＋
Baby Kingdom - 親子王國 香港 討論區 › 首頁 › 單親天地› 一家唔知一家事

單親天地

收藏本版
發帖
返回列表
跳至頁

首頁
1234

尾頁
   0
faye525


子爵府

積分: 10647

畀面勳章


21#
發表於 05-1-3 20:35 |只看該作者

Re: 歡迎領取綜援家庭吹

好耐冇入黎, 一入黎就睇到呢個topic...
我好想講一句, 呢度好多單親媽咪, 包括我自己, 都係冇屋企人幫手, 個賤男人又係自己大肚六七個月果時走左去...
試問當初個肚都六七個月大, 點落仔呢???
冇屋企人冇隔離左右幫手, 又點去搵工做呢...
老實, 我自己拎綜援都覺得真係唔夠駛
好似上個月尾開始凍, 但係因為月尾冇錢 (只夠錢開飯), 想買張厚d既被都冇錢..結果要問朋友借$60 去日本城買張羽x被.當然最後朋友話只係區區$60..佢送張被俾我, 當幫下我地兩母女..
我果刻真係好想出去打份工, 人工多少唔係問題丫, 真係唔夠都仲有低收入人仕綜援丫嘛, 起碼都比目前生活好, 脫離到一半綜援網..唔駛連$60買張被既錢都冇...
可惜真係千諗萬諗都冇人可以幫我湊住個小朋友....
真係唯有等到小朋友讀書, 先有得再諗有冇辨法搵工做...
我知道呢度好多單親媽咪同我情況一樣....
打呢段post出黎, 真係純綷發表心聲....
並唔係人人都想坐係屋企拎綜援...
都可能有人覺得我打呢個post出黎係多此一舉, 清者自者
但係點解呢度咁多人可以發表佢地對綜援人仕既不滿, 老實, 當中有d說話真係令到我覺得"一竹篙打沉一船人"
點解我又唔可以講出自己心底話呢.....

呢度湊過bb既媽咪都應該知道, 湊一個bb, 可能比返工仲早要起身, 我自己就日日都要七點起身做家務, 因為個女一醒左, 我就乜都做唔到.....至少我自己既生活並冇前幾個post咁幸福...
私人傳訊

PinPin


珍珠宮

積分: 34788


22#
發表於 05-1-3 20:53 |只看該作者

Re: 歡迎領取綜援家庭吹

有時大家企係人地果邊諗下丫~
有頭髮邊個想做"辣哩"丫~
有d單親媽咪好慘...我身邊都識有1個~
想做野,又冇人幫手湊仔~
而家打份工得5000左右,仲要搵人湊仔呢...咁食咩?!
家庭完滿既...2個人搵錢...緊係好駛d la!
不過我都覺得有d人仲呻唔夠錢...
我覺得唔夠錢咪諗掂佢law...
樣樣慳...無謂野咪cut左佢law!
你地都可以上網....有d小朋友住板間房...連買電腦都冇錢...更加冇錢交上網費~
你地已經好辛福了~
想想吧!
私人傳訊

faye525


子爵府

積分: 10647

畀面勳章


23#
發表於 05-1-3 21:20 |只看該作者

Re: 歡迎領取綜援家庭吹

人人屋企情況不一
我覺得都無謂再逐樣逐樣家用品拎出黎嗌..唔係到時又好似上次咁, 有人連廁所用咩牌子廁紙都要比較
我覺得呢個世界就係比上不足比下有餘...
岩..有得上網係好幸福啦..因為電腦係以前有工返果時買落...如果唔係家下真係想睇電視都冇(因為我係用電腦睇埋電視, 收音機)...都可能因為少左個地方傾訴自己壓力, 一早攬埋個女燒炭死左....
私人傳訊

joeyhooch


民房

積分: 15


24#
發表於 05-1-3 22:47 |只看該作者

Re: 歡迎領取綜援家庭吹

我極同意,因為我部電腦都係有工返時買既,都上年既事囉,而家住係朋友家寄居先有得上網咋,因為無地方住嗎(無錢租屋) :-| :-|

私人傳訊

Man123


洋房

積分: 178


25#
發表於 05-1-4 13:17 |只看該作者

Re: 歡迎領取綜援家庭吹

Hi, faye525,

請睇返joeyhooch個post,你會唔會覺得呢番說話好不負責任?

呢d全部係佢自己責任,我自己本身都無家底,學歷亦唔高,初畢業幾年,真係靠全家人死慳死抵再進修,先至有今日可以自給自足,我唯一比你地好就係未有小朋友,不過老實說話,我亦都無比機會自己去搵一個唔負責任男人,因為就算拍拖,考慮過afford唔到生一個小朋友,男朋友想有婚前性行為亦大可拒絕,至少應該為自己做足安全措施,希望無hurt到你,不過,由於家庭環境唔好,我自小已經同自己講,呢個世界只可以靠自己,如果自己都未顧得掂,就唔好先加添負慮,就算結左婚,好似我依家,我都會好小心計數先決定要小朋友,我上bk,真係因為我好想要小朋友,但係時機未到,所以睇住人地d小朋友先!!

你再睇埋佢second post,我覺得好多野唔可以覺得係個社會欠左你,政府做得點差,你都要為自己打算架,環境點惡劣,我地都應該努力搵生存辦法,佢話自己文化水平低,咁咪讀書囉,如果無綜緩,又要話去死?!我都好同情佢大肚畀人炒,但係佢有心,應該仲有方法,我朋友家姐只係得中三程度,但係佢幾個月前睇報紙搵到份六千蚊工,至於小朋友,低收入都有補助架,小朋友入幼兒園又有資助,社工應該可以幫你,如果佢叫你唔好做,淨係領綜緩,投訴佢啦,我地實撐你!!我自己無得領綜緩,家庭環境又係一般,我爸爸可以退稅,但係我媽媽,我先生父母其實係未夠歲數退稅,即係話就算我真金白銀畀左錢養佢地幾個人,我地都無得退稅架,每年諗起交稅,我就真係頭痛!!我都想話動不動就話去死好唔負責任,你仲有個小朋友,你要為佢著想,幾唔開心,你都要灌輸多d正面樂觀訊息畀佢,等佢知道,人生滿希望,明天會更好!!
私人傳訊

MYMYSO


等待驗證會員

積分: 934


26#
發表於 05-1-4 13:31 |只看該作者

Re: 歡迎領取綜援家庭吹

faye525,joeyhooch:

你咪好啦可以7點起身![size=large]阿姐!我日日6點起身打理細路返學,跟住返工,放工再打理家務,教工課,再等細路瞓後,再預備明日的野,個個都要做啦!你重好意思話你自己點辛苦.我都想取公援呀! ?-(

我一向都覺得有需要取公援的就應取,我亦很同情那些值得幫的一群,甚或包括埋你們但現在越來越離譜,自己的事不切法解決,有些重要有心呃.政府政策不好,唔通我地就不用對自己負起責任去生活嗎?

不要開口埋口說單親,同情的是同情你生出來的兒女,而不是一對不成熟,不負責任的父母!單親呢個字能觸動我的是小朋友而唔係你,唔好借你的兒女在自雇自憐!.[size=large]好似欠左你咁

如果你值得同情,而我是你朋友莫講話$60,$600買張棉被比你----- 係你個小朋友呀,我都願意.

重要話我地有得納稅的人就好啦,代表有錢哦,咩野理論??-(

總之,沒有盡力去做,而有手腳,有氣力的人而去取的就係不知所謂,沒對自己盡責的人 :evil: :evil: :evil: :evil: :evil:

[size=large]那些人唔係等如等人養咁係咩呀,咁得閒就想下別人講的野啦,剩上網,不思考,唔係代表有智慧同有point呀!
[size=medium]mymyso
私人傳訊

