本帖最後由 klsabb 於 20-8-26 18:19 編輯
其實我自己都有呢個問題. 我仲要唔係同BB住. 由我10個星期ML之後, BB就跟婆婆住, 我每晚係放工返去食飯揍仔4個小時就要走返自己屋企. 第二日要返工.
每日只有4個鐘真係唔足以令BB痴我. 我都曾經好唔開心. 宜家BB 1歲, 就算早排有WFH過, 叫做close 左DD. 但有咩事BB第一時間係去搵公公婆婆, 我放工返去佢都未必第一時俾我抱. 痴到婆婆實.
講真, 我係呷醋架!! 自己10個月陀佢, 咁痛生出黎, 佢唔要我?! 但可以點?
呢個環境, 我又唔可以放棄份工, 做到既只可以返到去電話都唔拎出黎, 餵飯, 換片, 陪玩, 11pm餵埋支奶, 佢準備瞓我地先走. weekend 盡可能自己揍, 早排疫情好勁, 費事帶BB出去, 我同c6 weekend 直頭係我媽度住, 瞓廳. 都要陪BB一齊. 宜家BB大D, 我地又搬近左, weekend 就帶BB返自己屋企2日親子時間一下. 如果唔係早排WFH 建立到關係, 我諗BB真係唔會跟我地走.
其實婆婆揍有個問題係佢地真係會縱, 自己睇到,話佢又唔好意思, 又唔想傷感情. 只可以慢慢心平氣和同2個老人家講. 其實佢地做唔做到我都唔知. 不過始終無本事自己揍, 只要BB唔太過份我都無得好講.
時間係得咁少, 只可以盡力擠出黎. 加油呀!!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
