吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 亞媽/奶奶都要專重

心聲留言今日: 0|主題: 17514

收藏本版

發帖

返回列表

跳至頁

樓主: babe04

亞媽/奶奶都要專重 [複製鏈接]

123 4 5...16

Kiwizaki

等待驗證會員

積分: 1323

21^#

發表於 04-9-2 11:19 |只看該作者

Re: 亞媽/奶奶都要專重

babe04:

總之我地觀念係冇錯就算啦...
奶奶,係辛辛苦苦養大我地老公既人,自己都做人媽媽,當奶奶有唔合理/囉唆既時候,我都會盡量包涵,都唔會背後鬧佢...我會諗,萬一我老公又係咁背後鬧我阿媽,咁我會點感受? 己所不欲,勿施於人.
呢d,係講個人修養...但忠言唔係人人聽得入耳.

bk閒人

私人傳訊

歲月如詩

複式洋房

積分: 204

22^#

發表於 04-9-2 11:43 |只看該作者

Re: 亞媽/奶奶都要專重

嘩, 篇奶奶回信寫得好好呀

[size=xx-small]生命點滴匯成流金長河, 握你的手到天荒地老歲月流金, 年華老去, 心中的詩仍是溫柔的你.

私人傳訊

袁太

大宅

積分: 1397

23^#

發表於 04-9-2 11:52 |只看該作者

Re: 亞媽/奶奶都要專重

googoo,
呢兩篇文章我都在電臺聽過，一個錢幣的兩面從來吾會睇到對方睇到既嘢。我會係arm 聽就聽吾arm聽當奶奶唱歌個種心抱，對奶奶我保持禮貌同客氣，當係一個普通長輩。因爲想法吾同所以吾會close，但係我吾會試圖希望奶奶會改變，亦吾會動氣，大家和和氣氣就算啦。
我同意文章中奶奶所講，“我可以尊重妳不適應這個家，但是不能讓妳破壞這個家原有的秩序”，如果係嫁入奶奶屋企住，就要預左改變自己既生活習慣去融入奶奶一家人，如果妄想保持自我或者奶奶會就你盞自己吾開心，因爲奶奶係絕對有權維持自己家庭的習慣，吾會為一個新加入者而改變。如果奶奶肯就下你，就係bonus啦。仲有呀googoo,你有無發覺好多心抱對其他老人家既傳統嘢都相信但係如果係自己奶奶話就吾信。呢個現象真奇怪。
呀！加番句我都係講對文章既睇法同現實情況，吾係針對任何人，希望大家接受吾同政見。

私人傳訊

該用戶已被刪除

24^#

發表於 04-9-2 12:00 |只看該作者

Re: 亞媽/奶奶都要專重

提示: 作者被禁止或刪除內容自動屏蔽

私人傳訊

yellow

大宅

積分: 2247

25^#

發表於 04-9-2 12:05 |只看該作者

Re: 亞媽/奶奶都要專重

我都同意!!!
不過，有時做到吞下去，都真係唔容易。我曾經睇過一本書，話最好係兩公婆都唔好同兩者的家人一齊住。

私人傳訊

麟媽媽

王國長老

積分: 88292

好媽媽勳章王國長老

26^#

發表於 04-9-2 12:10 |只看該作者

Re: 亞媽/奶奶都要專重

我由細到大都跟嫲嫲一起住，一直都好佩服我媽咪，亞嫲係超級惡頂奶奶型，人好霸道，只得佢講無人講。媽咪係一個傳統”林”善小媳婦，我細個見過媽咪跪地”針”茶認錯！我媽咪常說不是不可反抗，只是念在她教出一個好兒子，令自己有一個好丈夫，她功勞不少，不想老公左右做人難，為了老公才忍他，我覺得媽咪修圍好鬼高。
我亞嫲係大學生，識玩心理好鬼高，雖然霸道但說的話不無道理。她常跟我地說:「孝順還生孝順子，忤逆還生忤逆兒。不信但看簷前水，點點滴滴不差池。」意思是跟我媽說對她不好小心有報應！幾十年來，她倆一直相處得好好直至我亞嫲幾年前過身。可能我地幾姊妹由細到大耳濡目染，我地幾個對奶奶都好好的，當然有時都會背住佢地complain一下。我希望亞仔可以係我身上學到如何孝順父母，正如我媽咪當年一樣，亦如我亞嫲引用的詞句，身教好重要的。

私人傳訊

CarmenBeta

男爵府

積分: 5637

27^#

發表於 04-9-2 12:22 |只看該作者

Re: 亞媽/奶奶都要專重

我可是個騎牆派.
我覺得兩篇文都寫得不錯, 如果只看過第一篇, 就一定要看看回信篇.

可以讓母親刻薄太太, 就是不懂愛太太.
可以讓太太不敬母親, 就是不懂孝順娘.

(去盡的, 配合心聲留言的 style)
這樣的男人, 根本就不配愛多過一個女人 (指母親/太太)!!
根本就是一個失敗的男人!!

"wa! 你咁騎牆架?!"
其實做一個好男人, 就是做一個懂得騎牆的男人.

2 little remarks:

1. 我可絕對贊成如 bbccqq 所說, 這裡是 cyberspace, 可以在這裡盡情發洩, 呻下傾下, 絕對是好事, why not? 但不應該把同樣的情緒帶回現實世界.

2. 至於如果兩母女不和, 我可會做個跳牆的女胥, 兩邊都聽不到, 聽不到, 聽不到...

Carmen is Mama and Beta is Papa

私人傳訊

袁太

大宅

積分: 1397

28^#

發表於 04-9-2 12:51 |只看該作者

Re: 亞媽/奶奶都要專重

yellow,可以吾同住當然係最perfect。但係如果必須一齊住就要接受現實law。

私人傳訊

yellow

大宅

積分: 2247

29^#

發表於 04-9-2 14:46 |只看該作者

Re: 亞媽/奶奶都要專重

所以，如果大家有得選擇，咁梗係兩公婆自己住，冇得選擇，又不和的話，三者都唔開心。

私人傳訊

歲月如詩

複式洋房

積分: 204

30^#

發表於 04-9-2 17:32 |只看該作者

Re: 亞媽/奶奶都要專重

同意. 生活習慣唔同一定有磨擦. 政府老人屋成人有人打架就係咁, 沒有誰對對誰錯. 係錯就係政府錯,將不識的老人家放在一起住......

[size=xx-small]生命點滴匯成流金長河, 握你的手到天荒地老歲月流金, 年華老去, 心中的詩仍是溫柔的你.

私人傳訊

小manman

翡翠宮

積分: 85453

31^#

發表於 04-9-2 18:52 |只看該作者

Re: 亞媽/奶奶都要專重

我覺得上黎呢度(即bk)發洩下對現實的不滿,並無不妥~~~
我唔知道開呢個topic的人同佢奶奶的相處係點,但有時d野真係針唔吉到肉唔知痛~~~
最重要係係bk鬧奶奶有乜野唔妥,都係講出自己的不滿,無傷害到人,老公亦唔會知道,呢度亦無人識得你係邊個,咁點解係咁的情況之下發洩下都要話人地唔啱呢???仲要話人地小心折福???
既然無傷害到任何人又何來折福可言呢???
呢度係比人發洩自己係現實心要抑制的情緒,如果唔識得揾一個適當的途徑發洩出黎,好容易會谷到爆,識得宣洩自己的情緒,才能保持身心的平衡~~~
如果連係呢度無人識得自己的地方都話唔可以鬧,咁請問係咪要當面鬧佢呢???你對住佢的時候識得尊重佢咪得囉!!!反正你係bk鬧完佢,佢都唔會知,唔傷害到人就得喇!!!

私人傳訊

珀圖媽媽

子爵府

積分: 12759

畀面勳章

32^#

發表於 04-9-2 19:19 |只看該作者

Re: 亞媽/奶奶都要專重

如果我有一個愚孝的丈夫, 我一定在心中對他重新評價:evil: .
慶幸我丈夫是一個明事理的人,对是对、錯就是錯,但佢會同我講她是我媽媽可原諒她嗎?那我一定會說好....

私人傳訊

bbccqq

子爵府

積分: 10819

33^#

發表於 04-9-2 23:17 |只看該作者

Re: 亞媽/奶奶都要專重

要知道,好多家庭悲劇就係有成員將所有不快事屈埋屈埋,
而突然一觸即發,如果識得將不快事找人傾下,講下,識得
找發泄渠道,就可以避免到好多不快事發生 !!!!!

但如果連上網同一班姊妺訴下苦,呻下,講下笑,都比人話過
份,不孝,折福,有報應.......喂,試問苦從何處訴 ?????

我真係覺得男女見解吾同,當然啦,我並不反對聽聽男仕的
意見 / 見解, 但我發覺有人一見到有家嫂講對奶奶有怨言
時,呢位人仕一定話家嫂錯/過份/衰.....等等

所以我認為你吾認同,你咪入去你喜歡傾的topic囉 ....我亦有響爸爸專區內見到有爸爸鬧外母......(用詞要幾差都有)要說教的話,入面大把機會呢 !!!
還有,別太高估自已,咪以為你的發言會令別人吾開心,你還未夠班呢!!!!!!!!hahahaha!!!!!!!!!

好似近來一位年輕妹妹,佢同佢個bf媽媽攪到不愉快,仲要好差個隻,佢可以點做呢???佢選擇上bk聽下意見,佢響bk聽到大家都關心/指點/指正佢,佢心情已經好左好多,所以忠言不一定逆耳 !!

其實,我並無婆媳問題,因我吾洗同奶奶住,每次見面都相敬如賓,客客氣氣,所以我真係非常覺得呢位妹妹好慘,未入門已經sad,所以我都叫呢位妹妹多D上黎傾下,舒發下,我認為無問題喎 !!!

私人傳訊

CarmenBeta

男爵府

積分: 5637

34^#

發表於 04-9-3 13:09 |只看該作者

Re: 亞媽/奶奶都要專重

就是嘛.
入得來心聲留言, 就預了看到這些 topics 啦, 兄弟.
不合聽就真的唯有不 click 入來.
但我也相信沒有人刻意發言令別人吾開心.

說回來再舉個例子補充一下.
A: 我99竟然給bb吃燕窩, &^%$#@!
B: 車. 我99竟然給bb吃冷飯, &^%$#@!
C: 車車車. 我99竟然給bb吃香爐灰+水, &^%$#@!
A 就會想, 99給bb吃燕窩也蠻好啊. 回去多謝99.
所以聽下意見, 響bk聽到大家都關心/指點/指正, 未嘗不是美事.

Rmk: 珀圖爸爸一定是個愛家庭的好男人.

騎牆的 Beta.

Carmen is Mama and Beta is Papa

私人傳訊

士多啤梨

別墅

積分: 908

35^#

發表於 04-9-3 13:38 |只看該作者

Re: 亞媽/奶奶都要專重

如果丈夫是一個有責任, 有上進, 明事理ge人..
老爺, 奶奶都應該是虎父無犬子..絕對有功勞..
但好多人都有一個愚孝, 而且被人寵壞的老公.
加上自己個仔就係人, 人地個女就唔係人ge奶奶+一大堆口多多ge屋企人.......個新抱就只有孤軍作戰....
只係借internet個位呻下je..唔係又多幾個媽咪產後攬個仔跳樓ga la
:cry: