吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 四國單車環島親子遊學團 (8/6/2014 Day 10 終點。高松) ...

親子旅遊今日: 4|主題: 161729

收藏本版

發帖

返回列表

跳至頁

樓主: buklaylay

[日本] 四國單車環島親子遊學團 (8/6/2014 Day 10 終點。高松) [複製鏈接]

123

minnanotabo3030

大宅

積分: 1509

21^#

發表於 24-6-30 00:17 |只看該作者

回覆樓主:

樓主的老公和兩個仔感情好好，又有共同興趣，真羨慕

私人傳訊

buklaylay

珍珠宮

積分: 30209

2024年龍年勳章牛年勳章

22^#

發表於 24-6-30 13:25 |只看該作者

本帖最後由 buklaylay 於 24-6-30 13:27 編輯

minnanotabo3030 發表於 24-6-30 00:17
樓主的老公和兩個仔感情好好，又有共同興趣，真羨慕

哈哈！多謝多謝
同大仔去踩咋，因為細仔在英國

另1位後生仔，係我老公嘅「忘年」friend

私人傳訊

buklaylay

珍珠宮

積分: 30209

2024年龍年勳章牛年勳章

23^#

發表於 24-6-30 16:33 |只看該作者

回覆樓主:

1/6/2024 Day 4
白浜東洋町~室戶~吉良川の町老街~伊尾木洞~野良時計~高知

今日預計到高知距離大約130公里！所以晨早6：00起身收拾行裝準備出發！
昨晚來到東洋町已經差唔多天黑！見唔到咁靚嘅"白浜海水浴埸 Shirahama"

仲好好彩咁比我哋遇見傳說中嘅DMV在馬路上行走

民宿無包早餐，我哋要在附近搵地方食早餐！
在"谷歌"上搵到最近有早餐嘅都要3公里！鄉村地方真係無其他辨法！

3公里後來到四國其中一個衝浪者聖地"Ikumi Surfing Beach
生見サーフィンビーチ"
可惜我哋今次係來破風！不是衝浪...但望住咁靚嘅海灘都一樣咁享受~

到另外一條村落，本來想試下三文治型壽司！但Jack和大仔好似無興趣~

最後發現呢個社區都係無其他餐廳！只有一間地區超商"None Super
野根スーパー"！在超商內上年紀嘅村民買菜！我哋就買麵包同珈琲在門外坐低食早餐....

食唔飽都無辦法~出發！
今日天氣好好！仲有D曬！不過沿海岸線的55號公路吹住海風踩都算涼快(實情係逆風)！
好快來到夫妻岩~
(日本同台灣都係兩舊石或兩棵樹一齊都叫"夫妻"~)

好快就踩咗30公里來到"室戶"嘅"室戶廢校水族館
むろと廃校水族館"
聽個名就知係由學校改成！我哋無入去參觀，不過借用洗手間時見到一大一小泳池改成養魚池！見到大池內養咗好似石班之類嘅魚！反而細池好似跳水池改成嘅就養海豚....

"室戶"除咗有水族館外，仲有"海洋深層水研究所"
"室戶世界地質公園中心
室戸世界ジオパークセンター"

而且"室戶"無咩連鎖式便利店！有都只係地區小店~

因為今朝早餐食唔飽！所以未夠12:00就肚餓！咁啱經過見到呢間餐廳有開門~
"Sun Fish Manbow
サンフィッシュまんぼう"似係家庭式經營小店！
呢度除咗經營餐廳外仲有經營民宿服務~

我哋3個都點咗同一款定食~
送到來面前嘅定食就如圖片所見~
一個咁樣嘅定係在香港到底要幾錢?

不過在呢度就只需港幣大約$50~
attach0/tmp/php5C7rPm

私人傳訊

buklaylay

珍珠宮

積分: 30209

2024年龍年勳章牛年勳章

24^#

發表於 24-7-1 09:07 |只看該作者

回覆樓主：

本帖最後由 buklaylay 於 24-7-1 09:10 編輯

1/6/2024 day4
室戶岬~龍宮神社~吉良川老街

食飽後離開"Sun Fish Manbow
サンフィッシュまんぼう"向"室戶岬"進發

"室戶岬"是在海邊的地理岩石天然景觀！
附近還有"室戶岬展望臺" , "観音窟" , "中岡慎太郎像"等天然或歷史景點供遊人參觀~

今早一直向南下，到達"室戶岬"後改往北踩！踩咗大約14公里來到呢條"Kiragawa Old Street
吉良川の町並み"老街~
來到前估計老街應該會好熱鬧！兩邊開滿特式的在地手信店，或珈琲店等~
實際係只有幾間係真正有歷史的大宅！老街內沒有任何店舖！更加無遊人....

