吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 生咗個女後，婚姻關係差咗..... ...

夫婦情感今日: 0|主題: 42775

收藏本版

發帖

返回列表

跳至頁

樓主: 匿名

生咗個女後，婚姻關係差咗..... [複製鏈接]

dudu19812002

男爵府

積分: 5646

醒目開學勳章 2011精緻種植勳章

21^#

發表於 04-11-30 17:20 |只看該作者

Re: 生

我個囡依家十九個月,我開頭生個囡時,我老公都會係好冷淡咁的呀....咁我有問過佢,佢就話一來唔適應屋企多個人仔,二來金錢上又要用多個人錢,所以會有點兒苦惱,三來個bb仲細,我老公話想同bb玩,但又唔識抱佢又怕自己整親佢,而且同bb玩,bb又未識俾反應佢,但我就唔同,因為我一來生佢出來,感覺會同我老公唔同,二來我地女人細心d,對bb都小心d,抱bb又放心一d ma....其實你可以同老公冷靜地傾下....最緊要係冷靜...唔好成個瘋子咁...咁正常你老公會同你傾

私人傳訊

smartlinus

複式洋房

積分: 409

22^#

發表於 04-12-1 18:08 |只看該作者

Re: 生咗個女後，婚姻關係差咗.....

可能因為囝囝好頑皮,老公知道要我全職照顧囝囝好辛苦,有時仲會比囝囝激到死死吓!所以老公反而比以前體貼咗,除咗返工,全部時間都放係屋企,幫手照顧囝囝,又幫手做家務.放假一定會一家去食餐好,同埋瘋狂shopping,所以我先頂得住 :mrgreen:

私人傳訊

koko39

大宅

積分: 1116

23^#

發表於 04-12-2 18:48 |只看該作者

Re: 生

maya'smama,

我初初都同妳一樣覺得老公唔鍚個囡，打電話返屋企都好少問下個囡，就算個囡喊佢都可以冇咩反應。有次我忍唔住問佢知唔知有個囡囡架?先知原來佢覺得屋企有奶奶同我仲有2個工人湊住個女好放心?反而係佢覺得有左囡囡我冇咩陪佢同關心佢。所以兩公婆好需要溝通，依家佢朝朝都同個囡玩先返工，而我亦會抽時間多o的陪佢。

私人傳訊

lingtung

男爵府

積分: 6880

24^#

發表於 04-12-3 09:48 |只看該作者

Re: 生

你試下同老公講要去買野..叫老公睇住個女，你就留在大門口出面聽，聽下個女有冇哭，或許你比些時間兩父女單獨一齊見面，是否會好些，有時...d男人就算係緊張個女，都唔會表露出來
而且...你不要因湊個女，而忽略你老公丫！！
其實...男人一樣要女人氹，不只女人要男人氹ma..
找些家庭樂，不要為湊個女說沒時間家庭樂，一家人要有講有笑ma...

私人傳訊

sin_1437

大宅

積分: 3367

醒目開學勳章

25^#

發表於 04-12-4 05:35 |只看該作者

Re: 生

CMMANDY 寫道:

我的個人意見, 叫老公喂BB食奶, 妳就叫工人做其他野, 等佢同BB有一些親子時間, 因為妳有工人, 所以老公覺得實有人理, 所以令妳覺得佢什麼都唔理, 同老公傾多D BB野, 打針都要老公去, 等佢見到個女哭, 肉痛下都好呀!!

我都係咁樣做.當我老公返工有時間打比我個陣我都會同佢講下個女既近況,乜都講下,等佢掛住個女,等佢記得自己有個女.
仲有當個女大多幾個月牙牙學語發出"爸爸"聲個陣,老公實開心死,因為依傢我個女成日都"爸爸,爸爸",好小"媽媽,媽媽"老公不知幾開心呀!成日都好似叫爸爸咁,見佢地開心連我都開心埋一份啦!

私人傳訊

snoopymummy

大宅

積分: 2125

26^#

發表於 04-12-5 00:07 |只看該作者

Re: 生

唔好諗埋一邊呀!聽過咁多意見,我都同意男人同女人你唔同架,我初頭都有類似情況,以為老公唔鐘意個女,無咩反應咁,又唔鐘意抱佢同佢講野玩咁,心諗仲有咁長日子點算?
後來,一路溝通先知道老公覺得1.BB咁細個唔識聽,同佢講野玩好白痴,都唔知點好. 2.BB咁細粒唔識抱 3.食人奶又唔駛佢餵,幫唔到咩手. 於是咪接納他的想法,唔好太緊張,然後慢慢同他解釋多D,比多D野他參與,教他點同BB玩囉!
而家,我個女6個月,玩就搵爸爸,食先搵我,同爸爸玩到癲晒,笑到卡卡聲,同我就點都唔會,我都不知幾呷醋!

我的寶貝女朗朗在5月25日早上7:40分出左世.仍然是全人奶bb,唔肯飲奶粉的體重記錄
5/25 --2.7kg 43cm       6/1 --
6/5 --2.76kg                6/11 -3.02kg
6/18 --3.3kg                   6/28 -3.75kg
7/5 --4.1kg 58cm       8/5 --5kg
10/4 --6.06kg                12/6 -- 6.46kg
無磅好耐啦,費事磅,反正都係xs碼,我個女食得行得睡得玩得排牙仲好駛得,又好精力過d大人,足以累死你,磅數仲算d咩呢

私人傳訊

YanYeeMaMa

複式洋房

積分: 208

27^#

發表於 04-12-5 01:11 |只看該作者

Re: 生

其實都好在乎個男人有冇心囉,我哋做女人懷胎十月巳十分辛苦,生咗出嚟如果只係女人負責哂凑仔嘅工作,而男人就持住出外工作而唔負吓揍仔責任!梗係會一個向左走,一個向右走!
因為大家專注事情唔同,佢又感受唔到湊仔苦與樂,又點有話題!而且現今嘅家庭好多人有工人用,又點會落手落腳做!d男人就會持住有工人,老婆做就唔郁!!!咁又少d親子機會!
我同老公都要一手一腳揍bb,因我哋無請工人,bb由我媽媽揍!
但因我媽媽仲要照顧我其他家人,所以我哋一收工,放假就自己揍bb!所以所有揍仔工作我同老公都會做,我哋因番工時間唔同,就會互相滙報bb嘅情況!(簡單到連bb疴咗屎未都傾一餐)無工人雖然辛苦d,但就有好多同bb and老公溝通機會!現在我有咗第2個baby,我老公都好開心!同有信心揍細b,不過就一定要請工人做其他家務!!!
所以各位老公,
老婆生仔,揍仔巳好辛苦,唔好冷落老婆!個bb係兩公婆都有份架!唔係俾家用就得!