懷孕前後 今日: 2 | 主題: 330433

積分: 280

22^#

發表於 21-9-19 13:41 |只看該作者

啱啱7月尾喺屯門醫院生咗，政府會幫你做篩查，有異樣先會深入檢查，T21要自己出去做㗎，屯門醫院生完感受好多，歡迎提問

私人傳訊

jeannietsui

伯爵府

積分: 15129

23^#

發表於 21-9-19 15:20 |只看該作者

Candacemok 發表於 21-9-19 13:41
啱啱7月尾喺屯門醫院生咗，政府會幫你做篩查，有異樣先會深入檢查，T21要自己出去做㗎，屯門醫院生完感受好 ...

有咩感受？

我黎緊10月生喇

私人傳訊

積分: 280

24^#

發表於 21-9-19 16:15 |只看該作者

jeannietsui 發表於 21-9-19 15:20
有咩感受？
我黎緊10月生喇

我三胎都喺屯門生

啱啱轉上產後房，有乜嘢都係助理姨姨幫自己多，搵定個撳鐘，有乜就撳（當然唔好濫用）過床之後會換底底，建議用安睡褲，我三胎都傳統孕婦m巾，以前姐姐會幫手，今時不同往日，今次比姐姐質問點解唔買安睡褲。過床6個鐘內要屙到尿，想屙就即管撳鐘仔叫姐姐拎盤屙，屙完姐姐唔翻嚟搵你，撳鐘仔。

不過我建議乜都係唔該前唔該後，醫護嫌你鬧你都唔該前唔該後就啱，話晒比得幾舊水，唔好妄想有態度同有服務，放低自尊同面子，嗰幾日就會好好過。

私人傳訊

積分: 280

25^#

發表於 21-9-19 17:19 |只看該作者

重點兩項:

如果第一胎，你會餵人奶都好，同醫護講餵奶粉，支奶擺喺度唔餵都得，你瘋狂比bb啜乳頭無問題，支奶係等你即將情緒崩潰先拎嚟餵。（你一開始話餵人奶但你想補奶粉同拎支奶，要姑娘簽名，佢會比上面問責，所以姑娘點都唔肯比奶粉你哋，除非bb無屎屙)

Bb同你有不妥一定出聲，bb一定要肯啜/飲奶，bb一定要屙得，一定要有尿同屎，bb要瞓得但要肯喊，如果媽媽傷口痛，即管問姑娘拎止痛藥，人奶媽都食得止痛藥。

今胎bb有問題都可以24小時出到院，第二日入翻急症室，詳情想知就再講。

私人傳訊

積分: 324

26^#

發表於 21-10-9 01:16 |只看該作者

Candacemok 發表於 21-9-19 17:19
重點兩項:

如果第一胎，你會餵人奶都好，同醫護講餵奶粉，支奶擺喺度唔餵都得，你瘋狂比bb啜乳頭無問題， ...

請問講餵奶粉的話是不是可以叫佢拎支奶俾你自己餵？

私人傳訊

積分: 280

27^#

發表於 21-10-9 12:31 |只看該作者

笨忍者發表於 21-10-9 01:16
請問講餵奶粉的話是不是可以叫佢拎支奶俾你自己餵？

佢會定時定候派奶比你，大約三個半至四個鐘比一次，支水奶會開咗，一個鐘內要餵㗎，你可以埋身人奶，bb有啜到肯瞓番，你唔用支奶都得，你覺得bb無飲過奶扭計，補支水奶又得，記得bb最後有無飲支水奶都好，一個鐘後都係要掉水奶。

(記得黃金初乳係好微量，點都比bb啜下，可能飲到啜到你唔知）

私人傳訊

積分: 324

28^#

發表於 21-10-9 13:23 |只看該作者

Candacemok 發表於 21-10-9 12:31
佢會定時定候派奶比你，大約三個半至四個鐘比一次，支水奶會開咗，一個鐘內要餵㗎，你可以埋身人奶，bb有 ...

仲要開封左俾你啊，咁即係唔可以留好耐，唔知佢地會唔會講你又餵人奶點解要拿水奶….

私人傳訊

積分: 280

29^#

發表於 21-10-9 15:38 |只看該作者

笨忍者發表於 21-10-9 13:23
仲要開封左俾你啊，咁即係唔可以留好耐，唔知佢地會唔會講你又餵人奶點解要拿水奶….
...

無錯，最多放一個鐘。
唔會啊，佢哋唔會話你，你餵到人奶啲姑娘仲開心，但你一開始話唔要水奶，真係求佢都唔會比你！因為佢哋會比上面鬧(係醫院內部制度)

我今胎第三胎，七月底喺屯門醫院生，我今胎好有決心餵人奶，所以唔要水奶，餵咗兩餐埋身(二十分鐘，一定有飲到奶) 但之後bb無再飲過奶，無喊，無屙過屎，只有幾餐尿，keep 住瞓，之後我求啲姑娘比奶我，佢哋繼續焗我餵人奶，佢以為我未上奶，但我係未生已經上奶嘅媽媽，所以肯定佢有飲，但兩餐之後bb唔肯啜！示範埋比姑娘睇，姑娘話佢掛住瞓，遲啲再睇下點！最後佢哋發現bb無屎屙先推佢出去用杯幫我餵，我叫佢比支奶我都唔肯

私人傳訊

積分: 280

30^#

發表於 21-10-9 15:47 |只看該作者

Candacemok 發表於 21-10-9 15:38
無錯，最多放一個鐘。
唔會啊，佢哋唔會話你，你餵到人奶啲姑娘仲開心，但你一開始話唔要水奶，真係求佢都 ...

因為第三胎，24小時就出院，但係24小時bb都屙唔到屎！姑娘推走咗佢，十分鐘後番嚟話bb屙左屎了，出得院了，但番到屋企係惡夢開始，bb繼續無屎屙，唔飲奶，第二日去健康院見醫生，醫生即寫番轉介信入番屯門急症室，搞咗好耐，出入好幾次不同醫院，最後發現腸結構係有問題！

當然我呢個個案係個別例子，bb健健康康出世，你餵人奶奶粉一樣ok，不過叫定支水奶，係等你好攰，bb好扭計，你可以餵下水奶，等身體上到奶，番屋企慢慢餵都未遲，住過三次醫院，見證好多隔離床媽媽無水奶，餵人奶餵到好灰，又攰，情緒好差，當刻種種問題影響，係大家想像唔到，叫定支水奶係後備方案。

私人傳訊

積分: 324

31^#

發表於 21-10-9 15:48 |只看該作者

Candacemok 發表於 21-10-9 15:38
無錯，最多放一個鐘。
唔會啊，佢哋唔會話你，你餵到人奶啲姑娘仲開心，但你一開始話唔要水奶，真係求佢都 ...

其實我上一胎係屯門醫院生，姑娘黎睇我乳頭估計係有少少損左，我話我實在餵唔到好痛，然後佢就推bb去補奶，我自己覺得好似唔會好強硬唔俾奶，只不過要好有禮貌一直講唔該曬會好D，我係驚自己餵唔到奶好痛所以想有支水奶預備咁，你生三個真係好犀利，唔知你三胎產程會唔會好快

私人傳訊

積分: 280

32^#

發表於 21-10-9 15:58 |只看該作者

笨忍者發表於 21-10-9 15:48
其實我上一胎係屯門醫院生，姑娘黎睇我乳頭估計係有少少損左，我話我實在餵唔到好痛，然後佢就推bb去補奶 ...

係呀，當然知道唔該前唔該後，客客氣氣就好好過，我上兩胎都係屯門醫院生，兩次都好好體驗，2016,2018，當時多人生小朋友，好多醫護人手，雖然忙，但個個做事都快同準，今年疫情啦，生嘅媽媽小咗好多！但醫護人手都少咗好多(可能移民走曬) 同埋好多新醫護！後生嗰批都好好態度，但有啲old seafood 真係⋯睇媽媽彩數

點都好，祝你順利地生個肥肥白白健康嘅小寶寶

私人傳訊

積分: 324

33^#

發表於 21-10-9 16:01 |只看該作者

Candacemok 發表於 21-10-9 15:58
係呀，當然知道唔該前唔該後，客客氣氣就好好過，我上兩胎都係屯門醫院生，兩次都好好體驗，2016,2018，當 ...

(emoji)我都係好驚，痛怕了，唔知會唔會俾笑氣，聽人話要戴住口罩吸，你覺得疫情生b同之前有乜唔同

私人傳訊

積分: 280

34^#

發表於 21-10-9 16:10 |只看該作者

笨忍者發表於 21-10-9 16:01
(emoji)我都係好驚，痛怕了，唔知會唔會俾笑氣，聽人話要戴住口罩吸，你覺得疫情生b同之前有乜唔同
...

Hahahahaha 媽媽

三胎都無人問我要唔要笑氣同無痛，我頭兩胎入咗產房一個兩個鐘就生咗了。兩次經驗係比人睇助產侍睇死無咁快生得。但第一胎七個鐘，第二胎兩個鐘(由陣痛開始計)今胎一知痛即入院，點知玩左十二個鐘，最後催生，但都係無問我要唔要笑氣同無痛

私人傳訊

積分: 324

35^#

發表於 21-10-9 16:12 |只看該作者

Candacemok 發表於 21-10-9 16:10
Hahahahaha 媽媽三胎都無人問我要唔要笑氣同無痛，我頭兩胎入咗產房一個兩個鐘就生咗了。兩次經驗 ...

第三胎反而咁耐啊，我頭胎生十個鐘，有問我要唔要打無痛和笑氣

私人傳訊