繼續…
我住的居屋係在新界粉嶺,好近『和記』,我個單位就見唔到墳墓既,況且我自己一直覺得人有人住既地方,仙人都要有仙人住既地方,所以我並唔介意住得咁近『和記』。
住入去既時,亞女都只係得歲幾,佢好早就已經識講野,可以對答得好好,平時日頭都係得我地兩母女係屋企,C6放工都要成七點零八點先返到屋企,亞女果時有午睡習慣,佢張BB床係係我主人房到,通常佢訓左後,我就會關好房門,出去做屋企野,做做下野我都會間唔間去望下佢訓醒未呀,有冇踢被呀之類,有一日,我輕輕力開左度房門,見佢坐在係BB床既一邊,背向我,我見佢對住佢對面一邊好似同人講緊野咁,咁我咪行埋去好溫柔咁同佢講:囡囡你訓醒拿,跟住佢望一望我,再望返佢對面,跟住就大喊,佢比我個感覺係我入來令佢對面個(人)走左,所以佢就唔開心喊。
又有一次,我間主人房門係可以望到個廳一部份既(康和式居屋係廳中間有條長走廊入三間房同toilet),果日我同個女係主人房唔知係唔係換衫,個女突然望向廳方向大聲講:哥哥,唔好玩我部單車啦,架單車係我ga!我望出去架單車真係在我望到既視線範圍到,我當然唔知架單車係咪一直放係果個位啦,因為個女周不時走去ride下,ride到邊就放到邊加啦,咁我問亞女邊個玩你架單車呀?佢好淡定咁答我:哥哥law!佢個表情好似話比我知:亞媽乜你見唔到咩?當時我個心已經估到間屋應該有d野!
後來,有一日,在一個黃昏的時侯,我終於見到呢個亞女口中既哥哥了……
[img align=left]http://img.mms.sohu.com/mms/1420/81/14881/p1.gif[/img]