通常小一初初 test & exam 老師都會講解吓 d 題目點做，例如要填生字 or 詞語、matching 等，其實個 format 應該響做"工作紙"果陣做過，只不過係再提吓佢地啫。
第一次 test 就一定"傍徨" d ，因為你唔知 test 個 format 係點樣，會出 d 咩問題，會以乜嘢形式出，所以第一次都係"估估吓"。到派咗卷返嚟，你下次就知 test 個形式係點，會易温好多。
話曬小朋友都係第一次接受挑戰，又要答題，又要 time 時間，都幾緊張。所以成績有時會同你 expect 嘅有 d 出入，尤其係 d careless mistakes，真係睇到就忟，但記住成績點樣都好，千祈咪鬧得好緊要，只係提返佢要注意嘅地方，有邊 part 弱嘅就惡補吓，否則你鬧得太勁，下次一聽到要 test or exam 佢就驚，壓力大咗返而影響成績添！
其實我會同小朋友解釋吓 test or exam 並非什麼"洪水猛獸"(而家只係小一，仲有慢慢長路呀，怕咗就幣！)，而係一個階段，睇吓小朋友學咗幾多嘢啫，當然大家都想攞好成績，但最緊要係個過程，如果你真係有用心去温習，媽咪係知道嘅，每個人嘅能力都不一樣，只要盡咗力去做，結果怎樣都問心無愧啊！
我同仔温 test or exam，我會出"模擬試題"比佢做，應該係最有效嘅，因為你可能已經温好課本內容，但 test or exam 會以另一形式去問，你唔識運用番落去就冇用架啦！
第一次冇 format 就照"工作紙"形式，下次就可跟返第一次個 format 出啦。總之成份卷出到同 tset paper 一模一樣，只係改咗 d 字眼，(例如填充 test paper 得 5 題，你就出多 d ，總之 cover 曬 test 範圍就 ok) 做多幾次就"功多藝熟"，一睇到份卷就知做乜！
發表於 
:-P 
返回列表
