吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶鬧我媽咪，之後仲話賣樓，怪哂我錯！ ...

婆媳關係今日: 0|主題: 27766

收藏本版

發帖

返回列表

跳至頁

樓主: 屁屁豬

奶奶鬧我媽咪，之後仲話賣樓，怪哂我錯！ [複製鏈接]

123

honeybid2

男爵府

積分: 8127

21^#

發表於 21-3-12 09:30 |只看該作者

~玉子豆腐~ 發表於 21-3-12 00:39
我覺得你請陪月阿99講番都會同樣既說話，不過你聽到都應該無話自己阿媽甘嬲囉
...

冇錯，樓主太天真以為99表裡如一。
再者，親家飲茶吹水講股票經，返到屋企閂埋門咪一樣同老公講阿親家點點點... 同埋飲茶點同上屋企主場。

私人傳訊

屁屁豬

複式洋房

積分: 345

22^#

發表於 21-3-12 10:01 |只看該作者

breadcheung 發表於 21-3-12 08:22
本帖最後由 breadcheung 於 21-3-12 09:46 編輯

其實樓主奶奶嘅行徑係想迫樓主走，但係樓主又唔想買或 ...

一，我冇話要r樓，但係我99話裝修，要我地兩公婆夾錢，我都覺得應該，始終我地係度住，有份享用，但係比完哂裝修錢先話賣樓，我地邊到有咁多錢呢？裝修60萬，每邊夾30萬，依家突然趕我地走，之前d積蓄都冇咗好多！
二，我地亦想買樓，但私樓太貴，居屋抽唔中，如果抽中居屋我地都買咗搬咗喇，洗鬼留係到受氣咩！

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

23^#

發表於 21-3-12 10:40 |只看該作者

你99都開到口叫你地搬走, 你地除咗搬仲可以點? 你地可以揀搬走或求99繼續收留你地. 結咗婚仔都生埋, 係時候自己一家一主喇.

私人傳訊

hattienail

男爵府

積分: 6784

24^#

發表於 21-3-12 12:29 |只看該作者

屁屁豬發表於 21-3-12 10:01
一，我冇話要r樓，但係我99話裝修，要我地兩公婆夾錢，我都覺得應該，始終我地係度住，有份享用，但係比完 ...

叫老公同佢講賣左分番少少裝修費？如果裝左唔係好耐，靚裝賣果陣都開價貴d啦

都係覺得要搬，寧願租屋住

私人傳訊

c27cheun

子爵府

積分: 11395

25^#

發表於 21-3-12 14:08 |只看該作者

其實你奶奶係衰，刻薄又唔比面親家，但層樓係佢，佢可能都心諗，點解我要留你係到受氣。
至於装修比左個30萬，睇下可唔可以拎返10萬8萬，同奶奶講租屋搬屋都要錢先走到。其實你地住左幾年咪當交返租比奶奶囉。

私人傳訊

lynnchan

大宅

積分: 1488

26^#

發表於 21-3-12 14:09 |只看該作者

屁屁豬發表於 21-3-11 20:43
層樓係我6299，但係佢地好多年前已離婚，依家得我99，佢男朋友，同埋我地一家三口一齊住，姑奶已婚搬出去住 ...

本帖最後由 lynnchan 於 21-3-12 14:16 編輯

你呢d經歷我以前都經歷過，你99話你媽嗰句「細既唔識大既都唔識咩」我99都一模一樣話過我媽媽。原因係我99亦後生，話唔識幫人坐月，亦唔可以請假一個月驚冇左份工，事實上佢生左3個仔，一句唔識，叫我媽媽請假一個月幫我坐月，我媽媽都返緊工，但係我媽媽都答應左照顧我。我開刀生，出院前bb黃疸指數太高，醫生話bb要留院照燈，我當然要相信醫生和科學，同意左（當時我同老公、我媽媽在場），跟著bb就送入去照燈，99到醫院後發爛咋，話醫生呃人，危言聳聽，bb有d黃有咩出奇，返去沖草藥涼咪得，我頭先在場就點都唔會俾bb留院，細既唔識大既都唔識咩？

私人傳訊

lynnchan

大宅

積分: 1488

27^#

發表於 21-3-12 14:16 |只看該作者

屁屁豬發表於 21-3-11 20:43
層樓係我6299，但係佢地好多年前已離婚，依家得我99，佢男朋友，同埋我地一家三口一齊住，姑奶已婚搬出去住 ...

