多謝妳的分享!!!!

麟媽媽 寫道:
怕遇上無醫德的醫生，做媽媽的便要多做點功夫了，我仔由細到大食咩藥我都會上外國網頁看看藥的成份、藥性、功用、副作用之類，而藥樽上的招紙我都會"meet"出黎之後file起，咁當轉醫生時便有記錄得知佢食開咩藥、食開咩份量，等醫生作為reference。記得我仔約10個月大時有一兒科開有steroid成份的藥給我仔食，我無比佢食即時轉醫生，個醫生都說BB咁細，唔好食有steroid的藥呢！

* 大家如果想知點可check藥物可上 www.webmd.com
個度仲有好多醫學上的article，知多點可大家分享下嘛！
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy