| 星期一, 我 2個家姐帶埋小朋友去 disneyland 玩, 一行六人, 家姐話個日好熱, 都好多人, 唔開心既事就陸續黎: 1. 咁佢地排隊玩遊戲, 諗住3個大人排隊, 1個大人帶住 2個小朋友去d陰涼既地方等, 到差唔多啦, 諗住排番埋去啦, 咁帶小朋友個大人, 因為比較大隻 & 行動比較慢, 咁俾工作人員誤會佢插隊, 咁我家姐都立刻講, 一齊架, 點知 個工作人員好似撞聾咁, 仲係同個大人講, 請排隊, 咁我家姐未唯有再大聲咁講: 一齊架~~咁佢先行開 我覺得你地要解釋清楚之前你地行開左而不是只講 '一齊架' 就得; 插隊都可以 '一齊架' 掉轉頭, 如果前面有個操大6口音既人o甘早, 成條村d人可能群起炳佢打尖啦 2. 跟住佢地想睇唔知咩劇場, 咁因為多左條q, 唔知用黎做咩, 咁攪到好混亂 咁佢地結果入唔到去, 要等下一場, 咁其中一個大人就問工作人員: 請問下一場幾點開? 個工作人員答: 下一場係英文。咁個大人就開始火  : 咁下一場即係幾多點開吖?? 佢先答佢係幾多幾多點個工作人員答非所問一次, 就要o甘火? 講下一場係英文又唔係d咩9唔搭8的information, 洗唔洗o甘嬲? 3. 咁佢地差唔多時間, 再去排隊睇劇場, 咁 2個小朋友食緊雪糕, 都未入得既, 但有個工作人員走埋去同家姐講, 劇場裡面唔可以飲食架, 咁其中一個大d既小朋友剛食完無事, 另一個細d既小朋友以為食住雪糕唔入得, 就好心急想食完杯雪糕, 點知佢一急, 杯雪糕就跌左落地, 我家姐就當堂 , 因為當時都未夠鍾開場, 我家姐都知道裡面係唔可以食野, 只係諗住等既時間有足夠時間俾小朋友食雪糕, 佢依家咁走埋黎, 講一講, 一杯廿幾蚊既雪糕就跌左落地, 又攪到個小朋友唔開心 (details 我唔係記得好清楚, 因為我家姐講緊時都好嬲, 但都係因為個工作人員, 小朋友先會跌左杯雪糕囉)個細路趺左杯雪糕係佢自己唔小心, 關人地咩事, 唔通last minute先同你講? 成條隊唔係得你一個人, 而且人地賠返6杯比你wor!仲想點? 4. 咁我家姐谷左一輪氣, 就走去投訴, 咁個工作人員就俾左一張優惠卷, 話可以換到 6杯雪糕, 以作賠償 5. 我家姐去到換雪糕既地方, 就出示張卷換雪糕囉, 咁佢地就點d自己想食既雪糕 (咁應該係個價錢比跌左既貴)咁個工作人員話: 咁你地趺左d咩, 就只可以換d咩咋喎 (語氣唔多友善)。我家姐因為佢既態度, 立即又 (仲要係比之前更甚)。家姐話: 咁你既工作人員係俾張卷俾我時, 都無同我講有限制喎, 咁依家我唔係乞你杯雪糕喎, 係你地作為賠償, 俾番我地咋喎。個工作人員依舊: 無錯吖, 係賠番俾你地囉, 咁只可以俾番相同既野囉。個工作人員既回答, 無疑係火上加油!!!! 我家姐就話: 咁既然係咁, 咁係你地既工作人員有問題, 點解係佢俾張卷我時, 佢唔講清楚使用方法, 只係話可以去 "換雪糕", 我又點知道你地既規則係咁。而且你既回答既態度都好有問題, 你係應該解釋俾我知, 唔係好似一副我應該知道而扮唔知既態度囉。咁個工作人就唔出聲, 我家姐就抄低佢個名, 咁另外有個工作人員見到咁, 就想幫拖話: 你地唔可以抄低我地個名。我家姐就話: 咁依家係唔係你可以 handle 個 complaint? 你地工作人員掛名牌, 就係要方便我地知道你個名架啦, 點解我唔可以記低佢個名? 咁我係唔係要記埋你個名吖? 咁個工作人員就唔敢出聲。我家姐就雪糕都無換, 就再去投訴 (其實我聽到呢到都好想 )你地跌左1杯幾錢既,正常有common sense都知只可以換返同等價值既野啦, 而且人地賠返6杯比你wor, 1賠6, 仲想點? 根本就係無理取鬧, 係唔係熱得劑呀? 6. 咁我家姐去到還bb車度, 隔離有個office, 咁佢就走去搵人投訴, 咁家姐一路講, 個人一路就話: 係係係。我家姐把火又被佢燃高。家姐就話: 你其實係咩 post架, 你識唔識得處理投訴架...........(我家姐應該係講左一埋野) 咁個工作人員就話: 我係營運部既......。我家姐就話: 咁你即係唔係 handle 投訴既人啦, 咁請問你地有無人專責呢d事呢? 個工作人員話: 有既, 不過同事剛.......(即係無人可以即時處理佢既投訴囉) 咁我家姐就話: 咁唔該請你搵人打番電話俾我去跟住呢件事, 我黎呢個樂園, 係想小朋友開心, 而唔係攪到一肚氣囉.......... 答又死, 唔答又死, 講到尾都係無理, 仲要人點?? 7. 咁個工作人員都好有口齒, 星期二就有人打番電話俾我家姐, 咁我家姐一輪講解之後, 個工作人員話: 小姐, 今次令到你地一家咁唔愉快, 我地真係好抱歉, 為左表示我地既歉意, 下一次你地再黎樂園時, 那2位小朋友均可獲贈毛公仔一個及 10張書簽........ 其實目的都可能係o甘吧? 去到最後, 我家姐條氣叫做順番d, 不過其實如果換萫係我同我老公呢, 可能就咩都算呀算呀咁, 唔會好似我家姐咁堅持落去 你地有無試過係樂園受氣呢?? 分享下  |
就算引起罵戰, 我都要講, 先旨聲明, 我以前響果度做過, 不過走左好耐, 我唔覺得呢d係堅持! 其實天氣o甘熱, 人地打份工, 都好辛苦, 日晒雨淋, 我唔知當時果個人d語氣係點, 可能真係有d無禮, 不過我唔覺得佢地有咩大錯! 唔值得開個topic去宣揚 香港人永遠都係o甘, 不要討論起個主題公園有幾唔arm, 總之, 其實都係本地起既, 點解唔好好珍惜, 當年有份做的工作人員, 好多都好有heart, 好努力工作, 但d人只會批評, 真的好唔公平, 少少事就搞大! |
發表於 
返回列表
