免治半肥瘦豬肉 半磅
中蝦 約10隻
燒賣皮 約25張（1包應有過百張）
紅蘿蔔仔 適量
調味：
鹽 半茶匙
生抽 1-1/2湯匙
麻油 1茶匙
胡椒粉 少許
蛋 1隻
做法：
1）蝦洗淨去頭去殼去腸，蝦頭蝦殼可以留返嚟熬湯，可參考之前整嘅磨菇濃湯。蝦肉切細粒再將部份拍爛。
2）蝦肉加入豬肉中撈勻，加入鹽、生抽、麻油、胡椒粉同撈勻。
3）雞蛋分開蛋白蛋黃，蛋白加入肉中拌勻，蛋黃略加留用。
4）將約一湯匙肉放於燒賣皮上，先摺起兩邊，再用手指摺起一頭一尾，成為一個四方形盒袋狀。
5）將四個突出部份搽上少少蛋黃收入盒袋邊，成為一個四方盒狀，只有最上面開口見到肉部份。
6）紅蘿蔔仔磨蓉，灑少許於燒賣開口部份。
7）鑊中加水煲滾，燒賣隔水蒸約10分鐘。
小貼士：
＊肉可以較得略為鹹少少，因為燒賣皮冇咩味，加埋肉就剛剛好啱味。
＊熱食一流，凍咗OK, 最好蒸番熱至食。
＊千萬要買燒賣皮整，春卷皮都可以，不過一般較為大塊，要剪成細塊至啱用。
＊呢個大約係整25個嘅份量，但要就你買嘅燒賣皮大小而定。
後記：老公話差咗少少麻油味，下次整要加多D。
發表於 
好想食呀...
想食
返回列表