離開老街走回55號公路！9公里後見在海邊有個神社，"羽根岬"的"龍宮神社"

影完相就繼續路程！改變咗方向往北踩後無風再加上萬里無雲！踩得好辛苦！見到路邊有個公園有廁所就停底小休一下~

沿途都有唔小可以停底休息嘅公園！呢個叫"恋人の聖地大山岬"嘅公園就有舊"愛妻石"~
仲有路牌提示我哋仲有44公里先到今日目的地"高知市"....
attach0/tmp/phpPLFjtf

私人傳訊

buklaylay

珍珠宮

積分: 30209

2024年龍年勳章牛年勳章

25^#

發表於 24-7-2 20:32 |只看該作者

回覆樓主:

1/6/2024 day4
伊尾木洞

要說四國單車環島10天裏面我最深刻的景點！我會講是"伊尾木洞"~
不管你是否喜歡這種近乎荒野，要踩著濕滑的碎石泥土澗著水走！蚊蟲處處被咬後痕癢難耐！(被咬處兩三星期仍有紅腫痕癢....)而且還有告示牌警告有蛇.....

但從穿過洞口開始，彷彿走進世外桃園豁然開朗！

看著300萬年前地層隆起後，受波浪侵蝕形成的洞穴蔚為奇觀！

就是喜歡這種原始的保育方式！不加任何人工道路！用最簡單的方式讓遊人通過！

沿溪流一直走到盡頭是一條流水潺潺的小瀑布！

其實在瀑布旁有一條由樹根另加大木頭做成，但仍需游繩爬上的山路到上游的村莊後走村路回到"伊尾木洞"的洞口！不過爬到村莊後都是決定走回原路！(因為比較喜歡原路大自然景色)

回程時再次感受"伊尾木洞"的震撼！之後穿過洞口返回現實世界....

參觀"伊尾木洞"不需入場費

建議大家如果參觀"伊尾木洞"可瀏覽0887-34-8344
安藝觀光資訊中心
解說導覽
・每人1,000日圓（2～10人）
・每人700日圓（11人起）
(案内所好似有水鞋可以借用)
attach0/tmp/php5njPsk

私人傳訊

buklaylay

珍珠宮

積分: 30209

2024年龍年勳章牛年勳章

26^#

發表於 24-7-3 20:41 |只看該作者

回覆樓主:

1/6/2024 day4
野良時計~高松市

在"伊尾木洞"逗留了約一小時！
是時候要離開"伊尾木洞"到3公里外的下一站"野良時計"~

建築設計日西合璧的"野良時計"原本是為讓從事農務的農夫從遠處就能知道時間的而設！但我哋17:30來到，見到"野良時計"顯示時間係10:34？所以我覺得現在的"野良時計"應該只係作觀光景點用....
而且可能連季節都唔啱！說好的向日葵花田都未開花....

逗留一會！時間差不多18:00！但距離高知市還有40公里！趕快起程趕路！而且放工時間交通繁忙馬路上都多咗車！好在中間有一段"高知安芸自転車道"可以避開車群！但為咗盡快到達目的地，就連金黃色的夕陽都無心情欣賞....

時間20:00！見到咁有懷舊特色嘅電車就知到終於來到"高知市"~

我哋今晚就住在"鏡川"旁邊嘅"松栄第二別館"

‘’松栄第二別館‘’外表同裝潢非常有歷史感！
值得一提是酒店有位年紀稍大嘅職員在門外等我哋！一見我哋3人就用我哋訂房的姓氏稱呼我哋！並且見我哋是踩單車來就同我哋講辛苦晒！職員仲問我哋今早從那裏出發？Jack答錯咗佢，話我哋從德島出發(距離超過200公里)！職員聽後表示出匪夷所思嘅表情！並話我哋真厲害~

職員帶我哋泊好單車後上房！客房樓層走廊有點簡陋！一開門就入房後發覺房間充滿"懷舊日式"味！(放心！房間絕無難聞異味)全間房鋪上榻榻米乾淨舒服！只係浴室設計直頭係60s色系感覺！不過二樓設有大浴場最得我心~