Man123


洋房

積分: 178


27#
發表於 05-1-4 13:33 |只看該作者

Re: 歡迎領取綜援家庭吹

我信家家有本難諗的經,我d同事都覺得我同我先生兩個人有穩定收入,又未有細路,日子一定過得好好,見我地放假都唔去下旅行,平時又唔會點四圍去都會話我地留起咁多錢做乜,我地又唔希望四圍話人知我地有幾辛苦,但係,我地背後,仲有一大堆老人家要養,交租水電係要交三個家庭架,我都好明白,有苦無地方呻係好慘,但係,太多騙人個案,我發post當日響茶樓又聽到d人講得太理直氣壯,而bk呢位朋友講野更加有d"高生"feel添,事實你係拎緊綜緩,就唔好講"我就真係唔想拎",仲要話"D人又唔諗0下"?!一竹篙係唔可以打一船人,但係有d人態度真係令其他人好想話佢架,好似高生高太咁,我諗連你地都睇唔過眼佢地d行為啦!!

其他綜緩家庭,就算"貓bb"成日畀人話,實情佢份人係點我唔知,但係你地講起小朋友好sweet d留言,見過有人話佢要慳就唔好開冷氣,但係佢就話唔忍心睇住小朋友咁辛苦,呢d媽媽比起好多生左又唔理好好多,就好似我屋企附近好多綜緩家庭,d細路件鮮黃色校服會變做灰色架,成日爛身爛世,但係個阿媽呢,就身光頸靚著名牌,我有朋友響xx樂園做,佢話d父母一d都唔掩飾自己綜緩身份架,差d問埋有冇優惠,一放學就帶d小朋友落去,教佢地執人地跌落地d金幣,執飛,撞機,自己又會玩一陣,企到差唔多食晚飯先帶d細路返屋企,d細路唔洗做功課架?!唔知佢地想嘆冷氣定乜啦,如果係,我覺得帶佢地去圖書館咪仲好?!最奇係點解拎綜緩無錢開飯,但係有錢去玩?!

如果有綜緩家庭覺得我地留言好hurt,我鄭重道歉,只係香港呢個時勢,大家都要捱,我希望你地都要好好諗下以後點樣生活先係最有利於自己!!依家財赤嚴重,又咁多反對聲音,第時綜緩制度變成點無人知,我唔知你地其實幾大,襯依家唔洗做野,帶個小朋友日托或者搵朋友照顧一下,自己都去讀下書,22歲拎綜緩,唔通真係可以拎一世咩!!你地一班綜緩媽媽都幾好朋友架,有時邊個有需要,咪對方幫下手睇住先囉,好似joeyhooch咁,你得一個小朋友,如果你真係搵到工,咁你可以同其他綜緩媽媽商量,你出糧畀佢地幫你揍小朋友囉!對方可以幫補下,你又唔洗咁擔心!!
私人傳訊

MYMYSO


等待驗證會員

積分: 934


28#
發表於 05-1-4 13:52 |只看該作者

Re: 歡迎領取綜援家庭吹

Man123 寫道:
Hi, faye525,

請睇返joeyhooch個post,你會唔會覺得呢番說話好不負責任?

呢d全部係佢自己責任,我自己本身都無家底,學歷亦唔高,初畢業幾年,真係靠全家人死慳死抵再進修,先至有今日可以自給自足,我唯一比你地好就係未有小朋友,不過老實說話,我亦都無比機會自己去搵一個唔負責任男人,因為就算拍拖,考慮過afford唔到生一個小朋友,男朋友想有婚前性行為亦大可拒絕,至少應該為自己做足安全措施,希望無hurt到你,不過,由於家庭環境唔好,我自小已經同自己講,呢個世界只可以靠自己,如果自己都未顧得掂,就唔好先加添負慮,就算結左婚,好似我依家,我都會好小心計數先決定要小朋友,我上bk,真係因為我好想要小朋友,但係時機未到,所以睇住人地d小朋友先!!

