夫婦情感今日: 7|主題: 42715

收藏本版

發帖

返回列表

跳至頁

樓主: candy.c

(未睇入黎)一個屯門屋邨妹嫁去淺水灣的憤鬥歷史

[複製鏈接]

123 4 5

135

dorayan

大宅

積分: 4687

陪月勳章畀面勳章

21^#

發表於 12-8-15 22:34 |只看該作者

你好勁呀！

私人傳訊

Elefant老婆

珍珠宮

積分: 37310

好媽媽勳章醒目開學勳章畀面勳章

22^#

發表於 12-8-15 22:34 |只看該作者

其實, 覺得可疑嘅就唔好睇, 因為之後發生的仲夢幻, 出現的男士更加多, 但我不會因為要有多些人相信而將以前的事改寫, 例如點解我咁多人追, 點解我可以識到咁多有錢人, ...諸如此類. 當然連我自己都覺得好豐富., 唔係點會分享比人知? 所以都係一句, 寫我就照寫, 我希望比一些相信自己, 對生活和未來有要求, 想開開心心生活而唔洗煩供樓, 煩失業嘅人睇, 希望可以有一些啟示.

點解嫁得好就一定係唔幸福? 有錢嘅男人唔可以係好男人咩? 我有好多兩夫婦朋友, 老公好有錢, 一樣好恩愛, 家庭幸福. (講真, 有問題嘅couple真係好少聽, 不過, 一定又有人相信 ) 我剛見到有人開post, 又話無錢都可以好開心, 又話邊個邊個嫁得有錢但又好慘, 來平衡自己. 這就是她們選擇的路, 就是有情飲水飽.

而我局限了我的選擇範圍, 從此不用發愁, 買嘢可以唔洗看價錢, 仲要老公係我的最愛, 我每天都好感恩, 唔可以咩? (我成日同老公講話, 好多謝我媽生得我樣好, 但都要我老公好錫我我先可以每天打扮保養啊!)

我對港女這字眼毫無感覺, 因為發明這字眼的, 大有可能是要天天怕老闆罵, 見靚嘢無得買, 怕失業煩供樓的人. 與我無關痛癢 ~~

十四, 大學時代畢業
當年我yr3, 好想快些找工改善家境, 於是在ICQ找到一位比我大十多年的師兄(佢做投資銀行), 傾吓傾吓, 講吓讀書的嘢, 大學的嘢 (佢無追過我) 有一日我話想找part-time工,想打外國人工, 因為我係好差中學出來, 英文唔夠外國讀書的人咁好, 尤其係ORAL.  佢叫我SEND張CV比佢看看, 比吓意見. 我SEND時加了一張自己的證件相在WORD FILE內, 相信樣貌端正人地都易D幫你.那時我yr3有三日dayoff可以返工.

佢話有個BANKER舊同事在中環有間顧問公司, 可以幫我介紹. 我看了那公司的網頁, 就答應和這師兄在銅鑼灣利園COVA見面. 佢同我傾了關於工作的嘢, 之後佢就話同個美國人傾. 第二個星期我就上班了.(part-time), 在中環上班, 老闆是一個四十歲的美國人, 我主要係佢PERSONAL ASSISTANT, 任何嘢, 包括秘書事務, 見客, 寫PROPOSAL我都要做. 我那時真的好細路女, 例如開支票開四張先寫啱, DESKTOP係張MIUMIU女模抱貓的性感相, 佢話, 如果你在我以前投資銀行一早比人炒了. 但佢真係好有心機教我, 仲比我好多機會見客,有一次係IFC見一個銀行客(都係鬼佬)PRESENT, 叫我自己去, 佢話同個客好好朋友, 同佢講了有個剛出來做嘢的TRAINEE上來, 所以叫我放心去. 我好緊張, 真係結結巴巴. 而家想起, 覺得D鬼佬真係好好人, 我當時真係好唔專業.

咁我公司其他顧問都係鬼佬, 成日出了去見客, 我老闆又成日出去或出TRIP, 所以我成日都一個人做嘢(公司得幾個職員), 好多嘢要做, 不過鬼佬老闆好好人, 好準時叫人收工. 最唔好就係我有時見客老闆叫我搭的士月尾CLAIM番. 或要幫佢買禮物比客要月尾CLAIM番, 我試過未出糧用晒D錢, 當了張八達通拿按金過埋那幾天!!!!!!

我同老闆慢慢無所不談. 有一天我們傾到感情的問題, 我好老實同佢講, 我廿年人都好努力, 努力做好我自己, 好想搵個有條件又好的人結婚! 佢真係好好, 介紹了佢一個美國朋友比我識, 呢個人工作太忙, 無時間識女朋友, 好想找人結婚. 我笑笑口話好, 以為佢講笑.

之後幾日後有一日, 有個美國男人拿了一盤盆栽上來 (唔係花, 係綠色植物) 上來, 我老闆不在, 其他人又不在, 我們傾了一陣, 佢有時會笑我D英文(不過係善意嘅). 佢之後一係香港就會上來. 原來, 佢係白手興家做生意, 係好多發展中國家開發D嘢(詳情唔講), 有二千幾個員工! 我老闆仲話佢都好鍾意我, 問我有無興趣, 我真係唔知, 不過覺得好特別..

有一晚, 佢約我係ISLAND SHANGRI-LA 的PETRUS晚飯, 那晚全餐廳除了我們只有另一枱客. 雖說以前的男友帶我到高級餐廳, PETRUS這地方還是頭一次. 廿歲女, 我真是第一次, 同個外國人, 係咁靚的餐廳約會. 我知道原來他真的非常勤力工作, 而且很正經, 我說我愛畫畫, 佢話好鍾意D人有PASSION, 話可以幫我出本插畫書, 這些書很受外國歡迎.我記得我問佢有無好憎的人, 他說, 我從不憎恨人. . 同埋, 我有時在街行時唔出聲無表情, 他會說, 保持笑容, 企直呀. 他影響了我日後好多地方.

他出錢請了我們公司的人到佢美國的別墅旅行, 你知道嗎, 那是我成世女第一次坐飛機. 我好開心又要扮鎮定, 我同一個同事坐, 唔識點開安全帶去washroom! 我記得當時我袋有支指甲油, (唔好問我點解當年飛機可以帶液體, 我都唔知, 總之我有帶上機), 拿出來搽, 之後扮唔方便整到指甲, 叫同事幫我開安全帶, 順便學點開, 唔係真係'囉'. 呢個係我好難忘的回憶..!!

待續...我要睡了.:)

=======================================

幾虛榮的價值觀都恐怖唔過女人的善妒心理，自己亂講一通似層層咁講到嫁得好的女人婚姻一定唔幸福，來平衡自己。嫁得平凡就係真愛，窮男人就冇小三，真好笑。

點解唔可以係個老公有錢又錫你和家人，買埋樓比外家，家裡大到可以踢波游水，請三個工人同司機，自己不用上班專心相夫教子，無人比面色你睇，買野食飯完全想點就點，可能無人會信現實生活有這些女人，所以有人會認為這是假的，因為她們不相信這個世界真的有幸福和富裕的真愛存在。

=======================================

十五, 大學時代

我哋一出機場, 見到美國人安排了佢的司機渣車來接我們, 佢自己就渣架哈利電單車, 好好笑(因為佢個look唔似會渣電單車, 原來佢好鍾意不過曾經兩次炒車, 其中一次都好嚴重), 我因為細膽(我覺得危險唔敢坐)都係坐私家車去別墅.

到了別墅, 我真係嚇了一跳, 我當時就係無見識, 可能人地係外國生活覺得大屋無特別, 不過我住六百呎居屋見到幾萬呎嘅屋真係覺得超級犀利, 好像行極行唔晒, 間屋有好多閉路電視, 保安, 佢仲會拿對講機叫工人做嘢. 工人就住係屋旁一細屋度. 我間客房都大過我自己香港間屋. 仲有像泳池般大的按摩池, 好多個廳, 我無係外國生活過, 所以一下子見到咁嘅屋, 真係覺得好得意, 好夢幻. 佢個衣帽間d衫全部好像一樣,  我仲用當時部數碼相機(我本來想講型號, 而家覺得唔需要, 因為相信嘅人自會相信!!) 趁同事唔係附近影相.:p:p

晚上, 黃昏日落時分, 我們出了花園外, 望住出面好靚的景色. 佢叫工人用蠟燭點了花園的燈(唔記得d燈係點樣,不過係用火點, 因為我睇住佢地點), 全屋氣氛好好, 佢用個爐自己grill d 食物比我地. 然後, 佢拿了一隻碟, 上面放了塊燒好的吞拿魚扒, 當住d同事, 同我講, "happy birthday". 之後d人拍手. 雖然幾騎呢, 我有d愕然, 但又好開心, 仲有少少想喊(不過無), 唔知係個環境定係個氣氛影響. 我唔係鍾意他, 不過我有些感動.

我好清楚記得, 呢晚我好夜, 一個人走出頭先個花園, 居高臨下, 望住一望無際的
景色, 我有一種好特別的感覺, 我唔知點具體形容, 我到今天都好懷念那一晚自己一個人思考個一刻, 好像有些如釋重負的感覺, 雖然外人可能唔明有乜咁特別, 不過那一刻我真是到現在還記得好清楚.

我第二日發覺對耳環有一隻唔見了, 我無乜所謂, 因為真係好平. 但我記得佢d工人好驚, 發晒茅係咁搵, 不過最後都搵唔到...

同埋我將d外套, t shirt放係床尾就同同事出去, (諗住番香港先洗), 但回來就熨得好好, 我覺得樣樣嘢好貼心, d工人煮嘢又好好食...d早餐好像酒店咁..總之對我來說係好夢幻.

最後我同個美國人點? 我地最後都無結果!我覺得佢太老, 而且始終文化差異,溝通唔到. 佢後來亦覺得當時嘅我好細路女, 唔係佢嘅結婚對象. 於是我們無聲無息斷了來往.

支持我的朋友, 謝謝您, 我知好耐未到戲肉但我覺得重要人物真的不少, 希望耐心等一下..:)

私人傳訊

Elefant老婆

珍珠宮

積分: 37310

好媽媽勳章醒目開學勳章畀面勳章

23^#

發表於 12-8-15 22:35 |只看該作者

十六，大學畢業時代

當時的我還未畢業，大學裡追求我的男同學，講眞不太值得再提。只是有時看看facebook他們有些入了I bank，有個自己開公司都幾成功，都心想，原來當年拒絕的人都生活得好好，我心裡都幾高興。（起碼追我的都有番咁上下唔係騎呢怪）

個時，我有一個男仔朋友係讀LAW嘅，叫D仔。我同佢從無曖昧過佢亦無開口追過我，不過佢每日定時打比我問我係邊，我一無野做就會出來陪我，嗰時我會去一啲品牌嘅party, 每次都去到凌晨，佢話一定要打比佢車我番屋企，唔係就唔夠朋友。所以佢成日半夜送我回家，同埋成日食飯傾計。大家好像朋友咁。

到我畢業後我係公司收過好多次唔知邊個送嘅花，個署名好老土叫白馬王子，我到而家都唔知邊個，但覺得好浪漫。我估有可能係D仔送嘅。

我亦試過工作上和一公司的老闆認識，呢個男人個老婆以前選美，到而家也是會見報的模範夫妻黎，（他開什麼公司和老婆選美什麼獎不會透露，因為唔想大家估到邊個，影響人地），他當時常常打比我，又約我食飯，曾經半夜三更揸架跑車來我所在的地方，比份外國買嘅野比我。睇嚟又係一個賤男。咁我傻嘅咩，冇理佢，但到現在看到他和老婆見報，都覺得好虛偽。

十七. 大學畢業時期

我除了D仔外, 當時亦遇到三位我會講吓的男仔:

(1) 那時我要和鬼佬老闆去SOURCE公司紀念品比客, 例於公司T SHIRT,  我和常幫我們做T-SHIRT的經理開會, 咁經常開完會就會食吓飯, 佢那時公司生意好好, 佢係接生意那個. 但老闆就好衰. 乜都要佢一個人做晒, 仲要勁刻薄. 我就話, 不如你自立門戶帶埋佢D客走啦! 我地成日傾D理想嘢, 佢又成日來中環找我午飯. 佢當時廿六歲. 都好年輕. 佢成日話, 等佢生意好啲, 就可以買樓, 買車, 我就好支持佢, 希望佢可以成功. 而我暗地裡都考慮緊, 呢個男仔雖然無錢, 好似連大學學位都無, 但做嘢好醒好勤力, 話唔定我地一齊勤力可以好成功呢!

點知有一日, 我同佢一齊午飯, 夜晚有一個女仔打比我, 佢係大陸人, 話同佢一齊已經兩年. 佢話CHECK到佢同我有來往, 知道佢想追我, 叫我可唔可以唔好同佢一齊, 同埋唔好同佢講佢找到我. (可能佢同我講電話, 聽我語氣覺得我可以同佢合作)

之後我好嬲個男仔, 所以我以後一定問一個問題, 就係'你有無女友,或者老婆?"

個男仔唔知道係咁打比我搵唔到, 我忍唔住, 作故仔, 話:'我識了個男朋友, 我地唔好再來往, 費事佢唔鍾意, 佢好好架, 又有錢又有車, 你有無吖! 你最好唔好再找我." 佢真係好HURT, 之後佢無錯事業真係成功唔少, 例如佢自立門戶後, 有幾次MSN我, 話佢而家在大陸買了間屋, 我覆佢, '哦, 大陸嘅屋呀, 哈哈. 好CHEAP姐!' 我寧願佢憎我. 之後佢有一次又話最近買了架LOTUS, 我開始唔睬佢, 雖然佢真係好環境了, 但想令我後悔無同佢一齊? 佢唔洗旨意呀..

(2) 我嘅客戶鬼佬銀行有個外國讀書的男仔, 我同佢有時係LKF HAPPY HOUR, 可能佢知道我身邊的男仔, 條件都幾好, 佢就屋企生意失敗(佢外國番嚟之後), 佢成日都好唔開心, 成日話如果佢係陳冠希就好 (果時EDISON開始紅), 雖然無真正追我, 佢會做好多細路仔嘢氹你開心, 例如試過約我出來送盒聖誕樹比我放係屋企.穿一件熊咁嘅上衣係銅鑼灣'里'埋等我比我驚喜..
之後佢知道我識了一個更有趣的男仔 (叫吳X維, 一陣講), 就突然之間對我態度好差, 發脾氣話我, 我地就係咁無聯絡了. 最近, 我係D舊同事口中得知佢患上抑鬱症, 去了外國生活. 我覺得, 錢係好重要, 但無錢都要咁生活, 人一定要令自己快樂, 人生就係得一次, 無錢都要積極, 可能日後有機會呢.

(3)我當時係RUGBY 7幫我鬼佬老闆招呼D銀行客 (全部台灣人同鬼佬), 我一早就去幫手, 又要同佢地國語英文不停傾計(好嘅係語言真係好有進步!) , 又要REFILL 啤酒同食物, 全日忙到震. 騰來騰去.

我好記得, 到下午我老闆個女友落黎, 佢叫我坐吓, 休息吓, 我先拿杯啤酒, 累到坐係度發呆.  果時旁邊有個男仔, 佢好後生, 頂多大當時的我三四年, 戴眼鏡,  佢是來看RUGBY, 不像我忙到不得了應酬啲客.

佢話, 頭先見你都好忙喎. 我話, '係呀, 午飯都未食, 做嘢呀, 邊似得你可以睇波, 我都唔識睇RUGBY." 傾吓傾吓, 佢話佢係外國番來. 我話, '我今年畢業啦! 我好驚前途. 唔知將來點. '

佢好認真咁望住我話, '你相信我, 你第時一定得到你想要嘅嘢. 你好勤力, 你一定會成功架.' 唔知係唔係廿年人嘅委屈比人講了出來, 我覺得佢好同情我, 我即刻眼濕濕(我而家都眼濕濕), 嚇到佢即刻轉話題, 都唔講畢業工作的嘢. 跟住散場, 佢又係好老土寫了佢的電話在我手上, 仲再講多次, '希望聽日見到你, 你一定會成功架!'

我跟住人潮行到時代廣場附近, 望吓自己手上的電話號碼, 唔記得點解, 係佢寫得唔好定我手濕擦甩, 我明明睇住佢寫得好清楚的電話號碼已經睇唔清楚一兩個字,我心想, 唔緊要, 聽日應該可以見到佢. 點知, 當晚我老闆打比我, 話我當日太辛苦, 會叫其他人幫手, 我可以唞吓. 咁我無理由白撞入去撞番呢個男仔, 就係咁, 我就同佢無聯絡了.

大家想, 萍水相逢就唔好寫啦, 但我真心感激呢個男仔, 我覺得佢的出現, 好似灰姑娘喊時, 個FAIRY GOD MOTHER出來安慰佢咁, 我每年RUGBY 7都會想起這件事.

晚飯先. 好快再POST.....

十八, 大學畢業

之前提有個m小姐(大學同學), 佢識埋d人都唔差, 有一次我係街見到佢同一些朋友一齊, 其中有個男仔就add了我msn. 佢就係我頭先提嘅吳x維. 佢係外國大嘅abc, 講中文好唔流利. 佢屋企都係做生意嘅. 家住山頂. 咁呢d人我只會同佢維持朋友關係 (因佢外表好花fit) 而家我出街仲成日見到佢公司d車隊, 咁我同佢果時msn傾得好密.

那時我剛畢業, 在暑假找到一份正式的工作(廿一歲做了幾個月做到廿二歲), 是在一跨國顧問公司做初級顧問的工作. 我得到呢份工好開心, 因為讀我地學系嘅人唔係想做I-BANK就係想做呢D顧問嘅工作.

我對上有三個阿頭, 首先係個大我幾年嘅擦鞋男仔(中文人,長工), 對上一個印巴籍嘅男人(唔知點解佢職位高但係臨時合約工), 我就係長工. 對上仲有個大D嘅阿姐, (英文人).

我以為真的可以安定下來, 我同D客關係好好, 佢地有時會直接搵我幫忙, 可能我做嘢好快手同真係好勤力, (我工作地方唔會開展感情事). d客同我阿姐講以後有D嘢可以比我跟, 唔洗再中間經果兩個男人. 就係咁, 佢地開始好憎我, 尤其係個印巴籍上司, SEND了REPORT比佢睇都話無收過. 仲試過喺我阿姐出TRIP時用了佢間房來罵我!!!

你知唔知, 我真係上班好唔開心, 就算你幾努力都好, 如果工作環境唔好, 都係得個做字, 同埋有冤無路訴..

兩個賤男仲要知道公司cut headcount, 開始勁打小報告, 目的就是我的長工headcount!

但我就是打不死精神, 開完會同兩個賤男等車, 佢地就巴士地鐵最多的士claim錢, 我就叫吳x維渣sl55, m3來接我. 那時, 灣仔有間酒店的餐廳, 每逢星期五都會留一張枱比我, 我會自己去舒吓悶氣, 開支酒, 嘆完再番公司同佢地博鬥!

有次, 我知道賤男同印巴係君悅酒店午飯, 吳x維知道即時同我去那裡食飯, 我好感謝佢(因為佢外表係得架, 同埋佢肯同我巔!!!)除了在兩個衰人面前氹我開心, 佢仲變魔術比我睇, 佢打開本書, 中間有火出!!! 全場包括那兩個賤男都呆了, 而佢就伸條'利'出來嬉皮笑臉. 我嚇到呆了仲好開心, 覺得呢個人好有趣.

好好彩吳x維識人介紹份工比我, 我可以係一個大brand做嘢, 仲有型!!!(性質恕我不方便透露), 我辭職後更有持無恐, 試過吳x維叫司機車我去山頂cafe deco食飯, 一去三小時才施施然, 番公司伸我條s小腰. 然後收工, 典型八十後性格, 點吖! 你兩個賤人屈我吖嘛, 蝦我吖嘛, 洗同你賣命呀! (我預了又有人講, 我無所謂架, 扮晒惠質蘭心就唔會有今日嘅我)!!!

有人話我有錯別字, 用手電打同用廣東話拼音係差d㗎啦, 因為我唔識用倉頡同速成架...

我辭職後一個月內仲要係果度做, 就係咁, 兩個賤人, 就安排獲杰嘢我嘆, 而今次他們萬料不到是成就了我的淺水灣大屋之路!!!!!!!