香港18區媽媽會 今日: 0 | 主題: 156994

積分: 2871

462^#

發表於 11-7-27 16:43 |只看該作者

本帖最後由 carchu12 於 11-7-27 17:21 編輯

菇芝bebi 發表於 11-7-27 15:17
我呢2年都係狂谷阿大, 盡量要佢去到band 1組別, 亦成日都有去教育廣場果邊取經, 睇得多, 攪到個人差d神經 ...

咁你又唔洗太緊張既，又唔洗擔心噃﹗如果要神經衰弱，我相信bk都有很多同你一樣為子女升中而煩既家長陪你一齊。你要放鬆d，如果唔係，點頂到放榜。其實之前你都話津中唔啱你，計劃左報直資/私校架啦﹗所以唔洗太迫或太擔心既。你要信你個囡先得。
祝你個女成功。

****未經本人許可, 不得轉載****

私人傳訊

積分: 2099

463^#

發表於 11-7-27 17:41 |只看該作者

本帖最後由 whywhywhy 於 11-7-28 19:44 編輯

回覆菇芝bebi 的帖子

睇完你個POST又真係正如你所講, 你真係差D神經衰弱喎, 講到咩賣樓, 又話創業咁, 離晒題喎...思緒好混亂吓喎.....哈..哈....講笑啫, 唔好勞氣...哈..哈...

E+只係啱啱開始咋, 都仲未開學, 仲要呈分, INTERVIEW, 報自行同大抽獎, 仲有好多步要行喎, 放鬆D啦,你咁樣好難頂到放榜喎! 我哋上年都經歷過呢D嘢, 其實你哋都仲可以上黎問吓carchu 12咁丫, 好過我哋做盲頭烏蠅好多架喇

見你之前都話決定咗考直資架, 如果以你之前講咁你個女科科都A/B, 只要KEEP住, 考直資唔會有咩太大困難喎, 既然334同傳統學校唔係你杯茶, 咁又做乜要同人哋一齊去爭茶杯啫?? 咁又唔一定要谷個女去到BAND 1頭40名啦, 家長同小朋友都盡咗力, 谷到故然好, 但谷唔到都以平常心面對, 如果搞到自己差D神經衰弱咁又唔係幾好啦, 你自己要立定心意想考咩學校先, 如果考名校又或者4大天王就真係要谷到頭40名, 如果考直資0既, 好多學校要求都係全A/B啫, 除非女拔, St. PAUL'S CO-ED嗰D又例外,相信自己個女能力, 佢哋INTERVIEW已經好CHARM架喇, 家長行呢段路係會好迷茫架喇, 但要不時提醒自己目標係乜, 清晰咗就會知點做架喇!

私人傳訊

積分: 6614

464^#

發表於 11-7-27 17:57 |只看該作者

睇左幾日各位家長既留言, 我終於明白多少少, yyps確實係一間前途無可限量既學校, 但需要的是時間........

好佩服whywhywhy & carchu12, 你地夠膽將自己既小朋友放係呢間學校做第一年既畢業生, 我估當初yyps係保良局, 而且係英小呢樣野吸引左你地........ 其實睇完你地既留言, 我自己再自問, 如果我係你地, 我夠唔夠學你地咁做先頭部隊, 我諗自己無咁大膽......

當見到自己既小朋友程度係band 1, 可能係一間無咁新既小學出黎, 會好易俾人垂青, 但就因為讀緊既小學係新校, 就會俾人睇低一線, 個種心情真係會好難過...... 幸好, 最後你地既小朋友都有好既"歸宿", 你地小心分析數據, 放眼其他區, 呢種做法相信係你地小朋友成功要素呢, 真係要向你地學習

菇芝bebi, 你咁細心幫你既囡囡安排好, 我相信你既小朋友一定得償所願, 入到你地想入既中學, 因為機會係留俾有預備的人..... 睇返你既留言, 我估你杯茶應該係宏信, 其實呢間學校我都有留意, 但就係佢行IB我想唔通, 雖然我係有考慮俾小朋友出國留學, 但當然佢可以留係HK係最好喇, 行IB要用non-jupas既方法入大學, 而呢個方式入大學既學額會少d, 而且好似有d課目係會限制左, 你對呢樣有咩睇法?? 我就係想唔通呢一步, 所以阿囡考小學去唔去考宏信都仲考慮當中, 可唔可以指教一下??

同埋呢, 大家都係行IB, 你對蔡繼友同宏信有咩睇法呢??? 似乎蔡繼友已經係批准左行IB, 但宏信仲係申辦中...... 宏信, 又會唔會好似宜家既YYPS咁俾人睇低一線?? (我拍投考大學.....) 同埋, 我都想問, 既然你會幫阿囡舖IB路線, 點解唔揀一D已經行左多年既學校, 以揀宏信?? 可以分享下嗎? 多謝指教~~~

點評

whywhywhy 恕我多口, 你指出正係我所想, 我自己buy蔡繼有多好多, 有機會再詳談發表於 11-7-27 18:06

私人傳訊

積分: 2099

465^#

發表於 11-7-27 18:01 |只看該作者

本帖最後由 whywhywhy 於 11-7-27 21:39 編輯

ChangRuby 發表於 11-7-27 16:03

好鬼鍾意嗰句"主觀願望地自以為YYPS學生得到區內英中的垂青，當我看到官方網業公佈升中派位，我真係暈眩、心跳加速、手震、失眠...晴天霹靂！整個人醒過來，真係要好好地盤算下，遊戲規則係要咁玩，唔好再發夢了"

呢個就係我同carchu 12不斷喺度留言想帶出0既訊息, 亦係我不斷話要過濾接收到0既資訊0既原因, 因為我哋經歷過明白到事實並唔係一d人講咁樣, 當中有好多似是而非0既資料, 唔想其他人誤信為真, 所以carchu 12先會成日苦口婆心一一解答囉, 而我就比較直腸直肚, 畫公仔畫出腸, 希望個個都明白, 唔好活喺人哋0既主觀願望度, 可能我比較尖銳, 我諗唔係好多人可以接受到, 但坦誠地, 一切都係出於好意, 只對事亦冇針對任何人

私人傳訊

carchu12

[/url]We provide dual exits for our students after they have completed the first 10 years of study at Lutheran Academy. The ratio between students studying NSS curriculum and IB programs is about 1:1.

1:1到時又要再比併過.

積分: 2871

466^#

發表於 11-7-27 18:29 |只看該作者

本帖最後由 carchu12 於 11-7-27 18:33 編輯

whywhywhy 發表於 11-7-27 17:41
回覆菇芝bebi 的帖子

睇完你個POST又真係正如你所講, 你真係有神經衰弱喎, 講到咩賣樓, 又話創業咁, 離晒 ...

老實講，我就係做左"盲頭烏蠅" ，所以先想在此留言，睇下幫唔幫到大家，等日後大家多做準備，到時個結果好過無準備呀嗎。

其實，我相信大家都係想為YYPS好既。

****未經本人許可, 不得轉載****

私人傳訊

YanYan0116

珍珠宮

積分: 36641

好媽媽勳章

467^#

發表於 11-7-27 19:17 |只看該作者

本帖最後由 YanYan0116 於 11-7-27 19:19 編輯

gigayan 發表於 11-7-27 17:57
其實呢間學校我都有留意, 但就係佢行IB我想唔通, 雖然我係有考慮俾小朋友出國留學, 但當然佢可以留係HK係最好喇, 行IB要用non-jupas既方法入大學, 而呢個方式入大學既學額會少d, 而且好似有d課目係會限制左, 你對呢樣有咩睇法?? 我就係想唔通呢一步, 所以阿囡考小學去唔去考宏信都仲考慮當中, 可唔可以指教一下??

同埋呢, 大家都係行IB, 你對蔡繼友同宏信有咩睇法呢??? 似乎蔡繼友已經係批准左行IB, 但宏信仲係申辦中...... 宏信,

你的說話正是我的顧慮呀.

我係宏信的WEB SITE有以下資料:

2.	Are students studying IB program eligible to enter the local universities?

According to the IBO, universities and institutions in Hong Kong that recognize the IB diploma include Hong Kong Baptist University, Lingnan University, The Chinese University of Hong Kong, The City University of Hong Kong, The Hong Kong Polytechnic University, The Hong Kong University of Science and Technology and University of Hong Kong. Students completing IB- Diploma Program can apply for these universities through the Non-JUPAS Admission scheme. There are no fixed quotas for non-JUPAS applicants.

Students achieving good results in the I.B. programs have a good chance to be admitted by local universities because they are excellent in their language proficiency, spirit of exploration and research ability. These competences are the critical criteria when universities select their students.

3.	[url=http://www.luac.edu.hk/luac/faq_main.php?p=#]What is the ratio between students studying NSS (New Secondary School) Curriculum and IB program?

點評

gigayan 最怕佢係網上所講的係"天下無敵"...... 始終無實質數據支持...... 發表於 11-7-27 23:27

私人傳訊

積分: 2099

468^#

發表於 11-7-27 20:53 |只看該作者

回覆 YanYan0116 的帖子

YanYan0116,

Pls check pm!

私人傳訊

carchu12

積分: 2871

469^#

發表於 11-7-27 21:53 |只看該作者

後補一句，派位後，很多同學都有去扣門，而且成功例子不少，所以到最後，個派位結果都有變動。
如果大家一早有準備，就可能唔需要到扣門那刻才入到適合或心儀既中學。
我一直都認為yyps既學生係有能力，大家要相信自己既小朋友，不過規則不變，咁應對既方法就要變。

****未經本人許可, 不得轉載****

私人傳訊

菇芝bebi

伯爵府

積分: 16212

470^#

發表於 11-7-27 23:13 |只看該作者

回覆 gigayan 的帖子

因為我仲有個阿細, 在選校安排一定要顧全大局, 鐘意宏信係有地利因素, 至於佢係是否可以做到言之以行, 真係要俾多d時間去觀察, 今年有幾位同學考到, 亦有相識的國際學校學生同李小同學入讀yr 7, 似乎對收生質數係有要求的, 咁遲d就可以有多d實質的資料, 了解多d, 至於入大學唔同升中派位, 玩抽獎, 分餅仔, 係以實力去競爭, 相信新校唔係問題, 問題在於學生實力。
至於蔡繼有當然係好啦, 因為運作左咁多年, 好多野都run 好晒, 又因為係一條龍, d學生唔洗煩升中, 唔洗同出便d學校比較, 入去讀當然係開心啦! 但相對溫室較應會較大, 我認識的孩子入讀優才/德望/英華都有同樣情況, 好多都係睇住條本校升中底線去做人, 在高小階段未必會好似yyps咁進取, 不停為升中步處咁多野(我個女都係因為要進取, 而從中有所得著, 學到好多學校無教的考試技巧) 唔係都唔知佢地出左公海係咁高水平, yyps學生確實係有實力, 競爭力會較強, 所以, 排開升中遊戲規則, 如果e+俾我再選小學, 我都係會選yyps

至於我取向於直資中學亦唔代表唔洗推孩子上band 1, 我都講過應該俾適當的壓力, 與孩子建立一個共同目標, 在努力下而得回來的成果是最正面的

將來在社會上亦擁有一定的競爭力

私人傳訊

菇芝bebi

伯爵府

積分: 16212

471^#

發表於 11-7-27 23:30 |只看該作者

我亦有朋友安排孩子入讀耀中, 英基, 啟新的yr 7, 同樣地向他們提問是否計劃將來升海外大學, 佢地都係回答無諗咁長遠, 升大學去向未必由佢地作主

孩子在那個環境長大, 就會接觸到唔同的升學資訊, 到佢地有獨立的思考能力時, 佢會依自已的方向行, 係等佢同我傾, 唔係我同佢諗啦

私人傳訊

菇芝bebi

伯爵府

積分: 16212

472^#

發表於 11-7-27 23:52 |只看該作者

有朋友個女董中畢業, 學校都有好多大學資訊提供給學生考慮, 當中包括國內大學

呢d都係大學入學率

私人傳訊

積分: 6614

473^#

發表於 11-7-27 23:55 |只看該作者

whywhywhy, 當然唔會怪你多口, 你肯賜教我覺得好好彩

因為一直睇你同carchu12講既野, 真係令我茅塞頓開, 亦令我知道多左好多野呢~~

菇芝bebi, 恕我多口, 宏信既實力仍然未知, 樣樣都係估估下, 你囡囡有咁既實力, 科科都係A OR B, 你放佢係宏信,似乎有d"龍游淺水"既感覺, 升中其實都唔需要顧慮細既小朋友, 因為唔似小學, 可以跟兄姐同一學校, 你放BAND 1既阿囡去一間暫時未知咩BANDING學校, 需要既勇氣真係好大, 我覺得如果你擔心YYPS既學生, 未必得到屯門既四間學校垂青, 何不放眼遠少少去區外, 再安排一下呢??趁宜家仲有時間...... 你講既一條龍學校, 當然唔排除有你所講既學生, 但能力較高既學生應該會更大有人在, 如果唔係, 呢D老牌名校既排名都唔會KEEP得到, 宏信因為新, 仲未有小學直升上去中學既學生, 日子耐左, 到佢地有自己既小學生直升上中學, 都唔排除有你所講既溫室效應...... 希望你唔好怪我多口, 因為我就係聽好多人講D唔真實既資料, 令我幫阿囡選幼稚園時行錯左, 所以到小學我唔可以再俾自己選錯, 我會考慮多D因素........

點評

菇芝bebi 其實我係進取型, 但因遊戲規則關系, 直資只係踏板, 應該唔會在直資畢業的發表於 11-7-28 21:16

菇芝bebi 在YYPS 要全A至有機會band 1, 有C好易去到band 3, 明白未??? 發表於 11-7-28 21:12

私人傳訊

積分: 6614

474^#

發表於 11-7-27 23:56 |只看該作者

本帖最後由 gigayan 於 11-7-27 23:57 編輯

Sorry, Duplicated!

私人傳訊

sesebaby

子爵府

積分: 10459

475^#

發表於 11-7-28 00:48 |只看該作者

回覆：gigayan 的帖子

請問你女女是那幼稚園，為何選錯？

點評

gigayan 學校是沒有問題的, 只係同我要求有少少出入.... 發表於 11-7-28 01:09

私人傳訊

bestwish

子爵府

積分: 12672

476^#

發表於 11-7-28 10:06 |只看該作者

本帖最後由 bestwish 於 11-7-28 10:27 編輯

回覆 gigayan 的帖子

gigayan,

你揀左邊間幼稚園 ? 可否分享下. 等大家唔好揀

禁你會最終揀邊間小學呢 ?

私人傳訊

積分: 2099

477^#

發表於 11-7-28 10:15 |只看該作者

本帖最後由 whywhywhy 於 11-7-28 11:57 編輯

菇芝bebi 發表於 11-7-27 23:52
有朋友個女董中畢業, 學校都有好多大學資訊提供給學生考慮, 當中包括國內大學呢d都係大學入學率 ...

但始終最基本係要有畢業生先會有入大學率囉, 未有畢業生0既學校又何來入大學率呢?? 問題根本唔在於邊間中學又或者去咗咩大學囉

點評

菇芝bebi 我講緊董中, 你講左去邊???? 發表於 11-7-28 21:10

私人傳訊

3BBs

積分: 3569

育兒性格勳章好媽媽勳章醒目開學勳章畀面勳章 hashtag影視迷勳章

478^#

發表於 11-7-28 11:20 |只看該作者

其實一直都有留意這個topic, 有時有"搭咀", 不過看的時候居多.
好感激你們幾位家長的留言, 都是出自真心同關心同校的同學仔, 不過有時觀點與角度的問題, 引起一些爭議, 老土講句, 希望大家以和為貴, 不要傷和氣~
我有2個小朋友在讀, 一個升P5一個升P3, 其實一直都很緊張小朋友成績, 阿大老師說成績中上, 阿細1, 2年級都是全班3名以內.
所以一看今年的升中派位, 也是與之前樓上一位家長所言, 是晴天霹靂, 也明白要派得好(指入英中/band one)基本上要全級3, 40名以內, 才有些少保障, 相反一些傳統小學, 全級80名仍可入band one中學, 真的好羨慕!
也就是說, 如果我以入津校為目標, 必須在高小盡谷小朋友的成績(其實我是緊張型家長, 一路以來都睇得我小朋友成績好緊), 但反而覺得學校不太緊(相對我自己而言), 我好希望學校能透露級名次(不用列於成績表, 口頭也可以), 以便家長更能掌握子女的能力, 為他們好好裝備, 我不知道這是我個人意見(可能有很多家長不想?), 還是已有家長向學校反映?
由於阿細成績不錯(有名次可知), 如果一直keep到, 我也不用太擔心, 但阿大就由於無從得知排位, 真的好擔心!
我仲有一個升K3小朋友(!)今年9月揀小學, 還在考慮是否入讀yyps...... 好煩~

點評

carchu12 其實數據參考及實際經驗分享很重要。自己要客觀d去分析，要心裡有"條數" 發表於 11-7-28 13:21

whywhywhy 如果觀點與角度的問題我唔會出聲, 但錯誤資訊必需指出,以免誤導他人發表於 11-7-28 12:09

YanYan0116 如果有直資中學直上, 咁就無咁煩. 發表於 11-7-28 11:44

私人傳訊