婆媳關係

收藏本版
發帖
返回列表
跳至頁

首頁
12

尾頁
   0
alicemic


翡翠宮

積分: 92562

2025勳章蛇年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


21#
發表於 09-4-19 23:27 |只看該作者
我6299都ok家！同62好好有講有笑，同奶奶有時就有小小磨擦，此終兩代人處事嘅方法唔同，如果真係頂唔住，我會唔出 sing, 笑笑口算數。 第日無事發生！ 除此之外perfect！

例如︰
有我屋企隻key但從來唔會自己開門入嚟
買嘢又會預埋我
我女家出咗問題從來無叼難我，無比說話我聽，叫我c6幫我手，仲開解我，又有一年公司出現咗問題，佢哋二話不說就立即借錢比我哋真係好感激佢！

但係大嫂就對佢哋唔好，有時真係人夾人！
私人傳訊

joeccl


大宅

積分: 1022


22#
發表於 09-4-20 00:02 |只看該作者
我老爺奶奶都好好架
坐月果陣老爺煮五更飯比我食
我老爺以前做廚房，煮餸超好食
我奶奶都超好，成日幫我手湊女
黎到我屋企又會幫我抹地
私人傳訊

朱寶


大宅

積分: 1355


23#
發表於 09-4-20 03:15 |只看該作者
我99都好好架! 我結婚前買樓, 佢借首期比佢個仔, 我自己個份就自己出, 但層樓個名寫我一個人, 當時我同老公都未結婚, 但99都無問題囉!
由識我老公第一日到家下結左婚生埋仔, 前後十八年, 上去我99度食飯, 佢都唔比我入廚房, 洗碗, 畢湯, 乜都唔比我做(唔係我做唔到), 食完飯仲切埋生果, 剝埋橙皮比我架!
我同老公結婚, 由開始籌備到擺酒, 佢都無多多聲氣, 乜都聽晒我地話, 叫佢幫我地準備乜, 佢就做乜!
結婚之前, 佢好主張我地唔同佢住, 佢話相見好, 同住難, 但唔係佢難相處, 係老爺呀, 哈哈!
結婚之後, 佢講到明任得我生唔生bb, 唔生佢都唔會介意
到我生左bb, 佢日日都上嚟屋企幫我湊b, 但又唔會擺住阿b唔比我湊, 仲好鍚阿b
生bb前, 佢已經話一定會幫我湊, 結果都係, 而且仲湊得好好呀!
到阿b歲幾,我quit左份工,自己湊bb, 佢見少左bb, 都無話唔鍾意, 而且時不時就會煲埋湯上我屋企, 比我地飲
我地有事或者自己貪玩想去街, 只要比個電話佢, 佢就一定會幫我地睇實阿b, 而且仲會好開心
家下同我地一齊飲茶,有時又會主動比錢, 我每年生日, 佢都一定記得, 而且會比兩封大利是比我, d股票派左股息, 佢又會比錢我, 叫我買合心水既野比阿b, 佢話我識買, 唔會佢買左又唔啱囉!
大家話我99係咪頂瓜瓜呢 ..................
私人傳訊

123!@#


伯爵府

積分: 16607


24#
發表於 09-4-20 11:08 |只看該作者
雖然我係未結婚, 但都同未來99相處16年,
佢從來都無變過, 雖則未去到當我係親女看待, 但絕對唔係當我係外人.
買樓會話俾少少$我地, 又會問侯我媽媽, 又唔會問c6拎$$, 做節又會問下我女家幾時做.
好似昨晚去她家吃飯, 開左冷氣, 我打左1個 "乞次", 佢即刻拎件乾淨既外套俾我著.
個刻我好感動.

私人傳訊

nanahang


民房

積分: 11


25#
發表於 09-4-20 19:37 |只看該作者
喺我角度,如果99自己本身有女,佢會無咁鍚你,因為佢都有女,咁仲乜要咁錫你啫..心抱都係咁話.仲要兩個女...得我老公一個最細,我結咗婚好似要同三個爭..因為我地係一齊住既..
如果99本身無女..佢就會錫你多,,會當你係女咁鍚,呢個係我個經驗!

[ 本帖最後由 nanahang 於 09-4-20 19:39 編輯 ]
私人傳訊

lilybaby8282


子爵府

積分: 10397

好媽媽勳章


26#
發表於 09-4-20 20:57 |只看該作者
原帖由 朱寶 於 09-4-20 03:15 發表
我99都好好架! 我結婚前買樓, 佢借首期比佢個仔, 我自己個份就自己出, 但層樓個名寫我一個人, 當時我同老公都未結婚, 但99都無問題囉!
由識我老公第一日到家下結左婚生埋仔, 前後十八年, 上去我99度食飯, 佢都唔比我 ...

我99同你99有得比喔.......但是我99不在了.她不在时她3个"心抱"哭得仲辛苦过其的子.99好好ge .好挂念她．．．．．．
私人傳訊

朱寶


大宅

積分: 1355


27#
發表於 09-4-20 23:42 |只看該作者
我會珍惜眼前人呀! 我99得我一個新抱咋!
原帖由 lilybaby8282 於 09-4-20 20:57 發表

我99同你99有得比喔.......但是我99不在了.她不在时她3个"心抱"哭得仲辛苦过其的子.99好好ge .好挂念她．．．．．．
私人傳訊

NYmom


大宅

積分: 1724


28#
發表於 09-4-21 03:37 |只看該作者
原帖由 kurisutaru 於 09-4-19 16:38 發表
我睇書又講要對自己有信心, 爺爺嫲嫲點講野其實係唔會影響小朋友既情緒... , ...


唔係嚇你，我錫嫲嫲多　Ｄ

私人傳訊

我愛Corina


瑪瑙宮

積分: 138384

2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


29#
發表於 09-4-21 05:57 |只看該作者
我老爺奶奶都好好ga...

屋企定頭細務唔洗我做,我淨係湊住個女..

生BB前,多數係99車我去做CHECK UP,一早整定薑醋+黃酒,又不時整燕窩比我食..又買定好多bb衫,(我一早都買左好多,變左好多衫都冇著過)...

生BB時,佢一日黎醫院探我兩次(送飯+湯+紅'JO'水),睇到有乜唔就即刻去買,返到屋企坐月,日日都有4餐,又煲冬蟲草,花膠果D比我食..沖涼就煲埋薑水,較埋水比我沖..又問佢做醫護果D親戚點解我個傷口仲咁痛,食乜OR用D乜好...盡量幫我餵夜奶...幫bb沖涼等等,我想餵人奶,但冇奶,佢有整d谷奶既野比我飲,不過都係冇...佢就安慰我,話食奶粉都好好...

佢有提意比首期我地買屋,不過之前樓市太貴,所以我地都冇心睇,佢就自己去睇..(好彩買唔成)...

奶奶好記得我生日,年年生日我一起身佢就會比利是我,有時我自己都唔記得..聖誕節既禮物價值都同老公+姑奶既一樣,盡量做到唔偏心...

奶奶整野食又好叻,所以我生完都減唔到肥,因為成日有好野食...

老爺係男人,當然同佢冇咁frd啦..但佢都好錫我地,佢知我老呢排搵少左,所以借d易比錢我地洗,不過我已經同佢講左,我地暫時仲ok,仲夠錢洗,叫佢唔好擔心,咁佢先至唔比...

最好既係,佢地冇迫我再生多個'仔',佢地係圍村人,想要'仔'係好正常,但每當佢地d朋友問我幾時再生時,奶奶都話一個都夠啦,遲d先再諗..

有次姑奶又迫我生仔,奶奶就話'生仔係咪有得分?'咁姑奶就唔敢咁出聲啦...到而家都冇再問(佢以前成日迫我生仔,又迫佢媽咪唔好分身家比我地)哈哈!!!!!

我老爺奶奶對我地真係好好,畢竟我地係兩代人,當然會有不滿既時候,但樓上媽咪講得岩,計較得少係會開心D...
私人傳訊

siusum


伯爵府

積分: 15132

好媽媽勳章 醒目開學勳章


30#
發表於 09-4-21 09:53 |只看該作者
可能鄉下習俗關係(福建人), 我6299唔識坐月補身個d, 都冇特別煲d咩比我坐月, 但我都覺佢地係好好o既6299

我自己坐月, 99每日都煮d野黎比我, 我煮個白飯就ok, 佢唔識煮燉品, 但都差唔多日日有魚湯/雞湯
上到黎唔會嘈住話要點湊點湊, 望下bb, 就會返屋企, 唔會專登整醒bb, 係bb醒左先會抱下咁
帶c6阿姨上黎探bb都有先問過我地, 即使明知我係屋企佢地又有key都會先打電話上黎禁門鐘, 唔會自出自入
不設條件咁幫我地湊日頭, 由bb 2個月大到宜家兩歲大, 仲有個細b係7月出世, 都會係99屋企湊日頭, 不過99體力大不如前, 我地都請咗工人幫99手lu...

見好多媽媽都呻佢地個福建6299點點點...
覺得自己都幾幸福, 有個好錫自己同bbo既6299
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy