方麗娟 ,
我好返D啦，今日可以返工，請咗三日病假，加埋一日假期同星期六日，足足成七日都仲係頭痛喉痛耳痛，鼻水鼻涕加埋coughing，好耐冇試過病得咁慘，今年D感冒菌真係犀利，屋企人個個都中焦，最慘係對仔女，咁細個又唔識講，唔舒服只係扭計同喊，真係心痛，好彩今日兩個都好似都好番D。
BB戒夜奶都有一段時間，間唔中都可能會有一兩晚會醒。起得半夜起身泵奶，因為夜晚係造奶高峰期，千祈要堅持，一方面保持奶量，一方面可以儲下奶。有時我個女肚餓都會啜得好大力，我都會好痛，有時佢開始又會玩，扯到我好痛，我會話佢唔乖，佢就眼金金望住我笑，有時真係俾佢激C。
我都開始驚佢出牙果時，唔知會唔會咬到我好痛，之前仔仔果陣都有，不過就唔係好多次，因為仔仔係早產B，最初唔多識啜，所以我唔多夠奶俾佢食，一向都係又埋身又餵樽，完全唔食樽的問題。今次囡囡好叻，一出世就會啜，第二日未上奶想唔補奶粉都唔得，佢食完兩三個鐘都唔瞓勁喊，最後唯有都補奶，我先可以瞓。記得我提過我個女唔肯食奶樽嗎？我因為要返工，一定要逼佢用樽，而家我返咗個幾月，我唔係屋企，婆婆就負責餵樽，我係屋企就我餵，試過我媽有事，老公請假湊女，我個女居然全日只係食咗2安奶，唔係喊就瞓，等我返到屋企時，佢簡直好似放監咁，差不多食足成晚。所以而家你個仲食樽，得閒就泵出嚟俾下你先生餵，起碼你唔係屋企佢唔會唔肯俾爸爸餵。不過，到六個月大時，你都要開始餵下糊仔啦。
之前有D媽咪提過BB太肥會令發育慢，其實係有少少影韾。我樓上有個BB好大件頭，佢細我個仔9個月，居然仲大隻同重過我個仔（不過佢係鬼仔，爸媽都係高頭大碼，我老公5尺11，220磅，我就5尺，110磅），而家14個月先開始行，之前好耐都未識坐。我又識有個媽咪，BB早產，醫生叫佢要俾BB食多D，等佢追番重量，點知BB一日食成10－12次人奶，1歲已經30磅，完全唔識爬，到差不多15個月先識企。以上都係一D例子，不過大家唔駛太擔心，因為BB學嘢係日積月累，今日唔會，明日可能突然間會。而且，每個BB都有自己的學習時間表，要比較就應該同自己個BB比，比較每日進度，千祁唔好同其他BB比，男仔又普遍比女仔慢D。今日講住咁多先，我去瞓啦。BYE
。
花旗太太生活在花旗國，留意時差，你問我未必即時答到。
), 但另一方面又要面對第日唔食人奶 / 冇人奶 / 開始食固體食物等問題...而家3個月, 時間好快過, 我係咪應該比佢學下食奶樽? 但又擔心肯食奶樽後再啜nipple會痛, 可以點做?
發表於 
返回列表
