方麗娟 ,
其實每個BB需要都唔同，好難話夠定唔夠，普遍三個月大用樽一日可以食到24－32安奶，6-7餐都可以啦，你慢慢可以拉長D時間，到5至6個月大，應該可以一日5餐，晚上會食密D耐D都係正常，BB開始意識要食飽D先訓。戒夜奶係慢慢嚟, 一晚訓到6-7小時都已經唔錯，我個女都仲未得。
1. BB食得夠嗎? 係咪3個月之後會重得慢D? BB大咗係重得冇咁快，通常四個月大時係出世重量兩陪。
2. 我擠奶係咪擠得好少? 有冇話應該擠到幾多? 都冇話幾多先至係應該，只要夠食就得啦，儲得太多食唔到要倒咪重C。況且，如果太多奶又擔心乳腺炎仲C。重點係BB夠食，你又唔太辛苦，否則身體壞咗就得不嘗失。
3. 而家冇刻意儲奶, 但日間需要擠嗎? 擔心奶量慢慢下降. 如果BB食唔晒你仲谷奶咪泵出來儲，如果BB已經食清晒再泵都唔得幾多，如果係埋身夠多，奶量應該會因應BB食量加多減少，到6個月BB開始學食糊仔你都唔駛擔心追奶啦。
4. BB生活習慣問題:
第一餐朝早8點幾9點起身(6點幾可能食奶一次), 會玩一陣, 訓一陣, 又到下一餐. 第二, 三, 四餐係食完即訓, 要抱住訓, 我知係習慣問題, 想問下會唔會因為我日頭要做野, 又或者得我一個對住佢太悶? 我好自責, 好對BB唔住, 悶親佢. 想同佢玩但又要做野, HOME OFFICE都搞到理唔到個仔, 最大功能係餵佢, 換片, 沖涼, THAT'S IT! 但呢D只係BASIC NEEDS, 我唔想係咁, 好想教佢多D野. 其實我係咪應該唔好理其他野一心湊BB? 其實唔好咁介懷會悶親BB，三個月大BB通常都仲係食一餐瞓一覺，到5－6個月就慢慢瞓少D。你既然係HOME ＯＦＦＩＣＥ，你可以找些休息時間陪ＢＢ玩下，換片沖涼都可以教ＢＢ架，同佢唱下歌數下手指腳指郁下佢Ｄ手腳都係教ＢＢ的方法。我地喱Ｄ全職媽咪教ＢＢ的時間仲少啦，有時質同量都好緊要。ＢＢ都要個人空間，你成日同佢玩會令ＢＢ太累，到時扭眼瞓仲大獲。
BB黃昏後鍾意玩(可能因為爸爸回家), 跟住11點幾至12點幾訓到第二朝.之前農曆年假, 佢daddy都放假, 我地一家三口一齊訓到中午才起身. 但放完假就8點幾9點起身了, 會唔會係因為DADDY要起身返工? 唔好睇少ＢＢ，佢地會知道幾時爸爸係屋企，幾時返工，ＢＢ的習慣都受環境因素影韾，所以點解俾ＢＢ固定時間表係非常重要。
花旗太太生活在花旗國，留意時差，你問我未必即時答到。
發表於 
返回列表
