吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 真係會一滴奶都冇嗎?

母乳餵哺今日: 0|主題: 85707

收藏本版

回覆發帖

返回列表

跳至頁

樓主: CannieWP

真係會一滴奶都冇嗎? [複製鏈接]

123 4 5

scmtse

男爵府

積分: 9224

21^#

發表於 12-9-1 06:52 |只看該作者

回覆：真係會一滴奶都冇嗎?

奶就一定有，爭在幾時上奶。我未生之前，決定餵人奶，但是認識不多，以為生完就有奶，餵人奶就係生之後頭一個鍾叫BB啜，以後就冇問題。

但係我冇唸過BB會啜損，啜倒又唔清要泵，我唔知要2-3 個鍾叫醒BB食奶，當BB啜唔倒係要泵，所以我到6至7日先見倒有幾滴奶。啱啱開始泵，發覺d奶小到落唔倒樽，浄係個啦叭位，個刻真係喊左出黎。手擠就好小小有多幾滴。

之後上左BK，睇下post，得倒呢度jm鼓勵同支持我亞B已經八個禮拜補過奶粉之外，佢係全人奶。

如果你決定餵我建議最小有一個手泵。你有可能要去街，儲奶，食唔清，損左。樽就幾個看門口。肯努力同堅持一定有奶。

私人傳訊回覆引用

usakumya

男爵府

積分: 6359

認識瑞士牛牛第一回

22^#

發表於 12-9-1 07:34 |只看該作者

關於餵人奶，成日聽到好多奇怪錯誤既觀念

：
１）　"奶量係天生定左係咁多就咁多，唔會變架"
２）　"餵人奶＝開水喉，有奶既話一開就噴出來架啦"
３）　"餵少兩日，比佢食幾餐奶粉唔會死，得閒再餵番囉"
４）　"泵出來得果幾滴/幾ml，餓死B咩"
５）　"你咁瘦，D奶邊有營養"
６）　"餵人奶過左半個月冇營養架啦"
７）　"做咩唔飲奶粉，有營養咁多"
８）　"兩日唔上奶姐係冇奶架啦"

我做過最白痴的一件事就係生完唔埋身係度等上奶

我媽我奶奶同埋一半既姑娘都叫我等下，冇咁快上奶....
而我認識既1/3人都同我講"係架，兩日上唔到奶即是冇奶，要餵奶粉架啦"
後來先意識到當時的我是幾咁無知

我明白有D人真是天生富媽媽未生已滴奶..........
但我地天生窮媽媽真係唔代表會冇架wo!!!!
我地係冇d富媽媽餵得咁順利，但只要我地勤力ｄ埋身，真係可以追得番佢地架wo

我覺得用"上奶"呢個term其實真係好唔貼切
冇話咩上唔上奶架?!
係bb有需求，你有output,身體知你有demand咪比多d supply咁姐
你完全唔埋身，你身體又點知你個b食幾多
初初生完比個b啜，咁佢啜得多，身體知佢需要咪再造多d出來囉....

總括來講都是教育不足同埋奶粉廣告洗腦既錯
甚至有人驚訝點解BB要飲人奶而唔係飲奶粉，佢地已覺得奶粉=ＢＢ唯一食物

七個月成功從全奶粉轉為全人奶，nothing is impossible！
get rid of formula, normalize breastfeeding

私人傳訊回覆引用

Joelung

大宅

積分: 1457

23^#

發表於 12-9-1 07:59 |只看該作者

回覆：真係會一滴奶都冇嗎

我睇過一篇報紙的專題講母乳餵哺，作者講左一句，我覺得佢講得好好。佢話好多媽媽無餵人奶的原因係，因為自己無奶或者唔夠奶，但其實無奶/唔夠奶係果唔係因。
我第一胎，生之前諗住餵人奶，但開頭我只係本著餵到就餵的心情，無乜點做功課，只係聽過一位成功餵人奶的媽媽朋友講左一句話唔會無奶架，如果真係無奶咁以前啲人食咩呀! 我當時覺得好有道理，於是深信不疑。後來再上網睇多左母乳餵哺的知識，知道係deman supply，更加相信母乳。到生完但又未上奶的時候，心情都幾down，不斷自己remind自己demand supply demand supply，唔會無奶唔會無奶。我仲記得出醫返到屋企用手擠奶只得10ml滴滴仔，我心裡都好爭扎，又remind自己唔會無奶唔會無奶，又繼續密密埋身，密密揼。終於出院第三日揼到160ml，開心到傻左。開頭乜都唔識，日日都要去健康院求救，每兩個鐘就要餵一次，每次餵完掃埋風搞掂曬都成大半個鐘，之後又要用手擠清，根本無時間休息，其實都好辛苦，所以我開頭每日都想放棄，每個月都同自己講餵埋今個月，下個月食奶粉，但每次都堅持無放棄，每個月都話再下個月先轉啦，就係咁餵吓餵吓5個幾月啦。憑著一個信字，相信母乳，相信自己，相信母體的奧妙。身邊好多媽媽朋友知道我一直都仲全人奶都話好勁呀，我會話一啲都唔勁，每個媽媽都有呢個能力，只係你信定唔信。用正確的方法，相信自己努力堅持到底就一定會成功。

