吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 14|主題: 16124

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

19 202122 23...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

401^#

發表於 12-6-1 09:29 |只看該作者

關仁隱事：大婆台放棄奧運唔益人

大婆台個姐姐仔選舉已經展開，今年搵到個好嘅贊助商，所以外景地點去到倫敦咁遠，話晒今年係奧運年，應該都有好多景點可以介紹吓。不過，呢個只係我哋一般人嘅正常諗法，原來做老細嘅諗嘢方式係完全唔同，聽聞大婆台班新老細已經落咗柯打，話明拍外景時唔可以拍到同奧運有關嘅嘢，奧運係世界大事喎，少少都唔提咁奇？仲要刻意避開？原因係今屆奧運嘅播映權俾另一間電視台獨家買咗，所以大婆台咪唔想喺自己嘅盛事裏面幫咗人哋電視台宣傳囉。

TBB

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

402^#

發表於 12-6-3 17:20 |只看該作者

關仁隱事：「扮型」口賤被喊打

「扮型」當年犯事搞到一身蟻，事業形象差啲毀於一旦，之後佢轉戰內地創業，估唔到又畀佢翻生，搵錢搵到唔停手，同「忽得妹」結婚又離婚後，扮型都由以前反叛性格變得好親民，同傳媒關係仲好咗好多，見到以前班記者，扮型冇黑起塊面，反而有講有笑，好似之前佢見到班睇住佢大嘅記者時，好抵死叫班記者做 auntie，搞到班記者即時起哄唔肯認做 auntie，但扮型繼續笑笑口叫，成班記者即刻還擊追打佢，搞到經理人都要撲出嚟護佢走人。

「扮型」= 停風
「忽得妹」= PG

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

403^#

發表於 12-6-3 17:23 |只看該作者

關仁隱事：「碌齡老婆」諗計幫夫

近日城中熱門話題，都非「碌齡」老婆同「蒲精」，當年同「伸直」嘅慾照流出，家兩位女當事人都將矛頭指向伸直，覺得係佢放料嚟自我宣傳，但伸直堅持冇爆料，仲話佢同碌齡老婆當年都有 post過呢啲相上網。無論啲相點流出嚟，幾位當事人的確多咗好多見報率，關仁聽蒲界朋友講，原來當年碌齡老婆都諗過向傳媒放呢批相，希望為嗰時知名度唔高嘅老公搞吓新聞，不過最後打消念頭，點知事隔幾年就爆出嚟，其實碌齡有個咁為自己嘅老婆，佢唔好再怪之前嘅事，反而慶幸娶到佢至真。

「碌齡」= 6永
「蒲精」= Raina
「伸直」= 曲尺

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

404^#

發表於 12-6-3 17:25 |只看該作者

關仁隱事：「快喼」為錢唔顧友情

由電影跳去時尚嘅影后「快喼」，雖然仲係大星級數，但對傳媒嘅吸引力大不如前，皆因冇作品、冇新聞，人氣不停跌。快喼近日喺內地大活動，首次回應傳咗好耐嘅甩拖傳言，成功喺大批國際 A級明星中，出番一次風頭。關仁八到其實快喼本來前一晚去撐舊愛品牌，仲一早應承咗做 DJ，話要打碟一齊玩。不過，計過度過，見到記者點都要講感情事，兩單活動一比較，國際性自然好啲，一個係友情，一個係大大嚿錢，權衡之下，快喼都係要錢要 face，講感情都係下次先。

「快喼」= 曼玉

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

405^#

發表於 12-6-4 10:22 |只看該作者

關仁隱事：「躁狂影帝」「小雷公」割席

「躁狂影帝」原本同內地紅星「小雷公」好鬼老友，因為小雷公人前人後都讚佢演技出色，要跟躁狂影帝好好學習，到佢好鬼開心，所以一直好幫小雷公進軍香港市場，又引薦畀「雪茄導演」，點知有一次終於發現小雷公係一個口不對心嘅人，有次喺內地佢兩個又有機會合作拍戲，小雷公同助手搭電梯時，大大聲咁話躁狂影帝戲屎，同佢合作肯定俾佢壓得死，小雷公冇諗到電梯入面有躁狂影帝個內地助手，後來個助手梗係一五一十報告晒畀影帝知，搞到佢嬲爆，從此開始疏遠小雷公啦！

「躁狂影帝」= 秋生
「小雷公」= 孫紅雷
「雪茄導演」= 杜其峰

很想知道，追夢的人是如何踏出第一步?

私人傳訊

carol_c

洋房

積分: 76

406^#

發表於 12-6-4 18:50 |只看該作者

睇呢個post既人都好八卦, but me too

點評

connielamyee

發表於 12-6-8 14:23

hoiching930

發表於 12-6-5 14:00

siu_to me four... 發表於 12-6-5 10:35

bb123321 Me three

發表於 12-6-4 23:45

22May

係架!! 發表於 12-6-4 23:36

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

407^#

發表於 12-6-5 09:25 |只看該作者

關仁隱事：「山珍」瘋狂劈價搶工作

好多姐仔都北上搵人仔，仲賺到笑晒口，不過「山珍」就慘，患咗個怪病，仲不時復發，本來佢喺內地好搶手，話晒佢係當年一姐，演技仲唔差，喺內地叫價都好高。不過，自從佢患怪病後，好少人敢搵佢拍劇，因為萬一怪病復發，佢起碼要停工半年，而且身體亦唔可以再咁操勞。近年山珍喺內地只好轉攻廣告同出席活動，價錢壓到去三、四線嘅港星價，佢仲四圍減價搶廣告，最近有個內地護膚品廣告搵咗個香港女星拍，女星開價40萬，山珍收到風，竟然開8萬去搶，廣告商梗係揀山珍啦。

「山珍」= 周海味

點評

girlbear 紅斑狼瘡呀發表於 12-6-5 14:53

siu_to 唔知係咩病呢? 發表於 12-6-5 10:35

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

408^#

發表於 12-6-6 09:53 |只看該作者

關仁隱事：「木獨」匿喺房改衫

樂壇夫婦「木獨」同「吱喳」結咗婚好多年，雖然外間成日話佢哋婚姻有問題，但其實年紀大咗，感情慢慢細水長流啫，又唔一定有問題。不過佢哋嘅性格完全唔同就肯定嘅，吱喳活躍朋友又多，木獨就真係木木獨獨，嘢都唔講多句，經常留喺屋企，就連吱喳招呼朋友返屋企食飯吹水，如果唔熟，木獨喺屋企都唔會蒲頭，但如果老婆嘅朋友見下都無妨嘅，木獨都會出嚟打個招呼傾幾句。原來木獨好鍾意匿喺房裏面係做針黹，自己將啲衫左改右改，呢個係木獨嘅嗜好嚟㗎，所以佢哋唔算感情有問題，只係畀好多空間對方啫。

「木獨」= 林子祥?
「吱喳」= 葉倩文?

點評

jackymum 我都係以為係偉仔, 加0, 估錯左添...^^ 發表於 12-6-11 11:54

chungandlam 我以為係偉仔同打令潻！發表於 12-6-8 12:22

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

409^#

發表於 12-6-7 09:38 |只看該作者

關仁隱事：「福祿壽」不問自取唔認數

多年嚟同學生打成一片嘅電台主持「福祿壽」，人緣好似好好，但其實佢份人相當霸道，仲霸道到辣㷫咗電視台小生「你咁紅」個 DJ老婆「冇乜謂」。話說福祿壽同冇乜謂都加盟咗「大餅」個電台，本來兩個人唔同節目時段，應該係河水不犯井水，但有日福祿壽返工，發現自己唔夠 CD用，佢知道冇乜謂喺公司個櫃桶好多 CD，竟然叫人撬開冇乜謂個櫃桶攞佢啲 CD用，冇乜謂發現之後即刻打電話狂鬧福祿壽，話佢借嘢前應該同人講聲。不過，福祿壽死口唔認自己係主腦，仲老屈係工作人員自把自為。

「福祿壽」= 麥sir
「你咁紅」= 陳錦紅
「冇乜謂」= 杜文謂
「大餅」= 大班

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

410^#

發表於 12-6-8 09:23 |只看該作者

關仁隱事：「膠面人」硬樣被讚尷尬

家啲明星為咗令靚樣五十年不變，都會選擇去打 botox，嚴格嚟講唔算整容，因為起碼認得個樣，不過久而久之個樣會變硬，五官郁唔到。好似出道幾十年嘅型格小生「膠面人」咁，之前關仁喺中環撞到膠面人同老婆「朱圓」行街，有個小影迷搵膠面人合照，猛讚佢好靚仔，又問點解咁多年都保養得咁好，笑嘅時候一條魚尾紋都冇，跟住小影迷眼神一轉望到旁邊嘅朱圓，見佢年紀應該細過膠面人，但個樣好似家姐咁款，立即收聲讚唔落口，當時氣氛好尷尬，膠面人好快咁同小影迷影張相就打發佢走。

「膠面人」= 黎耀祥
「朱圓」= Julia

點評

雪菜肉c 我諗住係CHＸLAＸ＋靚Ｘ　ＯＲ　宇宙最強同佢老婆發表於 12-6-12 15:16

bb123321 你真係叻

! 我成日估唔到!! 發表於 12-6-8 11:07

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

411^#

發表於 12-6-11 11:05 |只看該作者

關仁隱事：「俾錢圍」半夜急召索女陪

一向做幕後嘅「俾錢圍」之前喺三色台已經做到響晒朵，佢當然識到唔少明星朋友，近年佢仲外闖拍電影。雖然俾錢圍唔算係乜嘢大紅人，但依然有唔少奀星索女鍾意黐住佢，因為俾錢圍八足咁多爪，人面夠廣，啲人咪想黐住佢睇吓有冇嘢撈囉。

逆來順受
有索女自動埋身，俾錢圍梗係來者不拒啦，聽聞一向鍾意夜蒲嘅佢，好鍾意半夜三更玩到興起，就突然 call啲想靠佢出位嘅索女出嚟玩，雖然有啲女同佢哋身邊嘅工作人員都係百般不願，但為咗有機會出位，啲女仔都只好逆來順受。

「俾錢圍」= $國偉

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

412^#

發表於 12-6-11 11:06 |只看該作者

關仁隱事：「打令」無懼剝光豬影相

前排搞到滿城風雨嘅男星裸照風波，有消息話靚仔「打令」都有影過裸照，記者當然要問番佢嘅回應，佢初初就黑口黑面，但最後又要扮大方回應。其實打令初出道係做模特兒，關仁聽過佢當年試過影一輯扮全裸、只係遮住重要部位嘅時裝相，佢真係提出話就咁用手遮住就算，最後有關方面都安排佢着 T-back上陣。

「打令」= Daniel吳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

413^#

發表於 12-6-11 11:07 |只看該作者

關仁隱事：「大鳥」獵女得手四圍唱

小生「大鳥」由二奶台過檔到大婆台後，發展認真唔錯，佢好珍惜工作機會，好少搞緋聞。不過，關仁八到大鳥中學時係媾女王，有次大鳥仲同啲同學仔打賭，要追一個校花，結果憑大鳥嘅靚仔樣同口才，自然好易得手。不過，大鳥得手之後就喺啲同學面前吹噓自己點勁點勁，關仁真係睇唔過眼佢呢啲完唱嘅行為。

「大鳥」= X展鵬

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

414^#

發表於 12-6-11 11:10 |只看該作者

關仁隱事：「天使」插「大餅」關照「絲毫」

「天使」早排同「大餅」炒大鑊，話大餅無端端炒佢魷魚，由於天使四圍唱衰大餅，激到大餅好㷫，即刻喺自己地頭開咪鬧足天使半粒鐘，聽聞導火線除咗大餅唔要佢之外，原來亦同經常做嚇人節目主持嘅「絲毫」有關。話說大餅有日同絲毫喺房傾緊減人工，天使就坐喺大餅間房門口等住入去同大餅講數，天使聽到大餅要絲毫減人工，但絲毫拍晒心口話嚟緊一年嘅廣告費可以全部搵得番，大餅於是答應唔減佢住，到天使同大餅傾嗰陣，大餅就冇面畀冇人情講，仲變晒面口，天使咪㷫到發癲喪插大餅大細超囉。

「天使」= 涼安琪
「大餅」= 大班
「絲毫」= 涼C浩

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

415^#

發表於 12-6-12 09:17 |只看該作者

關仁隱事：「拍烏蠅」影衰名牌

「拍烏蠅」自從幾部影畫戲都仆直之後，被封為賣飛仔毒后，人貴自知面子亦唔係成本，所以一直以來對記者黑口黑面冇句好口嘅拍烏蠅都要轉死性，見到記者都笑容滿面。不過桐油缸始終裝桐油，表面上改變只係門面功夫，話說佢之前去到西多士國做活動，好多服裝品牌見話晒都係大星，所以都主動話借衫畀佢着出嚟威。點知拍烏蠅又唔肯試身，臨時臨急先叫人去改，仲要唔理人意見自己亂咁配搭，最後搞到劣評如潮，名牌着喺佢身好似變咗 MK、廟街貨咁。你着得醜唔緊要，俾人以為件品牌唔得就慘，所以好多名牌都已經將佢列入黑名單，話明以後拍烏蠅借衫冇商量。

「拍烏蠅」= 張拍g

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

416^#

發表於 12-6-13 09:27 |只看該作者

關仁隱事：「海龜」提舊事變敏感

正所謂英雄莫問出處，家喺內地吃得開嘅藝人，好多以前喺香港都係唔起眼嘅配角，好似「海龜」咁，雖然個樣唔同晒，但喺內地發展得唔錯，又有個一線女星女友。之前喺三色台海龜最多只係做二線，所以當你喺佢哋面前提番以前嘅嘢時，就變得好敏感。
話說海龜有次宣傳，見番啲香港傳媒，以前同香港傳媒關係唔錯，今次見番面自然有傾有講，咁啱嗰排三色台重播佢有份做嘅劇集《真誠》，喺佢面前提吓，點知海龜即刻好敏感問佢哋講乜，人哋只係講個劇仲播緊啫，使乜咁緊張，唔知佢係驚人哋發現佢個樣唔同咗，定係怕俾人話佢以前係奀星？

「海龜」= 劉海威
《真誠》= 真情

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

417^#

發表於 12-6-14 09:18 |只看該作者

關仁隱事：「奇子餅」廉價搶騷做

「奇子餅」出道時，大家都以為佢一定嫁金龜，佢阿媽更加望女成鳳凰，但呢個世界好多嘢，人算不如天算，奇子餅唔單止冇一個男友係金龜，仲俾男友搞到一身債，話說佢嘅前度好食懶飛，奇子餅成日倒貼養男友，仲要幫男友還債，經理人知道佢嘅苦況，每個廣告商搵旗下藝人拍廣告，都推薦奇子餅，仲畀同級數嘅女藝人平價百分之四十，搞到好多女藝人已經唔妥佢。而新嗰位男友仲衰，搞大咗佢個肚，仲着埋草走佬，唔使講，奇子餅被迫將身價再壓低兩成，以接近新人價搶飯碗，搞到佢越嚟越冇 friend，相信連佢自己都估唔到有今日。

「奇子餅」= 羊CK

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

418^#

發表於 12-6-15 09:29 |只看該作者

關仁隱事：「小妖」瞓獻吻冧「肥導」

嗰套專講去夜場喪玩喪蒲嘅電影早排密密開工，最 happy當然係「肥導」，每日都有幾十條索女傍住，但就令佢女友「生果」好憂心！生果同關仁呻到樹葉都落埋，話好多女埋男友身，尤其係嗰個日本妹「小妖」。生果話小妖以前同肥導出埠拍嘢時，已經成日自動獻身，每晚臨瞓前都會敲門兼送 goodnight kiss，今次套新戲又有小妖份，生果梗係要監場日日實。最令生果睇唔順眼嘅係小妖把聲高八度，佢又識講廣東話，把聲仲咁嬌嗲，係男人聽到都腳軟，搞到生果每日返屋企都要哦吓男友，等佢唔好咁易出軌。

「肥導」= $國偉
「生果」= 味之天使陳宛蔚
「小妖」= ?? 0靚模唔識

點評

girlbear 「小妖」= 日模松岡李那發表於 12-6-15 15:29

IgnatiusWong 上次唔係話9姑娘咩,所以臨時換人吖嘛

發表於 12-6-15 14:20

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

419^#

發表於 12-6-18 09:25 |只看該作者

關仁隱事：濫藥神子飯局 High爆

神子同壯男當年合作孖住出碟，初初個走勢都幾好，但點知紅咗一、兩年開始走下坡，之後各有各做，組合個名都係名存實亡。但係點知去年神子同壯男合體一齊演出，觀眾反應好好，佢哋當然食住個勢再開騷，希望有番作為。

回頭是岸
關仁覺得其實神子同壯男當年嘅歌都幾好聽，幾有前途，不過記得曾經有次佢哋經理人約壯男出嚟同傳媒飯敍，但佢好明顯唔知食咗乜 high爆，魂魄唔齊九唔搭八，後生仔總係有行差踏錯嘅時候，好彩神子識得回頭是岸，家都未算遲。

神子 = 天佑
壯男 = 又南

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

420^#

發表於 12-6-18 09:26 |只看該作者

關仁隱事：巨肺　寶島小子玩地下情

巨肺同寶島小子都發展咗一段時間，不過一直死口唔認拍拖，之前仲成日傳分手，其實兩人感情好穩定，關仁八到早前巨肺偷偷去台灣會情郎，近日寶島小子嚟港宣傳佢哋自然有秘密約會。有次巨肺出席活動時，班記者話要搵狗仔隊跟佢，佢即時嚇到鼻哥窿都冇肉求大家放佢一馬。

巨肺 = GEM
寶島小子 = 林又加

很想知道，追夢的人是如何踏出第一步?

私人傳訊