＋

婆媳關係

收藏本版
發帖
返回列表
跳至頁

首頁
1234

尾頁
   0
碟碟


男爵府

積分: 5839


21#
發表於 08-8-8 11:18 |只看該作者
樓主, 唔好怪我直接,你c6擺明想食住你, 佢o係結婚前一晚已經咁對你, 好過份! 佢地自卑心重,成日驚你睇唔起佢地(窮), 所以千方百計要踩低你抬高自己,要你屈就.....不過依家你做左人媽媽, 唔可以再妥協, 你要好好保護兩個小b, 因為你愚孝既c6係盲架, 佢亦都唔會好好呵護你同兩個小b, 淨係明知bb有支氣管炎同埋你大住個肚佢仲係屋企食烟, 比著我, 我會一腳伸佢落街

好講番正題...我想問下你既經濟情況先, 如果丟低隻c6, 你同兩個小b既生活會唔會有問題?你既屋企可唔可support到你?我講既係有冇人可以幫到你手照顧bb?我唔係叫你同c6離婚, 而係佢地咁鐘意用呢樣野做手段, 你應該用番呢樣野黎教訓下佢....既然你已經趕左佢番佢阿媽到, 佢再打比你時你可以同佢講"你唔使再問我覺唔覺得自己錯, 我已經諗得好清楚,要諗清楚o個個係你唔係我, 如果你依然覺得個問題係我度既話, 咁你講一句就得架啦, 你以後都唔好番黎, 我會揾人換鎖, 你要離婚, 隨你鐘意, 老實講, 你咁對我同bb,我真係好心淡"睇下佢知唔知衰...如果佢肯認衰既,你就要同佢講清楚你想佢點(當然樓主你依家要諗清楚自己想佢點, 例如佢唔可以係屋食烟, 佢屋企人要見bb一係上你屋企, 一係去街(酒樓)見, 咁起碼佢地唔可以對住bb噴烟先....佢地咁鐘意玩手段,逼你遷就佢地, 如果你再讓步,咁對你同bb都好唔fair, 唔好再讓佢地, 的咁既c6, 如果佢唔肯改,留得住都盞自己谷氣, 留佢黎做咩? 大日要後悔既, 一定係佢唔係你....

[ 本文章最後由 碟碟 於 08-8-8 11:20 編輯 ]
私人傳訊

Anntang


大宅

積分: 1454


22#
發表於 08-8-8 11:35 |只看該作者
你老公都不過係借佢亞媽過橋, 乜嘢衰嘢都話亞媽話,
自己就扮乖仔, 扮無辜, 老婆唔就佢就有亞媽"餐"腰.
根本佢就係一個自私嘅人, 自己煙癮起, 就連BB嘅健康都
唔理. D心理學話頭:
佢跟本就係有"ETER PEN 候群症" 即係大個男人仲好似
小飛俠咁, 淨係識玩同諗自己, 唔想負責任(做丈夫同老豆
嘅責任), 唔想長大.
你嫁著佢即係幫你99湊仔, 係湊!唔係教! 因為根本唔到你教.
唉.............祝你好運!
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


23#
發表於 08-8-8 11:44 |只看該作者
原文章由 GTT 於 08-8-8 11:08 AM 發表
你叫佢d屋企人清醒d la,就算你老公再結婚咁又點啫,有咁嘅阿媽,個老婆咪一樣走,就算結一百次都冇用la.....


哈~我都係咁話!
以樓主99 d咁既人,就算佢個仔再結婚覺得對方唔好咪又叫佢離婚
離完又再結,結到佢地認為個老婆/新抱啱佢地心水為止
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


24#
發表於 08-8-8 11:50 |只看該作者
我諗你老公係愚孝仔之外, 仲好大男人.就算佢心裡面知佢屋企人唔係啱晒, 佢都會要求你表現到百分百順從, 咁佢先有面. 你外家已經有錢過佢, 佢經濟上食你唔住, 你又唔做妹仔咁聽話, 佢咪成日想搵嘢打擊你, 要你貼貼服服做佢奴隸, 聽晒佢話.
唔洗咁快決定離婚, 教育下你C6先, 結咗婚就有自己一頭家, 你唔係佢或佢屋企人嘅附屬品, 表明你只會對佢(唔係佢屋企人)好, 大家要互相珍惜對方. 你唔會特登為難或奉承佢屋企人, 亦請佢屋企人唔好干涉你地. 最後要重申你有信心自己湊大對仔女, 就算分開都唔會俾對仔女佢. 等佢唔好以為你為咗對仔女,就會向佢低頭.
另外, 純粹八卦, 想知你層樓係你個人名, 定係同C6聯名. 奉勸你盡量將佢所有錢同資產收歸自己名下, 唔係貪心, D錢係你仔女應得嘅.

私人傳訊

KiuShaBB


珍珠宮

積分: 31492


25#
發表於 08-8-8 12:07 |只看該作者
睇完你d野, 我真係好感慨. 好想喊 . 係咪d男人又要愚孝(對佢男家), 又要大男人(對老婆), 又要逼老婆(不論任何情況)都要就晒佢屋企人? 老婆冇父母咩? 老婆外家對佢好係應份?

我c6都係一模一樣, 未結婚已成日為笑面虎99同賤人大姑9的事閙交, 到而家bb喺度都要入廁所/廚房食煙...都唔明d男人...無得救, 所以我真係好有同感.

我都有試過叫c6返佢呀媽度, 以後唔好返來, 我會真係輕鬆好多, 唔駛睇佢面色, 唔駛就佢屋企人, 我自己湊2個bb會好辛苦, 但係bb會喺和平的環境下長大...

但係你諗清楚, 呢個係咪真係你所想? 單親bb都唔好過, 就算外家有錢都唔係一世養你(我外家無錢亦唔想麻煩佢地), 佢地亦俾人講閒話...唔好為左佢當時要面, 衝口而出的說話而鬥氣.

我自己覺得立場一定要堅持, 既然佢唔係真係想離婚, 又肯打電話俾你就更加要堅持, 佢屋企人無得成日就, 我而家都同佢男家反左面, 以後唔駛見面, 仲要唔準佢帶對孖女返去, 呢d無得傾. 希望有朝一日d男人清醒下啦.
私人傳訊

060905


男爵府

積分: 6052


26#
發表於 08-8-8 13:07 |只看該作者
樓主,

睇完你呢篇野, 又感慨又激氣, 我C6又係愚孝仔一名，不過無你老公愚孝，我都試過因為我當面頂撞我62, 搞到我老公返屋企同我提出離婚, 我心諗如果你因為你屋企人同我離婚，咪離羅，將來佢實後悔，我答應佢，佢可能諗住大我，點知俾我大番轉頭，結果過左兩日咪黎氹番我，不過我事後，同另外一位媽咪咁講為左６２９９離婚唔值得，所以我都答應我老公以後最多黑面唔會當面頂撞６２９９，漸漸我學識一樣野，係扮可憐扮委屈，等我ｃ６知道佢老豆ｄ衰野，例如佢老豆打電話黎鬧我，我會返到屋企扮晒唔開心，要佢氹我，跟住講佢老豆鬧我既事經過，等佢知道佢老豆唔係好似佢咁諗對我咁好，同埋我會有意無意講佢屋企ｄ衰野俾佢聽，ｄ語氣唔係話佢地，係好平淡好平淡，慢慢佢就會留意到佢屋企人既問題架啦！


結婚好，拍拖好，只要大家食到大家，唔係就會好易散架啦！（我意思大家要互食，單方面食晒一方，長遠都並非好事）

你要保重身體，唔好為左外人激氣，你兩個小朋友定撐你架！



[ 本文章最後由 060905 於 08-8-8 13:12 編輯 ]
私人傳訊

Littlemeimei


複式洋房

積分: 261


27#
發表於 08-8-8 13:42 |只看該作者
你C6全家人都無家教！你現只好裝聾扮啞，乜都唔好出聲，最好連你C6都唔啋，不去99家，直至小B出世！如果你老公以此做籍口做一些傷害你的事，此人又怎可跟你長相廝守，要嚟都無用！
私人傳訊

catherineleungg


男爵府

積分: 5884


28#
發表於 08-8-8 15:10 |只看該作者
多謝各位的分析和意見.

我自從結咗婚後, 我覺得C6係因為佢老豆老母恨抱孫, 所以成日想我生仔. 目的全部都係為咗佢屋企人, 而唔係我哋個小家庭, 個C6鬧離婚嗰日話如果我同佢屋企人相處唔到, 佢出去求其搵個女人結婚或包2奶都得啦, 駛鬼娶我, 我當時真係忍唔住兩行眼淚係咁流............. 因為我明白佢娶我目的係要我全心全意服待佢屋企人, 呢個亦係佢用離婚逼我去妥協嘅原因. 總之個C6嘅生活一定要有佢屋企人, 唔可以剩係得我哋自己一個小家庭.(呢點係我極反對..............)

佢屋企人唔出街食飯, 成日要自己煮飯, 因為慳$, 即使出街食都係大排檔食, 因為有得食煙, 所以一去賤嘢到一定要喺佢屋企.

所有嘢都係C6屋企人教佢, 我而家都係用緊bleung嘅方法去對付佢哋, 我扮可憐同委屈係完全無用, 因為我喺買樓嗰時用過呢個方法, 佢完全只會聽佢屋企人講, 只會覺得我搞事而己.

至於經濟方面, 層樓係用我爸爸個名, 因為我父母覺得C6屋企人立壞心腸, 怕佢屋企人教唆佢離婚而掠我一筆, 搞到我咩都無(而家離婚富有的一方要分一半身家俾窮嘅一方), 所以我都同意咁做. 我不嬲都有返工, 直至今年4月我辭咗職先無返工, 我而家又有BB, 所以好難搵嘢做, 我自己做嘢份人工足夠我供樓和養兩個BB, 根本唔駛靠C6.

我之前一直唔想離婚係因為我唔想阿B無爸爸, 我怕佢喺單親家庭長大會有影響. (我同我父母講咗, 佢哋都覺得"寧教人打仔，莫教人分妻", 但佢哋見到我俾人蝦到咁, 都忍唔住同我講叫我唔駛擔心, 我哋成家人都會支持你, 如果我真係選擇離婚, 我阿媽無做嘢可以幫我湊B, 咁我就可以返工, 阿B悶時可以有表弟同佢玩, 不過我阿媽都講咗句"你要母兼父職, 你要有心理準備你自己會好幸苦", 我又諗如果兩個阿B成日喺而家呢個唔開心嘅環境(我哋成日鬧咬)長大, 佢哋又會幸福咩?)

另一個原因就係如果真係離婚, 佢同我爭撫養權, 我而家因為大肚無做嘢, 我嘅勝算有幾高呢(我個朋友幫我問咗佢個律師朋友, 佢話撫養權方面，有工作唔係最重要既因素; 法庭會睇埋係邊個負責照顧BB; 本身既教育程度跟工作性質亦係考慮既因素), 所以我唔駛擔心撫養權問題.

而家我睇下個C6有咩行動先決定點做, 因為今個星期日要去賤嘢屋企食飯(我極唔想, 但無辦法), 所以到時睇下佢哋有咩小動作...........
私人傳訊

060905


男爵府

積分: 6052


29#
發表於 08-8-8 15:16 |只看該作者
完全明白，我相信你已努力過，係呀我同事話其實小朋友多數都係俾媽咪架，尤其係個小朋友好細，除非個媽咪唔要撫養權，有殺嬰或自殺傾向先唔判俾媽咪，你做咩決定我地都支持你，你要好好休息，為左你兩個小朋友著想，加油呀！
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


30#
發表於 08-8-8 15:32 |只看該作者
anyway,你而家大緊肚,顧住自己身子同個bb
有唔開心想呻就上黎呢度啦~我地好多人都支持你!
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


31#
發表於 08-8-8 15:47 |只看該作者
樓主,
既然你有能力湊大對仔女, 我地都冇咁擔心. 有進展你上黎話我地聽, 大家都支持你架.
私人傳訊

silviachoi


男爵府

積分: 6972

畀面勳章 環保接龍勳章 BK Milk勳章


32#
發表於 08-8-8 16:29 |只看該作者
我都唔明d男人點諗
我同你結婚姐 我唔係你附屬品
成日講到女人嫁入去嫁入去
係要講到人地低一等
慳d啦~~~~~~

基本上你淨係同你老公結婚
佢屋企人只係外人黎
對佢地客客氣氣咪算好囉
駛乜當佢地神咁拜
你估係妹仔買斷左咩~

所以樓主
唔可以妥協
為左BB 更唔可以妥協
加油!!
私人傳訊

catherineleungg


男爵府

積分: 5884


33#
發表於 08-8-8 16:36 |只看該作者
原文章由 silviachoi 於 08-8-8 16:29 發表
我都唔明d男人點諗
我同你結婚姐 我唔係你附屬品
成日講到女人嫁入去嫁入去
係要講到人地低一等
慳d啦~~~~~~

基本上你淨係同你老公結婚
佢屋企人只係外人黎
對佢地客客氣氣咪算好囉
駛乜當佢地神咁拜
你估係妹仔買 ...


我都唔明點解個C6唔可以自己一家人享受家庭樂, 而要同埋佢啲百佳屋企人呢?

我今個星期日都要去賤99到食飯, 我已經唔開心咗幾日啦, 佢班賤喱要我哋早啲入去, 我唔想, 但個C6聽佢班百佳講, 我好無奈, 我真係好嬲同唔開心. 唔知嗰日會唔會又因為C6屋企人又開波鬧離婚呢???
私人傳訊

碟碟


男爵府

積分: 5839


34#
發表於 08-8-8 17:03 |只看該作者
原文章由 catherineleungg 於 08-8-8 15:10 發表
多謝各位的分析和意見.

我自從結咗婚後, 我覺得C6係因為佢老豆老母恨抱孫, 所以成日想我生仔. 目的全部都係為咗佢屋企人, 而唔係我哋個小家庭, 個C6鬧離婚嗰日話如果我同佢屋企人相處唔到, 佢出去求其搵個女人結婚或包2奶都得啦, 駛鬼娶我, .................
咩佢娶你o個陣有講明如果你同佢屋企人相處唔到o既佢就可以同你離婚架咩? ...出去求其揾?佢揾到先算啦....到底係佢娶你定係佢幫佢屋企娶新抱呀?咁佢仲有講要包生仔, 生唔到要退貨呢? 的咁既C6, 跌左唔使恨,執到都喊三聲.... 樓主, 呢度好多人support你,唔使怕咩單親唔單親, 如果佢唔改, 你再同佢一齊辛苦之餘仲會教壞埋的細既.........
私人傳訊

BigBigB


複式洋房

積分: 275


35#
發表於 08-8-8 17:22 |只看該作者
"個C6鬧離婚嗰日話如果我同佢屋企人相處唔到, 佢出去求其搵個女人結婚或包2奶都得啦, 駛鬼娶我, 我當時真係忍唔住兩行眼淚係咁流"

好鄧你傷心...

唔係教你離婚，不過咁都講得出口既，真係唔要就擺...

做人要有自尊，唔好比男家班人睇死。比我唔洗等，即刻叫佢走，唔好以為我地女人無左佢呢 d 咁 cheap 既男人就唔掂... 我地支持你架...
================================ 未得本人同意，請勿轉載本人所發表的文章､回應及意見。
私人傳訊

KiuShaBB


珍珠宮

積分: 31492


36#
發表於 08-8-8 17:25 |只看該作者
今個星期日返去食飯要放鬆d呀, 唔好太在意佢地講咩, 小心身體同bb, 唔好諗住去打仗, 否則一定會開戰, 我地支持你呀! 記得話我地知食飯情況喎.
私人傳訊

silviachoi


男爵府

積分: 6972

畀面勳章 環保接龍勳章 BK Milk勳章


37#
發表於 08-8-8 17:31 |只看該作者

回覆 #33 catherineleungg 的文章

樓主我都登你唔開心
自己老公話你同唔到佢屋企人相處就唔駛搵你結
搵第2個or包2奶都得
呢d唔愛錫自己又唔愛錫自己仔既男人 :;pppp:

佢襯你有bb無做野 就想乘機
逼你為左bb妥協
做人老公唔係咁

所以你要嚴重同你c6講
每個人都有底線架 佢要你對佢屋企人好
佢屋企人首要都係對你好
呢d野係雙方 你無欠你c6無欠你c6屋企人
憑乜野要你單方面遷就佢地呢?

你唔想去佢屋企只係為左bb健康著想
佢做人阿爸應該要為個仔諗下
一個人健康底子唔好 影響好大架
佢都唔想自己個仔變藥煲啦

如果佢真係咁執迷不悟既
咪由佢番去同佢阿媽過人世
搵過一個古代打不還手駡不還口既女人做老婆/新抱啦
我地無福消受啦~ :;pppp:
私人傳訊

agnescheng


大宅

積分: 1451


38#
發表於 08-8-8 17:48 |只看該作者
唔好輸俾你99, 你99咁好戲!!!!. 你唔好同老公硬拼!!! 蝕底係自己
私人傳訊

saiwai


珍珠宮

積分: 33347

wyeth冷知識勳章 畀面勳章 環保接龍勳章 親子達人勳章 BK Milk勳章


39#
發表於 08-8-8 19:54 |只看該作者
知道妳的c6同佢屋企人d衰都覺得你好委屈,妳有乜唔開心就上同我地班姊妹講,我地一定支持妳好好養胎
私人傳訊

wmpl


大宅

積分: 3000


40#
發表於 08-8-8 19:57 |只看該作者
樓主,我都好明白你嘅感受,如果我係你都會嬲到想離婚就算,不過我就會咁諗,如果你係可以有為咗對仔女就可以輍出去不顧一切嘅勇氣,我諗你不如用哩份勇氣嚟暫時放低你可能過多嘅自尊同埋積壓已久嘅怨憤,好好地同平心靜氣咁同你老公真心誠意傾一次會比較好,世上有好多愚孝仔,冇人擔保到你下一個唔係,我絕對唔係睇低你揾唔到一個好好又唔愚孝嘅男人,只不過如果你咁都忍唔到,唔放低自己女 人嘅身份一陣去為你老公諗吓,同實行一啲你以前未試過嘅方法令你老公明白你真正嘅想法就放棄你辛苦得來嘅婚姻,你會唔會覺得咁樣表面上係精明但實則就好愚笨??

你99同你夫家等人如果真係好似你所形容嘅一樣咁賤,咁你老公都不能倖免地會沾染咗佢嘅好多嘅壞習慣同錯誤嘅思想做人,你要諗吓,你而家嘅性恪同生活習慣,好多都係不知不覺咁由你家人感染或教導而成,就算明知係唔好,但都唔係要改就改,亦唔係一開始就明白自己有咩唔好,好多嘢你都係身不由己,所謂人無完人,而你老公仲好不幸咁生於一個咁嘅家庭環境,有好多嘢佢都唔想,亦都好可能唔知自己本身嘅缺點嘅嚴重性,其實好多人都係咁,所謂你睇人哋嘅缺點喺眼中就好似一棵樹咁粗,但自己嘅缺點就好似一支牙簽咁幼,哩個係現實,世上絕大部份嘅人都會不知不覺咁有偏見同主觀,因為人不為己,天訝地滅哩個觀念係深深埋喺每個人嘅天性入面,而做人亦都需要保護自己才能生存,當感到被攻擊時[就算唔係事實]都會盡力咁反抗,而你都會因不被重視同反對別人而反抗,所以你老公又係咪衰到要同佢離婚呢??我諗又唔係,如果佢真係咁衰嘅話,我諗你當初都唔會嫁俾佢,而我睇晒你嘅post,都只係覺得你老公確實係愚孝,但唔係冇得救!!

我最近睇緊一本書,其實哩本書都出咗好耐,亦都好出名,不過我以前一直都冇興趣睇,因為以為都係一啲癈話連篇又懶係教人男女相處道嘅無聊書,但係最近我睇過之後,就後悔睇得太遲,因為哩本書真係好有用,雖然只係一本教男女相處之道嘅書,同埋好多嘢雖然我都已經知係點解亦知道正確應該係點做,但係有啲嘢係唔明就唔明,而哩本書嘅內容包含咗好多男女之間因不瞭解而引起誤會同怨憤嘅正確解釋,亦都有好多好實用嘅指引教導男女之間如何消除因彼此天性不同嘅無謂爭拗及憎恨,而我而家睇到令你最唔開心嘅事同令你想離婚嘅原因,就係你老公唔明白又唔支持你而已,其實你老公好可能係有咁嘅感覺先至會講離婚!

我唔知樓主你點諗?但就算我未睇過哩本書,都已經認為如果真係鍾意一個人嘅話,無論係咩關係都好,就唔好為咗一啲無謂嘅誤會同多餘嘅自尊而輕易放棄,而多餘嘅自尊係,明知自己都可能有唔啱,但為咗道氣就不顧結果死撐爛撐,到最後最唔開心嗰個都係自己,如果仲係為咗一啲賤人嘅惡意搧動而放棄投降嘅話,我就覺得更加唔值得!
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy