婆媳關係 今日: 0 | 主題: 27783

積分: 1451

21^#

發表於 08-10-16 23:52 |只看該作者

唉..又係上黎申吓嘅時候..

話說我生完阿仔之後, 攰得好犀利, 仔仔一日一日大, 我開始應付唔到啲家務, 而且屋企唔係請唔起, 結果我決定請個鐘點返黎

點知奶奶又呢樣又果樣, 又話怕人地偷嘢, 其實我都經已叫鐘點姐姐等阿奶奶係度至入佢房架啦... 點知佢仲要係阿姑奶地面前申... 阿姑奶一句就同奶奶講:"你唔覺你間屋好dirty咩? 有工人用咪幾好.. 不過都唔見得你間屋好咗去邊!" 轉頭出去叫姐姐:"喂, 幫我煮個面.."
哎呀, 嬲得我...我自己都未咁用姐姐, 姐姐同我就好似朋友咁, 就算用佢都會講唔該..而且姐姐只係負責洗衫打掃...佢竟然...
打後日子我就慘慘慘啦, 佢地成日上黎食飯, 開飯前仲會買定薯片汽水花生上黎, 食完啲花生殼仲掉係地下...
可惜, 姐姐一星期只黎三次, 佢地走咗就只有我自己收括呢個地獄

今晚, 又要服示阿姑奶, 等佢地走咗清理埋至可以上黎申下...

最慘係, 我一路拾, 奶奶就扮叫我唔好拾住, 話夜啲幫手喎, 唉, 都見我拾梗啦, 如果係幫都唔係得把口, 姑奶地仲犀利, 連拾碗入廚房都冇意思..結果, 佢地三母女連女婿就睇電視, 我就自己係廚房洗碗..之後掃地, 抹地...拾雜誌...唉...有一刻真係有啲想喊...

如果姑奶係屋企咁, 奶奶心痛嗎?

私人傳訊

積分: 139550

2025勳章蛇年勳章 2024年龍年勳章好媽媽勳章醒目開學勳章環保接龍勳章

22^#

發表於 08-10-17 08:05 |只看該作者

樓主,我覺得你好慘..你老公唔出聲ga咩?
點解你d奶姑咁ga,真係當工人唔係人?我好憎d特登整dirty地方既人(掉花生穀落地,我一定忍唔到)...
我奶姑+佢地d frd黎食飯/bbq,我一定唔會幫手整野...點解呢?佢地黎唔洗做有得食,點解我要做???如果佢地肯幫手做,我okay,可以分工合作..但佢地都唔做,咁我又唔係佢邊個,又無出糧比我,我無必要服侍佢地!!
幸好我奶奶唔會叫我做,佢同老爺攪掂...

私人傳訊

積分: 1451

23^#

發表於 08-10-19 00:16 |只看該作者

唉，我都有諗過唔拾，不過第二朝訓醒唔會有人可憐你ｌｏｒ，直到鐘點姐姐黎至有人打救我，有次我真係把幾火幾日唔理，鐘點黎到果日她入門口都下咗一聲，我問姐姐終於明白我未；況且，唔拾，囝囝又唔識黎又鐘意係地下玩，點可能嘅事呢？！

私人傳訊

積分: 139550

2025勳章蛇年勳章 2024年龍年勳章好媽媽勳章醒目開學勳章環保接龍勳章

24^#

發表於 08-10-19 07:03 |只看該作者

你奶奶唔係同你住ga咩?
佢d女上黎攪攪震,佢有責任幫手執ga wor...

我開頭都比姑奶虾,又話呢度dirty,果度dirty!!但果刻佢同班frd黎bbq,如果佢地唔黎,間屋根本唔會咁dirty....
果一刻我好嬲,但唔敢發脾氣..跟住佢仲踏住上,又話我唔餵佢隻狗食葯..我忍唔住,黑晒面講'我唔知,我唔識呀'..
之後我有好日子過啦...因為佢地知道,我係會發脾氣..而家佢地對我好好....

私人傳訊

Smallpigbb

積分: 3406

25^#

發表於 08-10-20 00:08 |只看該作者

首先我用講，o個D99好叻好鐘意係我o地D亞爸亞媽面前話會點對我o地好，又或者會話我o地點好點顧家，其實根本就係一個講字，好似我99o甘都有話會當我係女啦（要聽清楚係當，個當字唔會等于係囉），結婚前客客氣氣結婚後就擺款啦，要你咩都順佢意思，我就表面咪無o野囉，但內里就唔得啦。

我都同99相處咗5年幾，但結婚時就一齊住樓上樓下，但其實同一齊住無分別因為佢有key，可以自出自入，仲成日要我同佢o地D親戚食飯，後來我同c6搬咗就好少呢Do野喇。

私人傳訊

積分: 1451

26^#

發表於 08-10-22 23:58 |只看該作者

我係同老爺奶奶住0架, 所以好慘... 不過遲吓可能搬, 因為實在頂唔順, 但老公話好難同佢地傾, 如果要搬, 只能夠住樓上樓下, 唉, 我問係咪隔離樓, 隔離屋苑都唔得, 佢話係... 如果你地係我, 咁搬唔搬呀?? 我覺得好似冇搬過咁... 以呢一類人(我奶奶), 你估唔俾鎖匙佢可以嗎?

人

私人傳訊

積分: 1451

27^#

發表於 08-10-23 23:43 |只看該作者

老爺奶奶之前同我講, 因為啲仔女細個時冇時間理, (其實唔係lor, 係因為佢地好細就結婚生仔, 幾個仔女冇理冇湊, 總之屋企有人睇住, 兩個就做自己野), 結果, 依家至後悔咁多年錯過曬佢地細個啲片段, 依家就成日要阿仔俾佢地回憶, 又話點點點似老公細個, 又話果樣似姑奶細個... 問題係...有啲野我老公都話其實係似我... 但佢地死口話唔係...

又有日我係屋企餵奶... 雖然2歲啦, 但都仲會食奶... 不過佢都係自己食, 我係隔離陪, 點知老爺爭住要餵, 係好似抱bb餵咁, 連阿仔都話, "我自己食啦", 佢至冇引走開, 根住同我講, 你老公我都冇餵過, 依家想餵又唔俾, 都話細個時等我餵啦... 我心諗, 老爺, 其實阿仔細個有一半係brest feed, 我點俾你餵呢... 我冇出聲...後來又哦另外啲野

我好衰咁諗, 其實雖然老公成30歲人, 不過老爺奶奶都未夠50歲, 其實不如佢地生多個自己湊啦, 咪可以冇人同佢地爭又可以望住佢大lor...

私人傳訊

wmpl

積分: 3000

28^#

發表於 08-10-24 00:47 |只看該作者

原文章由 happy_cow 於 08-10-22 23:58 發表
我係同老爺奶奶住0架, 所以好慘... 不過遲吓可能搬, 因為實在頂唔順, 但老公話好難同佢地傾, 如果要搬, 只能夠住樓上樓下, 唉, 我問係咪隔離樓, 隔離屋苑都唔得, 佢話係... 如果你地係我, 咁搬唔搬呀?? 我覺得好似冇 ...

咩叫做唔可以搬遠啲???
要搬就梗係搬遠啲,個問題都唔係夠唔夠住,係想儘量遠離嗰啲人,等你哋兩公婆可以過返啲正常嘅婚姻生活!

好難同佢哋傾??
傾乜嘢呀??而家仲細??乜都要問過老豆老母先得??定係佢哋俾錢你哋買樓??老老實實,係人都知冇得傾架啦,如果可以傾嘅一早就唔駛同佢哋兩老一齊住啦吓化?個問題係你老公夠唔夠決心搬嘅啫,如果立定決心要搬嘅,就玉皇大帝都阻佢唔到啦,係咪??不過咁,如果你老公肯搬都總好過唔搬,明日自有明日的煩惱,就留待明天去解決,現在就解決現在嘅問題!!

