saralingling 寫道:
Hi Kathychoi,
Thx your support, 有你哋嘅支持, 舒服哂, 我永遠都話一個人係唔可以冇朋友架, 我成日都會同D朋友傾電話架, 如果冇咗佢哋, 我諗我真係撐唔倒咁耐呀.
conniemeiko 寫道:
你好:
關於我既故事說來都算長篇，係係好多年前架喇，而家我兩個囡囡都已經長大成人喇，而我又做左外婆。*備註*(我今年已經四十幾歲架喇
當時我既大囡讀緊小學四年級，細囡緊緊入讀幼稚園，佢已經係無比家用我又成日唔返屋企，不聞不問，跟本當我地完全唔存在架，好淒涼，小朋友太細喇，就連我自己既媽媽都唔幫自己，唉....好苦架，但我都同你一樣咁諗法好傍徨，好無助，呢個時候就係要靠自己撐落去喇， 自己走去法律援助處搵律師攪，出入數十次，但都失敗左，因為經過律師接見同傾過呢個問題，佢地話係要雙方架單方面攪唔到，當其時呢個人係失左踪既，但我都當佢已經死左。(經過好幾年突然打電話比我要求離緍)(我就應承左佢，係雙方恊意下就去搵律師攪離緍，我既條件就係唔好同我掙兩個囡囡，公屋戶籍轉返比我地三母女，但我係無要佢斗零架。)
之後點樣生活呢？我就要靠我既大囡幫手照顧妹妹，自己出黎做野，做得d乜野呀？去左麥當勞度做，八蚊一個鐘，同個經理講叫佢比我做多幾個鐘可以搵多小小錢養家，當時我地係住公屋既，所以交租唔駛好多錢只係幾百蚊慳慳地都夠生活，當時連買斤菜既錢都唔夠買一包米既錢都冇架，為有係散買囉，真係冇餸食飽飯呀，每日我既早餐就偷偷地拎返上樓比兩個囡囡食，之後大囡讀中學喇，我可以真真正正搵到一份固定而福利幾好既工生活就完全冇問題，但係呢幾年裏面真係吃盡唔小苦頭，又怕人家問起，後來自己諗清楚又唔係自己既錯駛咩怕面對其他人呢，開始左擴闊自己既生活圈子，同人多溝通自然就大膽起黎喇，大囡出黎做野喇，佢好生性將出糧既錢都比我黎做家用大家一齊捱過左一段好漫長好難過既日子。過左十幾年加喇，你唔駛傍徨架，萬事起頭難，人地睇死你做唔到既野你就千其唔好衰比人睇呀，凡事都係要靠自己架，你身邊既人只可以比個意見你，始終決定係你自己呀，我而家有個好錫我既男朋友(同居)佢對我好好，亦都對我d囡好好，我而家生活得好開心，我已經無做野架喇，得閒揍下孫，有咩問題都唔駛怕既，好老土d講句呀，真係明天會更好架，但要靠你自己架喇....
發表於 
返回列表