趟開紙屏風有驚喜！原來仲有個露檯客廳，而且仲可以欣賞黑鼆鼆的"鏡川"夜景~

肚餓到發癲！跑出去揾食兼將臭單車衫褲攞去自助洗衣店洗！

近近哋就在附近揀咗這家拉麵店！我選了湯麵！Jack同大仔兩個後生仔就喜歡吃濃味一點所以選了沾麵！

食完拉麵又走去附近7仔買宵夜及甜品，等一陣去完二樓大浴場沖完涼後享受~

今日總里數130.2公里
總共爬升519公尺
attach0/tmp/phpg3AzZI

私人傳訊

buklaylay

珍珠宮

積分: 30209

2024年龍年勳章牛年勳章

27^#

發表於 24-7-5 21:03 |只看該作者

回覆樓主:

2/6/2024 day5
暢遊高知

因為昨晚太夜才來到"高知市"！無機會細味哩個城市！所以決定清早7:00起床！早點吃早餐！希望可以早點出發~

到二樓 "Grill 鏡川"餐廳！早餐早已預備好！我哋一邊欣賞鏡川一邊食早餐~

收拾好行裝去停車場取回單車時遇到昨晚招呼我哋果位職員剛巧放工！呢位職員應該60有多！但英文好好！見到佢踩住架好有品味嘅日式單車！原來係前輩~
我哋昨晚還在佢面前班門弄斧添...

離開酒店後只係轉個彎踩550米就到"高知"景點
"播磨屋橋
はりまや橋"

因一個淒美的愛情故事而出名的"播磨屋橋"是一條紅色的日式橋樑！但卻同四周環境有D格格不入....

"播磨屋橋"對開行人路空地放咗個石造嘅"麵包超人"~

好多人企在空地唔知等乜！以為呢度係高知嘅主要路口！十字路口不時見到"電車"交叉穿梭！所以"電車迷"在此等候....
原來呢班唔係電車迷！佢哋係專程等"播磨屋橋"對面"商店街"旁的大厦外牆大鐘報時~

大鐘報時先有音樂響起！跟著時鐘上下左右會慢慢伸出公仔！公仔應該係同"播磨屋橋"嘅愛情故事有關啩~

到另一景點"高知城"只需踩1.5公里~

今日係星期日！所以"高知城"比較多遊人！我哋無上到天守！只在外面打咭影相留念就算....
attach0/tmp/phpNM2BNB

私人傳訊

buklaylay

珍珠宮

積分: 30209

2024年龍年勳章牛年勳章

28^#

發表於 24-7-7 12:43 |只看該作者

回覆樓主:

2/6/2024 day5
土佐~須崎

離開"高知城"後距離14公里來到"高知市"和"土佐市"交界"Niyodo River
新仁淀川大橋"

路上遇到日本大叔踩車經過！一人一狗好可愛~
我哋只係在"土佐市"的核心外圍經過~
離開土佐要爬過一段100多米高山路後才可到"須崎市"！差不多爬到頂時見路旁呢部
售賣機！每樣都是100円平過所有便利店！咁抵當然要幫襯買D嘢飲下！

上到頂後一直下滑好快就到水獺的故鄉"須崎市"
因為70年代有調查報告顯示流經市內"新莊川"中有日本水獺的棲息蹤跡"須崎市"政府為此曾制定保護水獺的相關條例!但可惜在2012年日本環境省正式宣佈日本水獺已滅絕....
為此"須崎市"找來水獺"しんじょう君"作為須崎吉祥物！
咪住！點解"しんじょう君"咁似在網路上患有反社會人格而成日[自虐]和[暴力]等行為嘅"ちぃたん☆"?

後來大仔話我知"しんじょう君"和"ちぃたん☆"頂帽唔一樣！兩隻係有分別㗎~

原來"しんじょう君"作為"須崎市"觀光大使！佢頂帽上面係須崎名物"鍋燒拉麵"

唔洗我講大家睇個名都知"鍋燒拉麵"係用鍋上啦~
襯仲熱辣辣！我哋唔客氣嘞！

食飽係在路上行,隨咗剛剛果家鍋燒拉麵店同LAWSON外！發覺整個"須崎市"好似無其他人！就連舖頭都無開！仲想買個"しんじょう君"比老婆做手信添....
(因為我老婆喜歡睇"ちぃたん☆"自虐...)

