jumpy 發表於 26-5-30 09:10 
可以講下點解用到想爆粗嗎
主要原因係我唔識煮, 又冇耐性煮. 
成屋人更年期同青春期一樣食咁多野, 日日煮至少 8人份量既餸, 屋企d 煲鑊大部份重型同埋大 size.
用明火大火煮食時, 因為 d 火包住鑊底咁煮, 所以成日鑊受熱平均, 煮乜都快, 開齊4個爐同時煮都好順暢. 用電磁爐時, 隻鑊只得中間熱, 所以鑊邊食物好難熟, 用2隻鑊去煮個爐又唔夠力一齊大火, 開3個爐煮個個爐得番中火, 炒野淨係得鑊底熱更加唔駛講, d 野炒十世都唔熟, 唔好講咩鑊氣... 講到尾我煮餸時間耐左好多, 罰企咁, 越趕時間反而要煮得耐, d 餸仲要煮得唔靚.... 同一道理, 養鑊要搽油又係咁, 養黎養去都養唔到, 鑊邊完全養唔到變黑.
另外因為 d 鑊比較重, 煤氣爐有壚架, d 煲鑊好少走位, 我單手炒菜都得 (另一隻手倒生粉水, 加材料等), 滾瀉野個爐可以裝住d 湯唔會漏到一地都係湯, 個煲都唔會跣走, 洗完煲唔駛抺煲底直接放上爐攤乾都得. 用電磁爐時全部野相反, 麻煩好多又變相多功夫要做.
我覺得電磁爐配細鑊同中型鑊會好用, 用電磁爐煲野或整多汁既餸會煮得快同好d.
少少題外話, 我隻貓以前唔會跳上煤氣爐度. 而家用電磁爐, 我要記住用完要lock 住個爐, 因為隻貓鍾意跳上去, 唔覺意會開爐, 而家晚晚食飯時同飯後要趕佢走好多次.
全都是你卑鄙卑鄙
Woo 卑鄙卑鄙
Ooo oo ooo oo oo oo
發表於 
返回列表
