本帖最後由 rose-mag 於 16-2-16 22:25 編輯
olimo 發表於 16-2-16 21:28 
你真係好記性，我現在是小學教師，在香港教得好辛苦。想去到美國做普通文職就算數，但又怕文職收入少。
我 ...
語言係基本，學好中文同英文冇錯架，大不了由頭開始，識講英文冇死錯人，學好中文係裝備自己。我中文叫做幾好，打中文又OK，而家我幫學校做義務翻譯，校長同家長會同我講，叫我收番錢做，我唔肯收，我話當係volunteer幫學校。我網上讀過一D文章講，唔好睇少義工，隨時你嘅事業都係咁開始都唔定，而且小朋友成長有家長去學校做義工係好重要，小朋友見到父母去做義工，對學校會有更多歸屬感，會學習得更開心，呢個星期五我老公會去學校表演，一年一次，學校好重視，因為唔係人人肯做，又牽涉到好多人，上年仔女好開心，因為個個都認得我老公係我仔女爸爸，我又去影相，幫手做跑腿，小朋友開心就夠。
你如果唔介意會搵得少D，其實做個寫字樓秘書或者叫administrative assistant or office manager都唔會冇，但真係可能唔多錢。小學助教都要有教學文憑，呢邊好多行業都要年年上堂考CE，保住個牌，我見仔女學校老師唔易做，但算係開心工，中學就難講，小學係有D怪獸家長啫。人到中年適應係會難D，隨遇而安啦，我嚟咗十二年，而家人工至追番以前，但講緊係我十二年前賺嘅，如果唔移民唔離職又點只呢個數？我同朋友講起，佢地都驚訝點解我會嚟，但其實好多嘢唔係錢可以衡量，我而家有仔女有老公，比上不足，比下有餘，係生活唔似以前咁無牽無掛自由自在，但要我揀的話，我都會揀番而家。
花旗太太生活在花旗國，留意時差，你問我未必即時答到。
發表於 
喺度同大家一齊等，一齊分享吓好開心
返回列表
