mushroomcat821 發表於 13-1-22 23:35
1980年,爸爸媽媽同亞嫲帶住我兩個姐姐一個哥哥由鄉下來到香港,1981年,我出世了,一家7口住紅磡板間房,嗰個年代有好多新移民,但佢地每個都係來香港勤力搵錢,爸媽嫲三個都早出晚歸,照顧我地既大任落於大家姐身上,嗰時大家姐都不過九歲,到我五歲,經過爸媽日夜OT加死慳死抵,我地就可以買居屋了,但為左要供樓及養育我地四個,爸媽一樣早出晚歸,我嫲就12-8返工,照顧我地一樣係大家姐,我大家姐落來香港時一隻廣東話都唔識,那時佢讀4年班,到6年班佢就考全級第一,入左好TOP既協恩中學,佢讀中學時,放學就返來照顧我地,到嫲返來,佢就去幫人補習,到大學,佢考入港大,讀完大學,佢決定出來做野減輕爸媽負擔,但仲兼職讀埋碩士!喺嗰個年代,好多新移民都同我地屋企一樣,爸媽努力揾錢,小朋友努力讀書,希望將來出人頭地!從來冇人睇唔起佢地!
而家既新移民:我地唔係歧視你地,但今時今日你地來香港係唔做野攞綜緩仲口口聲聲話香港人歧視你地兼政府忽略你地,你地真係橫蠻無理!唔好同我講而家年代唔同,有手有腳有心,唔會大富大貴都絕對唔會餓親你,你地而家既情形等如有人去你屋企作客,每日淨係識攤喺度又唔比租又唔幫手做家事仲日日嫌你屋企飯餸差,咁你會點諗?
我相信好多香港人唔係歧視你地既國籍,係你地既行為,如果你地對香港有貢獻,我一樣尊重你!
發表於 
講得好！
返回列表