你再睇埋佢second post,我覺得好多野唔可以覺得係個社會欠左你,政府做得點差,你都要為自己打算架,環境點惡劣,我地都應該努力搵生存辦法,佢話自己文化水平低,咁咪讀書囉,如果無綜緩,又要話去死?!我都好同情佢大肚畀人炒,但係佢有心,應該仲有方法,我朋友家姐只係得中三程度,但係佢幾個月前睇報紙搵到份六千蚊工,至於小朋友,低收入都有補助架,小朋友入幼兒園又有資助,社工應該可以幫你,如果佢叫你唔好做,淨係領綜緩,投訴佢啦,我地實撐你!!我自己無得領綜緩,家庭環境又係一般,我爸爸可以退稅,但係我媽媽,我先生父母其實係未夠歲數退稅,即係話就算我真金白銀畀左錢養佢地幾個人,我地都無得退稅架,每年諗起交稅,我就真係頭痛!!我都想話動不動就話去死好唔負責任,你仲有個小朋友,你要為佢著想,幾唔開心,你都要灌輸多d正面樂觀訊息畀佢,等佢知道,人生滿希望,明天會更好!!



我寫完我的才看見你寫的,早知唔洗寫得咁辛苦,重要唔小心delete完再寫.簡直有異曲同聲之感.
[size=medium]mymyso
私人傳訊

Man123


洋房

積分: 178


29#
發表於 05-1-4 14:17 |只看該作者

Re: 歡迎領取綜援家庭吹

我相信大家感受都會係一樣,我好同情所有呢d小朋友,唔係因為佢地要拎綜緩,而係佢地生活會比一般小朋友唔好,人生總會有不如意,一時失意需要幫助並唔羞家,過份的只是依然聲大夾惡,覺得呢個社會欠左佢地的人!!好似我提到我朋友個家姐,我以前好睇佢唔起,人人都有九年免費教育,當年你自己無好好讀書,依家唔好怪社會令你變成文盲,不過,呢幾年受的挫折,加上小朋友,令佢成個人變晒,可以話係做返一個人,我都好戥佢開心架!!所以,綜緩家庭唔係欠左人地,好似南亞災民,唔出聲都大把人幫,最緊要係你地挺直條腰做人,話畀人地知,你地唔係社會寄生蟲,唔係廢物,你地d仔女都會覺得光榮!!
私人傳訊

MYMYSO


等待驗證會員

積分: 934


30#
發表於 05-1-4 16:02 |只看該作者

Re: 歡迎領取綜援家庭吹

faye525 寫道:
人人屋企情況不一
我覺得都無謂再逐樣逐樣家用品拎出黎嗌..唔係到時又好似上次咁, 有人連廁所用咩牌子廁紙都要比較
我覺得呢個世界就係比上不足比下有餘...
岩..有得上網係好幸福啦..因為電腦係以前有工返果時買落...如果唔係家下真係想睇電視都冇(因為我係用電腦睇埋電視, 收音機)...都可能因為少左個地方傾訴自己壓力, 一早攬埋個女燒炭死左....


[size=large]你咁就要燒炭死?我由富變貧,再遇種種困難,咁唔通學你呀!朋友,知足些好!咁就要死?哈,哈,哈!恥笑緊你呀.
[size=medium]mymyso
私人傳訊

faye525


子爵府

積分: 10647

畀面勳章


31#
發表於 05-1-4 17:22 |只看該作者

Re: 歡迎領取綜援家庭吹

我覺得係bk再冇人明白我地真係單親綜援既苦況
我唔會再入黎..
家家有本難念的經, 人人境況不一
至少我身邊一班朋友支持我, 鼓勵我, 都聽過唔少朋友同我講, 如果佢地係我, 真係唔知點算...我捱到今時今日並唔容易...相信好多單親媽咪同我一樣咁辛苦..我好相信如果我情況真係唔係咁壞, 我身邊一班朋友唔會幫到我今時今日...
我對得住天地良心, 對得住愛鍚我既一班朋友
對唔住呀呢度其他曾經當我係朋友既媽咪, 我覺得呢度好似人間地獄, 唔想再入黎玩...減唔到壓....
我寧願同我自己d朋友icq, 都有人換黎一句: "點呀, 最近同囡囡冇咩特別野呀?? 有冇野要幫手? 記住出聲呀, 收埋收埋好易谷到病架...有時間過黎探你同囡囡" 呢幾句簡單說話已經覺得舒服好多

