吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 做人老公➕爸爸應該有乜責任？

夫婦情感今日: 0|主題: 42799

收藏本版

發帖

返回列表

跳至頁

樓主: gilgil39

做人老公➕爸爸應該有乜責任？ [複製鏈接]

彈弓狗

大宅

積分: 1106

21^#

發表於 18-7-16 17:00 |只看該作者

回覆樓主：

本帖最後由彈弓狗於 18-7-16 17:00 編輯

好明白樓主心情，我家都有件極品，我無返工，無工人，佢估覺得小朋友返左學你好得閒，佢d衫一大堆放係度我偏唔洗，你有時間同邊個邊個傾計飲野，我都有權唔洗你d衫。

日日都返工，一個月都未必有一日假放，我叫佢放工快d返屋企同小朋友溝通下，佢話趕返黎又點，佢地都訓左覺，親子唔係咁喎。

我放棄了

私人傳訊

Bbtvsvod

大宅

積分: 3134

22^#

發表於 18-7-16 20:12 |只看該作者

回覆彈弓狗的帖子

其實要返工又一腳踢既阿媽除左唔駛做家務，其餘時間都係冇放過工，同大家一樣，都係每日開足18個鐘頭turbo，所以我都好耐冇同小朋友放工後玩，因為我都冇晒精力，教完佢功課連自己食飯時間都差D冇，就要同佢一齊落床訓，第二日又係日復日咁生活，星期六日已經唔想帶小朋友去玩，因為唔想自己諗完又係自己諗點去，又要自己俾錢同佢玩。如果你問我夫妻都要做野既話，就應該兩夫婦放假一齊去邊度玩，而唔係咩都叫老婆安排晒

私人傳訊

gilgil39

子爵府

積分: 12727

23^#

發表於 18-7-16 22:00 |只看該作者

彈弓狗發表於 18-7-16 17:00
好明白樓主心情，我家都有件極品，我無返工，無工人，佢估覺得小朋友返左學你好得閒，佢d衫一大堆放係度我 ...

我真係好攰（主要精神上），每次叫佢幫手照顧D仔，就求求其其，吾願做咁，好似D工人尊登做衰D，下次吾敢叫佢。管教又係倚賴我，把口唔識同D仔講道理，一係就鬧。叫佢幫手管教工人，又吾理，個工人吾驚太太驚男人嘛！屋企D光管，門壞又冇話主動修理！
所有野佢都好似旁觀者，佢冇份咁；D仔輪住吾C服挨夜又係我，又冇話鄧你辛苦；每日返到屋企就攤梳化，(emoji)手機，係間中有同D仔玩同(emoji)功課；總之佢好吾投入佢嘅身份。

私人傳訊

dativebond

大宅

積分: 4224

24^#

發表於 18-7-17 09:34 |只看該作者

gilgil39 發表於 18-7-16 22:00
我真係好攰（主要精神上），每次叫佢幫手照顧D仔，就求求其其，吾願做咁，好似D工人尊登做衰D，下次吾敢叫 ...

本帖最後由 dativebond 於 18-7-17 09:41 編輯

樓主，作為男人，我認真答你，如果你想麻甩佬心甘情願做你神隊友，你要點做。

最大原則，你唔好再批評佢，批評係完全唔會有改變。你已經試左咁多年都仲未明？佢湊仔，你話佢湊得衰，佢直頭唔湊。佢教仔又唔俾鬧，咁佢咪直頭唔教，你教晒。總之佢做左乜，都有人批評。比著你，你仲做唔做？其實佢心底擺明好唔順。佢做唔到你心目中老豆應該要做既野，其實你有份造成，你太喜歡批評了。

你想佢成為你心目中既好老豆，只有讚美一途。你要好細心留意佢有乜做得好，一發現到唔好錯過，係咁讚佢。咁果樣佢做得好既事就會保留。之後，再發現佢其它做得好，又讚，又保留多一樣好野。總之，讚美等於保留佢既好特質。明唔明？

然後，你讚得佢多，佢付出就會心甘情願。你欣賞佢既付出，佢先會欣賞你的付出。

關係是相對的。你而家既做法係你批評，佢就逃避乜都唔做，係好負面既循環。你應該將呢個負面變正面。你欣賞和讚美佢既付出，佢就會心甘情願越做越多，和反轉懂得欣賞和讚美你的付出。

現實係，我本身係一個好投入既爸爸，週末週日一定出街和細路玩餐飽。但有時都唔會做得完美，例如放左工都未必全程投入和細路玩，太累了，有時又顧住玩電話。但我老婆有無批評我？無，反而佢會讚我和仔好親近。我又會成日提個仔媽媽生你很辛苦，每晚要錫媽媽。我地兩公婆好少互相批評，通常都搵位讚對方。呢個就係分別！

私人傳訊

gilgil39

子爵府

積分: 12727

25^#

發表於 18-7-17 13:47 |只看該作者

dativebond 發表於 18-7-17 09:34
本帖最後由 dativebond 於 18-7-17 09:41 編輯

樓主，作為男人，我認真答你，如果你想麻甩佬心甘情願做 ...

多謝你意見！我估你得一個小朋友？

私人傳訊

gilgil39

子爵府

積分: 12727

26^#

發表於 18-7-17 14:47 |只看該作者

dativebond 發表於 18-7-17 09:34
本帖最後由 dativebond 於 18-7-17 09:41 編輯

樓主，作為男人，我認真答你，如果你想麻甩佬心甘情願做 ...

不過好奇怪點解你會覺得我成日批評我老公，如果佢有心做我讚都嚟吾切，只不過佢成日比我覺得佢冇heart; 同啲仔出去戶外活動就因為怕熱黑口黑面，我都忍住唔出聲；佢只係卦住令自己relax嘅嗜好，但係屋企好多野就唔記得，我只係希望佢幫到我少少，做我情緒支援多少少姐

私人傳訊

dativebond

大宅

積分: 4224

27^#

發表於 18-7-18 09:17 |只看該作者

gilgil39 發表於 18-7-17 13:47
多謝你意見！我估你得一個小朋友？

兩個

私人傳訊

dativebond

大宅

積分: 4224

28^#

發表於 18-7-18 09:20 |只看該作者

gilgil39 發表於 18-7-17 14:47
不過好奇怪點解你會覺得我成日批評我老公，如果佢有心做我讚都嚟吾切，只不過佢成日比我覺得佢冇heart; 同 ...

本帖最後由 dativebond 於 18-7-18 09:29 編輯

我無話你唔啱。我就當你老公天生係咁衰，咁你而家唔滿意嘛，你想佢有改變，咁用乜方法呢？唔好再講佢有乜做得唔好，只講佢有乜做得好，同埋個標準唔好一早訂係完美度，少少野都讚到天咁高。

例如你話佢有帶小朋友出街玩，你咪讚佢有心囉、愛小朋友囉，佢自己好難唔同意。佢黑面，就唔好批評。我好難相信你讚佢有心和愛小朋友，佢可以唔寬容少少。你做既野表面上係讚美，但實質其實係控制緊佢情緒。唔好覺得讚人係蝕底，其實讚人果個先係主導者。亦唔好以為搵位讚人好易，其實要好留心，並且堅持，先能變成習慣和自然。你明唔明我意思？

總之，要人改變，必然走讚美呢條路，批評完全無用(太多人試過，有用就唔駛係度呻，係咪？)。