人哋阿媽又有咩可能會當人哋個女係自己親生女一樣吖,啲99唔好傻啦,唔好話我未生一早都識得咁諗,樓主你生咗BB都知道,你都唔會當人哋個仔同你自己生嗰個一樣咁看待啦,係咪??都唔算係自私嘅諗法,母性就是如此,人人都要保護自己嘅嘢先架啦,自身都難保,又點去照顧人哋??好似我要捐錢做善事,但係都要我身上面有錢先有得捐架,係咪??

而家又唔係叫你做啲大逆不道嘅事,只不過大家真係相處唔到先至話搬開住之嘛,又唔係要遺棄佢哋兩老,其實一開始就唔應該一齊住啦,你肯忍到咁耐都算你老公執到囉!

私人傳訊

積分: 139550

2025勳章蛇年勳章 2024年龍年勳章好媽媽勳章醒目開學勳章環保接龍勳章

29^#

發表於 08-10-24 06:40 |只看該作者

原文章由 happy_cow 於 08-10-22 15:58 發表
我係同老爺奶奶住0架, 所以好慘... 不過遲吓可能搬, 因為實在頂唔順, 但老公話好難同佢地傾, 如果要搬, 只能夠住樓上樓下, 唉, 我問係咪隔離樓, 隔離屋苑都唔得, 佢話係... 如果你地係我, 咁搬唔搬呀?? 我覺得好似冇 ...

雖然你6299好後生(未有50歲,個仔都成30歲,相對地好後生啦),但佢地d思想應該好守舊,要痴住個仔,要老來從子咁,好似我太99,不過佢已經90歲啦....
你老公應該好孝順吧,同埋你應該好柔善,我見過幾個case,d新抱夠堅持就化解到好多野..所以你真係頂唔順,應該要企硬同你老公傾..

我表姐個老公好孝順,佢媽咪得佢一粒仔,有個女嫁左去US,我表姐個99表面好好人ga,但實際佢有佢既99格...當我表姐同佢老公拍拖無耐,就去睇屋,諗下第時結婚要買屋咁,咁佢當時既未來99就多多意見,仲話第時一定要同個仔+媳婦住..我表姐當時無出聲,因為怕得罪佢,但心諗連自己媽咪都唔想一齊住,做咩要同99住??

最後我表姐企硬,買屋要買遠佢6299屋企,要近自己媽咪,6299屋企渣車要15mins,無直接巴士到(我地唔係hk,佢99唔識渣車,62要返工,咁即係佢99好難隨時去佢屋企)..佢仲要唔比key佢6299(6299出首期,但佢好fair,都無比key自己媽咪),如果我表企得唔夠硬,佢而家應該都要同6299住呀..

樓主,我係你會同老公再傾下,一人讓一步,搬返同區都算啦....如果佢唔肯,樓上樓下都照殺...起碼你班姑奶唔係你屋企攪攪震,之後你要自己執餐死....

私人傳訊

fionawang

禁止訪問

積分: 1721

30^#

發表於 08-10-24 08:11 |只看該作者

提示: 作者被禁止或刪除內容自動屏蔽

私人傳訊

積分: 1451

31^#

發表於 08-11-1 18:32 |只看該作者

咁多位多謝你地一直仲係度聽我申

呢個星期好慘, 同老公嘈得好犀利, 結果有一晚嘈得好大件事, 我好嬲之下一個人走咗出黎, 當時係半夜3點幾, 老爺奶奶仲係廳度, 我出咗黎之後至知自己好驚, 原來我唔係怕以後同老爺奶奶點相處. 亦唔係怕之後同點同老公溝通, 而係, 我怕我留底咗阿仔自己係屋企...

之後我一個人留咗係屋企停車場, 因為我自己有車, 我想走, 唔係怕呢世冇得返黎, 出黎果一刻我已經打咗輸數，甚至要離婚，不過我怕我冇機會再返去抱阿仔走，而且阿仔仲病梗

我係車度喊咗好耐，車牌同電話都係屋企，出街其實都有啲險，後來竟然係奶奶落黎，佢叫我返屋企，我話你返去訓啦，佢講咗以下對白：
如果你走，冇人會可憐你架，有咩係做女人自己受啦，開心唔開心你都嫁咗啦，你依家走，去邊呀，去朋友定又返阿媽度呀，想全世界啲人都知我個仔對你唔好呀．

我話你返上去訓啦，我唔想左你時間

點知佢話，係你老爺叫我一定要叫到你返屋企我至可以入屋訓呀！我都想返去

呢一刻，我嬲死，老公一啲返反應都冇，連老婆走，都係老豆出面，而且奶奶呢？你想個仔同新抱好都唔係講呢啲說話吓

幾個鐘之後，我都係死死地返咗上樓，不過仲有下文

[ 本文章最後由 happy_cow 於 08-11-1 18:34 編輯 ]

私人傳訊

積分: 1451

32^#

發表於 08-11-1 18:45 |只看該作者

我上樓之後就返咗入房，老公一個人自己ｓｏｌｏ，話同老爺傾咗點解我地嘈，而且我想，係我想搬

我冇佢好氣，亦唔想傾，只係想訓醒帶阿仔走

我平心靜氣同老公講俾時間大家靜吓

之後訓醒老公竟然攞咗假，兩年黎佢都未試過咁，而且仲話想同我地出去行吓玩吓，知道太少時間俾我地，不過我冇心軟，仲叫佢不如出去買野俾我地食，佢當然信啦

就咁我就走咗出黎

私人傳訊

阿jo

禁止發言

積分: 959

33^#

發表於 08-11-1 19:01 |只看該作者

提示: 作者被禁止或刪除內容自動屏蔽

私人傳訊

mycat188

別墅

積分: 671

34^#

發表於 08-11-1 21:18 |只看該作者

唉！99講果d嘢信一成都死，當妳係親生女？早ｄ瞓啦！同99客客氣氣咪算囉，我哋呢ｄ做新抱嘅到死果日都係外姓人，唔會因為妳拎個心出黎對佢而有所改變咖，節哀順變啦！

私人傳訊

積分: 139550

2025勳章蛇年勳章 2024年龍年勳章好媽媽勳章醒目開學勳章環保接龍勳章

35^#

發表於 08-11-1 22:45 |只看該作者

原文章由 happy_cow 於 08-11-1 10:45 發表
我上樓之後就返咗入房，老公一個人自己ｓｏｌｏ，話同老爺傾咗點解我地嘈，而且我想，係我想搬

我冇佢好氣，亦唔想傾，只係想訓醒帶阿仔走

我平心靜氣同老公講俾時間大家靜吓

之後訓醒老公竟然攞咗假，兩年黎佢都未試過咁，而且仲話想同我 ...

咁你而家係屋企定返左媽咪屋企?有冇帶埋仔仔呀?
你老公真係一d都唔想搬咩?點解淨係話你想?我知老公遷就個老婆唔係奉旨,但係我覺得你真係住到好唔開心wor,如果你地有能力既,你老公應該要提出要同6299分開住...

不過你唔好咁唔開心啦,think postive,照你所寫你62對你都唔錯丫,你一步一步勸你老公啦...同埋你要冷靜d呀,點都好,未諗到後著時,唔好話走就走,咁樣你會好蝕底ga!!同埋點鬧交都好,最好唔好比6299知,佢地會覺得你咁樣都走唔去,咪又係要靠佢個仔!!

我都係同6299住,而家我想買屋(係香港/外國都無所謂),我既理由係而家樓價開始跌,可以話負擔到,我同老公講'唔好諗住你daddy,mami一定會留返d屋比你,你係應該需要有自己既物業',其實係我同6299都住得幾好,但我唔知會唔會有一日關係會轉壞,我要有自己既後著....

私人傳訊

積分: 139550

2025勳章蛇年勳章 2024年龍年勳章好媽媽勳章醒目開學勳章環保接龍勳章

36^#

發表於 08-11-1 22:48 |只看該作者

原文章由 mycat188 於 08-11-1 13:18 發表
唉！99講果d嘢信一成都死，當妳係親生女？早ｄ瞓啦！同99客客氣氣咪算囉，我哋呢ｄ做新抱嘅到死果日都係外姓人，唔會因為妳拎個心出黎對佢而有所改變咖，節哀順變啦！ ...

哈哈!我諗如果我同老公唔離婚,到死果日99應該都唔會當我係外姓人,因為佢話我死左可以葬係佢地條村

私人傳訊

acheng

複式洋房

積分: 324

37^#

發表於 08-11-2 12:47 |只看該作者

原文章由 happy_cow 於 08-11-1 18:45 發表
我上樓之後就返咗入房，老公一個人自己ｓｏｌｏ，話同老爺傾咗點解我地嘈，而且我想，係我想搬

我冇佢好氣，亦唔想傾，只係想訓醒帶阿仔走

我平心靜氣同老公講俾時間大家靜吓

之後訓醒老公竟然攞咗假，兩年黎佢都未試過咁，而且仲話想同我 ...

咁依家有咩打算? 返咗外家?

私人傳訊

積分: 1451

38^#

發表於 08-11-2 16:10 |只看該作者

其實係因為我覺得同老爺奶奶住之後的日子一日比一日唔開心, 尤其囝囝出世後我更辛苦, 朋友問我是否有抑鬱, 我知道唔係, 因為有時候我甚至覺得自己一啲尊嚴都冇, 老爺奶奶要我專重佢地的同時, 可否亦專重一吓我...

我有提過我有部車, 部車係我自己錢買, 囝囝出世前我有自己事業, 不過同老公傾過, 既然有自己小朋友啦, 我想抖下, 而且想放多啲時間係屋企, 結果, 一門明明一直賺錢的生意, 白白結束咗, 可惜嘅係我要炒曬一班好幫手....

我想自己湊囝囝, 老公都同意, 而且都明白如果俾奶奶湊定會學壞...買車後我奶奶同人地講我巴閉, 要個仔買部貴車, 囝囝係街衛街見到同款的車會講"媽媽車車"... 佢地總係話, 部車係你架, 應該講"bb車車".. 又周圍唱我要自己霸住個仔, 點講果個係我個仔而唔係佢地個仔lor, 我買disneyland, english time教材, 又帶仔仔上playgroup, 都係因為我地有時間打發, 佢同人講我想迫死個仔, 三個月就學人返學, 自己教就可以啦, 仲話如果我唔識教要搵人教, 不過等佢地自己教返個孫... 我好心痛, 我唔係要同老公計錢, 不過, 錢係我自己出, 即使有一日我用盡我有的錢花上囝囝身上, 而佢的童年可以豐富啲, 我又怕咩自己洗少啲...而且我冇令老公格外辛苦過...

我都要人專重, 我覺得後生都有後生應得的尊嚴

話說我走當日我唔夠膽返媽咪度, 怕佢擔心, 於是係酒店住, 不過因為有小朋友關係, 我聯絡咗一個朋友幫手, 佢同佢媽咪都好好, 每日share小小時間俾我囝囝係佢屋企沖涼, 甚至佢媽咪更叫我留底... 不過我打搞得佢太多啦.. 訓同daytime都係酒店過....

有日我返自己媽咪度俾老公捉到, 佢知道我性格冇講我媽咪知我走左... 佢仲跟到我返酒店至出現... 之後同我講諗清楚會搬... 呢次係第一次我見老公喊住叫我返屋企話冇咗我地唔得... 是真是假係大話係真話, 我未見過佢咁... 結果我心軟啦...

返到去佢同我講, 其實佢自己一直都想搬, 不過因為屋企都俾咗好多壓力佢, 而且奶奶同老爺係我走咗呢幾日講咗好難聽的說話激嬲咗老公... 話老公咩結婚有老婆就唔理老豆阿媽... 又話老公冇人性... 我知老公壓力都好大...

之後有一晚我同老公等老爺奶奶返黎, 三口六面傾清楚...

[ 本文章最後由 happy_cow 於 08-11-2 16:19 編輯 ]

私人傳訊