心聲留言今日: 0|主題: 17574

收藏本版

發帖

返回列表

跳至頁

樓主: JODY媽咪

昨晚比呀女激親 [複製鏈接]

麟媽媽

王國長老

積分: 89584

好媽媽勳章王國長老

21^#

發表於 04-11-5 12:49 |只看該作者

Re: 昨晚比呀女激親

JODY媽咪，
我之前係小學雜談都提及過亞仔升小之後我倆既痛苦歷程，而家仲係適應期，希望一日好過一日。
我係在職媽咪來的，學期初真係從未如此苦過…個仔返上午校的，一早6點要起床，前一晚要早訓，9點一定要上床，咁我每日放工最快都要7點先返到屋企，跟住的兩小時內要做晒所有野：對功課、溫書、執書包、上網做”每日一篇”、練琴、睇圖書做self reading scheme功課、有時間先傾下計….之後開始有默書，一星期2次，一中一英，10月中開始各科測驗，簡直係想死！日日都唔夠時間用，好在係暑假已訓練左個仔自己完成功課，如果等我返先做真係唔得掂！
過左頭一個月，見個仔好似唔多掂，成日夜晚都喊晒咁，眼睛都得番一半，係屋企默好書番黎竟然好低分！之後我再諗，改左佢既日常schedule，放學食完飯便訓覺，訓到4點零起身做功課，溫下默書之後睇下電視。之前我唔比佢下晝訓因為怕佢夜晚訓唔到，但而家下晝訓左兩個鐘，起身好精神，功課不用一個鐘已做好晒！之前工人話佢做功課做到訓上枱，而家咁好得多！而每晚佢都10點多DD上床，但早上起床都精神，okay喇！
其實小朋友每個階段都唔同，亦要唔同的適應期，而家長亦應跟小朋友既性格同能力作出相對的應付方法，令小朋友可以得到support而令佢發揮得最好。我每日都在學習，發現多站在孩子方面諗，唔好以自己作出標準，咁樣大家都會好D。

PS: 我仔K.3開始已有默書，特別中文好深。

私人傳訊

JODY媽咪

別墅

積分: 901

22^#

發表於 04-11-6 00:37 |只看該作者

Re: 昨晚比呀女激親

麟媽媽

睇完你同仔仔每日溫習既schedule後, 比你嚇到手都震埋, 你有工人幫都好d, 不過我真係覺得而家d細路仔真係好慘, 咁細個就要默書, 重話默d都幾深既中文, 唉！我而家早上都係要6點半起身, 晚上去奶奶度食完飯番到屋企都9點幾, 幫呀女沖完涼及自已沖完都成10點啦, 跟住有時攪下尼樣攪下個樣都已經11點幾啦, 其實我左計右計都計唔掂, 到時如果呀女真係升小一時我重邊處有時間幫佢做功課同溫習, 最衰我又請唔起工人, 如果唔係都好d, 所以而家我成日都望中六合彩, 唔好講頭獎, 就算二獎我都唔駛咁愁啦, 起碼到時都可以做個全職媽咪教佢呀！

私人傳訊

麟媽媽

王國長老

積分: 89584

好媽媽勳章王國長老

23^#

發表於 04-11-6 11:31 |只看該作者

Re: 昨晚比呀女激親

JODY媽咪，
如果係老人家湊既，咁你打從幼稚園開始便要訓練佢自己主動做功課了。我工人實在只是開口叫下個仔做功課，除左英文可以幫下佢之外(其實都幫唔到咩，琴日既Grammar practice 佢教錯晒亞仔，激死人！)。以前個仔幼稚園是我放工先陪佢做功課的，但上小一唔得架喇，等我放工先做唔夠時間，晚上只是對功課。
我由暑假開始，買了好幾本暑期作業，每日要佢做6頁左右。我要求兒子自己安排時間，總之我回家7點前佢要完成，我跟兒子說佢可自行決定幾時做，可以睇電視、可以玩耍、可以訓覺，只要在規定時間內完成。我仲買了些好靚的貼紙，貼落暑期作業，我唔比佢睇我改簿的，咁先有新鮮感嘛，佢收到Harry Potter貼紙好開心架！有次佢玩過龍無做，我唔比佢夜晚做，要留番第日做，即是6頁 + 6頁 + 3頁(罸的)！佢叫晒救命架！有次佢玩到傻，工人說玩到5點幾佢突然想起，即刻放低玩具，快快手做！如果可以訓練到佢既自理能力，咁樣家長會舒服D！