吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 天下奶奶一樣"不知所謂"

心聲留言今日: 0|主題: 17564

收藏本版

發帖

返回列表

跳至頁

樓主: bebe_c

天下奶奶一樣"不知所謂" [複製鏈接]

kongkong

大宅

積分: 4231

畀面勳章

21^#

發表於 04-8-5 16:50 |只看該作者

Re: 天下奶奶一樣"不知所謂"

不如掉轉, 租間屋仔俾佢兩老住. 搬開左都可以係照顧佢兩老. 況且佢個囡日日都番黎痴飲痴食. 都唔驚冇人睇到佢兩個.佢兩個唔夠駛咪自己問個囡.

私人傳訊

LaLaMa

大宅

積分: 2383

22^#

發表於 04-8-5 17:31 |只看該作者

Re: 天下奶奶一樣"不知所謂"

bebe_c,

嘩, 我同你一樣有個賤姑仔, 不過為左尼d人要就唔抵啦. 我老公都係唔幫我架, 真係好嬲. 幾個月前都發瀾渣同老公講要離婚, 但諗真d, 咁佢地咪好心涼, 對自己, 老公, 女女都無好處.

於是, 我地就附近租左間屋比奶奶一個人住, 佢悶好過我地婚姻破裂呀, 係咪. 不如你同老公平心靜器地佢商量下啦!

唔好咁衝動, 唔值得

私人傳訊

bebe_c

大宅

積分: 1032

23^#

發表於 04-8-5 17:32 |只看該作者

Re: 天下奶奶一樣"不知所謂"

佢兩果點會唔夠洗呀,唔係因為佢兩個有錢,佢d死女會日日返黎睇佢地.......... :evil:

私人傳訊

bebe_c

大宅

積分: 1032

24^#

發表於 04-8-5 17:37 |只看該作者

Re: 天下奶奶一樣"不知所謂"

LaLaMa,

你有所不知啦,我老公係個大事化冇嘅人黎....佢有講話搬,但點解佢唔叫個賤妹唔好黎而要我地搬姐,再講間屋係我地嘅,要走的係佢地一家三口而唔係我,可能你覺得我好固執,但我都係果句,老公????係人地個仔,人地個哥......

私人傳訊

mei-mei

複式洋房

積分: 363

25^#

發表於 04-8-5 19:06 |只看該作者

Re: 天下奶奶一樣"不知所謂"

你d問題係同住難姐,唔洗攪到離婚咁大件事,
而且你老公都肯同你搬咯,咁咪冇問題囉,
間屋係你老公o既,即使你地搬出去住間屋依然係佢o既,
間屋咪當係比佢兩老住至先囉,都冇話唔o岩,只係條氣唔順姐,
但都好過攪到要離婚咁大件事,咁就唔值得啦!

私人傳訊

bebe_c

大宅

積分: 1032

26^#

發表於 04-8-6 11:09 |只看該作者

Re: 天下奶奶一樣"不知所謂"

meimei,

係,係條氣的問題,我唔可以接受點解一件咁簡單可以解決的事---就係叫個死八婆唔好黎-----佢地唔去做,而要我地勞師動眾又要自己出錢搬走,去就個八婆 :evil: 既然佢地鐘意將d事轉個大圈去解決,我就幫佢地直接d解決.佢地鐘意晚晚成班人食飯,就自己食埋去,而d生活唔啱我,我唔鐘意好似佢地咁晚晚食飯做曬戲....老實講,系而四年入面,我未試過開開心心食過一次晚飯 :cry:

私人傳訊

Ali_03

大宅

積分: 4705

27^#

發表於 04-8-6 12:31 |只看該作者

Re: 天下奶奶一樣"不知所謂"

其實你講咗咁耐，你有冇同你老公講話要離婚，佢有 mug 反應，有冇想做返 d 嘢挽回你哋的婚姻？

私人傳訊

bebe_c

大宅

積分: 1032

28^#

發表於 04-8-6 12:44 |只看該作者

Re: 天下奶奶一樣"不知所謂"

