睇完晒啦，唔劇透住，等埋其他JM睇完先再講，感覺係最後一集急咗少少，如果加時講多一D後續就更好，但結局算係完滿，最後一集去到2/3都好緊張，明知一定會係惡人有惡報，但究竟會係點樣扭轉局面？佈局點樣可以解釋合理？的確係出人意表。
一次過睇最後6集，男主之前俾人話醜樣，又話男女主演技差，其實包容少少，佢地都係今年北影嘅畢業生，之前仲寫緊論文，前兩日至行畢業禮，演出都係起步冇耐，個人覺得演技係有待改進，但算合格，反而叫做幾自然，青澀感好過流量演員嘅油膩感。最後6集，男主有好幾場有發揮戲份，角色唔再係之前冷靜淡然，有情緒，悲哀憤怒令安郡王終於似一個有血有肉嘅人，而唔係神。
最後佈局都有少少複雜，等JM們睇完再討論。
呢套劇爆出有著天時地利人和，編劇肯大刀闊斧將原著小說改動，由人設到情節，將好大部份小說放喺影視作品中表現唔突出冇影視效果嘅原素放棄，重新編輯，呢樣係好多小說作者未必願意；導演未拍過網劇，但肯接納劇組其他人嘅意見，佢願意了解不同年齡層喜好觀點嘅分別，加入被新一輩接受嘅原；因為演員唔係咩流量明星，唔係大牌，冇包袱，聽教聽話；劇組經費少，古裝劇戲服道具多，以有限資源做到最理想著實不易；有說女主非第一人選，原本劇組屬意嘅因為價錢傾唔埋唔接，於是搵到蘇曉彤；男主原本去應徵演男二，但導演一見就話佢氣質最適合演男一。。。冇前期宣傳，開播後主演冇營業，同期遇著幾套大流量明星演S級A級劇，雖說係奇葩，但最重要仲係編同導做得好，演員用心，雖然男女主要角色都比較新，但一眾配角全部演出在線，大家荷包可能進賬少，但對以後資源會有幫助。
花旗太太生活在花旗國，留意時差，你問我未必即時答到。
發表於 
祝大家身體健康
返回列表
