我都好明，擔心係必然既，但又唔需要擔心咁多，搞到自己緊張就唔好啦!!
我第一胎係2008年，果陣係見紅入院，之後宮頸唔係好開，同埋穿左水，最尾就催生，一入產房D助產士就同我講，怕痛就吸"笑"氣，唔係一吸就唔痛架，要一陣先發揮止痛功效，我就無理就喪吸... 都痛左好耐，都未得，佢地都有講如果仲係唔開，就要開刀，之後隔左一陣就生左出黎，果陣都係半夜三點左右架喇，重點唔係我個感受，係BB，因為BB一出世唔係好喊，D兒科醫生真係好快就到，不停同佢猜心口，最尾入左NICU，D醫生同姑娘好都好照顧我個感受，不停同我講解我同BB的情況，我要點做先有母乳等等... 之後有好多產後講座同輔導俾我，驚我擔心BB有產後益屈等等... 最後阿女都無事，淨係住左七日醫院就出返黎
第二胎就係2014年，果次就係肚痛入院，其實之前都不停出出入入醫院，因為成日宮縮，不倫醫生定助產士，都好好人，會講解你係真定假宮縮，但點都要留院觀察一晚。到真係生果次，佢地會話係真宮縮，要我要留意痛的分鐘同次數... 因為我果陣有B練，佢地係我差唔到生果陣，就會幫我打抗生素，話擔心bb我受感染等等，我係入到產房臨生先穿水，所以生得好快... 生完之後，都係有好多講座同輔導俾我地，我就無乜點去，因為好多都識，仲記得，我果陣想訓下多D，佢地都唔會逼我既... 佢地好鼓勵我地餵母乳，我好like哩樣野，佢會教到我地點樣成功餵到!
所以今胎第三胎，我同老公都二話不說話去返瑪麗，就連去產檢，我去贊育度做的，佢地都好好人，仲再三提我，到時有咩二郁就去入醫院，第三胎正常仲快生架... 今胎佢地驗的野俾之前兩胎多，可能我過左35哇... 哈哈
最喜歡研究自家製有機護膚品，深深相信簡單生活(頭腦)就是美(幸福)!
發表於 
？
返回列表
