吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 28|主題: 16053

收藏本版

發帖

返回列表

跳至頁

樓主: 22May

"Apple關仁隱事"一齊諗

123 4 5...84

積分: 572

21^#

發表於 11-9-8 13:38 |只看該作者

「阿男」囝囝狗眼看人低, 呢個我真係估唔到架.
到睇到你話係阿呂, 我又search到佢個仔叫善揚, 就100%肯定係

善揚掉轉==隱惡

樓主你好勁呀!!

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

22^#

發表於 11-9-9 09:55 |只看該作者

關仁隱事：「喪妹」久旱吸乾「 MK仔」
2011年09月09日
「 MK仔」同老婆「喪妹」呢一對，喪妹出咗名失控，一般人都唔會頂得佢順。好似 MK仔經常去外地做嘢，一出埠就閒閒哋一頭半個月，返香港唔夠一兩日又要飛，真係忙到甩轆，加上佢做嘢認真又搏命，體力同精神嘅支出都好大。不過喪妹就完全唔理，次次一見 MK仔返屋企，就即刻啜住老公閨房樂，有時 MK仔諗住約啲朋友見吓面，喪妹知道後又即刻使出膠水功，箝住老公入房唔畀出街，久而久之搞到 MK仔變咗宅男，最大鑊係佢估唔到留喺屋企仲攰過出去拍戲，所以後期佢已經演變到一入屋就九秒九鎖住自己喺房，寧願做獨孤精都好過變人乾。

「 MK仔」= Lemon
「喪妹」= PG

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

23^#

發表於 11-9-9 16:11 |只看該作者

回覆 samieychow 的帖子

thx!! :>

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

24^#

發表於 11-9-12 11:39 |只看該作者

關仁隱事：「寬衣」造作扮大師
2011年09月11日
近日唔少師奶觀眾都追住睇「喊包」套電視劇，當中梗係以喊包嘅戲份為主，但係「的士高」同「寬衣」幾乎每次出場都有肉搏戲，所以都搶咗唔少鏡。寬衣雖然喺幾年前憑大銀幕嘅演出攞過獎，但係近年佢做戲似乎越嚟越過火，表情造作出晒名。
日前關仁飲茶同班 OL搭枱，佢哋未坐低已經開口講寬衣喺劇中演出，個個都彈佢太過造作，見到佢直情想作嘔兼熄電視。

被嘲瞓厲頸
其實唔止一般觀眾，就連三色台好多人都喺背後笑寬衣嘅演出，佢哋笑寬衣個頭成日斜斜哋，擺出三七分面，十足瞓厲頸咁樣好肉酸。

「喊包」= Laughing
「的士高」= Bosco
「寬衣」= 除子珊

點評

connielamyee agree~ 發表於 11-9-16 13:53

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

25^#

發表於 11-9-12 11:39 |只看該作者

關仁隱事：「玉樹」私竇嗒國產女
2011年09月11日
「玉樹」生得斯斯文文，仲憑擺甫士稱王迷倒唔少粉絲，不過佢好衰唔衰，衰在男人最易犯嘅錯──鹹濕，因為呢兩個字搞到一身蟻。其實佢本身已經有唔少女自動送上門，但佢又偏愛國產貨，見到啲國產靚女就起晒痰，有時都未睇清楚情況，就唔理咁多食咗先算，所以佢成日俾啲國產妹妹仔搵機會借佢上位囉！其實玉樹以前同「搶機」佢哋成班人，已經好識窿路去啲私家竇蒲，嗰時玉樹最鍾意 call幾個內地女伴同行，都唔知係貪佢哋啲鄉音，定係因為佢愛國呢？

「玉樹」= Fung Fung
「搶機」= 唱K

點評

connielamyee yes, exactly~ 發表於 11-9-12 13:40

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

26^#

發表於 11-9-12 11:41 |只看該作者

關仁隱事：「風光」歸隱寂寞難耐
2011年09月11日
「風光」當年同「勁揪」生咗囡囡「光妹」後搞到滿城風雨，之後風光帶埋個女去咗內地低調生活，但今年又忽然高調返港，仲周圍搵嘢撈，好多人以為佢經濟唔掂，查實關仁聽風光嘅閨中密友話，風光係因為寂寞先回流。
風光帶住個女喺內地，名氣唔大，所以揀男友高不成低不就，佢經常同啲朋友呻，其實佢根本冇辦法融入內地嘅生活圈子，又冇朋友，仲差啲屈出病，所以最終都鼓起勇氣返香港。

「風光」= 吳X利
「勁揪」= 成虫

點評

connielamyee agree~ 發表於 11-9-12 13:40

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

27^#

發表於 11-9-12 11:42 |只看該作者

關仁隱事：「花弗」減產全職冧公主
2011年09月12日
「花弗」同有錢女「公主」拍拖，早排佢仲專登帶埋公主同三色台「高層」食飯，由於花弗一向做綠葉角色，有傳當晚公主乘機向高層開聲，叫佢畀多啲機會花弗發揮，以及畀機會佢上位擔正做男主角，但關仁聽聞其實剛剛相反。
原來花弗私底下叫高層唔好畀咁多嘢佢做，事關佢同公主拍拖，要花好多心思同不時有驚喜先至得女友開心，尤其係佢哋熱戀中，幾乎見少日都唔得，加上公主鍾意成日呢度去嗰度去，真係少啲精力都唔掂，所以花弗要求高層唔好畀咁多嘢佢做，怕自己工作太困身嘅話變咗冇時間陪公主，始終公主又有青春又有錢，唔睇緊啲，分分鐘俾人撬咗去都有之！

「花弗」= 蔥蔥
「公主」= 超X

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

28^#

發表於 11-9-14 09:13 |只看該作者

關仁隱事：「樹林」擺天后款乞人憎
2011年09月13日
台灣女歌手「樹林」近日被爆又整容，個樣變得面目全非，事關佢近年整容整上癮，變得過晒火。樹林因為賺錢多，所以近年識咗個小男友，仲樂得貼錢養仔。
樹林初出道時，關仁聽聞佢份人都好有禮貌，隨着變成天后，就越嚟越囂張，試過同一班港星去拍飲品廣告，樹林除咗成日擺款顯示架子，仲呼喝助手，陽光下要助手擔遮，仲要行到邊跟到邊，一旦跟歪少少曬到佢，樹林就立即公主病上身，又擺款又發爛渣，簡直人見人憎。

「樹林」= 菜依琳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

29^#

發表於 11-9-14 09:15 |只看該作者

關仁隱事：「聲沙沙」辦學執笠周身債
2011年09月14日
樂壇「聲沙沙」早排是非多多，先傳佢欠人錢，之後有傳佢同《鬥大聲》高層同拍檔「大聲鈴」反面吵大鑊，搞到冇得再做《鬥大聲》，是非真係多到一籮籮。
關仁聽聞聲沙沙真係欠落唔少街數，好似佢投資嗰間講數學校，原來早排已經靜雞雞執咗笠，雖然有消息話聲沙沙要移民，所以結束晒香港所有業務，但聲沙沙間學校突然間執笠，有好多錢銀根本未找清。唔單止咁，聽聞有唔少學生交咗學費都攞唔番，其中有幾位仲係圈中藝人㖭。不過，佢哋認為多一事不如少一事，所以冇諗住向聲沙沙追討，只係暗啞底同身邊朋友呻吓。

「聲沙沙」= 杜麗沙

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

30^#

發表於 11-9-15 09:45 |只看該作者

關仁隱事：「 MK仔」反骨無情乞人憎
2011年09月15日

係人都知「 MK仔」今時唔同往日，始終泊到個大碼頭，出面嘅人唔睇僧面都睇佛面，原本每件事總有前因莫羨人，何況感情世界，好難分對錯。不過 MK仔處理感情嘅手法又的確令人詬病，佢同「公主」好之前，一直有位識於微時嘅女人默默支持佢，但中公主後，佢就反面不認人，逼背後女人離開自己，個女人見到 MK仔反骨無情，終於忍痛斬情絲，點知冇耐就有傳媒知道 MK仔捨舊愛黐公主嘅事，自然落力報道， MK仔就咬定係背後女人放料畀傳媒，仲大鬧舊愛屋企，講真，人哋都唔係圈中人，鬼識放料咩，怪就怪佢自己處事過火，有人睇唔過眼唱衰佢啫。

「 MK仔」= 又係陳x蔥

很想知道，追夢的人是如何踏出第一步?

私人傳訊

bbpeter

大宅

積分: 2389

31^#

發表於 11-9-15 16:26 |只看該作者

22May 發表於 11-9-8 10:48
關仁隱事：「阿男」囝囝狗眼看人低
2011年09月08日
香港特產港孩，娛樂圈入面何嘗唔係遍地呢類小朋友。好似 ...

呢個好易估呀

私人傳訊

bbpeter

大宅

積分: 2389

32^#

發表於 11-9-15 16:27 |只看該作者

22May 發表於 11-9-8 10:48
關仁隱事：「阿男」囝囝狗眼看人低
2011年09月08日
香港特產港孩，娛樂圈入面何嘗唔係遍地呢類小朋友。好似 ...

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

33^#

發表於 11-9-16 09:42 |只看該作者

關仁隱事：「掃把」勁蝦細星惹眾怒
2011年09月16日
「掃把」有一期真係權傾朝野，雖然有人爭住擦佢鞋，但亦有人對佢嘅所作所為睇唔過眼。其實掃把好沙塵，好似佢同啲藝人斟嘢，遲到係例牌，亦試過預咗一粒鐘同人開會，但中間講咗 50分鐘電話，搞到人哋戇居居聽佢煲電話粥。又有啲小星星試過同掃把反映演出機會唔多，掃把就永遠睇吓對方係邊位，如果佢係敵對派系嘅人，又或者係啲二、三線藝人，掃把就必然用拖字訣，猛話自己喺公司有幾咁大壓力、有幾咁多嘢做，反客為主唔聽人講嘢，又唔去解決問題。久而久之咪搞到成班大小星星怨聲載道，要諗計起革命囉。

「掃把」= 620

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

34^#

發表於 11-9-19 11:33 |只看該作者

關仁隱事：「男人婆」玩性格累人累物
2011年09月18日
「男人婆」嘅外形同言行舉止不嬲 man過好多真正男子漢，近年開始玩埋性格， fans就覺得有型，但其實佢個格嚇怕好多人。男人婆一直標榜自己崇尚音樂，之前佢喺大陸接咗個演出，一早到場綵排，點知發覺現場音響麻麻，男人婆即時玩性格嫌三嫌四，全程黑面作無聲抗議。

遲到唔道歉
由於大會 rundown已經比原定時間遲咗，全世界喺度趕喉趕命，但男人婆一於做性格巨星，人哋急佢唔急，仲走去食飯慢慢嘆，結果佢遲大到不特止，連累成個騷遲晒，現場內地記者拉隊走，但佢仲一句道歉都冇，果然有性格，不過係衰格個格。

「男人婆」= Ho CC

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

35^#

發表於 11-9-19 11:35 |只看該作者

關仁隱事：「公主」鬧情緒玩謝公關
2011年09月18日
「 MK」同「公主」拍拖變成全城熱話，公主明知自己喺娛樂同名人版有號召力，全世界公關都吼到佢實，各路品牌落力 sell公主去活動，公主享受鎂光燈生涯，一定應承捧場，可惜佢都有小姐脾氣，雖然講到實牙實齒，但除時因為心情唔靚放飛機，而且公主知道自己嘅號召力，要收酬勞出席活動，佢收得當然唔嘢少，咪以為有錢好辦事，公主始終唔憂柴、唔憂米，到唔到始終都要睇佢大小姐心情，所以家啲品牌開始向佢條仔 MK落嘴頭。

「公主」= 超暈
「 MK」= 山蔥

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

36^#

發表於 11-9-19 11:37 |只看該作者

關仁隱事：「笑口棗」遭報復變花面貓
2011年09月18日
「笑口棗」玩得係人都知，佢一向玩人唔使本，好彩佢人緣好，佢啲朋友都唔會真係嬲佢好耐，可能佢玩得人多，所以有晒心理準備俾人玩番轉頭，關仁知佢有一次同班波友到外地比賽，成班友喺飛機已經玩到癲晒，笑口棗係出名嘅睡寶寶，上到機自然搵周公，班波友即刻報仇咁報，將佢畫成花臉貓，到笑口棗起身落機過海關時，都唔知自己俾人整蠱，沿途啲人見到佢塊臉都笑到掩住半邊嘴，佢仲以為係自己受歡迎，笑到成班波友碌晒地。

「笑口棗」= 至矮

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

37^#

發表於 11-9-19 11:44 |只看該作者

關仁隱事：「白恤衫」貪瞓失禮中國人
2011年09月19日
以前嘅內地人好識養生之道，到時到候就要午睡補眠。估唔到今時今日嘅內地明星都興呢套。話說「白恤衫」之前去到長靴國為佢套《小白龍》宣傳，難得去外國宣傳兼行紅地毯，自然有外國公關安排佢畀當地嘅傳媒做吓訪問；有日下晝「白恤衫」喺自己間酒店房接受外地記者訪問，本來傾得好地地，點知佢突然睡魔急 call，佢講咗句唔好意思就行咗入房瞓覺，半個鐘後精神奕奕咁出房繼續下半場訪問，佢呢個壯舉簡直令外地傳媒睇到嘆為觀止。

「白恤衫」= x聖衣
小白龍= 白蛇傳說

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

38^#

發表於 11-9-20 10:41 |只看該作者

關仁隱事：「公主」妒忌靚靚搶風頭
2011年09月20日
最近同「花弗」蜜運中嘅「公主」，雖然同「靚靚」係同一條腸出，公主喺人前做到姊妹情深好錫靚靚，但關仁聽老友講，其實公主一向唔妥靚靚，暗地裏乜都要同靚靚鬥。
事關公主妒忌重，細個嗰陣靚靚得意過佢，讀書叻過佢，親友嘅目光落晒靚靚度，到大個咗，靚靚越嚟越索，仲被視為成個家族最省鏡嘅嗰個，加上靚靚性格溫純深得記者歡心，搶晒公主風頭，公主唔嬲就假，所以平時公主做乜嘢都想叻過靚靚，可惜次次都輸。直至最近公主同花弗拍拖全城哄動，幾乎日日做報紙雜誌封面人物，公主條氣即刻順番晒，覺得自己終於撼低靚靚。

超暈 vs 超年

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

39^#

發表於 11-9-21 10:02 |只看該作者

關仁隱事：「數字小姐」攞新人着數
2011年09月21日
家陣做新人，有條件都係其次，最緊要係㩒撈同有屋企喺財力上支持，尤其喺公仔箱生存，大家睇吓「林大鼻」就係最佳例子，佢有個有米老竇力撐，又識碼住高層「數字小姐」。
公仔箱啱啱選咗班靚仔出嚟，有啲落選嘅都想入行，數字小姐係操生殺大權嘅人，關仁聽聞其中有個靚仔好恨簽約做藝人，數字小姐屋企咁啱要裝修，有人刻意將消息傳開，靚仔新人咁啱讀設計出身，於是數字小姐老實唔客氣，叫老公搵嗰個靚仔新人幫手。靚仔新人為咗可以走捷徑入行，梗係唔敢托手踭。

「數字小姐」= 620
「林大鼻」= Fung Fung

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

40^#

發表於 11-9-22 09:26 |只看該作者

關仁隱事：小黃洗頭亂發老脾
2011年09月22日
富豪小黃以前好鍾意去中環某名牌髮型屋剪頭髮，每次去到佢都要個髮型師阿仔只服侍佢一個人，搞成個幾兩粒鐘都係收佢千幾蚊好唔化算，加上佢脾氣古怪唔易服侍，阿仔其實唔多願做佢生意。
事關佢試過幾次無厘頭發脾氣鬧啲洗頭妹，鬧到人哋忍唔住喊晒，有次小黃洗頭時，忽然彈起身手指指鬧個洗頭妹，因為佢入去洗頭房時個地下好污糟，但呢啲事又實在唔關呢個妹妹事，再加上佢突然彈起身，洗頭妹唔小心整濕佢背脊，令小黃更加嬲，全場都知佢大發爛渣，大家都怕鬼咗佢，後來阿仔要加佢價先肯同佢剪頭髮，佢覺得唔合理就轉咗場，成班員工都話要劏雞還神！

???