離開"須崎市"又開始要爬上320多米高嘅山後才會到達我哋今日嘅目的地四万十町~

群山環抱一直往上爬！穿過多條隧道後(穿隧道免卻走之字路已經舒服好多)來到今日最高點"七子峠"

"七子峠"呢度有一個觀景臺的停車場和一個廢棄咗嘅加油站！我哋停低休息期間剛巧有輛日產的第一代"淑女"來到！呢類上古神獸在香港應該見唔到....

一下集就會向目的地"四万十町"進發~
今日總路程70公里算係優惠咗~
總共爬升720公尺
attach0/tmp/phpG7j9o9

私人傳訊

buklaylay

珍珠宮

積分: 30209

2024年龍年勳章牛年勳章

29^#

發表於 24-7-7 13:10 |只看該作者

回覆樓主:

「發覺整個"須崎市"好似無其他人！就連舖頭都無開！仲想買個"しんじょう君"比老婆做手信添....
(因為我老婆喜歡睇"ちぃたん☆"自虐...)」

Chiitan... 反社會人格

私人傳訊

buklaylay

珍珠宮

積分: 30209

2024年龍年勳章牛年勳章

30^#

發表於 24-7-8 13:52 |只看該作者

回覆樓主:

2/6/2024 Day 5
旅籠屋·四万十店

"籠屋"一個只有"香港"獨有嘅名詞....
由"七子峠"一路下滑11公里就到今日住宿
"Familylodge HATAGOYA Shimanto
ファミリーロッジ旅籠屋·四万十店"

到達"旅籠屋·四万十店"之前附近都是農田~
點解呢塊田係心型嘅？

真係估唔到在深山中有一間咁精緻嘅旅館~

但因為旅籠屋無3人房！所以要分開兩間房！兩間房盛惠$899~

單車不能放進房內！不過好在我哋住地下樓層！單車放在門外走廊都好安全！

安頓好單車沖完涼就到外面搵食~

有時真係唔可以盡信"谷歌"老師~
四万十町呢度位處深山，附近食店一係無開一係未夠5點已經閂門唔做生意！好彩呢度有個"ゆういんぐ四万十"汽車休息站！

裏面有類似food court嘅食店可以比我哋食碗拉麵....

食飽後在"ゆういんぐ四万十"內行下！發現賣土產嘅地方居然有"しんじょう君"？
咁就無辦法唔買一個比老婆做手信喇...

隨咗"ゆういんぐ四万十"外附近只有LAWSON ，買D甜品同飲品後返去旅館同架車做補養！然後去大堂嘆下免費珈琲睇下星星！鄉郊地方晚上無光害！可以好清楚見到"北斗星"~

旅館有介紹附近出名浸溫嘅地方！叫"松葉溫泉"但距離旅館17.5公里揸車都要25分鐘！我哋無辦法去得到....
唯有早點返房休息！明天早點起床享用旅館提供嘅早餐~
attach0/tmp/phpcsMCKo

私人傳訊

buklaylay

珍珠宮

積分: 30209

2024年龍年勳章牛年勳章

31^#

發表於 24-7-17 21:01 |只看該作者

回覆樓主:

今日主要都係沿住四万十川踩到"四万十市(中村)"

一早6:00起床到走廊呼吸一下新鮮空氣！遇到鄰房住客離開！原來是一位(四國遍路)的朝聖者~
佢哋會用雙腿一步一步走遍四國88所寺院！總共1200公里！比起用單車環繞四國一周更辛苦~

在"旅籠屋·四万十店"吃過早餐就出發！先沿56號公路踩一段，然後轉走381號公路踩就會見到被譽為[日本最後的清流]的"四万十川"~

"四万十川"全長196公里！但我哋今日只係踩約100公里去到"四万十市"(又名中村)~

"四万十川"隨咗河川出名外！另外一樣著名嘅就係"沈下橋"~

一條"四万十川"就有多達47座沈下橋！咩係沈下橋？
聽講係當"四万十川"河水暴漲時就會將橋淹沒，故名沈下橋~

要走完咁多條下沈橋應該無可能喇！所以只揀咗幾條比較著名的沈下橋參觀~

隨咗沈下橋外，"四万十川"亦有很多隧道同埋火車橋~

經過之前四日的單車路線，今日沿"四万十川"又係另一種味道~
attach0/tmp/phpW9ARHY

私人傳訊

buklaylay

珍珠宮

積分: 30209

2024年龍年勳章牛年勳章

32^#

發表於 24-7-19 13:58 |只看該作者

回覆樓主:

3/6/3024 Day 5
午後四万十川

踩到來土佐昭和車站附近，差不多到中午12點！在"谷歌"見到有間在四万十川旁嘅餐廳"リバーサイドみち"
餐廳外觀一貫日式平房！旁邊仲設有營地，而"四万十川"就响側邊，如此環境露營真係chill到無朋友~

講返餐廳入面，完全係家庭式經營果種感覺！我哋3個同樣都點咗和式定食套餐！餐廳內好似只有老闆娘一腳踢~

飯後又再出發！10多公里後到咗另外一條沈下橋"半家橋"！

"半家橋"呢度環境好寧靜好靚！揣急嘅河水帶來涼快嘅感覺！我哋足足在"半家橋"停咗半個鐘享受純大自然嘅寧靜洗滌心靈後才依依不捨繼續上路~

"四万十川"位處內陸山谷中！午後太陽直照加上無乜風，好在偶爾有D樹蔭再加上踩住單車撞風先無咁熱咋....

但呢度又無7仔呢類便利店！所以每逢見到休息站都會停低休息下去下廁所補下水！

通常我都會揀D未見過嘅飲品！今次就試下呢隻"復刻堂"嘅可樂~

路程的後半段雖然都係圍繞在"四万十川"旁！但有幾段道路都係單線雙程行車！而且又有擴闊工程進行中！所以要格外小心留意對頭車~

"四万十川"下游比較深水！觀光船會載住遊客在河川遊覽！不過今日就一隻都見唔到.....

視線離開"四万十川"後無耐見山上有個"天守"原來係仿"中村城"而建嘅"四万十市郷土博物館"即係我哋已經來到"中村"~

來到"中村"先去到步行街找單車店！事源Jack在"淘仔"買的單車鞋Look片踩咗4日就爛晒，需要買過一對新的才可繼續餘下嘅旅程！

平日"四万十市(中村)"嘅街道都係無乜人無乜車！就連步行街都只得小貓三四隻....
attach0/tmp/phpFHaQhO

私人傳訊

buklaylay

珍珠宮

積分: 30209

2024年龍年勳章牛年勳章

33^#

發表於 24-7-21 15:02 |只看該作者

回覆樓主:

3/6/2024 Day 5
四万十市~Hotel Sun River Shimanto
ホテルサンリバー四万十

來到"中村"即四万十市！今日入住Hotel Sun River Shimanto
ホテルサンリバー四万十
酒店設有私人車房供住客存放電單車或單車，非常方便同保持私隱~

由於Hotel Sun River Shimanto沒有三人房，所以訂咗一間單人房同一間"無障礙房"~
"無障礙房"設計方便我呢類行動唔太方便嘅住客！浴室同廁所都非常寬敞~

沖洗後到附近Sushiikkanshimantoten
寿し一貫四万十店吃壽司
Sushiikkanshimantoten話就話係迴轉壽司！但其實你想食由厨師新鮮即造壽司的話，就要罰抄menu內的日文交比厨師制作！但首先你要識睇日文.....

(全晚餐廳只有我哋一枱客好似包場一樣)
三條友攪到好似任食壽司咁！叫到一枱都係...

每晚食完晚餐都會買D雪糕甜品同飲料之類滿足一下！藥妝會比便利店更平~

返酒店前兩個後生仔第2次發育？竟然話未夠飽提議不如買個pizza返酒店宵夜....

今日總距離101公里
總爬升高度556公尺
attach0/tmp/phpP5Bjgk

私人傳訊

buklaylay

珍珠宮

積分: 30209

2024年龍年勳章牛年勳章

34^#

發表於 24-7-23 21:32 |只看該作者

回覆樓主:

4/6/2024 Day 6
四國最南端~足摺岬

雖然未有能力横跨南北兩極！
但單車旅程第一天就踏足四國最北端！
咁...無理由唔去埋最南端吖~

今日路程102公里
總爬升1053公尺

在Hotel Sun River Shimanto享用完豐富自助早餐後出發~

離開酒店無耐在四万十川支流旁邊堤壩踩著幻想日劇情節通常都會有學生在堤邊曬太陽或踩著單車的青蔥歲月！不過呢D情景並無出現！

踩到堤壩盡頭就係四万十川出海的最後一段！不過我哋睇唔到佢出海！因為要轉走國道321號去足摺岬！

從國道321穿過鄉郊好快又回到海邊！經過大約26公里，好快就來到"大岐(おおき)の浜"

我哋被"大岐(おおき)の浜"蔚藍色的海水吸引停下來休息~

再次出發繼續沿國道321轉走國道27,踩多17公里就來到四國最南端"足摺岬"

"足摺岬"旁邊就係"第38號靈場蹉跎山補陀洛院金剛福寺
金剛福寺"
而且途中見到不少(四國遍路)的朝聖者徒步來參拜~

我哋鎖好單車徒步行上"足摺岬"觀景台欣賞壯闊的海景並打卡留念！

在此不多遊人的地方竟遇到香港遊客獨自一人來到打卡！(其實今早在酒店早餐時已經見過！但當時唔知佢都係香港人)
所以...終於可以用粤語叫其他人幫我哋揸機影合照~

時間差不多12:00又係放飯時候！"谷歌"老師介紹"足摺岬"停車場旁邊就有兩間餐廳！

第一間在地下的餐廳望入去有個無敵海景對著"足摺岬燈塔"！但餐廳廚師同我哋講要等30分鐘！
我哋唯有去旁邊另外一間地下係買記念品，用餐要到樓上二樓嘅餐廳！

上樓梯已發覺餐廳內裝飾好有昭和年代感！而且餐廳的窗外勉強都可以見到灯塔！(年代感唔代表舊)

打開餐牌見到寫著秘制足摺岬名物鰹魚定食！就試呢個啦!唔該來3份吖~
attach0/tmp/phpIO1elp

私人傳訊

buklaylay

珍珠宮

積分: 30209

2024年龍年勳章牛年勳章

35^#

發表於 24-7-25 21:02 |只看該作者

回覆樓主:

4/6/2024 Day 6
万次郎足湯

食飽飯無事做，不如去浸腳！
距離"足摺岬"只係五~六百米距離就來到"万次郎足湯"

我唔太清楚"万次郎"係邊個！不過佢就好大方！免費招待所有人泡足湯~

入到足湯館內首先比兩排水池吸引！一個係冷泉！另外一個係溫泉！冷定熱適隨專便，不過記得泡前先清潔雙腳！

坐低放鬆享受溫泉泡腳時才發覺窗外除無敵海景外，原來對正另一景點"白山洞門"！
真係一個地方,兩種享受~

雖然有便宜唔洗本！但浸得耐怕會甩皮......

離開足湯再踩12公里，來到"足摺黑潮市場"諗住可以休息下，點知摸門釘食閉門羹！
明明話收16:00,點解15:00就閂咗門？

而且重要禍不單行！停紅綠燈時，大仔因為跟車太貼而抄車！為旅程流下第一滴血....(千其唔好話比媽咪聽....)

好彩Jack在附近找到藥妝買消毒用品幫大仔處理傷口，我就付責檢查及修理單車~

傷口唔深只係皮外傷！延誤咗大半個鐘.....距離今日目的地仲有40公里....

趕快出發去6公里外的另一景點"落窪海岸の化石漣痕"

就像在欣賞奇妙的大自然所繪畫的藝術畫~

途中又經過"土佐"休息站！
雪糕就無得食！
食閉門羹就有份....

都係地區小店靠得住！而且店員態度親切熱情！見我哋食完雪糕找垃圾桶就主動叫我哋交比佢處理就可以！感覺充滿人情味~

編幅所限太多照片！唯有等下一集再出~
attach0/tmp/phpcPfFGG

私人傳訊

buklaylay

珍珠宮

積分: 30209

2024年龍年勳章牛年勳章

36^#

發表於 24-7-27 11:53 |只看該作者

回覆樓主:

4/6/2024 Day 6
龍串海岸公園

不經不覺來到龍串漁港
剛來到漁港時覺得點解同"谷歌"地圖上的照片差咁遠，只見到幾隻玻璃觀光船停泊在防波堤內的避風塘....

放低單車爬過防波堤後嘩一聲~原來外面别有洞天！

眼前見到係幾條好似龍骨嘅岩石向海伸出！龍骨呈一節一節許許如生！
但亦有另外一個名叫"大竹小竹"！睇睇下又確係有D似~
龍串呢度嘅自然岩石景觀係由1,700萬年前的砂岩和泥岩層經風吹浪打而形成的奇景~

碰巧今日係潮漲，如果潮退應該會見得更多~

但切記要穿著適當嘅鞋！如果唔係踩中"地雷"就大鑊....(貌似地雷嘅其實係化石)

在地圖上看龍串海岸公園有一條步道可以沿岸欣賞更多不同型態石群！可惜時間所限唔可以走完全段就要離開....

距離"龍串"無幾遠就係可以唔洗濕身深入海底觀看珊瑚嘅"Ashizuri Underwater Aquarium
天然ミュージアム・足摺海底館"嘞！
不過麻煩下次你哋參觀完再分享一下~

行多2~3公里後轉走國道28公路！進入山間鄉鎮！一邊踩一邊欣賞夕陽伴隨農田的"天空之鏡"

距離今日目的地"宿毛"還有27公里！但最後呢段國道28公路係需要先爬坡到後段全下坡！在山間爬坡因為無風關係！爬到上頂已經全身濕透汗水！直接下滑呢段真係覺得凍到全身"起雞皮".....

終於在太陽完全落山前安全到達目的地"宿毛市"

編幅所限,day6好似唔斷氣咁.....又要留返下集先同大家介紹"宿毛"同酒店.....
attach0/tmp/phpRVJru8

私人傳訊

buklaylay

珍珠宮

積分: 30209

2024年龍年勳章牛年勳章

37^#

發表於 24-7-28 11:46 |只看該作者

回覆樓主:

4/6/2024 Day 6 宿毛

來到"宿毛"代表四國單車環島親子遊學團12天行程已經完成了一半~

老友jack同大仔都話：吓！仲有一半未完成？(年青人即是年青人....)

講返今晚往宿""Hotel Avan Sukumo
ホテルアバン宿毛"酒店~

單車不能帶到房內！只可以自己用鎖鎖在酒店大堂外的單車架！
而酒店亦設有welcome drink,珈琲汽水任斟任飲！
我哋飲飽後上房先洗澡~
今晚訂到3人房！房間唔大只有一個廁所！所以沖完涼都已經天晚....

晚上嘅19:00"宿毛市"街上無燈無車無人！最重要係食店都無開！由酒店行到JR車站附近週維都只係見到"彈珠店"有開.....

無辦法！唯有返去酒店旁邊的炸豬扒店"Katsumura
かつ村"
而且因為我哋係"Hotel Avan Sukumo"酒店住客有額外9折~

大仔同jack都點了
しやんほロースかつ定食 300g
而我就點了
しやんほヒレかつ
定食 280g
唔同部位嘅豬扒可以大家交換食，而且耶菜,白飯同湯都係無限添食~

又係好似包場咁！我哋食完埋單時店員都提早收工了....

鄉下地方食飽都無嘢行！唯有去便利店買D甜品雪糕後早D返酒店洗衫休息......
attach0/tmp/phphiOnDe

私人傳訊

buklaylay

珍珠宮

積分: 30209

2024年龍年勳章牛年勳章

38^#

發表於 24-8-2 17:05 |只看該作者

回覆樓主:

5/6/2024 Day 7
宿毛~宇和島市

今日路程約一百公里！目的地"八幡浜"

晨早起床到酒店餐廳食早餐！酒店早餐有分日式或西式早餐定食！我同大仔點咗日式！Jack點西式！食咗後上房換衫收拾行裝09:00出發！

其實雖然由到達至離開有十幾個鐘！但對"宿毛市"都無乜印象！因為真係乜都冇.....

踩咗11公里左右來到休息站"一本松溫泉前"
一本松呢個休息站其實似係一個當地菜市場！裏面賣嘅好多都係愛媛縣當地土產蔬菜同生果！我哋就買咗一支愛媛縣名產"柑汁"！味道都可以啦~

再度起程！途中見到"多拉A夢"

經過28公里來到一個漁港！漁港內見到海面一大片不知係蠔田定係養蚌？

時間已經係12:30！用"谷歌"在附近找到餐廳
"Nishi Drive in
西ドライブイン"

四國餐廳大部分仍然保留住昭和年代感覺！

我哋3人同時點咗"刺身定食A"¥1600~

在地漁港新鮮供應刺身當然新鮮味美！

飲飽食醉休息一陣再沿國道56公路由海邊轉入內陸踩咗23公里來到"宇和島市"

在超市"Marunaka
マルナカ宇和島店"休息補給！鄉鎮超市又大又多嘢賣！以特平價錢買咗一盒6個入雪糕補充糖份~
attach0/tmp/phpcQ2Rx9

私人傳訊

buklaylay

珍珠宮

積分: 30209

2024年龍年勳章牛年勳章

39^#

發表於 24-8-4 14:56 |只看該作者

回覆樓主：

本帖最後由 buklaylay 於 24-8-4 15:00 編輯

5/6/2024 Day 7
宇和島城~八幡浜

在宇和島城食完雪糕補充糖分後，繼續沿國道56走多5公里到達"宇和島城"

停在"宇和島城"入口外，知道要行上海拔74公尺！而且好似無地方可以比3架單車暫時安全寄居，經3人商討後決定放棄參觀"宇和島城天守"！繼續餘下37公里路程....

途經外型看起來像一座寺廟嘅"宇和島市立簡野道明記念吉田町図書館"停低影下相~

之後開始一路爬坡！慶幸國道56有修建行車隧道，才不至要沿山勢之字行，省卻不少時間同氣力！騎咗5.8公里經過5條隧道來到海拔161公尺高嘅"Akamatsu Tourist Farm.
赤松観光農園"

講真其實算係一個觀景台！看建設應該是會販買特產橘子！可惜我哋來到時已經休息！不過還有自動販賣機，在觀景台視線透過橘子田可以看到宇和海！下面偶爾還會見到JR火車經過~

觀景台內另外會看到由松樹修剪而成嘅園景和外型像兔仔嘅園景植物~

再經過1公里穿過4條隧道爬升到218米後開始下滑至"西予市"！然後轉走國道25公路走多13公里就到達今日目的地"八幡浜市"

走進"八幡浜市"發覺市內四週都無車無人.....

來到市中心嘅一間彈珠店！旁邊就係我哋今晚住嘅地方"Super Hotel Yawatahama
スーパーホテル八幡浜"

今晚每人一間房！因為酒店無3人房！而1間單人加雙人房，同訂3間單人房價錢差唔多~

地下有浴室同餐廳！welcome drink有酒同汽水任飲！日本人真係"實事認真做"！就連汽水都會教你點"溝"先最好飲....
attach0/tmp/php62VVEp

私人傳訊

buklaylay

珍珠宮

積分: 30209

2024年龍年勳章牛年勳章

40^#

發表於 24-8-5 19:46 |只看該作者

回覆樓主:

5/6/2024 Day 7
八幡浜，銀座商店街~ Super Hotel Yawatahama

冲完涼換件衫就到外面搵食！

酒店對面就係"銀座商店街"搵食應該唔難！

時間係晚上20:00！商店街好似人去樓空....

只有一兩間居酒屋仍有開門營業.....

嘅然都係只得居酒屋不如繼續向前行睇下有無其他選擇！行到近街尾終於見到"もつ鍋ダイニング居食屋月天(自家製麺の店)"

睇過網上介紹八幡浜出名"什錦麵"！一於就幫襯呢間！

今日路程100公里爬升9百多米，到而家實在餓到飛起！見到餐牌什麼都想食~

我覺得"什錦麵"其實係福建麵！即係好似"RINGER HUT"果種炒麵~

除咗什錦麵還有餃子！蒸同煎都好味！而且還感覺到呢間主打中華料理嘅廚師滿滿嘅福建菜口味~

鍋物同炒飯都好好味~

居然還有卡邦尼意粉？卡邦尼汁配自家制麵都幾特別~

居酒屋唔小得嘅串燒~

飽餐一頓後到外面散步！不過街上連一個路人一輛汽車都無！靜到只聽到電線杆上嘅電弧聲....

不過只要抬頭望向天空就可以清晰見到北斗星

捱到23:15終於可以享受下酒店嘅天然溫泉！(男女分時段共用一個浴場)泡溫泉真係可以驅除一日的疲勞！呢晚瞓得特別好！抖足精神迎接明天旅程~
attach0/tmp/phpfj4ZbY