Ali_03,
尋晚我叫個工人比份離婚協議書佢簽,佢未返黎我已經同個仔出左去,返去之後,佢成晚一句都冇同我講野,只係不停咁叫個仔同佢玩,但亞仔同佢玩左一陣就唔采佢,之後佢走去訓,到咁朝,佢一早叫我起身,話夠鐘返工返學,我冇理佢,佢叫左幾次,之後我就話佢,你夠鐘就先己走唔好煩我,跟住佢先開始正視而件事,佢話好小事姐洗唔洗玩到咁大,我話要加幾多件而d所謂嘅小事先叫大事,佢冇聲出,跟住我就話你唔好以為唔簽就冇事,一個星期內你唔簽,我就向法庭單方面申請,之後佢都冇理我自己返工先 :-x 佢就系而d人啦,成日唔提唔提以為冇事,我知佢地成家睇死我得個講字,走極都走唔到嗎 :evil: 所以佢個賤妹成日都好得請,睇死我次次激到你死,都係發洩一兩日就冇事 :evil: 咁次我唔會再同佢地班x街玩架啦

私人傳訊

Ali_03

大宅

積分: 4705

29^#

發表於 04-8-6 13:27 |只看該作者

Re: 天下奶奶一樣"不知所謂"

Anyway，我明白始終真正面對件事嗰個係你，件事對於你嚟講有幾咁困擾亦只有你自己先真正感受得到，所以你的決定，我諗呢到d mummy 都會好尊重你的，只不過我諗大家擔心既係你會衝動做錯決定啫，如果你覺得做既決定係啱既就去做，希望你所揀既路會對你同你個小朋友都好啦。Take care as your baby needs your support.

私人傳訊

月如

複式洋房

積分: 447

30^#

發表於 04-8-6 13:28 |只看該作者

Re: 天下奶奶一樣"不知所謂"

bebe_c,

我都明白俾一d咁無禮貌既人鵲巢鳩占係好勞氣,但,真係有必要離婚嗎? 妳問下自己,仲愛妳老公嗎?

係呢件事黎睇,我覺得妳太火遮眼而失去左理智,要知道妳選擇離婚,對小朋友既影響係最大既,唔可以話妳覺得仔仔唔係好錫爸爸,離婚對佢就冇乜影響,佢而家仲係細,但係一路成長,父母分離對佢真係會好大影響;呢件事係咪真係嚴重到要離婚呢? I doubt.

仲有希望妳唔好介意我咁講,妳厭惡男家家人,但最好唔好俾仔仔聽太多,知太多,唔好o係佢面前都用不雅言詞去稱呼佢地,因為仔仔只會有樣學樣,從佢稱呼妳甥女做stupid,已經係一個好唔健康既景象,大人活在恨意裡,再將訊息散播俾小朋友,小朋友又會感染到恨意,始終唔係一件好事. :-(

多d為小朋友諗下吧!

妳可唔可以平心靜氣同妳老公講下,聽下佢意見? 兩公婆唔坦白講出感受,問題唔會解決,只會惡化,離婚唔係一個solution,而係一個壞結果!

林月如

私人傳訊

康仔媽咪

大宅

積分: 1823

31^#

發表於 04-8-6 13:49 |只看該作者

Re: 天下奶奶一樣"不知所謂"

其實你老公當然有唔對既地方, 但要佢唔比個妹o黎, 又好講唔通, 本是同根生, 點可以迫走個妹? 調轉若係你妹妹, 你都唔會趕走佢吧, 若經濟冇問題, 搬走咪仲好, 又唔洗對住你奶奶, 你老公又唔會比人話不孝/冇親情, 就算比你贏到趕佢個妹走, 你奶奶都仲會一齊住, 咪仲多說話聽, 退一步大大利已, 何樂而不為? 吃虧可能仲便宜兼有驚喜tim

希望相信 "快樂不是因為擁有的多，而是因為計較的少。"

私人傳訊