影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


461#
發表於 12-7-24 12:44 |只看該作者
關仁隱事:
「吹波膠」故態復萌

百足之蟲死而不僵,喺公仔箱浮浮沉沉多得恩師帶挈做過主持嘅「吹波膠」近日又再翻生,喺電視台叫做有番啲聲氣,又畀佢做番鬥靚主持。呢個世界有啲人係唔可以畀飽飯佢食,吹波膠就係其中之一,佢爬番上嚟之後待人處事態度當然唔可以同佢燉冬菇做阿四時咁和藹可親,而且飽暖思淫慾,開始又故態復萌四出媾女。早前佢返去強國做嘢,同行有幾位過氣鬥靚人,晚飯嗰陣吹波膠已經睇中「鬥靚冠軍」。正所謂姣婆遇着脂粉客,食完飯之後吹波膠就同鬥靚冠軍上房再飲,期間吹波膠仲邊行邊掃住鬥靚冠軍背脊咁行,至於之後點就冇人知嘞。

「吹波膠」= 吹建幫
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


462#
發表於 12-7-24 12:45 |只看該作者
關仁隱事:「喪妹」搵打手唱好自己

「喪妹」離婚後人氣跌到谷底,幾部孭飛嘅電影都仆直,但佢仲當正自己係巨星,出席活動又奉旨扮大牌,嚴禁傳媒問私人問題。講真,唔問你感情,唔通問你啲票房點解咁差咩。

外國人唔識
最近喪妹掹車邊參加國際影展,雖然佢叫做媾過外國人,但並唔代表外國人會識佢,喺當地出到嚟行行企企都冇人有興趣。喪妹都有自知之明,為免傳到返香港失禮,佢總動員叫班「兵仔」喺網上發功話自己喺當地幾受歡迎,仲誇張到話好多洋人都叫得出佢個大名,又話以喪妹為榮,關仁聽完都即刻大打冷震。

「喪妹」= pg
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


463#
發表於 12-7-24 12:47 |只看該作者
關仁隱事:「阿煩」小姐脾氣玩遲到

富家烈女「阿煩」好反叛,加上貴為名門之後,梗有小姐脾氣,所以同佢合作嘅單位,有時考慮叫座力之餘,其實都怕佢得罪人。早排阿煩去一個名牌活動,同場仲有幾個女星,但阿煩偏偏要遲到。初時關仁以為阿煩扮大牌要壓軸,點知有眼利嘉賓發現阿煩成頸頭髮碎未掃得乾淨,原來佢懶理活動時間走去剪頭髮,認真離譜。現場班記者,個個都等到黑晒面!

「阿煩」= 何超X
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


464#
發表於 12-7-24 12:48 |只看該作者
關仁隱事:「攞嚟瘀」演劇浮誇唔討好

「攞嚟瘀」喺三色台都一段時間,但工作就冇乜起色,一直都做啲閒角。不過,因為攞嚟瘀不時同女藝人傳緋聞,所以總算保持住知名度,結果等咗咁多年,呢排終於有機會擔正,演出每日半個鐘嘅劇。可惜,唔少人睇過佢嘅演出,都不約而同話佢演得好誇張,絕對唔討好,相信都好難再升一級。不過佢最近被踢爆有個富貴女友,如果搞掂咗,打跛腳都唔使憂。

「攞嚟瘀」= 嚟2諾


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


465#
發表於 12-7-24 12:50 |只看該作者
本帖最後由 22May 於 12-7-25 10:34 編輯

關仁隱事:「豬豬」速撇港孩「木仔」

「木仔」同「豬豬」都係參加公仔箱比賽出身,三色台唔少節目都搵佢哋拍檔,年輕人合作得多好易撻着。聽講有家底嘅木仔好冧豬豬,佢見豬豬成日有好多人追,所以曾經向豬豬求過婚。可惜襄王有心、神女無夢,關仁知道豬豬份人好揀擇,唔係有錢就大晒,豬豬對呢個圈好有野心,一直希望做啲成績,梗係唔想咁早嫁。加上豬豬覺得木仔份人太過細路仔,平時鍾意夜蒲落 D兼唱 K,而豬豬就喜歡聽古典音樂,既然大家興趣咁唔啱 key,再拖亦無謂,不如早啲分手斬纜。

「木仔」= 李晉強
「豬豬」= 朱麗晨

點評

蝸牛媽媽  峯少同鍾嘉欣???  發表於 12-7-24 13:40
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


