婆媳關係 今日: 0 | 主題: 27783

積分: 195

24^#

發表於 16-2-3 15:38 |只看該作者

回覆：對母親心存芥蒂

其實我都覺得我媽咪好怪，我唔响到佢就會唔捨得我

細個時試過某年暑假我跟咗我嫲嫲住一段好短日子，一黎我嫲嫲好錫我，二黎算係幫輕吓媽咪啦(不過如果嫲嫲唔指定揀我，我媽都應該係會推我比嫲嫲，唔會捨得哥哥同阿妹離開自己)，果時我去咗嫲嫲到，我媽咪日日打黎比我喊(掛住我)。但當我返返佢身邊時，佢又係咁對我。

好似之前講到小六去宿營時，我打電話返屋企報平安，媽咪又係好溫柔咁對我，返到黎又變返好冷漠。

中學試過有一朝返學前同佢鬧交，果日放學我有d野做晏咗少少走(唔係専登遲走咖，我係乖學生)，返到黎竟然見佢企响露台個窗喊住咁望出街，見到我返黎話以為你以後都唔返黎。。。原來望去街等我返黎。。。但又係對我冇好到，一樣係咁。

到我搬走佢覺得我真係離開佢喇，先反而對我好，真係好唔明佢。其實如果我冇搬走冇結婚一路響屋企，佢可能對我嘅態度都唔會有轉變。

私人傳訊

Bobo113

子爵府

積分: 11316

25^#

發表於 16-2-3 15:57 |只看該作者

回覆：對母親心存芥蒂

我唔會腍返過去左既嘢，唔釋懷即系同自己過容去

私人傳訊

ky_kiske

積分: 1628

26^#

發表於 16-2-3 16:25 |只看該作者

本帖最後由 ky_kiske 於 16-2-3 16:36 編輯

回覆 Sandy太的帖子

我有一個細我兩歲既弟弟, 其實我細個時, 我都覺得我媽都對我好嚴, 你所發生既事, 有D都有發生在我身上, 但我弟弟就多數都沒有,
所以我一直覺得媽媽"重男輕女",
現在人大了, 嫁出去了, 有時候同媽媽講返, 佢都話知自己對我特別嚴,
而且係故意的, 因為我做大, 是姐姐, 所以要做好榜樣比弟弟睇,
這樣弟弟才不會學壞, 會知驚, 加上我係女仔, 所以更驚我會壞!
的確我弟弟睇住我細個比媽媽打到皮開肉爛,
佢都唔敢唔聽媽媽話...

我唔敢講你媽媽是不是跟我媽一樣想法,
但其實這世上沒有不疼自己子女的母親,
有機會你也可以了解一下你媽媽的想法, 可能會有你想像不到的觀點的~
補充一句我媽的說話: 緊張你先會打得你咁勁, 唔緊張你既, 真係話知你死

私人傳訊

小RENE

別墅

積分: 861

27^#

發表於 16-2-3 16:27 |只看該作者

回覆：對母親心存芥蒂

我屋企都對我唔太好既，同樓主一樣有個唔好童年。
明明屋企係最溫暖既地方，但係我細個會好驚，驚訓訓下俾人捉起身打（因為試過）。
所以當d人話要孝順父母，我就自問做唔到，有好多事發生了，唔係一句話忘記過去就算數，不至於要報復，但係就會諗左自己先，屋企人都係擺埋一邊啦。
不過，每個人都唔同，睇你願唔願付出既姐。

私人傳訊

Gi-leung

伯爵府

積分: 18695

28^#

發表於 16-2-3 16:36 |只看該作者

回覆：對母親心存芥蒂

追晒成個post
睇到我眼濕濕

私人傳訊

emi_bb

洋房

積分: 93

29^#

發表於 16-2-3 16:48 |只看該作者

回覆：對母親心存芥蒂

睇到我眼濕濕，原來好多jm都有相同經歷，我都係，到今時今日我做左媽媽，都放唔低，有時言語上嘅傷害，可以更加暴力，傷痕更深。
我都相信無媽媽唔愛自己嘅仔女，但唔代表你可以用呢啲手段去摧殘我地。

到呢一刻佢都覺得自己無問題，咁我唯有敬而遠之，家用唔會少佢，但我已經對佢無期望。

私人傳訊

積分: 195

30^#

發表於 16-2-3 17:02 |只看該作者

引用：睇到我眼濕濕，原來好多jm都有相同經歷，我

原帖由 emi_bb 於 16-02-03 發表
睇到我眼濕濕，原來好多jm都有相同經歷，我都係，到今時今日我做左媽媽，都放唔低，有時言語上嘅傷害，可以 ...

\"有時言語上嘅傷害，可以更加暴力，傷痕更深。\"

jm你呢句講得好啱，我媽除咗耐唔耐會出手摑巴我之外其實唔多打我。就算係打完傷痕可以好快復原，但言語或行動表現上對內心所作出嘅傷害、所留低嘅傷疤係永遠無辦法磨滅。。。

私人傳訊

積分: 195

31^#

發表於 16-2-3 17:11 |只看該作者

引用：我屋企都對我唔太好既，同樓主一樣有個唔好

原帖由 小RENE 於 16-02-03 發表
我屋企都對我唔太好既，同樓主一樣有個唔好童年。
明明屋企係最溫暖既地方，但係我細個會好驚，驚訓訓下俾 ...

所有有時睇到有d廣告，尤其係母親節果排咪好興播吓d廣告，話媽咪响仔女細個時點照顧佢地，病咗又點呀咁，我睇完就會諗我真係一d感動都冇喎，因為我完全冇感受過呢d溫柔嘅母愛。。。

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

32^#

發表於 16-2-3 17:13 |只看該作者

你妹做咗啲咩??

私人傳訊

clippy

積分: 2141

33^#

發表於 16-2-3 17:30 |只看該作者

回覆：對母親心存芥蒂

我相信親人都係講緣份，妹妹方面，睇開啲，有時無緣都無法
我自己覺得可能上一代讀書唔多，打鬧就成為佢地教仔既工具
我都同你一樣，有個打打鬧鬧既童年
唔知點解，呀媽都係離開佢越遠，佢就越溫柔。
我都同自己講，過去唔開心，盡力忘記佢
我會緊記父母比我既傷害，唔會令自己既孩子再受呢啲苦就好
而我媽依家間中都發作，但我會唔見佢一排，等佢知道我再唔係嗰個企喺度任佢打既小朋友
如果伯母依家無再咁對你，傾下可能會令你既傷口好返

私人傳訊

Mamazaki

積分: 1894

34^#

發表於 16-2-3 17:30 |只看該作者

Sandy太發表於 16-2-3 09:50
呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主 ...

同病相憐

我媽未至於把口咁刻薄, 但佢0既偏心都幾出面... (我都係中間, 對上有兄, 對下有妹)
以前都係爸爸錫我, 但爸爸0係我F.1就仙遊了

所以我完全明白個種心結... 係好難解開
而家專注於自己小朋友度, 每刻都提住自己唔可以偏心

私人傳訊

uglyfufu

積分: 3287

35^#

發表於 16-2-3 17:39 |只看該作者

Jm, 我童年都是過得不好。爸爸唔理頭家，由媽媽擔起，亦要照顧我地三姊弟。

我媽很偏心大弟，因為大弟很會氹她。例如小學時已經會講，第時大個份人工俾晒媽咪，如果要過海返工就游水過海，連車$都留返俾媽咪。

我唔口甜舌滑，亦好硬頸，所以就算我讀書一直名列前茅，我媽咪都冇讚過我一句。

到出咗社會做事，我將7成人工俾屋企做家用。大弟搬左出去同女友住，只象徵式俾少少家用。但我媽每次當大弟回來吃飯都大魚大肉，貴一貴的餸都會買，當正上賓招待。相反只有我和她時，就求求其其就算。

我而家已是中年，我媽依然是超偏心大弟（有老婆、仔女和工人）。大弟有病，她會細心照顧佢起居飲食，又煲湯俾佢飲。上年有次我病到發高燒連床都起唔到（那次c6出trip不在家），我媽只whatsapp一次來叫我休息吓，去睇醫生，食退消藥，完全冇打算來照顧我。（我和媽住得很近。那次我在家哭了好久好久，那是我第一次覺得她的偏心令自己很受傷害）反而住得遠的99天天打來問候，仲叫工人拿粥和湯來給我。

所以jm，做女兒的無論如何都應孝順，但要我什麼都以媽咪為先，我就做唔到了。我亦同自己講，唔好再記住過去了。媽咪唔錫自己唔緊要，但我有好C6和99，都應該感恩。唔好強求，可能我同父母沒緣份吧。

私人傳訊