吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 不如講下你地同老公係點識? 你覺得係咪緣份整定呢? ...

夫婦情感今日: 19|主題: 42776

收藏本版

發帖

返回列表

跳至頁

樓主: 匿名

不如講下你地同老公係點識? 你覺得係咪緣份整定呢? [複製鏈接]

123 4 5

阿包子

別墅

積分: 646

21^#

發表於 04-11-26 01:05 |只看該作者

Re: 不如講下你地同老公係點識? 你覺得係咪緣份整定呢?

我未結婚
同男朋友是中學同學
已經拍了五年半拖.感情仍然好 sweet!~~~
& 我覺得是注定的.因為之前大家都拍過拖都分開
但今次咁耐都仲咁 sweet!

大家好!~~~我是阿包子~~~ 阿包子個阿~~~ 阿包子個包~~~ 阿包子個子~~~ 謝謝~~~ ;-) ;-) ;-) ;-) ;-) ;-) ;-) ;-) ;-)

私人傳訊

Maggie519

大宅

積分: 4976

22^#

發表於 04-11-26 03:38 |只看該作者

Re: 不如講下你地同老公係點識? 你覺得係咪緣份整定呢?

我係佩眼鏡嗰時識我老公既,話說我嗰日朋友同個朋友去我老公間公司佩隱形眼鏡,係我老公幫我攪既,到走嗰陣,我問佢:你貴姓呀?點知佢幾串甘話:我講左你都唔記得啦!甘我咪串番佢話:如果我記得點呀,跟住佢話如果我記得就請我地食早餐.之後我再去佢公司羅眼鏡嗰陣就串佢話:x生,你爭我地餐早餐幾時食呀?之後就由早餐變宵夜,再交換電話,跟住佢打電話比我約我睇戲,之後就開始左,最後咪做左x生個太太羅

私人傳訊

SUSANNA

伯爵府

積分: 17464

好媽媽勳章 BK Milk勳章

23^#

發表於 04-11-26 09:40 |只看該作者

Re: 不如講下你地同老公係點識? 你覺得係咪緣份整定呢?

fungyee
我同你一樣, 由小學二年班認識老公, 都係青梅竹馬, 不過就係畢業後出來工作才拍拖, 計下計下都認左二十多年了.

私人傳訊

fungyee

公爵府

積分: 28876

畀面勳章

24^#

發表於 04-11-26 10:40 |只看該作者

Re: 不如講下你地同老公係點識? 你覺得係咪緣份整定呢?

SUSANNA 寫道:
fungyee
我同你一樣, 由小學二年班認識老公, 都係青梅竹馬, 不過就係畢業後出來工作才拍拖, 計下計下都認左二十多年了.

SUSANNA,
我認識我老公都有廿幾年了, 中五先開始拍拖, 都試過同一間公司做野, 其實我地離離合合過無數次, 中間佢又同過第二個一齊, 我亦都係, 我曾經有段時間非常憎佢, 好唔想見到佢, 但最終都走番埋一齊, 呢d就真係緣份.........

私人傳訊

Mummy

男爵府

積分: 5874

25^#

發表於 04-11-26 11:12 |只看該作者

Re: 不如講下你地同老公係點識? 你覺得係咪緣份整定呢?

我識我老公係好傳奇的, 要由我阿媽講起。

話說我阿媽生左我阿哥之後就同佢老公離左婚, 跟住我阿媽就離開左果個家, 好似粵語殘片咁, 佢個奶奶唔比我阿媽帶走我阿哥, 自此之後, 佢地兩母子都冇見過面, 直至到我阿哥15歲。

點解佢地會見番面呢? 就係我阿哥15歲果年, 我阿媽就同我姨媽返廣州鄉下, 咁岩得咁橋, 我阿哥既阿麻, 姐係我阿媽個Ex-奶奶又帶我阿哥番廣州, 竟然咁都撞到! 我阿媽認得佢Ex-奶奶, 咁我阿哥先至咁同我阿媽相認番。

跟住點會扯到我老公果忽呢? 我阿媽認番我阿哥之後就識左個女仔 (我ex-大嫂), 而我老公就係我Ex-大嫂個家姐個老公個同事黎! (係咪好長?) 果時我做summer job, 就係去左佢家姐果度做, 佢開美容院的, 果時佢家姐已經好睇我個ex-bf唔順眼架啦, 果時我已經同我個ex-bf都係好淡, 正正係食之無味, 棄之可惜果隻。就係咁, 佢家姐就介紹左我老公比我識, 初時係未拍拖的, 收尾我飛左我個Ex, 我老公就開始追我, 你知啦, 甩拖後最空虛, 同埋我見佢都唔錯, 真係甩拖前後都唔夠十日, 就開同佢拍拖, 6年後仲結埋婚忝!

咁你話, 係咪如果唔係我阿媽撞番我阿哥, 我阿哥又識到佢前度老婆, 我又點會識到我老公?

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

MrsCLee

大宅

積分: 3118

26^#

發表於 04-11-26 12:24 |只看該作者

Re: 不如講下你地同老公係點識? 你覺得係咪緣份整定呢?

我同我老公係讀興趣班識架, 我成世人都未讀過興趣班 (仲係 d 好唔出名

我要學習做會笑的媽媽

私人傳訊

crickey

大宅

積分: 1147

27^#

發表於 04-11-26 13:40 |只看該作者

Re: 不如講下你地同老公係點識? 你覺得係咪緣份整定呢?

我同我老公係卡啦ok識架, 係d fd 帶fd出黎識
佢一見鍾情左我.....個朋友, 咁佢仲好抵死咁話做我啊哥
叫我幫手追我朋友......當然係追唔到啦 ! 因為我朋友有男朋友架...哈哈 ~ 跟住我開解佢啦...開開下就比佢攪定左了...

仲有樣野更加有緣, 原來...計埋條數...我老公佢係我啊媽既表表弟...咁佢就係我表表舅...哈哈...幾奇 ~

私人傳訊

SHAN1226

別墅

積分: 886

28^#

發表於 04-11-26 14:11 |只看該作者

Re: 不如講下你地同老公係點識? 你覺得係咪緣份整定呢?

crickey

咩唔係有親戚關係唔可以結婚o架咩??? ?-(

私人傳訊

oceanid

大宅

積分: 1129

29^#

發表於 04-11-26 15:40 |只看該作者

Re: 不如講下你地同老公係點識? 你覺得係咪緣份整定呢?

我和我老公是

私人傳訊

fionshum

大宅

積分: 1382

30^#

發表於 04-11-26 16:06 |只看該作者

Re: 不如講下你地同老公係點識? 你覺得係咪緣份整定呢?

老公是同事的朋友, 當時身邊的女性朋友都拍拖了,
諗住有人追就拍下啦, 拍到咁上下就結婚low,
我覺得似比鬼整多 d. :-x

私人傳訊

已刪除用戶

已刪除用户

積分: 846

31^#

發表於 04-11-26 16:58 |只看該作者

Re: 不如講下你地同老公係點識? 你覺得係咪緣份整定呢?

提示: 作者被禁止或刪除內容自動屏蔽

私人傳訊

~小熊貓~

禁止訪問

積分: 1160

32^#

發表於 04-11-26 18:58 |只看該作者

Re: 不如講下你地同老公係點識? 你覺得係咪緣份整定呢?

提示: 作者被禁止或刪除內容自動屏蔽

私人傳訊

咕怪媽媽

男爵府

積分: 7836

33^#

發表於 04-11-26 22:09 |只看該作者

Re: 不如講下你地同老公係點識? 你覺得係咪緣份整定呢?

我同老公響黃大仙解"千"檔識架~~~大家都去求"千"囉。
所以而家成日都比人羅"三笑姻緣"果首歌來笑:
求神！求神！~~~~~~

私人傳訊

muimui313

男爵府

積分: 8831

34^#

發表於 04-11-27 02:50 |只看該作者

Re: 不如講下你地同老公係點識? 你覺得係咪緣份整定呢?

我覺得真係整定架.
為左同前度男友分手, 所以去左美國一個無咩人識既州讀書, 果度只有粟米田, 豬同白人.當時年紀都唔細, 成二十八歲.

私人傳訊

小喬

複式洋房

積分: 364

35^#

發表於 04-11-27 04:04 |只看該作者

Re: 不如講下你地同老公係點識? 你覺得係咪緣份整定呢?

其實唔好介意自己o既過去,我细時同你樣跟d壞朋友去做PR,(倍唱唔倍出街個隻)嗰時得16歲,未知天高地厚,有日返工,入到K房見到有大班男仔(包括我老公),佢地個個都有叫女仔坐隔離.之後我入到房,有個無女仔我未坐埋去o羅(係我老公個fd).當時我以家老公成日叫我唱歌,又叫猜妹...(好煩^^)當時唸,佢身邊都有坐女仔o架.不過佢無理過.佢走前仲比左個電話我,叫我有空就打比佢...當時唸(白痴.又唔係靚仔又無feel)比完我轉頭都拋了.之後佢成日上o黎揾我.有次比左call機no佢,第2日就約我出街.其實好奇妙.因當時我從不同卡o拉ok d 客出街玩.佢係第1個.就係o甘出多幾次就拍拖了.同佢一齊之後我就無再返卡o拉ok了.拍拖5年結婚到現在差不多12年了.我們囡囡都4歲嗱,人人都話我幸福.所以邊個話歡場無真愛^^

(我囡囡成日同我講i love you ^^i love you too

私人傳訊

charlotteling

男爵府

積分: 9211

36^#

發表於 04-11-27 10:24 |只看該作者

Re: 不如講下你地同老公係點識? 你覺得係咪緣份整定呢?

我同我老公是中四的同學, 他讀了一個學期就移民了, 我地間唔中都有寫下信, 如是者兩年.

1992年, 我17yrs個年summer佢番來, 佢就追我, 可能一直都對佢有的好感, 所以好自然就係埋一齊, 但問題就開始出現喇 .他那時仍然讀緊high school, 要畢業返來HK都仲有好多年, 屋企人同朋友都好反對同都唔睇好, 因為一年先會見兩次 (X'mas 同 summer). 有時是我去Canada或者是佢返來.

我地就係長時間分開中拍了五年拖, 呢五年真的很辛苦, 每次我們要分開的時候, 個種感覺到現在也想起來也很難想像自已是如何面對的, 個時IDD也很昂貴也沒有e-mail, 我們都是靠寫信來維繫我們的感情, 每星期也等他的來信, 每個月也只會傾一兩次的電話, 可能呢的原因, 我們的感情是特別深厚和很珍惜每次見面的時間.

1997年他終於畢業返來HK, 我地終於可以同普通的情侶一樣, 每日都可以去下街食下飯, 不再受時間的限制, 盡情的拍拖.

2000年我地就就結了婚, 有了自已的小天地.

2004年我們的孩子也出生了.

我同我老公從認識到現在都有14年了, 在我生命中,他差不多佔據了我了我一半的時間及回憶, 我想在將來他會佔有我更多的回憶同時間, 我真的希望我們可以白頭到老.

昨天是我們結婚4週年 !!

Welcome to Oscar's World

私人傳訊

東京mewmew

大宅

積分: 2072

37^#

發表於 04-11-28 12:34 |只看該作者

Re: 不如講下你地同老公係點識? 你覺得係咪緣份整定呢?

十幾年前, 我重係一個學生, 係我同我ex-bf 拍緊拖既時候, 有一日, 我同我另外一個同學去廟街睇相, 果陣時, 我同我ex-bf 拍拖好甜蜜, 仲諗住會係埋一齊(已經見埋家長果隻), 去到廟街, 都係隨隨便便搵個睇相佬睇下相, 玩下。

點知, 個睇相佬話我呢段情緣係唔會開花結果, 我現在既男友(ex-bf) 只係在我生命中一個好短暫既人, 而我既真命天子會係我24歲時出現, 我睇完相, 重同我個同學笑笑口咁話:"車, 個睇相佬都唔準既", 我重將呢個笑話講比其他同學聽添。

後來, 我同我ex-bf 係我23歲個年, 因為性格不合, 分左手, 我想"矮"佢同我一齊, 但係佢點都唔肯, 有一次, 佢望我既眼神好冷, 好無感情, 就係咁, 我已經知道我地玩完, 我傷心左好耐(大約半年度), 無幾耐, 我地就畢業, 出黎社會做野, 之後我同我ex-bf就再無見過面喇。

就係我出黎做野約半年度, 我係年尾轉第二份工既時候, 就係我公司識左我老公, 佢公司係樓下, 我係樓上, 奇就奇在我地不同部門, 佢高我成四、五級, 而且, 照一般情況, 佢地呢D高級人士係唔會show我地老闆既(因為佢地覺得我老闆呢個rank低級), 更何況我呢D小角色。但係唔知點解, 我老公又同我D老闆好friend, 我去返工既第二日, 重一齊飲茶, 又安排我同我老公坐埋一齊, 我當時出黎做野無幾耐, 都唔知發生物野事, 後尾, 我聽我老公講, 話見到我就鍾意左我(即係一見鍾情果隻, 但係我對佢就無物感覺), 果陣時我岩岩過左24歲生日, 真係好喬。

後來, 我發現我老公同我係同一個鄉下, 住得好近, 話時話, 我有時放假同個女出街, 失驚無神都會係街撞到我老公(因為佢有公事), 放工又會係lift口撞到, 我覺得都幾神奇架。但係同以前D ex-bfs就無試過成日撞到(就算果時係學校咁細, 都好難成日撞到)

而且, 好多人都話我地有夫妻相喎, 咁我地又真係幾似樣既。