影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


441#
發表於 12-7-5 09:34 |只看該作者
關仁隱事:「彩虹女」胸大冇份入組合

「彩虹女」屋企有啲錢,但佢都甘願行性感做模,無他嘅,為求出名啫。彩虹女上年簽咗畀「細細粒」,曝光機會多咗,除咗例牌出寫真集之外,細細粒原本仲安排彩虹女加入一隊以青春掛帥嘅歌唱組合,即使香港撈唔掂,都可以返內地搵食。前排一班妹妹仔開始秘密練兵,仲諗住學 N年前嘅「孖妹」一樣做打筋斗、一字馬等高難度動作出位,可惜彩虹女身材實在太勁,連做基本嘅側手翻,個胸都好似跌咗出嚟咁,細細粒擔心佢每次演出都漏奶走光,搞 cheap晒隊組合,最後決定飛佢出局,認真陰功。

「彩虹女」= 鍾彩羲
「細細粒」= c念慈
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


442#
發表於 12-7-6 09:44 |只看該作者
「癲喪」買名牌擺款大貪

有錢人之所以有錢,除咗本事,知慳識儉亦係好大原因,「癲喪」亦好明呢個道理,收成千萬片酬但依然貪到出面。關仁聽某名牌嘅公關講,話早排癲喪去佢屋企附近間分店買嘢,入到去扮晒嘢就梗㗎啦,買嗰3,000蚊嘢又要求多多,仲要人即時送去佢屋企。搞到班售貨員唔知點好,佢哋人手唔多,唔送又驚癲喪投訴。正當進退兩難之際,好衰唔衰癲喪見到有會員禮物,佢又唔係做會員,係都要人畀兩份禮物佢,仲要唔該都冇聲,又冇禮貌。可能「癲喪」見近年自己事業一般,諗住好天收埋落雨柴啦。

「癲喪」= 張PG
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


443#
發表於 12-7-9 09:22 |只看該作者
關仁隱事:「老土嫂」扮靚過火嚇親人

「老土」係唱得之人,可惜相當運滯,成日都只係紅歌唔紅人,佢唔係好搵到錢,當年仲曾經要問啲好朋友借錢過日子。另外老土去親邊間公司,嗰間公司都會大地震,所以稱佢為地獄黑仔王都不為過。雖然事業咁多波折,好彩老土嘅老婆一直對佢不離不棄,佢兩個早幾年仲結埋婚。

曾做模特兒
老土嘅老婆「阿暈」以前係模特兒,個樣絕對唔輸蝕過家啲模,但係關仁最近聽啲圈中朋友講,話阿暈個樣同啲打扮越嚟越嚇人,將潮變咗做怪。咁又係,着衫扮靚呢啲嘢,一個唔小心好易走火入魔,你睇「大隻妙」就知啦。

「老土」= 梁炳
「阿暈」= 林文胃
「大隻妙」= 廖BIG兒

點評

琛媽  大隻妙唔係'超暈'咩 'big兒'唔係好潮炸啊  發表於 12-7-9 12:25
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


444#
發表於 12-7-9 09:22 |只看該作者
關仁隱事:
「契弟」靠公佈戀情升呢

「契弟」同「牙肉」嘅戀情通天後,契弟即時升呢,佢以前出嚟都冇人騷,家成日見報,有次出到嚟仲扮晒巨星咁。當日契弟忽然喺記招自爆戀情,在場記者全部愕晒然,因為估唔到契弟會鍾意牙肉,大家當場靜晒。契弟今次咁夠膽玩自爆,都唔知佢係大膽得滯,定係愛牙肉愛到死。家契弟係贏晒曝光率,但形象就直插谷底,佢除咗得罪班記者,連網民都一面倒勁插佢,可見佢呢次咁做真係錯到離晒譜。

「契弟」= C兄
「牙肉」= JOEY

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


445#
發表於 12-7-9 09:23 |只看該作者
關仁隱事:
「小花」一提細佬即黑面

寶島美女「小花」,呢排因為細佬涉及命案,心情唔係咁好。無奈工作早早接咗,冇得推,小花只好硬住頭皮面對。關仁聽聞,其實有品牌邀請小花嚟香港做嘢,但小花講明怕咗香港傳媒嘅辛辣提問,寧願錢都唔賺。小花一向都唔想提家事,聽講有次小花嚟香港做嘢兼受訪,有記者追問佢細佬工作、近況之類,小花即時黑面,更覺得記者玩佢,於是向經理人求救。其實佢只要輕輕帶過,其他人都唔會為意,證明細佬嘅事真係佢死穴。

「小花」= 楊謹華
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


446#
發表於 12-7-9 09:24 |只看該作者
關仁隱事:「肥膩」姐仔快閃食自己

三色台個監製「肥膩」開唔少綜藝節目,個個都好受歡迎,收視唔錯,當然同佢啲節目有啲鹽花好有關係啦,由於成績唔差,所以佢要乜嘢資源,三色台都會配合,啲姐姐仔真係要幾多有幾多。好多人都覺得肥膩食唔少好嘢,因為啲姐姐仔要上位就要畀好處佢,原來肥膩只係有得睇冇得食。
聽聞有次肥膩生日,係就係有好多姐姐仔嚟賀佢,但散場後姐姐仔全部閃晒,肥膩變咗冇女大班,落寞地返歸食自己,話就話監製啫,但你估啲姐姐仔蠢嘅咩,間中畀你抽下水就得,但冇咁容易畀你食到囉。

「肥膩」= $國偉
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


447#
發表於 12-7-10 09:23 |只看該作者
本帖最後由 22May 於 12-7-10 09:24 編輯

關仁隱事:「綠艇」送上門冇人吼

關仁聽一位導演朋友講,最近娛樂圈有個笑話,就係:「你可以上艇、快艇,甚至賭艇,但『綠艇』就千萬上不得,因為上咗去就後患無窮,會惹嚟周身蟻,因呢隻綠艇好難纏。」
綠艇其實係指某女星,近年佢全力喺內地發展,但唔少大片都會搵佢做一個角色,因為佢真係好夠主動去爭取,不過佢啲行為係嚇得啲男星同導演、老闆都幾驚,佢前老闆「肥嘟嘟」都怕咗佢,每次見到佢,一定叫保鑣唔畀綠艇埋身。埋唔到老闆身,佢就改向追「漁夫」,可惜連漁夫都怕佢,佢仲喺人哋屋企㩒門鐘俾人趕走,佢都夠癲囉!

「綠艇」= 葉船「肥嘟嘟」= 林建惡
「漁夫」= 漁文樂

很想知道,追夢的人是如何踏出第一步?


水晶宮

積分: 50336


448#
發表於 12-7-10 15:32 |只看該作者
22May 發表於 12-7-10 09:23
阿may係度嘛

好跳得會係邊個呢

http://www.baby-kingdom.com/forum.php?mod=viewthread&tid=5261239&pid=74159720&page=1&extra=page%3D1#pid74159720
   


水晶宮

積分: 50336


449#
發表於 12-7-10 15:33 |只看該作者
IgnatiusWong 發表於 12-7-10 15:32
阿may係度嘛

好跳得會係邊個呢

oh....開左估..係eddie....
   


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


450#
發表於 12-7-11 14:45 |只看該作者
關仁隱事:「漫畫王」掃舊電話防末日

「漫畫王」一向唔鍾意受束縛,所以同「瑤瑤」拍拖咁多年都唔肯結婚生仔。漫畫王仲一世夠運,雖然唔係成日開工,但買樓炒股賺埋唔少,加上又識得保持青春,間中出嚟拍吓嘢都可以呃到班妺仔。漫畫王咁貪玩其實有原因,因為佢深信有生之年會遇上世界末日,而玩開高科技產品嘅佢,有時都會買定啲懷舊嘢以備不時之需。關仁聽講漫畫王之前一次過掃咗十幾廿部只可以打出打入嘅手提電話,話擔心末日降臨前個世界會好亂,乜嘢通訊設備都冇,用番最原始嘅手機比較安全,全家一人一部冇走雞,真係估佢唔到。

「漫畫王」= E 健
「瑤瑤」= 蒙 Yoyo

點評

connielamyee  agree  發表於 12-7-13 16:37
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


451#
發表於 12-7-12 09:43 |只看該作者
關仁隱事:
「巨星」傷透「朱妹」心

「朱妹」一生坎坷,感情幾經波折,傷得佢最深嘅當然係「巨星」。巨星雖然唔靚仔又唔型仔,但勝在口才了得,女仔功夫一流。
當年朱妹俾巨星狠撇之後,經常以淚洗面好唔開心,唔少人喺化妝間見過朱妹伏喺化妝間張長枱度喊,可見朱妹真係鍾意巨星鍾意到好交關。
咁多年嚟,絕大部份同巨星合作過嘅女藝人都俾巨星媾過,聽聞巨星媾女除咗自己尋開心之外,佢仲有另一個目的,就係加強同對手嘅溝通,等合作做嘢時可以更加順暢,所以話巨星絕對冇死錯人。

「朱妹」= 羅胃娟
「巨星」= 周星星

點評

IgnatiusWong  我以往係朱茵  發表於 12-7-13 17:01
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


452#
發表於 12-7-13 14:46 |只看該作者
關仁隱事:「旦黃」平價變臉

整容喺呢個圈已經係公開嘅秘密,唔少藝人過一排唔見個樣就會唔同咗,整容變裝到現在亦唔係女藝人專利,好多男藝人都愛上變裝,好似公仔箱最受歡迎歌手「玉樹」咁,佢改動過嘅地方,多到女星都自愧不如,差唔多成為整容人辦,好多人都照住咁整。反而同台另一位小生就好少人講,就係同花旦「欖仁」拍拖嘅「旦黃」。原來未入行旦黃走咗去割雙眼皮,但係相對同台唔少小生、花旦嘅重大僭建,佢都算係咁意執吓啫。不過嗰時未正式入行未有錢,只係拍吓檸檬茶廣告,所以只係幫襯咗個旺角大夫,家呢位大夫不時同人吹噓呢件威水史。

「玉樹」= 林瘋
「欖仁」= 杏禿
「旦黃」= 黃中窄

點評

simple430  黃中窄己經好靚仔 , 千奇唔好整  發表於 12-7-14 21:18
很想知道,追夢的人是如何踏出第一步?


大宅

積分: 1718


453#
發表於 12-7-14 20:07 |只看該作者


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


454#
發表於 12-7-16 09:34 |只看該作者
關仁隱事:
麻煩孖寶搞寸選美會

三色台今年嘅香香小姐搞咗唔少花臣,成功炮製咗唔少話題,博到好多見報機會,當中亦要多得兩位風頭人物「落湯雞」同埋「爛賭婆」,皆因佢哋亦都搞咗好多新聞話題。

擺明星款
之前有傳落湯雞蝦其他靚女,佢就喊住口咁否認,爛賭婆亦出口幫佢,不過關仁八到佢哋兩個私底下的確係麻煩友嚟㗎,蝦蝦霸霸就唔知真定假,但聽聞落湯雞同爛賭婆喺工作人員面前就真係擺晒款,開工拍嘢嘅時候要人三催四請至出場,唔係話要補妝就話要去廁所,真係明星都冇佢哋咁巴閉呀!

「落湯雞」= 湯洛雯
「爛賭婆」= 陳潔玲
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


455#
發表於 12-7-16 09:36 |只看該作者
「寶島小子」拍拖變生鬼

「寶島小子」初出道時性格好鬼內向,唔鍾意傳媒只係掛住問佢同「巨肺」嘅感情,不過近來寶島小子因為女友而開朗咗,日前佢嚟香港開騷,傳媒狂問巨肺嘅嘢,佢都冇再黑面,仲扮唔識聽廣東話,點知記者講笑話巨肺匿埋喺佢酒店房時,寶島小子即刻用廣東話澄清話:「你唔好亂講呀!」擺明得女友特訓後,唔止個人開朗咗,仲連廣東話都叻埋。

「寶島小子」= 林宥嘉
「巨肺」= GEM
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


456#
發表於 12-7-16 09:38 |只看該作者
「 King Kong」囂爆揸弗人

富三代成唔成材好難講,但有冇品就一睇就知,好似早排富豪「噹叔」退休,孫仔「 King Kong」接管百億王國,嗰啲氣焰十分難頂。好似早排佢去捧一個世叔伯場,遲到唔在講,見到記者仲即刻嘴藐藐,用眼神指揮保鑣同暗示啲公關隔開記者,佢咁大牌,記者、保安同來賓個個都慨嘆,當年噹叔咁有身份對人都係客客氣氣,真係一代不如一代。

「噹叔」= 鄭裕彤
「 King Kong」= 鄭志剛

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


457#
發表於 12-7-16 09:39 |只看該作者
關仁隱事:「阿花」唔肯綵排丟架

點解咁多人話家香港樂壇已死?睇近日「阿花」喺三色台歌唱節目表現就知原因。阿花唱歌唱咗超過10年,但歌藝唔單止完全冇進步,佢當晚唱 live仲竟然唱到走晒音,嚇到全港觀眾打爆電視機咁滯。
關仁聽三色台幕後講,原來三色台最初想叫人同阿花一齊合唱,點知阿花唔肯,要自己一個人孭飛。好啦,畀佢自己一個人做一 part表演,但公仔廂叫阿花綵排,阿花竟然話唔使,結果搞到自己喺全港市民面前丟架,呢啲咪係自己攞嚟衰囉!

「阿花」= Sa

點評

chingcging  佢排唔排都係咁架啦﹗  發表於 12-7-16 11:15
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


458#
發表於 12-7-17 10:24 |只看該作者
關仁隱事:「俏俏」臨時換衫冧台仔

女星邊個唔恨泊個好碼頭,揀個筍盤分分鐘升呢做少奶奶,印印腳嘆世界。唱咗超過十年歌嘅「俏俏」,呢幾年拍親拖都冇好結果,呢排仲畀狗仔隊影到佢去台灣食散餐,勁冧台仔,俏俏仲着埋件挑逗戰衣示愛,點知最終爆收場。
事後俏俏好天真咁話唔知件衫嘅英文字咁鹹濕,不過關仁喺事發嗰日嘅朝早,即係俏俏離港前,喺俏俏屋企樓下撞見佢,當時佢根本唔係着住嗰件戰衣,相信只係上機臨時換衫,準備落機去冧仔。

「俏俏」= 阿嬌
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


459#
發表於 12-7-18 09:27 |只看該作者
關仁隱事:「大官人」知衰博同情

「大官人」樣靚又唱得,可惜際遇麻麻,為咗前途,早前佢放聲氣要同唱片公司解約,聽講仲係由「球王阿大」出面幫佢擺平。球王阿大諗住坐定粒六簽到大官人,點知俾人飛起咗,佢梗係嬲到周圍唱衰佢,仲同「開心阿姨」打小報告,諗住等佢冇得翻身。關仁聽講大官人為咗呢件事好唔開心,好彩你精我唔笨,大官人明知俾人唱亦有還擊,親自打電話畀開心阿姨解畫,話自己啲合約一早傾掂咗,認吓低威博開心阿姨同情,最終擺平番件事。

「大官人」= 官恩娜
「球王阿大」= 羅傑承
「開心阿姨」= 樂易玲

點評

organizer    發表於 12-7-19 17:56
很想知道,追夢的人是如何踏出第一步?


大宅

積分: 3712


460#
發表於 12-7-23 13:25 |只看該作者
關仁隱事:
「大媽」人氣輸晒扮低調


呢排三色台風起雲湧,因為搞綜藝節目嘅新阿頭「爆炸頭」入咗嚟,呢度大改嗰度細改,唔理佢做嘅嘢俾人讚多定彈多,總之就人氣急升,連佢以前舊台嘅小花,過到嚟出席早前個大晒冷都企到個好位。講到風頭,以前高層最好呢味嗰個「大 C」已經過檔,原本「大媽」諗住冇人同佢爭,點知爆炸頭人氣勁過佢,嗰日全台大晒冷完工後大媽一支箭咁走咗,後尾啲記者要做訪問,公關要喺佢 office摷番佢出嚟,嚟到佢對住啲記者好愕然咁話唔知要做訪問,雖然想扮低調,但啲戲就好屎囉。

爆炸頭 =余詠珊


大 C = 陳志暈

大媽 = 樂易0

點評

22May    發表於 12-7-24 12:51

首頁

尾頁

跳至
Presslogic Logo
Baby Kingdom Logo