後來坐月媽媽過黎照顧我，有一次煮嘢唔小心整窿左個鑊，99返黎即刻黑面，話佢個鑊買左幾百蚊架！我媽媽當時好難受，但係為左我佢忍左，嗰陣開始我同99就好大意見，完全睇對方唔順眼。而家我終於搬出去，我哋冇公屋亦買唔起私樓，但係寧願出去租屋，因為我真係想放過自己，我真係想透下氣，想開心d，窮就窮d，起碼唔再壓抑。你99賣樓咪賣囉，俾返裝修夾d錢就可以。

私人傳訊

Lillian54321

大宅

積分: 1496

28^#

發表於 21-3-12 15:06 |只看該作者

抽居屋都唔係講咁易，我都抽左十年，都唔中。不過上年上車嚕，相信你始終有一日會，雖然我同99都算和睦，不過始終有仔女都想要自己空間

私人傳訊

akimmother

複式洋房

積分: 240

29^#

發表於 21-3-12 17:20 |只看該作者

屁屁豬發表於 21-3-11 23:31
本帖最後由屁屁豬於 21-3-11 23:36 編輯

其實佢地好特別，當時我姑奶去日本讀書兩年，佢男朋友都係我 ...

講係咁講啫，你又真係信奶奶同阿媽係可以共存嘅生物？特別係你係女，一定習慣你阿媽所有做事方式，無論點你奶奶都會覺得你對你媽就乜都好, 佢做親乜就都唔啱。

根本一開始唔應該安排你媽嚟照顧你。請個陪月唔得？

私人傳訊

Jolin_Yuen

珍珠宮

積分: 44912

2018復活節勳章 BK Milk勳章

30^#

發表於 21-3-12 18:10 |只看該作者

如果我99係我面前咁話我呀媽, 我一定同佢死過

我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!

私人傳訊

flowerboo

大宅

積分: 4880

31^#

發表於 21-3-12 19:03 |只看該作者

Jolin_Yuen 發表於 21-3-12 18:10
如果我99係我面前咁話我呀媽, 我一定同佢死過

無錯
以後唔駛旨意我有好面色比佢睇

不過事實係我生時佢哋有共同敵人-陪月

私人傳訊

屁屁豬

複式洋房

積分: 345

32^#

發表於 21-3-12 19:08 |只看該作者

Jolin_Yuen 發表於 21-3-12 18:10
如果我99係我面前咁話我呀媽, 我一定同佢死過

佢就仰系我面前鬧我媽，之後我冇出聲，因為我唔想好似佢咁冇禮貌，話哂佢係我99，但係佢早幾日又話要賣樓，之後又講返之前d嘢，又話我生完第一日返嚟已經關門係房，其實我有比佢抱同餵奶，我當時都學習緊點埋身餵，我緊係入房關門餵喇，唔通比你同你男朋友睇哂咩！佢依家講返之前，我都係因為之前嘅事而同個仔匿埋係房，佢唔諗下邊個搞成咁！

私人傳訊

doryi

子爵府

積分: 12111

33^#

發表於 21-3-13 07:00 |只看該作者

屁屁豬發表於 21-3-12 19:08
佢就仰系我面前鬧我媽，之後我冇出聲，因為我唔想好似佢咁冇禮貌，話哂佢係我99，但係佢早幾日又話要賣樓 ...

我覺得你奶奶好明顯係妒忌！

其實你哋除咗搬仲有乜嘢辦法喎

間屋始終係佢嘅！如果係我，我會選擇搬屋以後唔來往！佢都擺到明唔俾面啦！正常都知道生完小朋友都冇時間休息有幾忙（佢冇理由唔知）已經唔幫手仲喺度搞事！擺到明玩野啦！佢自己有幾錫個孫同埋有幾錫個仔啊！

私人傳訊

ada_fung

子爵府

積分: 14656

2025勳章 2025勳章蛇年勳章 BK Milk勳章

34^#

發表於 21-3-13 10:43 |只看該作者

屁屁豬發表於 21-3-12 19:08
佢就仰系我面前鬧我媽，之後我冇出聲，因為我唔想好似佢咁冇禮貌，話哂佢係我99，但係佢早幾日又話要賣樓 ...

樓主，可能你一直都唔開心，見你將幾年前同99恩恩怨怨細節都記得好清楚。唔知係咪咁，就大家一直用仇人方式對待雙方？

可能99係有佢唔啱既地方，但一齊生活，而呢個狀況短期冇得改變，就係要大家遷就下。佢唔識諗，你都要學下“放下”，當”原諒”佢吧。

試下見到99時，或用BB做話題，把關係改善下。所謂“不打笑面人”，以前互相黑面都冇改變情況，試下用另一方式。至於你媽媽，我諗都唔好上嚟你屋企喇，無謂自己唔開心。

私人傳訊

秋天與楓葉

珍珠宮

積分: 32599

35^#

發表於 21-3-13 12:30 |只看該作者

本帖最後由秋天與楓葉於 21-3-13 12:35 編輯

屁屁豬發表於 21-3-11 21:40
其實一開始一齊住冇問題，係佢有一次冇理取鬧，一d禮貌同尊重都冇咁鬧我吖媽！我媽幫手湊孫，錢都冇比，仲 ...

「我媽幫手湊孫，錢都冇比」

點解你媽媽幫你同老公湊bb，奶奶要俾錢？

私人傳訊

mcs74

珍珠宮

積分: 33817

36^#

發表於 21-3-14 00:29 |只看該作者

我覺得你99正港女，性格十分難頂～自己又唔識照顧bb唔識坐月，有親家黎做應該偷笑啦，就算同親家唔夾都要客客氣氣啦，最多咪個幾月，幾十歲人都唔化～無家教無禮貌！
學人講咩孫，第一次見bb時百無，真係唔知有幾錫呢個孫！
總之全世界都要圍住佢轉，當正佢係皇太后咁佢先滿意係咪～如果佢無呢層樓，佢男朋友鬼頂得佢順。

Anyway講到底，賣樓問題你地無say，佢係都要趕你地一家三口走，又唔分d
錢比你地落腳，咁你老公都醒目啦～老實講，佢咁絕情絕義，佢點做我咪點做咯。

私人傳訊

屁屁豬

複式洋房

積分: 345

37^#

發表於 21-3-14 15:09 |只看該作者

mcs74 發表於 21-3-14 00:29
我覺得你99正港女，性格十分難頂～自己又唔識照顧bb唔識坐月，有親家黎做應該偷笑啦，就算同親家唔夾都要客 ...

佢99個男朋友真係咩都幫佢做咖，洗衫煮飯洗碗買餸，自己有兩個小朋友仲細過我，都可以放心比佢地兩個自己住公屋，自己就過嚟同我99住，我地都冇得講咩嘅，你情我願～不過我唔鐘意佢男朋友成日講自己係半個教育專家囉，自己小朋友都唔係教得幾好，有次話做節，叫埋佢兩個小朋友同我媽上嚟一齊食飯，見到我媽連Hello都冇叫，我姑娘仲叻，叫我媽個名，正常都叫姨姨或者auntie喇，如果佢地真係做咗父母責任，我老公都會對我99好，結果我99話我老公唔關心佢，又唔同佢傾心事嗰d，其實自己問心你地係佢細個有冇經常同佢傾下計，教下佢？依家怪返我老公，都唔諗下自己有咩問題！