吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 扭眼訓喊到拆天-3個月bb

嬰兒醫護今日: 0|主題: 79157

收藏本版

發帖

返回列表

跳至頁

樓主: cincin_ko

123 4 5...37

pyjess

積分: 24088

21^#

發表於 10-4-4 01:03 |只看該作者

唔TRAIN過點解一開始就覺得唔得? 母嬰健康院O係咁教, 好多專家O係咁教, 因為人地手上有好多好多CASE都成功

我是一個"教育有用論"者, 人天生是有許多特質, 小朋友天生會用謊言去掩飾其過錯TIM, 但我相信通過教育去改善, 希望大家有好日子過

我自己都試過晚晚無得瞓O既日子, 日日都驚BB唔知幾時醒, 幾時喊, 又唔知佢要D咩, 我亦試過聽到BB喊聲就胃痛, 自己一齊喊O既日子....我唔想大家好似我以前咁, 更加唔想因為自己情緒差, 而危險BB生命安全

我而家晚晚花時間, 同一套方法, 同一本書, 講完再講, 都係想有一樣困難O既媽媽, 一齊搵到佢BB O既特質, 改善生活

可能你試過, 未成功, 可能有D THEORY, 未曾唸通, 甚至,怕BB喊, 心裡面怕BB唔鐘意自己, 所以唔想試.... 亦可能用過其他方法,成功左 (不過如果係咁, 希望你都分享你O既成功方法, 令其他媽媽受惠)

說真的, 的確有其他方法, 例如同大人同床/抱瞓, 但我所用的不是"SHORT CUT", 亦沒有危險, 最少不會焗死/跌死BB (這類新聞每年也有三兩宗, 本年已發生2宗), 亦有人因為要長期陪小朋友瞓而搞到離婚.....我只是不想我們BK 媽媽有此等不幸事發生, 但的確要一星期左右去TRAIN....

希望其他看官明白, TRAIN的過程是有點痛苦, 但一星期可以令未來10年安眠的日子....對, 有些小朋友, 要大人陪7-10年, 可不是說笑的

原帖由 optimus 於 10-4-3 16:28 發表
BB 有 d 問題, 真係要捱時間, 唔係話你想 train 就 train 到, 因為我相信每個人一出世已經有好多與生俱來的特質, 個個唔同, 例如有 d bb 好鍾意訓, 有 d 真係極唔鍾意訓, 一兩套方法並唔可能應用晒o係每個人身上的. ...

點評

SWtwins agree! bb係一張白紙, 你俾咩佢, 佢就接收d麥! 發表於 11-8-23 10:25

私人傳訊

optimus

別墅

積分: 593

22^#

發表於 10-4-4 10:44 |只看該作者

原帖由 pyjess 於 10-4-4 01:03 發表
唔TRAIN過點解一開始就覺得唔得? 母嬰健康院O係咁教, 好多專家O係咁教, 因為人地手上有好多好多CASE都成功

我是一個"教育有用論"者, 人天生是有許多特質, 小朋友天生會用謊言去掩飾其過錯TIM, 但我相信通過教育去改 ...

唔使咁大反應, 我並非要否定各下的言論, 而是作點補充而已. train 得成功當然好, 但 train 極都 train 唔到亦一 d 都唔出奇的.

私人傳訊

maymycheung

子爵府

積分: 13589

23^#

發表於 10-4-4 17:15 |只看該作者

多謝你咁詳細比個SCHEDULE 我呀!! 但我阿B一日要食5餐, 每4個鐘食一餐, 佢每日食兩餐粥+奶 (大約半個鐘至1個鐘不等), 另外3餐奶 (半個鐘至45分鐘)

但佢瞓覺就越來越差, 之前都會一日瞓兩覺 (但約1個鐘至2個鐘不等), 但一定要抱佢瞓; 但最緊佢有時成個DAY TIME 都唔瞓或者就瞓LESS THAN 1個鐘, 好似今日咁, 成日都唔肯瞓, 成4:00PM先瞓, 真係人都SHORT!!!

我嘗試放佢落床仔, 一落去佢就爬起身, 如是者, 佢都係唔肯瞓; 佢係玩到超倦都唔肯瞓的BB

有咩辦法呀??

原帖由 pyjess 於 10-4-3 00:34 發表
其實同樓上講O既一樣, 但係, 要注意一日NAP3次已經唔O岩一個9個月大O既BB
我而家個TIMETABLE可能會O岩D
7:00 奶
7:30 - 10:00 自己玩, 小食時間
10:00-12:00 瞓
12:00 粥
13:00 奶小量 (因為我隻B唔鐘意食奶, 所以而 ...

私人傳訊

worriemama

禁止訪問

積分: 2972

24^#

發表於 10-4-5 00:04 |只看該作者

提示: 作者被禁止或刪除內容自動屏蔽

私人傳訊

pyjess

侯爵府

積分: 24088

25^#

發表於 10-4-5 00:24 |只看該作者

我只希望未試過TRAIN的媽媽不會一開始就想著有TRAIN不到的可能, BB唔知點解, 對媽媽個心好SENSITIVE, 覺得可以蝦你就會蝦你....心態的確是成功因素的一大重點

舉2個例
我隻B唔鐘意食奶, 我愈緊張佢食幾多O個日, 佢愈唔食, 試過一見奶樽就喊, 其他人餵就無事, 因為佢地唔在意, 我就緊張.....又試過2,3個月大專O係我地食飯時扭抱, 當我地個個都把心一橫, 唔理佢時, 佢就收聲......

原帖由 optimus 於 10-4-4 10:44 發表

唔使咁大反應, 我並非要否定各下的言論, 而是作點補充而已. train 得成功當然好, 但 train 極都 train 唔到亦一 d 都唔出奇的.

點評

SWtwins support, 我兩個b都train倒, 好多時要睇下個trainer嘅心態. 發表於 11-8-23 10:29

私人傳訊

pyjess

侯爵府

積分: 24088

26^#

發表於 10-4-5 01:03 |只看該作者

想先問2個問題:
1. 一日食5餐奶會否過多? 因為我見我隻B食開O個D奶粉建議一日食4餐奶....你的BB是否太瘦, 醫生建議多食奶? 否則應減吃一次奶, 如果吃兩餐粥+奶 , 另外2餐奶, 你的時間表就可整合成跟我的一樣; 其實我自己也是到隻B8個月大, 唔肯NAP3次時, 改為兩餐粥+奶 + 2餐奶的
2. 有些B的確會在10-16個月大時只NAP一次....但我想問你之前有給BB固定NAP時間嗎? 如果天天NAP的時間都不同, 他們不會同白已到瞓覺時間

初初你唔抱, 佢唔明已經要瞓, 因為抱瞓是你一直給他的瞓覺SIGNAL; 而家當重新開始, 每次瞓覺, 抱在床邊/床上一至二分鐘, 然後給他毛巾, 放在床上, 告訴他要瞓了, 就離開;
他第1次哭, 等一分鐘, 才入去看, 拍他/哼溫和的音樂/說媽媽在/抱2分鐘, 放回床上, 告訴他, 要瞓了, 就離開;
第2次哭, 他哭, 等2分鐘, 才入去看, 拍他/哼溫和的音樂/說媽媽在/抱2分鐘, 放回床上, 告訴他, 要瞓了, 就離開;
第3次哭, 他哭, 等4分鐘, 才入去看, 拍他/哼溫和的音樂/說媽媽在/抱2分鐘, 放回床上, 就離開
第4次哭, 他哭, 等8分鐘, 才入去看, 拍他/哼溫和的音樂/說媽媽在/抱2分鐘, 放回床上, 就離開
等的時間愈來愈長, 讓他明白, 你不是不理他, 只是不會陪他瞓, 更不會抱他瞓, 而你留在房內的時間則只有2分鐘

你的心態也很重要, 不要怕他哭, 怕的話, 離開他的房, 可以去廚房深呼吸, 飲下水, 你愈冷靜, 他愈不會扭, 你心裡愈不在意, 愈快成功; 幫我TRAIN我隻B的保姆很有經驗, 她根本不怕BB喊, 我隻B在她家時一開始就不會扭計, 保姆還說隻B好好湊, 洗完個奶樽就瞓左, 但O係我地屋企, 佢扭得好緊要, 直到佢4個月大, 我學左呢個方法先KO左佢

記住, 孩子是不可以不抱的, 但要在他清醒時, 玩時多陪, 多抱; 抱, 有如吃奶, 是必須品

原帖由 maymycheung 於 10-4-4 17:15 發表
多謝你咁詳細比個SCHEDULE 我呀!! 但我阿B一日要食5餐, 每4個鐘食一餐, 佢每日食兩餐粥+奶 (大約半個鐘至1個鐘不等), 另外3餐奶 (半個鐘至45分鐘)

但佢瞓覺就越來越差, 之前都會一日瞓兩覺 (但約1個鐘至2個鐘不等), ...

私人傳訊

maymycheung

子爵府

積分: 13589

27^#

發表於 10-4-5 01:27 |只看該作者

我BB都係細SIZE, 佢出世時只得5.6磅, 頭4個月都重得好好, 但由4個多月開始, 佢厭奶厭到6個月大, 佢的體重停濟咗, 1個月只重得1,200g; 因此, 醫生suggest佢食固體食物時都要補奶, 之後, 醫生話佢肯食就繼續補...

佢而家幾多lb我唔知呀, 佢7個月大的時候就大約17lb多d, 但都只係40%生長線, 都想佢重得好d, 咁我覺得佢食5餐會好d, 因為佢每餐食量唔多。

但我個b一放佢落床, 佢就自己爬返起身玩, 佢可以玩好耐都唔瞓, 更加唔會玩到倦自己瞓...

但我都會嘗試吓你個方法, 因我真係頂唔順佢成日都唔瞓覺, 咁會直接影響佢食粥仔的胃口。

唔該哂!!!

原帖由 pyjess 於 10-4-5 01:03 發表
想先問2個問題:
1. 一日食5餐奶會否過多? 因為我見我隻B食開O個D奶粉建議一日食4餐奶....你的BB是否太瘦, 醫生建議多食奶? 否則應減吃一次奶, 如果吃兩餐粥+奶 , 另外2餐奶, 你的時間表就可整合成跟我的一樣; 其實我 ...

私人傳訊

斯藝

大宅

積分: 4273

大廚勳章畀面勳章 wyeth冷知識勳章 BK Milk勳章

28^#

發表於 10-4-5 01:29 |只看該作者

Pyiess,

我又分享下自已的case, 希望你可以幫下我.
先講我大女, 佢出世到而家, 2歲半我都冇特別train佢, 由佢自己適應習慣, 算好彩佢細個比較聽話易揍, 只係由細到大佢都係跟我瞓, 所以到目前為止佢都要我晚晚陪佢瞓至肯.
現在細女出世, 2個月, 成日喊, 要人抱, 一放低就喊. 由於家姐有濕疹, 我要俾多d時間睇佢, 所以好多時就由得細b喊, 唸住bb喊好正常啫, 點知就出事喇, 細女喊到肚池凸咗出來, 成5亳紙咁大, 擔心死我喇, 冇辦法, 我都好想train佢, 但又唔可以俾佢再喊, 唯有一扭就抱, 一喊就喂啦…
至於個大女, 俾d濕疹搞到佢性情大變, 脾氣差, 又成日Ｒ, 有時要睇大的, 細果個又喊都幾煩, 真係好無助……

私人傳訊

pyjess

侯爵府

積分: 24088

29^#

發表於 10-4-5 01:54 |只看該作者

我好明白你心情, 我都試過發晒顛想唔要BB, 想做傻事...不過TRAIN好O既BB真係好可愛, 笑容滿面, 所以唔好咁快認輸, 更加唔好做會後悔O既事....記住, 呢度好多過來人, 你唔係唯一一個...

我很欣賞你一開始已給孩子固定作息的決心, 其實你成功的日子不遠, 問題在於:
1. 與老公的共識
2. 顧念大女也要好好睡

如果老公/家人不認同做法, 的確會阻礙成果; 可否與他協商一個可行的時間表, 例如改為朝早上班前, 讓他餵你預先泵出的奶, 等他抱過夠? 而你也可在餵奶時休息/照顧大女, 假如餵30分鐘, 還有30分鐘才要上班, 你可與老公一起看看小B, 在為家庭樂的一部份..... 事實上, 一對一時間很重要, 你VS老公, 你VS大女, 你VS小B, 老公VS大女, 老公VS小B, 如果小B大了, 還有大女VS小B, 也要有一對一時間, 即使不是每天, 也要隔天透過分工照顧小朋友來"一對一"計劃....當然, 這會令你的時間表比一孩家庭覆雜, 但值得去寫出來, 好好分配的

其實到了個半月大, 是否還要2.5-3小時一次嗎? 因為我大病, 完全無奶, 未經驗過...但如果無記錯, 奶水足夠的話, 已經可以3.5-4小時餵一次, 每邊餵足15分鐘, 才可吃到飽肚的"後奶", 我說的對嗎? 而且6星期大, 可以開始戒夜奶, 即係12點後, 唔喊唔餵, 直至佢瞓到6AM為止

如果未戒到夜奶, 咁難怪BB晚上會喊, 咁, 不如等老公去餵佢, 不過一定要清醒就放落床, 咁就可以"瞓之前同瞓之後個環境一樣"; 不是想嚇你, 如果無記錯, 抱瞓會令BB吸取氧氣不足, 長期來說對BB發育不是太好

關於夜奶, 如果日間2.5-3小時餵一次, 晚上12點後至7點不餵, 就是SKIP了2餐, 似乎有點急, 如果3.5-4小時一餐, 12點-6點不餵, 就有點把握, 因為只SKIP了一餐.....不過我覺得夜奶不是一下子戒, 而是慢慢拖長的

如果BB會為找不到安撫奶嘴而哭, 那安撫奶嘴不是一個好工具了, 可否用紗巾化替? 或一種"瞓覺"環境? 例如暗燈, 但, 無論如何, 奶咀是只給一次

總的而言, 1.可否先拖長日間餵奶時間; 2.晚上慢慢戒夜奶, 3. 由老公餵夜奶/早奶以增加親子時間; 如果夜奶問題解決了, 而老公又不抱瞓 (讓他明白抱瞓令BB發展不良, 容易因為自己太倦而跌親BB等問題), 那BB好快就可以TRAIN到, 亦不會晚上哭而令大女睡眠有阻礙

最根本O既問題似乎就係未戒夜奶, BB肚餓...但個TRAINING係要你滿足左佢地基本需要先可以實行

原帖由 worriemama 於 10-4-5 00:04 發表
我又講下我個case，等大家幫下我。

我個B個半月，全人奶。我睇左由零歲開始，亦都好相信BB係可以train的。己實行定時定候飲奶，約2個半至3個鐘一餐，日頭我都想循住食-玩-瞓呢個routine，但日頭佢好好好眼訓，食完奶搞極唔醒，最終 ...

私人傳訊

pyjess

侯爵府

積分: 24088

30^#

發表於 10-4-5 02:09 |只看該作者

同路人...我隻B 2個月大就唔鐘意食奶, 識推開個奶樽, 直至8-9個月食多左好好味O既固體食物, 先肯多食一D....佢體重一直O係最低10%, 最叻叻都係25%

其實我而家個時間表同食奶量已經係谷O既佢, 佢食少左一餐奶, 但奶量多左, 總共食指示份量O既一倍.... 因為我知佢一定食多左, 就唔一定要佢食晒, 反而心情輕鬆左, 佢就好似知我唸咩咁, 反而肯食多D...而家體重算係增加返D喇

你不如自己磅下佢有幾重先, 用普通磅, 先磅自己, 再磅你+B, 相減就得O架喇, 睇下佢而家輕唔輕...

如果你要佢NAP, 佢自己留O係床仔又唔喊, 我就唔會理佢, 當然, 要令佢攞唔到任何野, 無野好玩喇.....直至完成左瞓覺O既時間

如果用左呢個SCHEDULE 2星期, 佢都唔NAP, 你就只可確認, 佢的確係少睡BB, 唔NAP, 唔喊, 唔會扭眼瞓....咁, 都唔錯吖~ 係咪?

原帖由 maymycheung 於 10-4-5 01:27 發表
我BB都係細SIZE, 佢出世時只得5.6磅, 頭4個月都重得好好, 但由4個多月開始, 佢厭奶厭到6個月大, 佢的體重停濟咗, 1個月只重得1,200g; 因此, 醫生suggest佢食固體食物時都要補奶, 之後, 醫生話佢肯食就繼續補...

佢 ...

[ 本帖最後由 pyjess 於 10-4-5 02:12 編輯 ]

私人傳訊

pyjess

侯爵府

積分: 24088

31^#

發表於 10-4-5 02:54 |只看該作者

總的來說, 有幾個問題
1. 大女有濕疹, 所以要多照顧
2. 你同佢一齊瞓, 所以大女肯瞓
3. 小B成日喊, 所以一扭就餵, 一扭就抱

A. 濕疹O既問題, 我都唔識, 但我有朋友用左過濾過O既水沖涼, 佢就已經無事, 不過, 個過濾機都幾貴, 但好似話可以試用....無論如何, 我覺得唔可以因為大女有病, 就多左佢, 因為大女會知道, 會"搶媽媽"
SET時間表都好有用, 可以固定左佢得到你照顧O既時間, 亦都有一對一時間; 另外, 請大女參與照顧小B O既工作, 如果佢仲細, 可以做攞片片, 攞毛巾等"小事"; 如果大D, 可以換下片等, 無論佢幫左你做D咩, 幾大個都好, 每次做完都要大大讚佢(愈細, 讚O既表情動作愈誇張, 好似做左天大好事咁), 話佢係MAMI好幫手, 你就可以同時照顧2個, 大女又唔會顧住覺得痕...其實我唔知佢"性情大變"係因為濕疹定係"小B搶媽媽", 如果前者, 解決濕疹就得, 後者, 你用我上面講O既共同參與法....你唔需要問佢, 只係要唸下幾時開始"性情大變"就會知....多一個小朋友對佢地來說俾一向都有O既濕疹, 影響大得多, 亦唔開心得多

B. 如果大女一齊瞓, 當然佢會好好瞓; 如果佢唔會令你瞓唔到(佢地會180度轉, 同埋打到人), 覺焗推得開張大人被, 唔會少左同老公之間O既私人時間; 咁, 我覺得同大女瞓唔一定要處理....不過細女大左, 會覺得你無咁O易佢, 呢個, 你要唸定; 但係而家即刻處理, 大女又會覺得小B搶媽媽......所以我覺得你要唸下要唔要TRAIN大女, 幾時TRAIN

C. 2個月大O既小B, 可以用樓上POST 13 個SCHEDULE
固定左時間, 過得幾日佢就唔會成日喊, 成日扭, 因為佢地要O既基本野, 你夠鐘就俾佢; 佢地會因而建立左安全感; 小B瞓時喊, 你就用POST26個方法, 等佢知你有理佢, 不過唔係一扭就咩都有....絕不可以一扭就餵, 因為佢地可以因為其他問題而喊, 唔一定係餓, 反而一扭就餵會打亂晒佢肚餓時間, 你更加唔知佢喊咩, 心更亂

所以而家你要做O既野係
1. 配合你日常生活, 設計一個時間表, 可以用樓上#13時間表做籃本, 加入小B瞓覺就照顧大女O既"一對一"時間, 再配合老公放工, 同大細女,同你O既一對一時間...每日ROUTINE地進行, 你又有把握, 老公同大細女都得到恰當O既照顧
2.讓大女參與你照顧小BO既工作

原帖由斯藝於 10-4-5 01:29 發表
Pyiess,

我又分享下自已的case, 希望你可以幫下我.
先講我大女, 佢出世到而家, 2歲半我都冇特別train佢, 由佢自己適應習慣, 算好彩佢細個比較聽話易揍, 只係由細到大佢都係跟我瞓, 所以到目前為止佢都要我晚晚陪 ...

私人傳訊

louise25

大宅

積分: 1334

32^#

發表於 10-4-6 16:58 |只看該作者

pyjess,

你好...我個BB就黎2個月...佢都有訓教既問題....
其實我屋企比較特別...我地係住村屋地下係廳..二.三樓係房..我地同BB係住三樓...房入面有電腦同TV...未有BB之前..我地食完飯就會返三樓房..
依家BB床係放喺我地張床隔離(貼住)
我地依家既TIMETABLE 係:

食奶:
7.30 1130 1530 1930 2330
NAP:
0830-1100; 其他都唔得...

BB 好多時訓緊果時,我都會喺房用電腦(熄燈)..NAP 果時...通常1個鐘到就會醒...之前我地俾咗一隻公仔佢啜住訓...但隻公仔一甩咗就喊...我試過乜都唔俾...完全唔訓..喊餐飽....唔理佢既話...佢喊到成身汗....有時佢咩都唔使..可以自己訓...但15-30MINS就大喊....今日咩都唔俾佢..佢喊得好勁....因為佢肚有風..懷疑係食公仔時食埋D風落肚...我仲有唔夠一星期就返工.....到時就係我99湊....以佢方法...佢一定係拍住曖佢訓...我唔想第時夜晚我要曖佢訓....

另外...佢有時食完7點半餐奶就去到10點到就訓...咁到11點半時應唔應該叫佢起身食呢?

我係一個冇耐性既人....已經有幾次忍唔住打BB PAT PAT......可以點好呢?
請指教!

私人傳訊

irenehyw

複式洋房

積分: 147

33^#

發表於 10-4-6 18:27 |只看該作者

救命...我都俾我的6 WEEKS BB扭計扭到我就唻顛...

我一直嘗試跟住以下的SCHEDULE:
0900-1000　食奶
1000-1030　掃風
1030-1400　精神就玩，OR ELSE放落床訓
1400-1500　食奶
1500-1530　掃風
1530-1700　訓覺
1700-1800　沖涼
1800-1900　自己坐 OR 玩
1900-2000　食奶
2000-2030　掃風
2030-0000　訓覺
0000-0100　食奶
0100-0130　掃風
0130-0500　訓覺
0500-0600　食奶
0600-0630　掃風
0630-1000　訓覺

因為滿月前佢都唔多願同我玩...淨係訓覺...所以滿月之後我SET的SCHEDULE都係無特別SET一個玩的時間...淨係朝早食完果餐奶會精神Ｄ，就會同佢玩下OR落街行下...佢間唔中都會扭計，一扭我就抱住哼歌哄佢...基本上第5-6 WEEK本來都ON TIME食奶...不過我一向都係餵完奶+抱住哄訓...再放落床...本來一直都相安無事...但呢２日都覺得佢開始訓得唔定...放落床大約３個鐘度就醒...

但食完今朝餐早奶之後, 朝早10點放落床，訓得半個鐘就醒...一路扭抱...抱就唔扭...放低就喊...抱住哄佢訓...訓左1個鐘醒左又喊...結果咁岩我要去奶奶度，抱住佢去左奶奶度...可能一路抱住佢舒服又唔喊...岩岩6點回到家又開始喪喊...

假如我依家開始TRAIN佢...我放低佢1分鐘...哄2分鐘佢都唔收聲...咁我係咪都要由佢喊?
如果一路 1分鐘+2分鐘,2分鐘+2分鐘,4分鐘+2分鐘,8分鐘+2分鐘,16分鐘+2分鐘...ETC 佢都唔收聲...唔通我由得佢一路喊到下一餐奶???

我好CONFUSED...因為佢唔夠訓又會唔夠精神食奶...我由得佢扭計又唔得...

~~~~~~~~~~~~~~~~~~~~~~~~~~~
依家係21:50...８點半放番落床拍住哄訓...點知９點幾又醒左...又係扭抱...一抱就唔喊，一放低就喊...我真係唔知點算好......

[ 本帖最後由 irenehyw 於 10-4-6 21:55 編輯 ]

私人傳訊

irenehyw

複式洋房

積分: 147

34^#

發表於 10-4-6 18:31 |只看該作者

原帖由 louise25 於 10-4-6 16:58 發表
pyjess,

你好...我個BB就黎2個月...佢都有訓教既問題....
其實我屋企比較特別...我地係住村屋地下係廳..二.三樓係房..我地同BB係住三樓...房入面有電腦同TV...未有BB之前..我地食完飯就會返三樓房..
依家BB床係放喺 ...

我同你情況都好類似！我５月就開始番工...依家連夜奶都未戒到...佢又開始扭人抱...所以依家都好DESPERATE...

私人傳訊

pyjess

侯爵府

積分: 24088

35^#

發表於 10-4-7 02:08 |只看該作者

1. 房間: 一般, 我都會認為BB瞓O既地方唔好有電視等電器, 除非屋太細, BB要瞓廳, 否則BB最好都係有自己瞓O既房間...因為BB大多幾個月, 唔再係睡懶豬時, 好易被干擾, 而不肯入睡....其實我自己就係咁, BB瞓廳, 佢一夠鐘瞓, 我地就要入房睇書, 聽歌....直至夜晚瞓覺, 佢瞓左一段時間, 我地至出廳上網...仲要細細聲; 所以, 如果係因為餵夜奶, 所以同BB同一間房, 咁, 而家可以考慮搬BB床去另一間房, 或者, 搬走個電視, 至於電腦, 如果BB已熟睡,你地又細聲, 發光一面唔向BB, 留路燈, 咁BB應該少D機會瞓瞓下醒

2. NAP: 其實現在你還在尋找BB作息週期, 可以先試著讓他睡醒後2小時就一定放回床上, 即9:30, 13:30, 17:30, 21:30 睡不睡, 由他; 但你卻能找到他想瞓的時間, 以便3個月大時確定作息時間表 (因為有些NB一天只瞓10小時, 有些則會瞓20小時, 差異很大); 只要你規律地, 在他清醒時放在床上, 他這年齡是很易學懂自己瞓覺....

3. 日間清醒時: 要俾多D刺激佢, 其實好簡單, 帶佢周屋行一轉, 講下呢樣係咩, O個樣係咩, 同佢做下按摩, 甚至帶佢出街行下散步....因為佢地ENERGY LEVEL好低, 有D野做下, 好快就累, 要NAP (例1: 我隻B 幾個月大, 一出街無耐就瞓, 因為太多刺激, 瞓覺就係SAVE入HARD DISK O既時間; 而家15個月, 如果佢有自己行走過30分鐘, 已經脚軟, 可以好好瞓)

4. 晚餐: 晚上瞓覺, 如果你想他早點瞓, 可以提早最晚一餐, 不是23:30也行, 但每晚都要定時; 因為要他清醒時放上床, 當然要叫醒他飲奶....你俾佢飲住奶瞓O既後果係, 瞓左之後3小時, 佢一定會起身喊, 因為瞓前同瞓後環境不同

5. 公仔: 如果個公仔打擾左佢瞓, 最好唔俾公仔佢...無公仔唔瞓, 就用幾日時間, 日日都唔俾公仔, 自己瞓; 如果大一D, 佢識搵返公仔, 就會無左呢個煩惱; 不過唔俾野佢, 個危險係, 佢會食手瞓, 不過手唔會唔見左, 所以無搵唔返就喊O既問題....當然, 大個戒食手又係另一個煩惱

6. 奶奶: 最好當然係你TRAIN好佢, 不過因為個"2小時方法"仲要試, 試O岩一個TIMETABLE, 所以你有心理預備, 一易手, 就破壞左個試驗; 其實, 就算TRAIN好, 奶奶都可能因為鐘意抱, 而破壞左 (唉, 我今日都係咁, 好采TRAIN好, 一次半次無咩問題)....唯一可行O既方法係: 同老公傾好, 佢又同意, 再同奶奶傾, 佢有無合作, 你晚上一定知, 因為如果BB日頭被抱瞓, 晚上都會...唯有大家達成共識, 否則家人不合作, 我打賭, 99.9%不會成功...如果是這樣, 你也不用而家苦惱怎TRAIN, 反正不會成功

原帖由 louise25 於 10-4-6 16:58 發表
pyjess,

你好...我個BB就黎2個月...佢都有訓教既問題....
其實我屋企比較特別...我地係住村屋地下係廳..二.三樓係房..我地同BB係住三樓...房入面有電腦同TV...未有BB之前..我地食完飯就會返三樓房..
依家BB床係放喺 ...

私人傳訊

pyjess

侯爵府

積分: 24088

36^#

發表於 10-4-7 02:30 |只看該作者

重寫一次你的SCHEDULE

0900, 1400, 1900, 0000, 0500 食奶
1530-1700,　2030-0000, 0130-0500, 0630-1000 訓覺

1030-1400　精神就玩，OR ELSE放落床訓

1700-1800　沖涼
1800-1900　自己坐 OR 玩

1. 看來你沒有幫他分日夜, 但BB是晚間製造身體某些物質, 晚上是會很累的
2. 而且5小時才吃一次奶, 未滿月, 瞓覺大過天都仲可行, 大一D, 佢地瞓小左, 消耗多左, 一定會好快左肚餓, 喊餓, 好似你而家O既情況; 其實我隻15個月大O既B, 都要4小時之內食過野, 何況而家只有6WEEK? 佢地個胃好細, 食唔到太多野, 但又要食易消化O既野, 所以5小時才食一次不太可能
3. 呢個SCHEDULE亦令你24小時不定服務BB, 再長一點時間, 你會撐不下去的

建議你立刻改用, 樓上POST 13 個時間表
我相信你BB很愛瞓覺, 改時間表為4小時一CYCLE, 一日NAP3次, 每次不可多於3小時, 10:00餵完奶掃好風就瞓, 12點之後唔喊唔餵, 直至可以固定在6AM食早餐來戒夜奶, 好快會解決問題

其實一個CYCLE是不包括晚上瞓覺時間的啊~或曰: 12點後的CYCLE就是瞓, 另外, 請看看樓上所描述過的各項睡眠要點.
　

原帖由 irenehyw 於 10-4-6 18:27 發表
救命...我都俾我的6 WEEKS BB扭計扭到我就唻顛...

我一直嘗試跟住以下的SCHEDULE:
0900-1000　食奶
1000-1030　掃風
1030-1400　精神就玩，OR ELSE放落床訓
1400-1500　食奶
1500-1530　掃風
1530-1700　訓覺
1700-18 ...

[ 本帖最後由 pyjess 於 10-4-7 02:36 編輯 ]

私人傳訊

louise25

大宅

積分: 1334

37^#

發表於 10-4-7 13:43 |只看該作者

原帖由 pyjess 於 10-4-7 02:08 發表
1. 房間: 一般, 我都會認為BB瞓O既地方唔好有電視等電器, 除非屋太細, BB要瞓廳, 否則BB最好都係有自己瞓O既房間...因為BB大多幾個月, 唔再係睡懶豬時, 好易被干擾, 而不肯入睡....其實我自己就係咁, BB瞓廳, 佢一夠 ...

多謝你呀~

想問下....咁依家要放佢落床時,係咪要熄燈呢?因為我間房好暗的.平時早上都要開燈的.

同埋佢依家次次食完奶拎走奶樽時就會大喊......仲會谷到塊面紅哂...點解會咁呢?佢依家食160ML一餐.

另外,佢今朝食完730餐奶就到8點左右訓(BB床),但到9點佢就好似谷屎咁喊...要我抱住去我張床,喊一陣先OK.....但就訓喺我張床到到11點先起身(喊醒)..咁呢種情況又點算好呢?

我個BB好大脾氣.........我成日怪自己懷住佢時情緒波動好勁,搞到佢咁...我老公同我講話可能我BB唔可以跟你方法做...叫我唔好再用呢個方法TRAIN 佢自己訓...我個BB又心急,又大脾氣,又喊得勁(真係超大聲),咁用呢個方法可以嗎?
我為咗呢件事,今日自己抱住BB喊...

私人傳訊

titanlow

用戶要求終止服務

積分: 7429

38^#

發表於 10-4-7 15:21 |只看該作者

小小分享係, 我見大家成日講亞b喊呢, 有時覺得未必係關schedule或者佢係咪肯瞓o既問題, 我媽媽幫我湊兩個女, 大女超級好湊, 由細到大都唔係點喊, 好少有咩意見. 細女初出世就超級難湊, 不單無schedule, 仲成日狂喊, 我媽湊過好多bb, 佢話bb無事無幹其實唔會點扭計, 會鍾意瞓覺, 因為佢地根本係處於食同瞓o既階段, 結果, 我個女係因為肚風勁, 日日有poo poo o架, 但就係腸胃唔好成日肚痛, 又風重, 仲有乳腺塞o左所以胸口會痛, 未滿月我就帶o左佢去睇家庭中醫,飲o左一個月苦茶, 後來轉埋奶粉, 由初初瞓半個鐘都會紮醒到現在定時定候食飽就瞓, 可以nap3個鐘, 佢覺得舒服真係就會瞓. 佢多數唔會扭眼瞓, 食飽同佢玩下, 佢嘈兩下俾個奶咀佢, 就會自動瞓o左, 唔駛抱o忝

當然每個bb都唔同情況, 我亦好buy train bb有schedule呢套, 因為我大女都好成功, 不過, 我地首先要搵出bb點解唔肯瞓, 有時可能佢地真係有野唔舒服先會咁, 唔好一味諗住佢唔肯瞓係唔乖呀, 扭計咁囉...

私人傳訊

titanlow

用戶要求終止服務

積分: 7429

39^#

發表於 10-4-7 15:25 |只看該作者

原帖由 louise25 於 10-4-7 13:43 發表

多謝你呀~

想問下....咁依家要放佢落床時,係咪要熄燈呢?因為我間房好暗的.平時早上都要開燈的.

同埋佢依家次次食完奶拎走奶樽時就會大喊......仲會谷到塊面紅哂...點解會咁呢?佢依家食160ML一餐.
另外,佢今朝食 ...

-->佢可能唔夠喉, 我隻大食妹都係咁, 食完200ml仲嘈, 跟住次次都同佢講夠了, 飽飽了, 佢先會安靜, 你留意耐d, 睇下駛唔駛加奶俾佢.

--> 佢咁樣喊可能係肚仔痛, 下次你見佢喊到皺晒眉或者好似谷poo poo咁, 試下摸下佢個肚仔有冇凍, 有就搵baby oil 搓熱你自己對手然後按住佢個肚, 重覆幾次, 然後打直抱佢, 貼實你, 等佢肚仔暖番, 或者按摩下肚仔, 等佢放o左屁屁就會好d

私人傳訊

irenehyw

複式洋房

積分: 147

40^#

發表於 10-4-7 16:38 |只看該作者

1. 請問點分日夜??我日頭開光d燈...夜晚餵奶儘量暗d&靜d....請問仲有冇咩要訣?
2. 本來我係4小時一個cycle...但因為自己懶訓&bb都繼續訓...所以自自然然變左5小時...佢唔會餓到嘈...夠鐘只會哎兩句...然後食住手等我...不過今日我從頭唻過4小時一個cycle...希望成功!
3. 其實已開始撐唔住...所以好想搵人幫下...指點下~
4. I wonder...如何o係6pm沖完涼,7pm餵完奶之後一路keep住bb awake...因為我的bb真係好愛訓覺...食完奶一定訓著, 就算唔係即刻訓著, 坐一陣都會伸手要人抱住訓...
5. 如果12am之後喊要食, 我應唔應該俾少d佢食,等佢可以7am 食早餐奶呢?
6. 我可以先定下schedule...再解決佢要人抱住訓的問題呢?

原帖由 pyjess 於 10-4-7 02:30 發表
...
1. 看來你沒有幫他分日夜, 但BB

是晚間製造身體某些物質, 晚上是會很累的
2. 而且5小時才吃一次奶, 未滿月, 瞓覺大過天都仲可行, 大一D, 佢地瞓小左, 消耗多左, 一定會好快左肚餓, 喊餓, 好似你而家O既情況; 其實我隻15個月大O既B, 都要4小時之內食過野, 何況而家只有6WEEK? 佢地個胃好細, 食唔到太多野, 但又要食易消化O既野, 所以5小時才食一次不太可能
3. 呢個SCHEDULE亦令你24小時不定服務BB

, 再長一點時間, 你會撐不下去的

建議你立刻改用, 樓上POST 13 個時間表
我相信你BB

很愛瞓覺, 改時間表為4小時一CYCLE, 一日NAP3次, 每次不可多於3小時, 10:00餵完奶掃好風就瞓, 12點之後唔喊唔餵, 直至可以固定在6AM食早餐來戒夜奶, 好快會解決問題

其實一個CYCLE是不包括晚上瞓覺時間的啊~或曰: 12點後的CYCLE就是瞓, 另外, 請看看樓上所描述過的各項睡眠要點.

私人傳訊

123 4 5...37

跳至頁

返回列表

回覆

發帖

熱門搜尋：

嬰兒醫護 今日: 0|主題: 79157

點評

點評

瀏覽過的版塊

嬰兒醫護今日: 0|主題: 79157