kkyyn 發表於 20-5-29 07:46 
回覆 rose-mag 的帖子
現在做担保人,幫d39吾識7的人做担保,公價4萬美金
我老細個擔保人係冇收過一蚊,呢D幫人擔保收錢同假結婚一樣咁大風險,只要被擔保果個之後去攞政府福利又俾人檢舉就一身蟻,當然假結婚就直情犯法啦。我老細個擔保人係佢喺領事館識到架,老細係親戚申請過嚟美國,但去到最後一步:生活擔保,親戚唔肯做,於是申請被拒,老細話果個擔保人可能見佢個樣好沮喪,走埋去同佢傾計,之後就話不如由佢擔保,我老細仲覺得匪夷所思,自己親戚都唔肯喎,而後來呢個擔保人更加喺我老細嚟咗美國之後為佢提供好多幫助,教佢如何喺美國生活,老細叫佢做自己嘅American father,當佢係自己契爺,而事實上我老細對呢個擔保人比擔保人自己嘅仔女更好,我想呢D係人與人之間嘅緣份嚟。
BTW,唔多建議搵唔識嘅人做擔保,考慮清楚自己係唔係有能力喺美國生活,美國之後嘅經濟有排都唔會復甦,應該話全球經濟都有排至可以恢復,而且國家大隱憂多,唔係一兩任總統任期可以解決到。
花旗太太生活在花旗國,留意時差,你問我未必即時答到。