1.搵優點.(三級)
搵定一張風月版既報紙,叫新郎哥係報紙上搵新娘子十個優點,新郎哥搵既時候,d兄弟又一齊搵,佢地自己圍來一定會搞笑的,搵完後叫新郎哥逐個講,d姊妹要佢逐個解釋點解呢??因為新郎哥驚唔可以直接講私人野,唯有諗解釋,我老公解釋得好好笑,又唔會爆私人野,真係好好笑
例如:我老公圈左(修長美腿),佢解釋話係我成日伸佢囉
(惡妻) 佢話因為我係惡妻,令到佢從良
2.之前有姊妹講過果個搽唇膏個 game, 我做姊妹時玩過係預備一張有個心形既紙, 派每個兄弟一支唇膏, 係限定時間內要用唇印吸滿成個心形..見佢地係咁錫張紙都好搞笑架....
3)一早print 定哂d 兒歌歌詞, 叫哂新郎, 兄弟排開...跟住一齊唱兒歌, 但又要一路做動作! 我地果次揀左叮當同埋藍精靈, 見到成班大男人係度做埋d 白痴動作都好搞笑!(建議歌曲：浪漫滿屋～三隻小熊)
4. 綴紫菜,叫所有兄弟排成一字,當然新郎要排最尾,揾兩個姊妹,一位拿住紫菜,另一個拿住一隻紙碟,叫兄弟傳到去新郎到,然後放係紙碟,一共九張,意是長長久久,真的效果好好.是全日最好笑.不過今年我改良,用棉花糖,是內裏要有啫哩軟心,當傳到去新郎時叫佢啜咗粒軟心,亦是九粒.個名叫情意綿綿.
5）「大四囍」就係買一副好細既麻將.. 全部放晒入一個盆入面..再加入泠水及冰塊.要兄弟及新郎限時內用腳指夾一副食糊牌出黎..(最有意頭既就緊係夾副大四喜出黎啦)...
6）買一副好細既麻將.. 全部放晒入一個盆入面..再加入泠水及冰塊.要兄弟及新郎限時內用腳指夾"一索" 同"南" 每個兄弟都要夾 => 意思係「一索得男」
7）把新娘的相片貼在牆上 較高位置 , 然後叫新郎錫張相 10-15 吓 , 因為張相放到好高 , 要兄弟抱高新郎 , 眼見新郎好似 "食帶" 咁錫塊牆 , 都好好笑
8）九粒紅色ｍ＆ｍ及其他顏色ｍ＆ｍ，放在碟上，於ｍ＆ｍ上放忌廉／麵粉，新郎及兄弟做掌上壓找出所有紅色ｍ＆ｍ放於另一碟上排成一個心型。
9)有口難言改良板,諗d同結緍有意思的句子,叫兄弟輪流講同估,但是要用不同語言,所以姊妹要控制得好,得閑就要改吓語言,同兄弟的位置,同埋最好要了解吓d兄弟英文,同國語好唔好,尤其如果國語唔好就更加要佢講.分分鐘笑死你.個名我會改NICAM(麗音-英文)??麗音估估吓!!
10.)絲襪吹蠟燭(遊戲天王)
呢個game都好多人玩過,其實都唔需要點介紹,不過我發覺左一樣問題可以令姊妹們唔駛咁麻煩整絲襪網,其實只需要買2-3碼既絲襪網番黎,唔駛整呼拉圈或四方框,只要玩時叫d姊妹們拎住塊絲襪網,每人一邊扯住,d兄弟一埋網時,姊妹同時扯行佢同兜口兜面包住佢地既塊面己經做效果出黎,d兄分或姊妹再係後面禁住個頭,個效果仲好笑,而且比用網框既效果好笑得多,,最大問題既係姊妹們唔駛聯線整框,而且又要唔可以太緊同太鬆,會好時間,所以我建議大家姊妹們唔好整同呢個方法,包滿意~~
11) 食三角朱古力(超三級版)
係女人街買一條大象t-back,買一條三角朱古力,將三角朱古力放落大象鼻位,但大象鼻位個度要剪左個頭佢,等三角朱古力可以放出黎,不過都會係跌落黎的,最好搵條棖巾扎住最後既位置,等佢唔好跌,搞好晒叫新郎哥著住佢,叫兄弟每人用口食一粒三角朱古力,咁呢期興陳冠希淫照,我老公仲扮陳冠希d姿勢,按住兄弟既頭然後影相,d兄弟又合作地扮bobo,埸面笑到碌係度,我知道呢個game好三級,但係連我屋企人都出黎睇,係咁係度笑~
12）「甜蜜蜜」一條絲帶打橫縳係人咁高既地方，每隔1尺縳定一支珍寶珠，（數目約為兄弟人數）每個兄弟除一隻蔑夾係珍寶珠之間，（ｄ穿洞蔑走晒出黎）然後限時要佢地係指定時間”奶”晒ｄ糖。佢地一個二個伸晒利；一時”奶”到糖一時”奶”到自己隻蔑，矮個ｄ又跳跳下咬粒糖，又搵人接力，好有喜劇效果。喻意苦盡甘來
發表於 
返回列表