係呢度特別多謝bk呢度其中一位媽咪
因為佢曾經好好心咁拎左一袋小朋友衫+兩件玩具俾我
知道我一個人湊bb唔方便去得遠拎, 仲專登叫佢細佬係我屋企附近交收....佢袋衫真係好幫到我囡囡...
仲要我從來都冇問過bk人拎過衫, 佢專登pm問我有冇需要
特別多謝佢..佢係唯一呢度我感覺到有熱誠既人...

講出自己背景原意係打算用真心同老實去交朋友...
唔係話要人同情...只係想發洩下自己平時既情緒..我諗各位都寧願我上黎bk傾下, 總好過我拎個女發脾氣?? 我都從來冇求過呢度任何人幫, 因為我知道, 所有野始終要靠自己解決..呢度都曾經有媽咪叫我帶埋囡囡出黎聚會, 但係我都一一拒絕, 一黎我囡囡真係出到街會失控(可能太少同佢出街), 二黎出一出街就要駛錢.... 應慳即慳既道理我都深深明白...
呢度唔係個個都係呃人....你地既言論會令到所有無呃人既媽咪都唔敢再暢所欲言.......因怕最終講錯一句, 落得我既下場....
請各位珍惜同尊重bk呢個地方...
私人傳訊

baba123


民房

積分: 10


32#
發表於 05-1-5 03:55 |只看該作者

Re: 一家唔知一家事

各位！我看了這個topic同各位的留言，我真係忍唔住有感而發，首先我聲明我唔係o羅緊綜援，亦唔係單親家庭，在我的角度而言，香港人的單親家庭，尤其有幼小小朋友的單親daddy&mama o羅綜援都情有可原，有頭髲冇人想做勒喱，而我個人覺得綜援的確切合他們的需要，反而我覺得最抵鬧就係e個香港特區死人老矇董政府！攪鬼埋d中港合一，放鬼哂d大陸人落o黎o羅香港d福利，我有朋友同我講，話個d單程證入o黎香港定居o既大陸人過關入境個陣已經有職員教埋佢地點樣填表o羅綜援，認真離譜！而房屋又係好o既留晒比d大陸人，d新移民就比晒用我地香港納稅人d血汗錢起o既新公屋佢地住，我有幾個親戍排耐一耐先排到間舊公屋比佢地而佢地格離左右大把舊吉屋空置耐一耐都冇人住，佢地落到黎重博晒老命生，聽講e d新移民撓埋雙手o羅綜援，收入重好過o係上面做民工捱，直頭嘆世界la，香港唔財赤就有鬼，香港人d血汗錢直頭比e班新移民吸血鬼吸清光，點解綜援&社會福利開支咁大，我地有眼睇la，我最討厭就是這群對香港沒有過半點貢獻，只會到香港討福利猛生孩子等香港人養的寄生蟲！當然好似前排大難不死個對高生高太，這些害群之馬就另作別論，始終樹大有枯枝，講完！謝謝大家比個位我長篇大論
私人傳訊

MYMYSO


等待驗證會員

積分: 934


33#
發表於 05-1-5 09:26 |只看該作者

Re: 一家唔知一家事

baba123:

我都絕對同意你所講的,我所指絕大部份的就是新移民!另外就是部份不為自己努力而生活的大食懶!以往取工援的人是真的好值得我們伸出援手,因經濟結據而又有孩子的真是很淒涼,特別自己有兒女的更覺不忍.

***************************************

但如果faye525佢自己覺得我或人家都是說著她而來,那麼她自己認為自己就是那類人好了.重要說到自己好委屈咁!
別人亦沒說她好去取工援,只批評她的理論.而她自己判了自己係高先生個類.自己都不爭氣,佢明唔明大家討論緊同分析緊呢!佢要走,我亦無話可說?-( 只好說say-yo-lala
[size=medium]mymyso
私人傳訊

MYMYSO


等待驗證會員

積分: 934


34#
發表於 05-1-5 09:41 |只看該作者

Re: 一家唔知一家事

點解個題目改左為一家唔知一家事?明明係歡迎領取綜援家庭吹下水
[size=medium]mymyso
私人傳訊

sabina_bb


伯爵府

積分: 15050


35#
發表於 05-1-5 14:59 |只看該作者

Re: 一家唔知一家事

首先我聲明我唔係o羅緊綜援, I've a maid, living in private house and also pay tax etc... but I'm not single mother. I'm not the person gave anything to faye525.

Honestly, I find faye525 is bravely, willing to face her problem and accept to take her responsibility for what she did (have a baby). I think she is really the group of people need to be helped. Therefore, MYMYSO pls don't attack and blame her any more. You should feel happy that you have an ability to help others. Right? Comparing with other single and 取工援 family, I find she is good. I feel faye525 is really poor enough (no people help her to take care baby) and you still keeping attack her. Are you really happy to kick all the single and 取工援 family out of BK?
私人傳訊

Peanuts


男爵府

積分: 9478

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 2021可愛聖誕B勳章 牛年勳章 2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 熱血勳章 畀面勳章 BK Milk勳章 Xmas吸收勳章 開心吸收勳章


36#
發表於 05-1-5 15:39 |只看該作者

Re: 一家唔知一家事

改得好, 真係一家唔知一家事~

單親媽媽真係好大壓力, 搵個地方透下氣
私人傳訊

MYMYSO


等待驗證會員

積分: 934


37#
發表於 05-1-5 16:06 |只看該作者

Re: 一家唔知一家事

無人講話攞綜援的人是錯,亦無人一竹篙打晒一船人,更無話要踢走其他人至開心!請睇下人家上文兼下理,再睇埋自由講場有關"寧 願 唔 要 綜 援 一 家 人 去 死!"的言論.

http://www.baby-kingdom.com/modules/newbb/viewtopic.php?topic_id=244189&forum=1&144

沒人說她不值得讚許,反而是他一竹篙打晒一船人,以為取工援的就是值得同情,這些理論實在有問題.

硬要說人家是對她沖著來,那都是無話可說!
[size=medium]mymyso
私人傳訊

sa_628


大宅

積分: 1760


38#
發表於 05-1-5 16:15 |只看該作者

Re: 一家唔知一家事

攞綜援的人 = 政府d官
(佢地大家都系行家黎o架)


多廢人, 唔肯做, 扼錢搵著數, 成日睇住政府福利過日.
(但有少數例外)
私人傳訊

baba123


民房

積分: 10


39#
發表於 05-1-5 16:32 |只看該作者

Re: 一家唔知一家事

Peanuts
我好佩服各位的單親mama，雖然我不是單親mama，但你的苦況同難處我會明白，因為我都是mama&女人，我明白幸福唔係必然，人生有高低起跌，難保有一日我也會做了單親mama，有誰知？？我覺得單親家庭o羅綜援不可恥，亦不應該給人標讖歧視，最可恥就是那些唔係香港人對香港未曾有過半點貢獻專落黎香港食綜援o羅福利的新移民&那些扮假離婚o危綜援的夫婦 最可恥:evil:
私人傳訊

MYMYSO


等待驗證會員

積分: 934


40#
發表於 05-1-5 16:42 |只看該作者

Re: 一家唔知一家事

baba123 寫道:
Peanuts
我好佩服各位的單親mama，雖然我不是單親mama，但你的苦況同難處我會明白，因為我都是mama&女人，人生有高低起跌，難保有一日我也會做了單親mama，有誰知？？我覺得單親家庭o羅綜援不可恥，亦不應該給人標讖歧視，最可恥就是那些唔係香港人對香港未曾有過半點貢獻專落黎香港食綜援o羅福利的新移民&那些扮假離婚o危綜援的夫婦 最可恥:evil:


非常同意,但有些人好像聽極都不明!
我一向意思都是這様!立場由始至終都是這樣呀!
[size=medium]mymyso
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy