Lulu0820 發表於 23-3-11 22:25 
男主角做得好！
女主我就覺得只係合格，佢啲喊戲好唔得....
陳星旭今次吐氣揚眉，兩個有琴加三個神識，神情、聲音都有分別，唯一係三個神識同場有幾個鏡頭下動作同神態有少少一樣，不過本身要扮身邊有人同場演對手戲已經好難，仲要身份係同一個自己分拆出嚟，陳星旭呢套演技好有進步，雖然當初俾人話把聲唔得，但對比李蘭迪，佢台辭功力好好多，睇住夜曇要死同死後幾場喊到淚流滿面，情緒好到，反而男二就差好多。
李蘭迪有時講嘢一舊舊，前段頑皮少拽演得幾可愛，但後面演黑化就唔係好得，不過佢個角色本身係心地善良，黑化都係一時難過走唔到出嚟，所以黑化得嚟得個殼都講得通，而且佢修為真係冇可能及得上修練上千年嘅玄商神君。
全劇最可憐係蘇梔/胡荽，得番一魄，艱苦修練成仙，一心可以取得神燈以為可以復活族人，點知天君實在太卑鄙冷血，最後萬念俱灰，想四界陪葬，可以理解，佢其實都係好人，幾次見到雙生花生活得好，想放棄利用佢地，但到頭來原本一直都係空想。
呢套劇男女演員都顏值好演技OK，幾對CP都好睇，連天后、獸后、雪妃、沉淵皇后等都唔錯，有辨識度，蛇族聖女應該去整下牙，佢哨牙影響嘴型，遮住個嘴，佢算好樣，又有型格，但見到佢個嘴就出戲。男演員以獸族皇子最靚仔，同紫蕪幾襯，青蘅斯斯文文，陳星旭就生得老成D，但佢演到有琴果種傻傻地宅男款，修歸墟又武力值高。
花旗太太生活在花旗國，留意時差，你問我未必即時答到。
發表於 
返回列表
