吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公湊BB

夫婦情感今日: 0|主題: 42794

收藏本版

發帖

返回列表

跳至頁

樓主: iphonebb

老公湊BB [複製鏈接]

123 4

iphonebb

大宅

積分: 4556

21^#

發表於 23-12-24 01:56 |只看該作者

回覆 english1221 的帖子

我個BB係一喊就勁激動，佢要食奶一刻都唔忍得就大喊。佢一喊就全部人醒晒唔會有人訓到。又或者係我老公都太擔心訓唔到

私人傳訊

iphonebb

大宅

積分: 4556

22^#

發表於 23-12-24 02:05 |只看該作者

回覆 hopeforbest 的帖子

我係開刀生同奶奶都一早講明話坐月要坐好啲，唔係會成世有後遺症。佢自己生完之後身體唔好所以叫我一定要坐好啲。佢本身話洗手都唔好用生水但我都只係用水喉暖水算。
同開刀有傷口要復完根本唔會有力抱BB。我一開始係床上起身都要慢動作。

不過我都會湊返多啲BB既，但我媽同老公抱得佢舒服啲，我抱個陣有時BB喊，佢哋就會即刻話俾佢地黎。咁我都知我屋企人係錫我既。

我話老公燥底係驚佢有一刻無情力會整到BB。唔係話佢唔好。我媽都一樣湊咁耐都好攰但佢都無惡BB。

私人傳訊

hopeforbest

大宅

積分: 1770

23^#

發表於 23-12-24 02:42 |只看該作者

iphonebb 發表於 23-12-24 01:53
回覆 SUMSUM_88 的帖子

都可以試吓你既方法。但我個BB係一喊就勁激動，佢要食奶一刻都唔忍得就大喊。佢一 ...

其實你哋鰃奶粉，基本上都知道咩鐘數個B會叫肚餓，唔洗等到喊先去冲奶。B B係用喊去通知你哋佢有需要，唔會識得忍。

夜晚唔肯訓有好多原因，可能日頭訓得太多，清醒嘅時間去咗夜晚。另外照顧者夜晚都攰，有可能掃風掃唔清，條氣頂住，好難訓得好。

私人傳訊

HOPEFORBB

子爵府

積分: 14765

24^#

發表於 23-12-24 13:55 |只看該作者

回覆 iphonebb 的帖子

我上胎都係開刀生，完全無你講運唔到力問題，分工合作湊B餵奶同坐好月無衝突，我個女個陣食得少，夜奶要餵兩轉，基本上係我同老公分工合作，一人一round，姐姐就日頭主力，我就日頭補眠，老公日頭都要返工
反而你話陪你老公一齊餵，你又話你媽瞓得最少，我唔知係咪全部人起身去餵一轉奶，其實好浪費時間，個個都休息不足，唔燥底都難

私人傳訊

Nbs

水晶宮

積分: 65521

25^#

發表於 23-12-24 14:55 |只看該作者

回覆樓主：

本帖最後由 Nbs 於 23-12-24 17:15 編輯

唔夠瞓當然會躁底，好正常。
湊BB,尤其係初生，要輪更咁湊㗎喎。日頭係老公夜晚又係老公，佢梗係燥啦。

我兩胎都係開刀，兩胎都係夜晚自己湊，包括埋泵奶餵奶換片掃風氹瞓，兩個仲要一路都唔戒夜奶（其實都三四歲都係一晚醒幾次），放完產假要返工都依然係夜晚自己湊。

你既然乜都唔使自己做，就多appreciate 其他人做嘅嘢啦。

私人傳訊

english1221

男爵府

積分: 7544

26^#

發表於 23-12-24 16:56 |只看該作者

回覆 iphonebb 的帖子

咁你就應該日頭整醒BB啦，由得佢日頭瞓，夜晚點會瞓呀。

私人傳訊

english1221

男爵府

積分: 7544

27^#

發表於 23-12-24 16:58 |只看該作者

回覆 iphonebb 的帖子

應該係你哋唔識睇hunger cues

私人傳訊

iphonebb

大宅

積分: 4556

28^#

發表於 23-12-24 18:23 |只看該作者

本帖最後由 iphonebb 於 23-12-24 18:30 編輯

回覆 HOPEFORBB 的帖子

我同我老公一pair湊，我媽同我爸一pair湊。我哋係互相補位。我哋無好明確咁分日頭同夜晚。因為我老公同啊媽都唔係話訓就訓到既人。我有係post講到其實我老公多數都係餵一次夜奶。例如餵左夜晚9點幾個轉，個仔可能一啲都訓唔到係度喊，同有時個仔係咁喊，所有人都起哂身訓唔到。

我唔知係咪BB有肚風，佢呢排係飲完奶有時都喊。如果係食完訓，訓完食咁好易分日頭湊同夜晚湊。

私人傳訊

iphonebb

大宅

積分: 4556

29^#

發表於 23-12-24 18:24 |只看該作者

回覆 Nbs 的帖子

我幾時有唔appreciate，我有講老公對我哋好好。

私人傳訊

iphonebb

大宅

積分: 4556

30^#

發表於 23-12-24 18:26 |只看該作者

回覆 english1221 的帖子

咁易整醒就好。日頭佢眼瞓點整佢都唔醒。成屋人好嘈，搞佢手仔腳仔都唔醒。

私人傳訊

english1221

男爵府

積分: 7544

31^#

發表於 23-12-24 18:55 |只看該作者

回覆 iphonebb 的帖子

唔係佢瞓緊無啦啦整佢，而係要佢每次醒左食奶，就同佢互動多啲，睇吓書， tummy time，睇黑白卡，玩具，落街，等佢每次唔好一食完奶又瞓返。差唔多夠鐘食奶，就早少少叫醒佢，又玩一陣，先至餵奶。要令佢每個wake window長啲，每次盡量15 min 15 min 咁慢慢加。

私人傳訊

clarissakwan

大宅

積分: 3578

32^#

發表於 23-12-24 22:56 |只看該作者

本帖最後由 clarissakwan 於 23-12-24 23:00 編輯

iphonebb 發表於 23-12-23 20:18
回覆 HOPEFORBB 的帖子

其實我同我媽都可以湊，但係我坐緊月同老公唔鍾意我媽係BB喊個陣從佢手上搶走。

你老公發脾氣，你就出手湊，阿媽自己湊就最好，bb話曬係自己個肚9個月，佢最熟你。
過左一個月可能係個肚唔舒服，頭一個月就發脾氣，咁日後好多好容易發脾氣既點嫁

私人傳訊

KILW

子爵府

積分: 11722

33^#

發表於 23-12-24 23:28 |只看該作者

見到你話你老公講控制個b，唔好意思講句，我完全覺得佢痴痴地。
個b一個月大，個b自己都未控制到自己，你老公覺得佢控制到有咩根據？湊到發脾氣時，你老公要識行開/放鬆/調節自己，佢夾硬嚟燥哂底都係根本唔識湊嘅表現。佢有心湊，不如聽下有經驗嘅人講，一係睇下書學下點湊。
佢必須要調節下心態，bb行為唔係用管理成人嘅方法就得，佢咁樣令小朋友同佢自己將來都只會好辛苦，因小朋友有排都未做到老公覺得應達到嘅水平。

私人傳訊

iphonebb

大宅

積分: 4556

34^#

發表於 23-12-25 02:19 |只看該作者

回覆 KILW 的帖子

係呀，我同媽咪都覺得佢要放輕鬆。就算係奶奶都話佢。我都有同佢傾過，但好難完全改變佢。希望之後有改善。
你講左我心中所想。我唔知點解開頭咁多個留言都話我老公幫手已經好好。我無話佢唔好，老公肯花時間湊我好感激。但呢個控制問題為咗個仔日後著想都要改善啦。

私人傳訊

iphonebb

大宅

積分: 4556

35^#

發表於 23-12-25 02:22 |只看該作者

回覆 clarissakwan 的帖子

佢發脾氣個陣，我會同佢講俾我抱啦，但佢有時會唔俾個B我，覺得佢自己搞得掂。
之前我媽係佢手上拎走個B個陣，佢更加唔鐘意。

我覺得佢係太緊張搞到過左火，而佢性格本身都係好急既人，佢自己唔覺。同佢講左，佢覺得係我哋問題。

私人傳訊

鼠女神

大宅

積分: 2354

36^#

發表於 23-12-26 00:12 |只看該作者

開刀生坐好月呢啲藉口嚟啫，我都開刀生返到屋企第一晚已經係自己湊，老公本身好論盡搞唔掂，餵奶換片沖涼全部我自己做，嗰陣新請個工人唔多掂，用咗兩個星期炒咗，坐月時除咗湊B全屋家務都係我自己做曬。
晩晚冇覺瞓真係人都癲，我都會夜晚發B B脾氣，有時覺得頂唔順咪叫醒老公俾個B佢，自己喊下休息下跟住又湊過囉。你唔想老公發脾氣就幫手做嘢啦，你自己試下連續一星期唔瞓覺咪會明點解會發脾氣囉。

私人傳訊

iphonebb

大宅

積分: 4556

37^#

發表於 23-12-26 05:05 |只看該作者

回覆鼠女神的帖子

我老公只係餵一轉夜奶，同無人唔俾佢訓啊，係BB一喊佢就自然會醒。我抱仔喊個陣佢都會拎返去抱。同係我媽都係湊夜晚個轉。
你開刀生完即刻可以湊只可以話你好勁，人人體質都唔同，以前啲人生完即刻去耕田添啦，女人何苦為難女人。好彩我屋企人四大長老都係想我坐好個月，如果唔係聽到呢啲我以前點點點都產後抑鬱。我身邊啲朋友坐月都有陪月或者工人或者長老，都真係唔應該叫個生完既女人做咁多野。

不過你哋咁十項全能只可以讚你哋真係好叻叻啊

私人傳訊

iphonebb

大宅

積分: 4556

38^#

發表於 23-12-26 05:08 |只看該作者

回覆 clarissakwan 的帖子

宜家就係我老公攰就叫佢去抖。但現實都唔係咁易，一黎個仔喊佢就一定會醒even我媽湊緊佢都會睇住。同BB訓個陣叫佢訓陣，佢又話佢唔係即刻訓得著。

私人傳訊

iphonebb

大宅

積分: 4556

39^#

發表於 23-12-26 08:06 |只看該作者

其實我覺得開刀就等於做左個大手術，個肚俾人切開七層，我頭十日都要打防血柱針。正常人都唔會做完手術即刻做家務啦。不過當然有人要咩都做哂好叻叻啦。但唔可以期望人人身體都係咁。我覺得要休養十分正常。

湊仔係一世既工作，都唔爭在坐月一個月，有健康既身心體先可以之後湊B。

逆地而處，老公做完手術會唔會叫佢去做家務。