點評

usakumya 好認同啊！發表於 12-9-1 08:12

私人傳訊回覆引用

Cheetos

男爵府

積分: 9689

24^#

發表於 12-9-1 11:51 |只看該作者

引用：Quote:yan101011+發表於+12-8-31+23:36+我

原帖由 skmami 於 12-09-01 發表
初初我都你好似你咁諗
點有新鮮 ge 唔食要食雪藏野??
只要埋身餵得密 d, 上奶應該冇難度

同我諗法一樣，有新鮮梗係食新鮮，但有時一定要有雪奶或冰奶做儲備架，因為我有媽媽手要去做物理治療，一去幾個鐘，如果屋企冇奶，阿B就要食奶粉

私人傳訊回覆引用

Cheetos

男爵府

積分: 9689

25^#

發表於 12-9-1 11:54 |只看該作者

引用：回覆+CannieWP+的帖子仲有呀,+有機會bb唔

原帖由草於 12-09-01 發表
回覆 CannieWP 的帖子

仲有呀, 有機會bb唔識啜, 咁就要泵, 不過唔好放棄教佢埋身. 我大女都用左兩個月先學 ...

講得好啱，萬事起頭難，加油呀

私人傳訊回覆引用

jelly208

男爵府

積分: 7154

畀面勳章

26^#

發表於 12-9-1 13:21 |只看該作者

回覆：真係會一滴奶都冇嗎

若果有朋友肯借泵俾你, 都可以唔洗買住既。
但未必朋友既泵啱你用。
我身邊無人餵得成功, 只係上嚟呢度睇留言和睇'母乳最好'呢本書。
朋友借我avent手泵備用, 結果我囡唔識啜加其他原因, 我買單電泵回來。
到目前, 我已經做咗全泵媽9個半月喇。
要做到, 首先要有信心, 恒心, 唔可以懶。
唔好話半夜要瞓先夠休息, 又話驚坐月唔好, 不停俾借口自己。
我哋呢度好多媽媽都走過同一段路, 一瞓4,5個鐘, 但換來最好的俾bb。
只要過咗2,3個月, 就漸上軌道。
過埋6個月就好輕鬆。

我囡全人奶9個月, 暫未試過因病瞓醫生食藥。
每次作病/ 初起感冒, 飲完奶, 自動出冷汗, 瞓多兩覺就好番。

私人傳訊回覆引用

jelly208

男爵府

積分: 7154

畀面勳章

27^#

發表於 12-9-1 13:31 |只看該作者

回覆：真係會一滴奶都冇嗎

仲有, 唔啜唔上奶架。
我哋係外國生b, bb 出世, 上房第一件事, 埋身餵奶, 姑娘會話啜到離口為止。結果啜咗成個鐘, 但換來第二晚就上奶變石頭。
千期唔好懶, 話生完好攰要瞓吓, 2-3個鐘, 換片餵奶係滿月前必定要做的。
攰可以泵出嚟俾屋企人餵和換片。
我最常聽朋友講, 無奶咪無餵囉。
但問真啲, 原來怕bb食無定時, 自己無得瞓。結果因為餵/ 泵次數少, 所以慢慢快奶。

私人傳訊回覆引用

CannieWP

男爵府

積分: 9930

28^#

發表於 12-9-1 17:07 |只看該作者

wendy333 發表於 12-9-1 06:26
係架,乜都慳返,我自己就剩係買佐2大2細奶樽,最后只係個細樽用佐幾次,其他乜都冇買，提提你,乳墊一定要買,頭 ...

聽你咁講, 我就唔買暖奶器啦, 寧願要用時先叫老公去買, 你咁少用個樽, 但每次用完都要消毒咪即係每次消毒一個囉

, 我想請教你呀, 有冇邊隻乳墊比較好用呀? 初期又應該買定幾多好呢?

我會好畀心機架, 個個都認為我冇可能, 就係咁我先唔想衰

私人傳訊回覆引用

CannieWP

男爵府

積分: 9930

29^#

發表於 12-9-1 17:18 |只看該作者

scmtse 發表於 12-9-1 06:52
奶就一定有，爭在幾時上奶。我未生之前，決定餵人奶，但是認識不多，以為生完就有奶，餵人奶就係生之後頭一 ...

其實老公都叫我買電泵, 但手泵同電泵個價都差幾遠, 所以諗住買個手泵睇下點先, 之後再睇下阿B埋身埋得好唔好, 同埋環境許可問題先再買電泵

,
我完全冇經驗呀, 而家只係諗住到住靠老公同陪月, 一個整野我食, 睇住阿B, 一個就每兩個鐘整醒我餵奶同幫手做家務, 希望頭一個月可以順順利利啦

,
我想請教你呀, 兩個鐘食一奶呢個情況會維持幾耐架? 大概咩時候會開始戒夜奶架?

私人傳訊回覆引用

CannieWP

男爵府

積分: 9930

30^#

發表於 12-9-1 17:39 |只看該作者

usakumya 發表於 12-9-1 07:34
關於餵人奶，成日聽到好多奇怪錯誤既觀念：
１）　"奶量係天生定左係咁多就咁多，唔會變架"
２） ...

就係D人畀廣告洗左腦, 跟住又好似你咁講冇人識教, 所以我同老公身邊D親戚朋友全部都係奶粉媽, 得一個餵半人奶, 個個走黎嚇我話會冇奶, 講到呢D係天生問題, 冇係係正常, 有係好彩, 甚至係奇蹟咁

, 攪到我D自信冇晒之餘, 仲開始傻到係度諗係唔係真係有咁多人會冇奶

,
有人驚訝點解BB要飲人奶而唔係飲奶粉，佢地已覺得奶粉=ＢＢ唯一食物<<< 呢個我都有聽過, 甚至有人覺得人奶不合時而, 污糟同唔大體, 我真係好唔明人唔飲人奶, 咁唔通牛又唔飲牛奶? 狗又唔飲狗奶? 日本果D一級和牛又話聽音樂又話要按摩咁, 但我未聽過D牛飲奶粉啵, 奶粉咁好營養點解日本仔又畀D牛飲呢?

你呢個供求問題我完全明白呀, 就等如D人跑步未到終點已經可以叫救命離場, 但如果肯努力咁堅持到終點, 試得幾次, 身體就會明白供不應求, 跟住肌肉同體力方面就會開始有所特破, 我做開運動都係咁架, 身體唔受下壓力係唔識進步架

, 所以我會好好努力

. 多謝你

私人傳訊回覆引用

CannieWP

男爵府

積分: 9930

31^#

發表於 12-9-1 17:56 |只看該作者

Joelung 發表於 12-9-1 07:59
我睇過一篇報紙的專題講母乳餵哺，作者講左一句，我覺得佢講得好好。佢話好多媽媽無餵人奶的原因係，因為自 ...

我真係好大決心架, 所以一話結婚未有BB就已經上黎睇各位人奶媽既分享, 一直都覺得自己一定得, 仲諗住奶粉都唔買, 但無奈身邊個個都係奶粉媽, 仲成日嚇我, 又話唔係個個都咁好彩, 叫我買定奶粉, 餵到就餵, 聽多左之後我就開始諗....唔通呢度D媽媽都咁好彩, 會唔會真係有人係冇架

,
而家再睇返個個媽媽都話肯努力就會有, 咁即係有人唔努力, 然後就搵籍口, 再散播謠言黎製造恐慌啦, 激死人啦

, 既然係咁, 我唔會衰畀人睇架,
多謝你呀, 我會好好努力, 希望有日都可以好自豪咁上黎同大家講聲"我係人奶媽"啦

私人傳訊回覆引用

CannieWP

男爵府

積分: 9930

32^#

發表於 12-9-1 18:06 |只看該作者

Cheetos 發表於 12-9-1 11:51
同我諗法一樣，有新鮮梗係食新鮮，但有時一定要有雪奶或冰奶做儲備架，因為我有媽媽手要去做物理治療，一去 ...

照你咁講我都係買定個手泵, 有備無患啦

, 咁係唔係如果可以順利埋身餵, 都最好盡能力泵多一樽做後備呢? 我見到有媽媽用唔晒會拎畀BB沖涼架, 我都好想沖人奶浴呀

講開冰奶, 我想問呀, 我見好多媽媽都有一袋袋既, 咁要食既時侯係唔係要解左凍, 倒入奶樽, 再座暖架? 咁咪要成個鍾前準備? 係街咪一定要食新鮮囉?

多謝你既解答

私人傳訊回覆引用

CannieWP

男爵府

積分: 9930

33^#

發表於 12-9-1 18:18 |只看該作者

jelly208 發表於 12-9-1 13:21
若果有朋友肯借泵俾你, 都可以唔洗買住既。
但未必朋友既泵啱你用。
我身邊無人餵得成功, 只係上嚟呢度睇留 ...

我都想買avent既泵, 本來想買電, 畀人嚇完話唔一定有奶買黎會浪費, 咁就想轉買手泵,
我本來都冇諗住搵陪月, 但見到個個媽媽都話兩個鐘餵一次, 我驚自己冇得訓之餘仲冇野好食會唔上奶, 所以就決定請一個月, 起碼有多個人幫手, 冇得訓唔係問題, 因為決定左要做人奶媽, 就已經預左呢點, 只要到時到侯有野畀我食, 有人幫手睇住阿B, 我就可以專心玩人奶

私人傳訊回覆引用

CannieWP

男爵府

積分: 9930

34^#

發表於 12-9-1 18:24 |只看該作者

jelly208 發表於 12-9-1 13:31
仲有, 唔啜唔上奶架。
我哋係外國生b, bb 出世, 上房第一件事, 埋身餵奶, 姑娘會話啜到離口為止。結果啜咗 ...

我係香港政府醫院生呀, 唔知會唔會即刻畀我試餵呢? 如果啜完成個鐘之後換黎可以第二日就上奶, 我寧願辛苦多一個鐘, 都唔想好似其他人咁講, 成個星期都冇奶,

聽人講要飲多D魚湯, 唔知生前一個月飲定, 打好個底先, 會唔會快D有奶呢

私人傳訊回覆引用

wendy333

男爵府

積分: 7148

35^#

發表於 12-9-1 18:41 |只看該作者

引用：Quote:wendy333+發表於+12-9-1+06:26+係架,

原帖由 CannieWP 於 12-09-01 發表
聽你咁講, 我就唔買暖奶器啦, 寧願要用時先叫老公去買, 你咁少用個樽, 但每次用完都要消毒咪即係每次消毒 ...

我個奶樽係初初未上奶時用嚟補奶粉,用完2個先一齊烚,不過如果可以最好都係避免補粉,因為驚BB食完奶樽唔肯埋身,而且奶粉係甜好多架,如果一定要補粉都要俾BB埋身啜完成好補呀,乳墊我用緊Pigeon，幾好用又平D，俾D動力你,附上肥米奇照片一張

私人傳訊回覆引用

CannieWP

男爵府

積分: 9930

36^#

發表於 12-9-1 18:56 |只看該作者

wendy333 發表於 12-9-1 18:41
我個奶樽係初初未上奶時用嚟補奶粉,用完2個先一齊烚,不過如果可以最好都係避免補粉,因為驚BB食完奶樽唔肯埋 ...

好肥美既脾脾呀,

三個幾月都紮實下喎, 都唔似D人講到咁瘦咁陰功丫, 見到你個B攪到我真係好想快D生, 快D見到佢就好啦

,
我個陪月話如果我唔上奶就會補奶粉, 我都見到有D媽媽同你講既一樣, 話奶粉好甜同好濟, 怕BB食過就唔肯食人奶, 又怕乳頭混淆, 其實頭3日唔上奶都唔補奶粉得唔得呢? 會唔會餓到瘦晒架, 我唔想畀奶粉阿B食呀

我想買兩大兩細奶樽, 再加多個消毒蒸汽煲就算啦, 明天之之島感謝日就去買啦

私人傳訊回覆引用

scmtse

男爵府

積分: 9224

37^#

發表於 12-9-1 19:13 |只看該作者

引用：Quote:scmtse+發表於+12-9-1+06:52+奶就一

原帖由 CannieWP 於 12-09-01 發表
其實老公都叫我買電泵, 但手泵同電泵個價都差幾遠, 所以諗住買個手泵睇下點先, 之後再睇下阿B埋身埋得好唔 ...

我未生之前買左個avent 電加手二合一泵，點知亞B每次啜完又要泵，但係我用左avent 一日，覺得好痛，同唔鍾意個design所以即刻叫c6買個Medela。用左兩個月覺得單泵太慢又買多個雙泵....所以生之前睇定，生左先決定買邊隻電泵，因為d泵都好貴。

其實都唔知兩個鍾要餵，啱啱生亞B成日訓，我唔叫醒連奶都唔食。所以建議每二至三個鍾叫醒啜，啜得密上奶都快d。我個時係醫院五日，唔知要叫醒，又以為要餵個時姑娘會提我，所以有時四個鍾先啜，又唔知亞B啜得唔啱，好快就損唒。因為我亞B唔喊，所以最尾我只係每三小時叫醒一次。之後返到屋企，亞B識喊，有時兩個鍾有時三個就食。大約做左兩個禮拜變三個至三個半。依家八個禮拜就三個半至四個。夜晚五至六個。每晚5至9點，有時要兩個。每個B唔同，生左就知。我知道有d每一個半鍾