基督家庭 今日: 0 | 主題: 9939

積分: 127

21^#

發表於 05-4-28 22:08 |只看該作者

Re: BB五月出世！待產心情忐忑……

兩歲的階段好可愛！還記得生BB時的情景是怎樣…？陣痛等待時，我唔知自己可不可以鎮定面對呢？又想那天快些到，矛盾吧？

Sharon's Baby Date [img align=left]http://lilypie.com/baby1/060511/2/14/4/+8 [/img] Sharon is a gift from God!!!!!!!!!!!!!!!! !!!!!!!! [img align=left]http://www.imse.hku.hk/lkychan/sharon/fullmoon.jpg[/img]

私人傳訊

積分: 13092

22^#

發表於 05-4-29 11:10 |只看該作者

Re: BB五月出世！待產心情忐忑……

kitsumyuen,

我的小朋友現階段就好鬼靈精lor，有時比佢笑死，有時就比佢激死。

我都仲記得生的情景，但就唔記得點痛lu。

放心，陣痛的時候你會有你當時應付的方法嫁啦，我都係烏烏龍龍就生左lu~~

我就無期待的時候，因為當時返工非常之忙，所以係我未放產假時已經生左bb。

私人傳訊

積分: 13092

23^#

發表於 05-5-4 12:01 |只看該作者

Re: BB五月出世！待產心情忐忑……

kitsumyuen,

呢幾日唔見你，你係唔係入左院生啦？

私人傳訊

B媽

大宅

積分: 1550

24^#

發表於 05-5-11 17:05 |只看該作者

Re: BB五月出世！待產心情忐忑……

kitsumyuen,

Don't worry, Dr Sin is a very good doctor, I know him when he was in Kwong Wah Hospital!! My brother-in-law is a doctor also, they are good friend, so don't worry!

[url=makaching.no-ip.com]我係網頁新手,得閒黎睇0下我個小B豬![/url]

私人傳訊

積分: 127

25^#

發表於 05-5-22 23:37 |只看該作者

Re: BB五月出世！待產心情忐忑……

Dear All Mama,

好耐無見大家！我的小舒雅返屋企已經第七日啦！看著她每天都有改變，充滿奇妙感覺！

等我跟大家分享入院經歷......
10/5日見紅、陣痛，我中午入仁安，不過陣痛不規律，要駁機監察，BB心跳有一段不太好，故需留院觀察。我當時已開始擔心。晚上開始禁飲食。翌日早上，由於我堅持自然分娩，醫生為我放葯嘗試開宮頸。他告知我，如果催生成功不大，便要開刀。於是，我由上午到下午都繼續禁飲食。此時，陣痛大約五至十分鐘一次，我亦有一絲希望可以催生成功。豈料，醫生為我檢查兩次，宮頸仍然未開，無法穿水。到了晚上，醫生擔心若產程拖延太久，會影響胎盤血液供應，必須立即開刀。我當時真的十分擔憂及害怕，哭著對醫生說：「拜託你了！」當時是晚上七時半。冼醫生真的很好人，他安慰我，隨即告知我已找到一個要好的麻醉師會跟我邊做手術邊跟病人傾計，著我放心。九時正我便進入了手術室，接受半身麻醉的開刀手術，戰兢的我躺在手術床上等待，幸好醫生准許丈夫在旁陪伴著我。
不久，ＢＢ拿了出來，當我聴到她的嚎哭，淚水便湧了出來。見到ＢＢ健康，自己的痛真的不算什麼．．．在手術室內，麻醉師還為我一家三口影了廿多張相片呢！
最後，我仍記得麻醉師的說話：「Be a happy mother, have a happy daughter！」我和我丈夫實在很感激冼醫生！

多謝您們的鼓勵！

私人傳訊

積分: 13092

26^#

發表於 05-5-27 19:00 |只看該作者

Re: BB五月出世！待產心情忐忑……

kitsumyuen,

好開心見返你呀﹗

恭喜晒你呀﹗小舒雅好得意呀﹗個名好好聽﹗

等你的入院經歷都替你辛苦同擔心，但幸好有神的安排，讓你母女平安﹗感謝神﹗

多d上黎大家傾下計呀~~

我都有野同你分享呀﹗我有左12周左右啦﹗

私人傳訊

積分: 127

27^#

發表於 05-5-27 20:11 |只看該作者

Re: BB五月出世！待產心情忐忑……

Monogram,
我都好開心見到你的reply!!

恭喜您呀！

有了BB，是否一月出世呢？真是好消息啊！
最近外面多流感，帶定口罩旁身保護自己好一點ah！

好多謝您的代禱和安慰！這一趟，令我學習到求問和順服的功課！
剛出院頭幾天，自己心情較down，人容易緊張，聽到BB喊會好驚……會懷疑自己能否做個好媽媽。我想是荷爾蒙影響吧！不過，這星期好轉了，冇再咁易喊。這兩天，我還完成了BB網頁呢！我覺得分娩後的日子比之前充實、享受！加上媽咪陪著，人也定D！

私人傳訊

積分: 13092

28^#

發表於 05-5-27 22:57 |只看該作者

Re: BB五月出世！待產心情忐忑……

kitsumyuen,

我見到你返黎都好開心呀﹗

多謝你呀﹗預產期係12月中﹗呢個小朋友的黎臨比我好大適應同接受呀，因為唔係係我planning入面。不過，我都已經抱住樂觀的態度去面對。我會小心身體，但早幾日都比我老公同個女傳染左。

好明白你的感受，我好記得我媽咪差不多要返加拿大的時候我都好似你咁，好驚湊唔點個女，都會喊~~但感恩，囡囡已經27個月啦~~

有媽咪係身邊幫手真係定好多嫁，有咩就同媽咪，老公分享，或者上黎同我地講都得嫁，唔好收埋係心度。

努力呀~~你一定得嫁﹗我會時時都係你身邊支持你嫁﹗

私人傳訊

積分: 127

29^#

發表於 05-5-29 10:59 |只看該作者

Re: BB五月出世！待產心情忐忑……

Monogram,
你是全職媽咪嗎？
人地話有兄弟姊妹一起成長，對BB會好D。
我昨晚又喊左，真係好無用！ :-( 我抱極BB都扭計，見婆婆抱好快就安撫到佢……，吃完奶換完片仲喊，我覺得BB像在扭抱，於是堅持唔抱住，BB真係繼續喊，我個心好難受，一時擔心比不到安全感，一時又怕縱壞她。想來倒懷念BB在我肚內的日子。
暑假之後，我因為返工，BB會跟媽咪住。其實我好怕佢唔跟我或者唔認得我。好希望時刻都同BB一齊，很傻吧！我知道為了將來生活，短期內自己仍需要工作。
係呢，你是自己抑別人替你湊BB？

私人傳訊

VINCEYiu

積分: 194

30^#

發表於 05-5-29 11:31 |只看該作者

Re: BB五月出世！待產心情忐忑……

kitsumyuen :

努力唖，願主賜你有聰明智慧照顧bb，你自己產後也要好好調理身體，願主繼續祝福你一家。 :-P

私人傳訊

kanris

別墅

積分: 807

31^#

發表於 05-5-29 13:08 |只看該作者

Re: BB五月出世！待產心情忐忑……

kitsumyuen, 你囡囡張相好可愛呀, 好"女仔"呀!

私人傳訊

積分: 127

32^#

發表於 05-5-29 17:45 |只看該作者

Re: BB五月出世！待產心情忐忑……

Vinceyiu, Kanris,
Thanks for your support!!
剛剛生完小B自己的確好高興，回家後又開始重新學習，湊BB真是要好有耐性，我也希望神給我智慧照顧她！

私人傳訊

積分: 13092

33^#

發表於 05-5-29 23:39 |只看該作者

Re: BB五月出世！待產心情忐忑……

kitsumyuen,

係呀，我係一個全職媽咪呀，照顧囡囡係我每日的工作，嘻嘻...

好明白你的感受，唔開心喊出黎會好好多，所以唔好話自己無用~~你好叻嫁啦，第一次做人媽咪就梗係樣樣都會好緊張，好不知所措，同埋會好多野諗。

婆婆係熟手嘛，所以係會快d安撫到佢嫁﹗果時我老公又係抱個女訓覺叻我好多嫁﹗

我的提議係bb喊，就算你覺得佢係想扭抱，你都照抱佢，因為佢都仲係好細，只係3個星期人仔，要適應呢個世界，好多野要學習，所以有你的抱住，對於佢會有好大的安全感同鼓勵，所以唔好怕會縱壞佢。同時，你嘗試抱佢訓或安撫佢的時候盡量都平靜自己，因為bb都會好敏感，佢feel到你緊張，佢都會好緊，佢會反而變得唔安心。呢個功課唔容易學，我都學緊。

我都好明白你的感受，等於當初我要返工，我都好驚囡囡會跟工人唔跟我。不過唔好擔心，你只要多d時間陪佢，同佢傾下計，玩下，你係佢媽咪，佢一定知道你愛佢，你的付出，佢一定收到。長遠我當然希望你可以全職照顧佢，但各人的情況唔一樣，所以唔緊要。短期內做唔到就用短期的方法去同bb相處同溝通，長遠同老公再相量可以點做。

我會支持你嫁，努力﹗

私人傳訊

積分: 127

34^#

發表於 05-5-30 23:02 |只看該作者

Re: BB五月出世！待產心情忐忑……

Monogram,
聽到你的經驗分享，我都放輕D啦！Thanks a lot!
我今日都抽時間睇左有關育兒心理的書，正如你所講，原來0-4個月的BB是很需要安全感。話你知，我跟住同BB say sorry呀！我會盡力做個好媽咪！好奇妙，從來未試過咁愛錫一個人，這就是母愛嗎？
你未做全職媽咪前是幹哪一行呢？
我好佩服全職媽咪的選擇，全時間的委身並不容易，尤其是一向返開工。
你這一次懷孕和上一次有大不同沒有？希望你感冒快快痊癒！ :wink:

私人傳訊

積分: 13092

35^#

發表於 05-5-31 11:24 |只看該作者

Re: BB五月出世！待產心情忐忑……

kitsumyuen,

唔好客氣，我都係過來人所以好明白﹗作為一個媽咪的道路既漫長又多挑戰，有同路人一齊走一齊分享差好遠。

神比我地作為媽咪係好大的福氣，雖然辛苦同勞氣，但就正正好似你所講，享受果一份母愛。我深信你係一個好好的媽咪，因你有勇氣同bb say sorry，我相信果一刻你同bb都會感受都好close，大家明白對方多左d。真係好﹗

我以前係做training coordination，呢份工作我好鍾意嫁，但係我唔想錯過囡囡的成長階段(因為工作時間好長，有時星期六、日都要返工)，再加上老公都好支持我做全職媽咪，感恩神讓我有呢個機會。坦白講，我覺得全職媽咪辛苦好多，全天候24小時，想有短暫時間休息都無，我又無人可以幫我睇住一陣小朋友，所以去到邊度都要帶住囡囡，有時真係會癲癲地~~不過，當見到佢健健康康，開開心心咁成長就會覺得係值得既~~

今次同上一次分別唔太大，只係對氣味更加敏感同埋飲唔到奶。

我感冒已經好番，多謝關心﹗

私人傳訊

積分: 127

36^#

發表於 05-6-2 18:40 |只看該作者

Re: BB五月出世！待產心情忐忑……

Monogram,

BB未出世之前，都跟你同樣想法，好渴望與BB一同成長；現在坐月，時刻與她一齊，才体會並非想像般容易。還記得醫生叫我做個Happy Mother，Happy Daughter，看來我最需要學習耐性和積極！
前幾日，帶BB去母嬰健康院做聽力測驗，姑娘告訴我結果不合格，16號要再Check，若不合格就轉介專科。你知嗎？我真不知如何是好，憂心忡忡。-ve的o野就湧現在腦海裡，那天亦是我的生日，很難忘！晚上，我和Husband一起祈禱。婆婆的信心就最強，她對我說神賜給的就是最好！
Monogram，若可以，請代禱！

我之前有BB都飲不到奶，所以常飲低糖的鮮豆漿，加埋雞蛋，BB皮膚會白滑D嫁！

私人傳訊

積分: 13092

37^#

發表於 05-6-2 22:39 |只看該作者

Re: BB五月出世！待產心情忐忑……

kitsumyuen,

當然，絕對可以為呢件事祈禱。唔好擔心，好似婆婆所講神一定會保守你的一家的。一次的測試未必能作準，但我也好明白身為媽咪係好會擔心，比著我都會。我地唯有仰望神，係我地好好開始學習的功課。你地而家可以observe一下佢的情況，唔好太擔心。

私人傳訊

積分: 127

38^#

發表於 05-6-4 20:26 |只看該作者

Re: BB五月出世！待產心情忐忑……

Monogram,
我的小B就快滿月，想問問你以前會否為BB慶祝？
有諗過出街吃飯，但外面好像流感厲害！
今日去母嬰健康院參加育嬰講座，在分享中知道其他人湊B都會遇到很多問題。多D人Sharing其實真係會好些！就好似可以同你傾計咁 :lol:
近來我Observe小B，覺得佢都幾性急(受我影響?)，遲左比奶佢飲，佢咬住個奶咀都會投訴。

私人傳訊

積分: 13092

39^#

發表於 05-6-4 22:07 |只看該作者

Re: BB五月出世！待產心情忐忑……

kitsumyuen,

真係話咁快bb就黎滿月啦﹗恭喜，恭喜﹗

我生個女的時候，因我媽咪爹地轉程係外國返黎陪我坐月，所以我地都有出街食飯。果時係沙士早期，我地就揀係屋企樓下好乾淨的一間酒樓度食。小朋友頭6個月大都有母親抗體，所以唔會咁易病。但若你地心中覺得唔平安，就留係屋企食都無所謂。最緊要係一家開開心心。

係呀，有同路人係好好多嫁﹗有時發覺唔係自己都先至有問題，同埋知道每個階段都會有唔同的困難，可以比自己有個心理準備同請教其他人。

我都好開心可以同你一齊分享嫁，咁我地唔好比佢停呀~~

唔...我唔清楚係唔係受你影響，不過我識得有d小朋友真係要好準時食野嫁，夠鐘未有得成會吹媽咪快d比佢嫁。你bb醒就真呀，佢識得分奶咀同食奶奶的分別呀，所以佢投訴呀~~ :mrgreen:

我星期三去左威爾斯做oscar，見到bb都大個好多，而家有6.5cm長。

私人傳訊