466#
發表於 12-7-25 10:34 |只看該作者
本帖最後由 22May 於 12-7-25 12:18 編輯

關仁隱事:「光頭導演」速食妹

「光頭導演」早年跟「加價導演」做助導出身,捱咗好多年至拍到自己第一套片,近幾年算做捱出頭,仲贏埋香港嘅小金人終於吐氣揚眉。話時話佢拍嘅動作片係有一手,不過近作《反轉嚟》就真係有啲 over咗,過份賣弄武器少咗其他配合,搞到好似部戰爭片咁。光頭導演唔止拍戲有一手,關仁聽啲妹妹仔講佢媾女都有一手,好多年前就試過滾大咗妹個肚,個妹仲威脅要爆大鑊畀傳媒,當然錢解決到嘅問題就唔係問題。妹妹仔話光頭導演好鍾意一夜情,最近就有個姊妹同佢喺老蘭識咗唔夠三個鐘就去開房,去到半路忍唔住就咁喺公園完事,聽落都好匪夷所思,但就係事實。

「光頭導演」= 林超然
「加價導演」= 陳嘉上
《反轉嚟》= 《逆戰》



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


467#
發表於 12-7-26 09:55 |只看該作者
關仁隱事:「發燒」無良趕絕前妻

曾經同「索妮」拍過拖嘅「發燒」,多年嚟感情生活一直可謂多姿多采,最近仲盛傳發燒嚟緊會同一位內地女星結婚,但關仁之前都講過,發燒其實仲未同前妻搞離婚手續。不過,原來喺發燒再婚消息曝光之後,佢即刻搵人攞番走兩公婆飼養多年嘅寵物,又叫人攞走平時畀前妻代步嘅私家車,原本發燒前妻住緊嗰層樓,係發燒畀錢租,但佢竟然唔理前妻冇地方棲身,話唔會再幫前妻畀租屋錢,要女方一個月內搬走,自己搞掂,發燒嘅所作所為,真係衰到冇人有。

「索妮」= 郭x妮
「發燒」= 溫x倫
很想知道,追夢的人是如何踏出第一步?


男爵府

積分: 8041


468#
發表於 12-7-27 09:50 |只看該作者
關仁隱事:
「屙尾」扮自殺入院隆胸

模最愛搞出位新聞博見報,不過都係作料居多,嗰個之前同公仔箱男演員「變節」傳緋聞嘅「屙尾」,早排有報道話佢情緒受影響,去旅行時自殺入院,不過成單料流到爆。關仁一早聽過屙尾為咗本寫真夠出位,佢決定出書前去台灣隆胸,實行谷爆波益宅男,佢出發前仲同身邊好姊妹分享行程,點知轉頭就傳佢自殺,因為佢自知氣勢較弱,所以為搶宣傳,不惜作流料。關仁最鄙視呢啲作料精,再次證明胸大冇腦。

Who is 「變節」and「屙尾」?

點評

22May  「變節」= 李c捷
「屙尾」= Naomi  發表於 12-7-27 09:53


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


469#
發表於 12-7-30 09:26 |只看該作者
關仁隱事:「木偶」扭計唔肯換衫

「木偶」個鼻越嚟越長,長到嚇親人,佢又以為自己升咗呢,眼見自己一劇接一劇,就當正係一姐,其實喺大婆台啲孭到飛嘅小生花旦都俾人撬走晒,木偶先可以拍咁多劇,加上佢叫座力都未夠班,所以惟有留喺大婆台繼續捱。
話說近日木偶有新劇推出,公關為咗力谷劇集自然 call齊傳媒做訪問,為咗遷就班演員,公關就安排傳媒做完活動後訪問木偶,點知佢因為懶嫌煩,初頭死都唔肯換咗套戲服受訪,又話唔知要做訪問,其實佢就擺明唔想換衫,到後尾成班記者拉隊話唔做訪問走人時,佢就怕被杯葛,二話不說就乖乖去換衫。

「木偶」= 羊兒
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


470#
發表於 12-7-30 09:28 |只看該作者
關仁隱事:「打令」傾生意忘食飯

影星「打令」由娛樂圈跳去做生意人,一開波都做得唔錯,而且喺香港內地都有生意,出邊啲人以為佢只係出面同出個名做生意,但其實打令今次真係堅認真,對盤生意不知幾緊張,關仁上次去中環食日本菜,就撞正打令同成班朋友食飯,初時以為打令同班朋友打緊牙骹,原來係傾緊生意經,打令講到首飾同時裝嘅細節,仲鬼咁緊張,講到飯都唔記得食,真係力不到不為財。

「打令」= 劉+0
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


471#
發表於 12-7-30 09:29 |只看該作者
關仁隱事:「白雪雪」寫微博有錢袋

今時今日網絡世界嘅影響力真係好大,隨時可以一呼百應。近年中港台嘅藝人名人都熱玩微博,連啲一線星都玩得好投入, fans又好熱衷不停跟住偶像玩,呢股熱潮真係唔可以睇少。原本微博只係一個藝人同藝人,或者藝人同 fans溝通嘅渠道,但關仁八到近年有公司以重酬請藝人出手喺微博宣傳,好似喺內地好有影響力嘅「白雪雪」,只要佢肯為某公司寫條微博講吓產品又好,講吓間公司又好,就可以收五位數字酬勞,真係羨慕死唔少人。

「白雪雪」= 飯冰冰
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


472#
發表於 12-7-30 09:30 |只看該作者
關仁隱事:
「竹篙精」送飛冧記者

關仁覺得,其實啲選美冠軍未必個個好質地,因為比賽時啲評判近距離接觸佳麗先得個幾鐘,同佢哋傾偈又唔會深入,啲佳麗做戲扮淑女話咁易。好似冠軍級人馬「竹篙精」,平時講嘢吱吱喳喳煩死人,憑佢死嘅性格到唔少主持工作,原來除咗功叻,佢擦鞋仲叻,擦高層鞋就梗㗎啦,關仁知佢連記者鞋都擦。聽聞竹篙精早排買咗 Lady GaGa嘅演唱會飛送畀記者睇,嘩!都幾大手筆,就算唔使用炒價買,都唔係平喎,咁識做,唔知係咪真係會見報多啲呢?

「竹篙精」= 陳庭欣?
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


473#
發表於 12-7-31 10:30 |只看該作者
關仁隱事:「猛熷」變世界妹免惹禍

藝人「妹妹」曾經因為喺夜場得罪咗有勢力人士而搞到一身蟻,原來喺台灣走紅嘅天后「猛熷」,亦試過中招。聽老友講,猛熷早年返北京做嘢,有晚走去一間好著名嘅夜店消遣,當時有位有勢力嘅內地猛人要同猛熷敬酒交個朋友,點知猛熷好大鼻咁拒絕,結果當晚俾人抦到變豬頭,由於個猛人有權有勢,呢單嘢亦都俾內地低調處理,但猛熷經此教訓之後,惟有逢人都笑晒口好熱情咁打招呼。

「妹妹」= 梅姐?
「猛熷」= 阿妹?

點評

IgnatiusWong  入嚟say hi  發表於 12-8-1 09:07
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


474#
發表於 12-8-1 09:53 |只看該作者
關仁隱事:「大頭妹」被父母趕走

家啲模越玩越激,唔着衫影寫真,仲自拍埋去廁所嘅照片,唔知佢哋父母睇到有乜反應?「大頭妹」一向家底厚,記得初出道時同佢去沙灘影相,威到有司機管接管送,試問佢父母點會容忍自己個女拋胸露肉做模吖?最終咪搞出禍囉,關仁聽講大頭妹俾父母逐出家門,又唔畀生活費。唉!冇咗個大靠山,大頭妹惟有用美人計,以佢嘅樣貌同身材要釣件金龜唔難,聽講家有個美容連鎖店嘅大老闆包食包住,雖然只係住喺九龍區一個屋苑,同以前住豪宅有天壤之別,但模要自由,晚晚玩天光都冇人理,真係幾疏乎。

「大頭妹」= E Cup超蓮 鍾采羲 Iris
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


475#
發表於 12-8-2 09:54 |只看該作者
關仁隱事:「瘋癲」雜食成性

公仔箱整容小生「瘋癲」成日被爆搭上北妹,一單完咗又一單,佢嘅雜食口味現形,關仁聽講佢最愛大胸女,雖然有啲國產乳牛根本冇同瘋癲合作過,大纜扯唔埋卻成功搞上。關仁聽聞瘋癲好鍾意上網媾女,遇上啱嘴形嘅,佢就會靠異性親人出動幫拖,話晒多個人掩護,佢甩身都易啲。瘋癲除咗有鋪帶番屋企過夜癮,佢仲會帶返祖屋,以防被偷影。

「瘋癲」= Lam Fung
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


476#
發表於 12-8-3 09:58 |只看該作者
本帖最後由 22May 於 12-8-3 10:00 編輯

關仁隱事:「打仔仔」背妻女

「打仔仔」喺小銀幕撈咗一段日子始終都唔可以好似老竇咁上大銀幕,不過佢都好安於本份,打份工有老竇畀錢買車買樓,閒時就夜蒲媾吓女不知幾快活,就算早排結咗婚都冇改佢媾女性格。最近打仔仔就媾咗同公司嘅一位四線奀星「秋水」,早排仲帶呢位阿嫂出去威,你知去得威唔少得劈,一劈就冇性,阿嫂就畀電視框嘅「爛口」施展霸王硬上弓,雖然最後冇成事,但條女都俾人抽咗唔少水。打仔仔知道件事後好㷫,爛口俾人打咗一身仲要賠錢私了。不過打仔仔都唔敢咁出面,始終佢都唔想件事通天,事關老婆知道唔得掂。

「打仔仔」= 紅天明
「秋水」= Kimmy
「爛口」= 涼烈唯

點評

yoyomama    發表於 12-8-3 13:06
很想知道,追夢的人是如何踏出第一步?


子爵府

積分: 10793

好媽媽勳章 畀面勳章


477#
發表於 12-8-3 15:42 |只看該作者
22May 發表於 12-8-3 09:58
關仁隱事:「打仔仔」背妻女

「打仔仔」喺小銀幕撈咗一段日子始終都唔可以好似老竇咁上大銀幕,不過佢都 ...

邊個叫kimmy?

點評

girlbear  kimmy係關丸山呀  發表於 12-8-5 15:01


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


478#
發表於 12-8-6 10:45 |只看該作者
關仁隱事:「孖潤嘴」被寸讀書少

「孖潤嘴」細細個就膽粗粗去唱片公司自薦做歌手,之後佢好快上位,做咗樂壇一姐,除咗唱歌,又進軍影壇,不過影壇成績就麻麻,佢就好專心發展歌唱事業,閒時抽時間去外地深造。雖然孖潤嘴喺歌壇呼風喚雨,但其實佢明白自己有幾多斤両,因為早出道,讀書唔多,呢個死穴佢都好明白,估唔到之前佢出席活動時,有口痕友大大聲彈佢都冇讀過書,即時搞到孖潤嘴好鬼尷尬,但又唔可以喺班記者面前發爛,好彩佢 EQ一向爆棚,但見到同場嘅「靚聲肥仔」時,就即刻詐嬌篤口痕友話踩佢冇讀過書,靚聲肥仔自然識做到孖潤嘴笑番晒。

「孖潤嘴」= Joey
「靚聲肥仔」= 陳奐人
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


479#
發表於 12-8-6 10:48 |只看該作者
關仁隱事:「型爸」回巢收晒火

三色台因為流失咗唔少藝員,所以最近都積極咁搵番啲人返嚟拍劇,好似都有幾年冇喺公仔箱出現嘅「型爸」,雖然關仁一向覺得型爸演技唔係話好好,但總好過成日睇嚟睇去都係嗰幾個小生、中生呀!型爸自從有咗個女後,同當年衝動爛玩嘅佢已經好唔同,記得當年佢同「悠閒」拍戲,點知有日女方遲大到,型爸即刻火都嚟埋大聲咁話:「陪人瞓就可以遲到!」講到咁係人都知乜意思,不過家型爸應該唔會再咁衝動。

「型爸」= 方中信
「悠閒」= 蛇c曼??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


480#
發表於 12-8-6 10:52 |只看該作者
關仁隱事:「的骰仔」擦錯鞋爆

早排「力哥」同「三日哥」為咗三色台選美啲姐姐仔質素嗌晒大交,喺報紙、微博隔空互片,力哥為咗捧老友「鱷王」場,擦鞋話啲姐姐水準好,三日哥睇唔過眼,猛彈啲女唔掂,反而俾力哥勁鬧佢,差啲反面,好在最後都冇事。不過講擦鞋,力哥旗下嗰個「的骰仔」嘅功夫都幾耍家,喺力哥同三日哥撐到最行時,的骰仔即刻護主,喺微博擦力哥鞋,鬧三日哥話家係選美,唔係選佢啲女。嘩!為撐力哥,不惜鬧前輩導演,佢都算大膽,點知冇幾耐力哥同三日哥又做番好兄弟,的骰仔呢勻擦錯鞋到爆啦!睇怕都唔使旨意有機會拍三日哥嘅戲。

「力哥」= 叻哥
「三日哥」= 晶哥
「鱷王」= 殼王陳國強
「的骰仔」= 狄2達
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo