Baby Kingdom - 親子王國 香港 討論區 › 首頁 › 夫婦情感› 都想講下婆媳問題...

夫婦情感

收藏本版
發帖
返回列表
跳至頁

首頁
12345...6

尾頁
   0
袁太


大宅

積分: 1397


21#
發表於 04-7-15 16:47 |只看該作者

Re: 都想講下婆媳問題...

ringmike,吾好o甘講啦，我面紅架！我都係想你試下從另一個角度去想，有時吾係o甘壞架。可能你老公d性格係遺傳自你奶奶，o羊都吾講，哈！

最緊要吾好自己吾開心，你吾開心佢又吾care既，一世都要見到佢，求其融洽咪算law。
私人傳訊

忌廉妹


大宅

積分: 2957


22#
發表於 04-7-15 17:08 |只看該作者

Re: 都想講下婆媳問題...

我奶奶就咩都唔理~完全唔會管我任何野
我有我既生活,佢有佢既忙碌~
不過佢真係好鬼死錫我~對我好好好好好~
有時係我要叫佢出黎食下飯佢都出去wet唔so我~
唉..咩我咁唔正常既?定係我犯賤呢?
:mrgreen:

私人傳訊

ringmike


大宅

積分: 2342


23#
發表於 04-7-15 17:50 |只看該作者

Re: 都想講下婆媳問題...

忌廉妹,
咁你就真係好彩,有個咁識做嘅奶奶,你真係幸福.
我奶奶連我生日都唔知幾時,亦從來冇問過,佢地個個生日就會叫我地出黎請食飯,我兩個姑奶成四十歲人仲未結婚,成日叫我地番屋企食飯,如果冇時間番,就話我老公唔理屋企,唔理父母.我老公每月有十多日要出trip,我見佢都要make appointment,成日以為佢好得閒,都唔知佢辛苦,唉!
私人傳訊

忌廉妹


大宅

積分: 2957


24#
發表於 04-7-15 17:57 |只看該作者

Re: 都想講下婆媳問題...

ringmike,

唔好咁啦~又點同呢,我奶奶都係同你個姑奶差唔多大之ma~佢先岩岩43歲~佢就真係好開通既~思想都唔似咁大~
下?佢地個個生日要你地出黎請食飯?唔係呀ma??你老公屋
企係唔係只得佢一個男丁呀?不過40幾歲都仲未結婚既女人
好多都好有問題架~不過你奶奶都幾過份下,有咩理由唔知個新抱幾時生日架?你同你老公結左婚幾耐呀?有無小朋友呀?
你同你奶奶既感情一向都係唔係咁好架???真係"鄧"你同你先生不值呀~ :-|


私人傳訊

CutieSo


侯爵府

積分: 20068

牛年勳章


25#
發表於 04-7-15 19:38 |只看該作者

Re: 都想講下婆媳問題...

我就同我奶奶老爺一齊住
雖然話佢地都係想個孫好 ,鍚個孫ju ,但佢地既所作所為其實係害緊個孫 , 佢地好勁架 ,就算小小事 ,都可以連佢地既鄉下 既睇相佬都知架~~~最憎係佢地比咩bb食 ,佢地自己係到講 ,唔駛問我, 唔駛同我講, 就比架la!!
我都好想同佢地好
好似bb十幾日人仔大 ,因為糊仔問題攪到好唔開心 ,到bb食糊仔 ,又到食粥仔 ,到粥仔, 又話要食2餐粥仔, 到食2餐 ,又話食飯 ,戒奶呢d~~~
仁德厚澤載福慧輝炫矢志盛風華
私人傳訊

yukkie


男爵府

積分: 7827


26#
發表於 04-7-15 20:28 |只看該作者

Re: 都想講下婆媳問題...

CutieSo﹐

我同你一樣﹐同老爺奶奶住又係因為BB食野問題同老爺嘈﹐但我老爺奶奶都幾驚我架﹐可能因為我好惡﹐而且我老公好幫我呀 我幾希望我老爺奶奶搬﹐我同老公講﹐如果佢重甘多野講﹐下次唔好怪我唔比面呀
Nijnje
私人傳訊

ringmike


大宅

積分: 2342


27#
發表於 04-7-16 11:50 |只看該作者

Re: 都想講下婆媳問題...

忌廉妹,

真係好令人羡慕呀!奶奶竟然咁後生,你仲可以同佢傾下扮靚同八掛嘢都得.
係架,通常都係我地請,由於我老公冇俾家用,只會係年尾俾一筆,都唔少架.平時出街飲茶又係我地,所以聽到佢地電話都幾驚架,又要駛錢.
佢有兩個阿哥係澳洲,所以咪成日煩住我地囉!
我地結咗四年半,小產過兩次,仲未有小朋友呀!同奶奶冇乜話題架,不過大家都會客客氣氣囉!
私人傳訊

carol_kk


男爵府

積分: 7386


28#
發表於 04-7-16 15:56 |只看該作者

Re: 都想講下婆媳問題...

ringmike,

袁太講得岩架, 各處鄉村各處例, 我覺得你唔應該嬲你奶奶囉~~~~我屋企既習慣係女性唔可以去拜山架! 所以我由細到大都未去過既…..我都覺得呢個咩習俗黎架?!!! 但無奈我都要接受…..

唔好話奶奶唔知你幾時生日, 有時可能連自己父母都未必知…..我媽咪淨係知我地舊曆生日, 不過佢每年都唔記得架!!! 唯有每年自己提阿媽, 咁阿媽就會好醒咁食晚飯時加料架啦~~~~我都無怪佢唔記得我生日, 因為佢養到我地咁大, 應該係我地記住佢地既生日至岩…..

各位 :

其實你地話奶奶點唔好, 好鬼煩…等等…..但設身處地站係奶奶既位置睇, 佢地都會擔心同個新抱相處得唔好, 有邊個阿媽想個仔做磨心先得架! 我覺得如果你地係錫老公, 都應該要好好同奶奶相處, 如果無你奶奶, 又點會有你老公呢? 況且手掌係肉, 手背又係肉, 如果我地身為老婆都唔體諒老公既話, 佢會好辛苦架! 雖然話男人同女人唔同, 但話哂奶奶都係佢阿媽, 如果你對奶奶唔好, 又成日係老公面前講既話, 咁你老公唔多唔少都會覺得你唔鍾意佢阿媽, 可能會影響大家既關係, 咁咪仲衰?

我老爺奶奶都曾經擔心過我對佢個仔唔好, 我從姑奶口中得知呢件事, 所以我一有機會就會同佢兩老傾偈, 等佢地知道我倆生活得好好, 相處得好開心…..結婚初時我奶奶會打電話問我老公, 我有無煮飯架! 又會問我煮咩”送”, 連點煮法都問埋, 我初時都覺得駛唔駛咁呀? 但諗深一層, 因為佢知我唔係好識煮飯, 所以驚個仔無啖好食者!!!! 咁我返親去食飯, 咪企係廚房度睇佢煮飯囉~~~食飯時又問下佢呢樣點整, 果樣點整, 佢就一一解答…..我覺得要從生活上慢慢建立感情囉~~~~
私人傳訊

manmanb


大宅

積分: 1322


29#
發表於 04-7-19 10:37 |只看該作者

Re: 都想講下婆媳問題...

我覺得婆媳關係越淡越好, 因實在好難將兩個唔通星球既人夾硬拉埋一齊.
以前我同奶奶關係都好好, 但佢越知我對佢好既時候佢就越過界, 乜都要理乜都要加佢自己意見又呢樣果樣唔鐘意.
反而慢慢疏遠佢之後, 佢會識得避忌, 唔會食左山草藥甘.
不過久唔久見時都會發作, 但起碼少見d聽少d.

好似我奶奶唔知係未生活無聊當左個仔係男朋友,對新抱好多意見同要求,成日想介入後生的生活, 最尾係好心但令到細既唔開心.

希望佢明白我係嫁比佢個仔, 我係要尊重你但唔代表成日要見你或者聽你講埋D令我唔開心既事
私人傳訊

timtim-mame


複式洋房

積分: 201


30#
發表於 04-7-19 10:55 |只看該作者

Re: 都想講下婆媳問題...


冇錯真係人夾人緣, 唔好講話係老公既呀媽, 就算係同事朋友, 都有唔夾架, 真係唔夾咪唔好見咁多, 但係呢個始終係"奶奶"又係一個老人家, 都要尊重下佢既(我指如果佢係直得尊重既話), 老實講, 我自己有奶奶, 我呀媽又係人奶奶, 我自己又有個仔, 我會記著"簷前滴水"呢個道理

好彩我奶奶份人都好和藹可親, 重幫我手湊大呀仔, 除左我地要佢幫手佢永遠都唔無端端走上黎睇孫, 近年我老爺過身, 我專登搬近的我奶奶, 等大家有個召應, 我成日都覺得自己好幸福有個咁好既奶奶

我弟婦同我媽咪相處都唔錯, 當然個女始終係人地, 點都唔同自己女, 但我媽咪都深明做個好奶奶之道, 凡事都積極不干預, 而我弟婦又同我地都好傾得埋, 見佢有時都好識做(我指對我呀媽), 每個星期都會帶埋個bb同我媽飲早茶
私人傳訊

timtim-mame


複式洋房

積分: 201


31#
發表於 04-7-19 11:01 |只看該作者

Re: 都想講下婆媳問題...

carol_kk

我好認同你講, 講得好, 人與人相處係要時間, 同自己媽相處都要就就佢先過得日晨啦!


由 carol_kk 於 2004-07-16 15:56:28

其實你地話奶奶點唔好, 好鬼煩…等等…..但設身處地站係奶奶既位置睇, 佢地都會擔心同個新抱相處得唔好, 有邊個阿媽想個仔做磨心先得架! 我覺得如果你地係錫老公, 都應該要好好同奶奶相處, 如果無你奶奶, 又點會有你老公呢? 況且手掌係肉, 手背又係肉, 如果我地身為老婆都唔體諒老公既話, 佢會好辛苦架! 雖然話男人同女人唔同, 但話哂奶奶都係佢阿媽, 如果你對奶奶唔好, 又成日係老公面前講既話, 咁你老公唔多唔少都會覺得你唔鍾意佢阿媽, 可能會影響大家既關係, 咁咪仲衰?我老爺奶奶都曾經擔心過我對佢個仔唔好, 我從姑奶口中得知呢件事, 所以我一有機會就會同佢兩老傾偈, 等佢地知道我倆生活得好好, 相處得好開心…..結婚初時我奶奶會打電話問我老公, 我有無煮飯架! 又會問我煮咩”送”, 連點煮法都問埋, 我初時都覺得駛唔駛咁呀? 但諗深一層, 因為佢知我唔係好識煮飯, 所以驚個仔無啖好食者!!!! 咁我返親去食飯, 咪企係廚房度睇佢煮飯囉~~~食飯時又問下佢呢樣點整, 果樣點整, 佢就一一解答…..我覺得要從生活上慢慢建立感情囉~~~~
私人傳訊

袁太


大宅

積分: 1397


32#
發表於 04-7-19 15:01 |只看該作者

Re: 都想講下婆媳問題...

carol_kk,

哈，我覺得我奶奶同你奶奶有d似而我地handle既方法都有d似添。我奶奶又係好擔心佢個仔（我老公）無啖好食，我都明白佢緊張個仔，咁好正常，我都緊張自己個女啦。整整下佢發覺打電話來時我老公會話我煮緊飯呀，或者食緊飯呀，佢知道個仔有住家飯食就少煩左我，雖然都有，但係明顯少左。我覺得用d心思同用事實證明等佢對我有信心，關係自然好d。雖然有好多嘢我地睇法吾同但係佢都少左逼我跟佢想法。有時佢有好既地方就當人面前讚下佢，雖然佢係煩d但係總有好處既，就好似你用每事問既方法一樣，等佢覺得我尊重佢。我好贊成你從姑奶處知道你老爺奶奶既問題後既處理方法，好積極呀，吾係個個做到架！

奶奶係嫁老公既配套，無得選擇，佢都係好無奈架，新抱佢亦無得選擇，唯有努力建立關係，等日子好過d，咁佢係長輩，我就行多一步，都無咩蝕底。

有bonus添呀，我老公都知佢亞媽煩我，知我辛苦，雖然佢有時都做吾到d咩，但係佢知道都已經係好大support啦，咁都值得啦。

timtim-mame,

我都好同意你講法，自己都有仔女，所謂身教重於言教。而且真架，有時自己亞媽自己都頂吾住，要就下佢啦。
私人傳訊

該用戶已被刪除

33#
發表於 04-7-21 12:51 |只看該作者

Re: 都想講下婆媳問題...

提示: 作者被禁止或刪除 內容自動屏蔽
私人傳訊

袁太


大宅

積分: 1397


34#
發表於 04-7-21 16:55 |只看該作者

Re: 都想講下婆媳問題...

J&T&family，

我有2個朋友有類似情況。

Friend 1，奶奶同工人鬧交鬧到吾只一次要做做下嘢請假返屋企。佢地兩個分別都好好，但係佢奶奶同你奶奶一樣成日投訴工人呢樣吾arm個樣吾arm。我見佢屋企乾淨企理，佢個仔又同工人感情好好，工人吾似有問題。後來 found out 問題係佢奶奶驚佢地請左工人吾再需要自己，所以成日想工人走，但係我朋友又吾放心得奶奶一個係屋企湊仔，所以要成日tum住奶奶。

Friend 2，亞媽年紀大，常投訴做家務辛苦，個女請一個鐘點工人幫佢做家務。點知亞媽每次係工人來之前做晒所有嘢，然後同個女投訴個工人吾做嘢。問題又係亞媽怕個女覺得佢無用。

我大膽估計你奶奶都似係Friend 1 奶奶心態。如果係的話你可以話佢知工人係請返來幫佢吾係replace佢，又比d責任佢、時時讚下佢同令佢知道你地好需要佢，無左佢吾得，每一個人都想有人“需要”自己架啦。我希望你現在既情況仲未係太差，可以補救得到，吾好影響感情就好。
私人傳訊

yukkie


男爵府

積分: 7827


35#
發表於 04-7-21 18:47 |只看該作者

Re: 都想講下婆媳問題...

袁太﹐

你好利害呀 你做人真係好圓滑 :mrgreen: 我成三十幾歲人但我媽都話我成個大細路甘 我真係好佩服你
Nijnje
私人傳訊

袁太


大宅

積分: 1397


36#
發表於 04-7-22 15:21 |只看該作者

Re: 都想講下婆媳問題...

Yukkie，

你吾好o甘講啦，大家交流下嘛。我講個 2個 cases 係真事，我都從中學到嘢。其實我都係想新抱從吾同角度去睇每件事，吾好鑽牛角尖，同埋做後生既行多一步，吾好攪到關係好僵，始終一世人流流長，好來好去就好，而且我地要以身作則做小朋友榜樣嘛。你贊成嗎？
私人傳訊

該用戶已被刪除

37#
發表於 04-7-22 16:25 |只看該作者

Re: 都想講下婆媳問題...

提示: 作者被禁止或刪除 內容自動屏蔽
私人傳訊

袁太


大宅

積分: 1397


38#
發表於 04-7-22 17:12 |只看該作者

Re: 都想講下婆媳問題...

J&T&family，
其實你已經handle得好好，我好佩服你既忍耐力。我都見好多人對工人仲係抱住幾十年前用妹仔既心態，呼呼喝喝。佢究竟想吾想用工人？定係驚個工人吾聽佢話用鬧來肯定自己既地位？你有無試過工人放假奶奶要落手落腳做嘢呀？如果佢要做嘢就會知道有工人既好處。係咪佢吾中意屋企多左個人？請鐘點會吾會好d? 我覺得你必須find out你奶奶性情大變既原因至可以解決呢個問題。我提議你換個角度吾好淨睇佢鬧工人而係睇點解佢o甘吾開心
o甘勞氣呢？可吾可能同奶奶傾下問下佢點解近來好似好吾開心o甘呢？男人一般都吾理呢d嘢同埋會覺得為左個工人同亞媽嘈好吾值得。
私人傳訊

nausica


大宅

積分: 2339


39#
發表於 04-7-22 20:04 |只看該作者

Re: 都想講下婆媳問題...

其實大家逢過時過節先同奶奶見幾面有咩大不了呢?
我依家結婚未夠四個月同老爺奶奶一齊住到就黎發癲喇!
以前我係我屋企好似大小姐咁, 阿媽錫到火農,
就算做野搬出去自己租地方住都自由自在,
點知依家好似做左下人, 乜都要做, 人地仲覺得你做得少,
佢屋企又多人地方又大d人肥詩大隻食用多到嚇死人
d野做極都做唔晒. :evil:

私人傳訊

auntie1234


民房

積分: 118


40#
發表於 04-7-22 22:46 |只看該作者

Re: 都想講下婆媳問題...

nausica:
have you think of living outside with your husband?
私人傳訊


首頁
12345...6

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見