吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 你地個工人會唔會爭住抱bb?

論盡家傭今日: 0|主題: 134105

收藏本版

發帖

返回列表

跳至頁

樓主: HahaB

你地個工人會唔會爭住抱bb? [複製鏈接]

123

HahaB

大宅

積分: 1375

21^#

發表於 11-3-4 10:37 |只看該作者

係啦, 我初初都由佢...好似唔好意思唔俾佢抱咁, 話哂平日都要靠佢照顧阿仔...但而家, 我會自己攬實...同埋都會開聲同佢講, 我想親子....佢有時都醒水彈返開....但有時都唔知做咩, 都要伸個頭來引開個bb的注意力.....

私人傳訊

mmc_baby

大宅

積分: 1540

22^#

發表於 11-3-4 11:19 |只看該作者

Ｄ工人係咁，以為抱住就唔洗做！

私人傳訊

chan328

侯爵府

積分: 23448

23^#

發表於 11-3-4 11:28 |只看該作者

same as my maid, but it's fine with me......she 抱住 b 之餘仲要攞野 gar, d 野咪 ah b 瞓左做 lor.

私人傳訊

小圓圓

公爵府

積分: 27901

24^#

發表於 11-3-4 13:15 |只看該作者

回覆 4# 玩火的文章

工人愈抱B, B就一刻不可離開工人,因為已與工人在心理上建立了緊密的結連. BB抱慣左,一放低就會哭扭抱,工人就成日都要抱住佢,咁就唔洗做嘢啦.

我都見過有家長在幼兒園返學個幾日,媽咪抱緊女女上課,但女女竟然喊足幾日,原來是掛住工人,有工人才不哭.

阿B唔可以無左心中的阿媽,真的阿媽慘淪為姐姐,變得可有可無呀!

私人傳訊

CAT0112

大宅

積分: 1415

25^#

發表於 11-3-4 17:20 |只看該作者

最衰我個囝養唔熟，我抱住佢，個工人行出行入做嘢，佢就成日望住個工人，咁個工人撩佢傾計佢又鬼咁開心，真係想唔要個工人呀，激死我!!

私人傳訊

胡樂

洋房

積分: 56

26^#

發表於 11-3-5 00:31 |只看該作者

我都為左呢樣野好唔開心, 我個囝出世17日, 我仲坐緊月, 屋企又有陪月ee, 但個工人好似好鐘意湊, 連陪月ee都好似無野做咁, 有時我抱一陣, 個工人又走黎叫我唔好成日抱佢, 佢話因為驚我個囝抱摜左弟時我返左工之後, 囝囝要扭抱的話佢會無時間做家務, 但我放返bb落床仔之後, 佢自己又攞黎抱。有時bb扭計, 我想去抱佢就立即飛過去抱, 攪到我都唔好意思同佢爭, 又有時明明我抱緊, 如果bb喊, 佢又走黎話等佢抱, 如果bb無喊, 佢又走黎話太太你攰啦, 不如你休息啦, 等我抱啦, 攪到我都唔好意思出聲。今日我忍唔住出聲話唔緊要, 我想陪下bb, 佢就話太太, 你成日咁抱, 第時你返工就會好麻煩, (但係佢自己又抱喎, 抱阿b入佢間房一直抱住)攪到我好唔開心。講真, 咁辛苦咁痛生個囝出黎, 佢先得個十幾日人仔, 我做阿媽當然想親佢多d, 但係個工人又好鐘意阿b, 我知第時我返工始終要放手比佢, 我當然開心個工人鍚我個仔, 但係唔知係我小氣定係岩岩生完影響情緒, 我覺得好似成日都見唔到阿b親唔到阿b, 因佢抱bb會返入佢自己間房, 眼見佢抱左入去同阿b玩, 又抱住阿b訓覺, 自己跟本好得閒又無得同bb一齊, 我真係好唔開心。唉.........我為左呢樣野都偷偷喊左幾次, 我都唔知自己點解會咁, 唔知係小氣定係產後情緒唔好。

有時我同老公傾bb既野, 佢又比好多意見, 叫佢咁做佢又好似有意見咁, 我已經同佢解釋, 陪月ee係專業, 我唔識會問陪月ee, 但佢都成日好多意見, 成日講到好似我咩都唔識, 因佢以前湊過初生而我係新手媽咪, 陪月ee黎返工,工人都一樣爭住餵奶和湊b (本身應該係陪月做).....我都唔知佢呢d叫做好定唔好, 但我個人真係有d唔開心..........佢攪到好似佢先係阿媽。我只敢暗示話佢, 唔敢太嚴肅咁炳佢, 因為驚佢嬲起上來第時會對阿b唔好..好無奈!

[ 本帖最後由胡樂於 11-3-5 00:52 編輯 ]

私人傳訊

momofish2002

子爵府

積分: 14933

虎到金來勳章好媽媽勳章畀面勳章

27^#

發表於 11-3-5 00:43 |只看該作者

原帖由胡樂於 11-3-5 00:31 發表
我都為左呢樣野好唔開心, 我個囝出世17日, 我仲坐緊月, 屋企又有陪月ee, 但個工人好似好鐘意湊, 連陪月ee都好似無野做咁, 有時我抱一陣, 個工人又走黎叫我唔好成日抱佢, 佢話因為驚我個囝抱摜左弟時我返左工之後, 囝 ...

你唔洗覺得唔好意思, 第時你返工, 到時咪比佢抱飽佢, 但你放咗工你就要自己親力親為照顧返, 唔係阿B唔會跟你, 只會痴實工人, 你宜家要比佢知你係BOSS, 個囝係你, 佢係協助你, 你攰會出聲, 你需要佢會出聲, 你唔出聲就唔好打擾你兩母子相處, 所以唔好比佢搶阿B, 我有工人都唔比阿B佢照顧, 我自己照顧返, 阿B知道邊個親近D咖!
BB大得好快, 你要她好珍惜同佢相處既每一刻呀, 唔好比工人獨霸阿B, 佢無野做就叫佢STAY係廚房, 有事先叫佢!

私人傳訊

lily-of-valley

寶石宮

積分: 264023

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章

28^#

發表於 11-3-5 00:59 |只看該作者

原帖由胡樂於 11-3-5 00:31 發表
我都為左呢樣野好唔開心, 我個囝出世17日, 我仲坐緊月, 屋企又有陪月ee, 但個工人好似好鐘意湊, 連陪月ee都好似無野做咁, 有時我抱一陣, 個工人又走黎叫我唔好成日抱佢, 佢話因為驚我個囝抱摜左弟時我返左工之後, 囝 ...

唔好喊, 留返D眼淚. 惡D鬧吓件工人. 話比佢聽你至係baby's mother. 話比佢聽係你陀9個月, 比人奶baby食. 有需要會叫佢. 叫佢死入房做佢應做嘅野.

私人傳訊

steplovebb

大宅

積分: 2313

29^#

發表於 11-3-5 06:43 |只看該作者

1，詎持住自己有經驗多多意見，我明白你唔想太惡對佢因bb在佢手上，如佢下次再叫你唔好抱，你答；如果第時亞b真係扭抱令你做唔到家務，你就曰頭抱佢，家務等我返黎先做啦，因我想抱佢，唔駛惡架溫和d講囉
2工人有時係想表現自己，可能詎真係唔多野做，唔想在你面前好得閒所以爭住湊，你有冇編時間表比佢，比多d家務詎做先啦，你第時返工再編過
3話佢知陪月是凑b如陪月在不用工人湊

我有兩個b,我明知成日抱會成曰扭，但我覺得bb係要安全感亦鍾意媽媽抱，所以我都成曰抱，我的工人都係等我放工詎先做家務，日頭就湊囉，我覺得冇問題
唔好唔開心啦，你生完要休息多d,陪月在時你瞓啦，瞓醒同bb玩，記住你先係媽媽，冇人可代替你，你bb亦知道

quote]原帖由胡樂於 11-3-5 00:31 發表

我都為左呢樣野好唔開心, 我個囝出世17日, 我仲坐緊月, 屋企又有陪月ee, 但個工人好似好鐘意湊, 連陪月ee都好似無野做咁, 有時我抱一陣, 個工人又走黎叫我唔好成日抱佢, 佢話因為驚我個囝抱摜左弟時我返左工之後, 囝 ... [/quote]

私人傳訊

littlecarey

男爵府

積分: 8097

育兒性格勳章畀面勳章

30^#

發表於 11-3-5 09:19 |只看該作者

妳係Boss, 妳想點就同個工人講清楚,不用客氣
我工人好識分莊閒,唔會爭住抱bb,而我亦好識得安排工作駛開佢,出街所有嘢一定係佢拎,有時要幫我拎埋袋,我哋從來唔用揹帶,一係抱一係用車仔,所以工人出街好少爭抱阿b,

私人傳訊

CAT0112

大宅

積分: 1415

31^#

發表於 11-3-5 14:29 |只看該作者

其實陪月姨姨喺度，你直接開聲叫佢畀返陪月姨姨湊啦，同埋你唔好畀佢抱埋阿b入佢房啦。尋晚我食完飯放咗阿囝喺梳化坐同佢玩，嗰陣先8點半，我個工人竟然叫我去沖涼，等佢睇住BB喎，我咪答佢唔駛喇，我冇咁早沖涼，跟住佢好無隱咁走返入房囉，我心諗我幾時沖涼我自己唔知咩，駛你叫，我唔沖都冇人管到我呀，啲工人真係唔識分莊閒，我老公仲叫我放手畀佢湊吓，我死都唔肯，我寧願唔去街都唔會放手畀佢湊呀，哼........!!

私人傳訊

seenfu

男爵府

積分: 8205

32^#

發表於 11-3-5 22:36 |只看該作者

好在我姐姐都識分莊閒

私人傳訊

rean_chau

公爵府

積分: 28591

33^#

發表於 11-3-6 00:27 |只看該作者

我以前個工人都好中意爭抱BB, 人地抱一陣佢就要搶番過來, 連我都係咁樣, 但有一樣佢一黎到就講既, 就係唔用揹帶, 之前唔知點解, 後尾明白晒, 因為佢驚我要佢一邊揹住BB一邊做野. 晚晚要攬住我個仔瞓, 連我帶個仔去街都要問過佢咁, 又話BB唔係度佢會悶諸如此類...我好嬲架, 我唔介意BB跟佢多D, 因為佢對BB既時間最耐, 但我忍受唔到有人挑戰我呢個亞媽既地位.

同埋個個都話得岩,成日抱住bb就唔駛做野丫麻, 晚晚抱住我個仔追電視, 追到成十一點先入去瞓, 下午我個仔瞓佢又瞓, 呢d都算...成日帶我個仔去會同鄉, 仲好似好應該咁:帶bb見多d人, 唔駛咁靜.....最討厭佢出出入入都要鍚我個仔一啖, 算點丫~~當我死架. 卒之忍無可忍下, 開片!!!

我覺得呢一樣真係唔可以忍, 因為佢爭左個bb之餘會爭埋好多特權, 話埋比你知, 你無左佢唔得!!!!

宜家呢個姐姐醒好多, 我一返黎就同亞仔講, 姐姐煮飯, 媽媽陪你玩. 我同個仔玩緊唔會行過來攪攪震!!呢d先襟撈架麻!!!

私人傳訊

方方媽媽

水晶宮

積分: 74328

34^#

發表於 11-3-6 02:05 |只看該作者

阿囡仲細時,夜晚喊,工人會主動話由佢抱,叫我瞓,因我第二日要返工.
依家,除非我表現出好疲倦,工人先會主動抱走阿囡,或陪阿囡玩,等我有得休息.
出外,工人有時會幫下手抱囡,但唔會同我掙.
我一抱囡,工人就會主動咁叫我將所有野比佢拎,包括我既手袋,外套之類.
有時,見佢拎到四五袋野,想話自己揹番個手裝,佢都話我抱囡辛苦,由佢拎得啦.
我工人爭抱我囡,都係幫我手,唔係想博咩.