sumdetectivebaba 寫道:
但係我真係想問:
1. 你老婆到底有冇諗過要對你有承諾,有投入?
2. 你又知唔知你老婆到底有冇覺得有D野只有果條友俾到佢,你又未得?(即係好似D BB咁,要人抱,要人玩,唔係就喊,反斗...)
新問題:
5. 你老婆本身明唔明自己行事為人冇問題唔等於身邊人都冇問題可以接受?
6. 你老婆其他方面識唔識重視你感受?
sumdetectivebaba 寫道:
好野!見到你冇穿冇爛,好彩!我仲驚你搞到見報... 但點我忙到出哂血,而家先得閑D回覆你...
o拿,當你係兄弟,我將你o既 K士 同我老婆同傾過(佢都係BK Fan屎), 我覺得你同老婆有幾個層面o既野要逐步處理. 我先講短線先:
你老婆有時要你開到聲至識重視你感受,即係話佢真係唔明你o既諗法. 咁,佢同條友呢個 K士,你真係要好好地同佢講清講楚.
正如本網站另一D留言講, 你可以寫封信俾佢, 平心靜氣咁同佢講你o既感受, 你見到佢咁, 你點樣唔開心, 係咪覺得佢當你唔重要, 唔尊重你, 唔愛你, 唔支持你, 你係咪覺得心淡, 大家距離好遠, 唔再親蜜… 同埋你o既*要求*, 係咪你只可以接受佢地一個星期傾一個鐘電話? 係咪你想佢同果條友講你接受唔到佢地而家o既相處方式,要佢地明白同改變?
但無論你寫唔寫信, 我都覺得你要好認真約佢, 係約佢, 响一個你地都同意唔會俾人干擾o既時間地點(熄埋電話,冇電視電腦), 真係好認真, 但切記唔好起火, 唔好人身攻擊任何人, 同你老婆面對面單獨傾以上D Points.
我要講明, 好可能, 你地一次甚至幾次都未必達成共識, 但千祈唔好放棄, 要繼續堅持傾, 直到雙方有協議為止. 呢個過程係好艱難o既, 但係你成功到, 你地o既關係會好好多, 第日有BB後要再協調都容易D, BB成長又好D!
努力呀! 記住, 呢度好多人支持你!
sumdetectivebaba 寫道:
聽到你地兩公婆o既情況好轉,我同我老婆都替你地開心!
如果你唔介意,我想講o下你地下一步可以努力o既方向.
從你對我問o既#2,#5和#6 o既回應, 佢唔明你會有乜感受,你又唔係好清楚佢有咩地方覺得果條友咁吸引佢咁fd, 我諗你同你老婆可以去明白對方多好多. 人就係咁, 佢唔覺得你明白佢,聆聽佢, 好難叫佢聽你o既.
我諗你地可以有番D認真o既交流時間, 最好係有番D比起普通行街睇戲食飯更認真o既拍拖時間, 或者好似我同我老婆咁, 時時搵D時間,响唔俾人干擾o既情況之下傾o下偈. 例如你可以虛心D, 直頭"請教"佢覺得果條友有咩地方咁吸引佢咁fd, 等你可以學o下同你老婆fd多D, 咁就更”時weet時weet”啦! 你又可以反問佢知唔知你鍾意响唔同情況下佢點對你會令你更開心, 交流過,可能你地會有更好o既相處方法! 而且, 你同佢傾得多, 佢同果條友傾o既 "心" 同 "力" 就相對少咗啦!
你又覺得點睇? :-P
發表於 
返回列表
