吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 4|主題: 42776

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

22 232425 26...42

積分: 2775

461^#

發表於 12-10-9 03:12 |只看該作者

回覆：繼續寫下我家癲佬Bruce同我之間的趣事（10月7日update）

支持

私人傳訊

sansan0_0

男爵府

積分: 8836

畀面勳章

462^#

發表於 12-10-9 06:12 |只看該作者

回覆：繼續寫下我家癲佬Bruce同 ...

多謝Selina你不時發放正能量！每次睇完都有得著！

私人傳訊

fatmon81

別墅

積分: 980

463^#

發表於 12-10-9 13:41 |只看該作者

回覆：繼續寫下我家癲佬Bruce同我之間的趣事（10月7日update）

私人傳訊

小小女子

大宅

積分: 1042

464^#

發表於 12-10-10 00:34 |只看該作者

回覆：oguh 的帖子

.....去咗喪禮....超好笑。

私人傳訊

Tsangsiuyin

大宅

積分: 3214

465^#

發表於 12-10-10 03:18 |只看該作者

回覆：Pooh1220 的帖子

私人傳訊

oguh

子爵府

積分: 11575

466^#

發表於 12-10-10 15:29 |只看該作者

本帖最後由 oguh 於 12-10-10 15:29 編輯

亂洗錢

Bruce理財方其實面無咩問題，甚至投資有道，我從來唔擔心。但係佢洗錢方法，有時真係令我頭痕。唔係覺得佢會洗晒D錢，而係覺得佢有時洗錢洗得好無謂，或者白花左D錢。我個人比較實際，花錢要花得值我先心安，所以有時睇唔過眼。

例如，早排佢無啦啦訂左一D大型傢俱放係露台，但送到來先發現原來放唔落，咁佢就算，由佢地拎返走，又唔會諗住退貨或賣走，只係擺左係一個倉到就由佢，完全無理過之後點處置。

Bruce又係英國訂造左個復古版雪櫃，送到來屋企，睇落真係好靚，但我發現好難開，每次開雪櫃門我都要用盡力，覺得自己好笨，點解開個雪櫃都咁難！連Bruce開都要出力先開到，我話：「你特登買D野返來唔係方便自己，依家次次開門都要咁大力，我地遲早肩周炎。」

佢：「新貨係咁架啦，D膠邊太新所以吸力太勁，開多幾次佢地鬆左就唔會啦！」但我地用左好幾個月，都仲係咁難開，有時我見Bruce特登開關開關幾次，就覺得佢好蠢。

Bruce試過去拍賣會，買左幅畫返來。我好驚訝佢竟然有咁好既品味，識得投果幅畫。後來畫到手，送左來屋企，佢好似掛垃圾咁，求其放係度。我唔明，佢用咁多錢投返來，到手後就是但放埋一二邊。最後係我唔忍心幅畫就咁樣，我花時間幫佢搵畫框搵人鑲起佢，佢奸笑：「我就係特登唔理，我知你會睇唔過眼幫我搞。」好賤。

佢又用錢買埋一大堆「唔等洗」既野，例如第一代Mac機（壞左開唔到）、古董相機（無用過）、古董小提琴（佢唔係好識拉）、名貴音響（聽左唔夠十次）、無位放既designer chairs（連盒未拆放係儲物室）、波斯地氈（suppose掛係牆上但佢懶得掛，又係放係儲物室）、上世紀20、30年代既古董poster（又係儲物室！）、絕版舊書（唔準睇，要封起佢）、靚年份既香檳（佢唔捨得飲）、靚年份既紅酒（同一支有十支但佢又係唔捨得開，我地飲極都只係飲左佢收藏既十份一都無，得閒佢就去搵下買回家擺）......數之不盡，買左都未拆開，就咁放係度，咁同變垃圾有咩分別？
我：「你成日亂買野，D錢洗得都唔值。」
佢：「唔通洗係你身上最值？」
我：「起碼有回報。」
佢：「但我投資係你身上越多，你越老越貶值wor。」即刻醒佢一巴掌。

上星期佢無啦啦買左架車，我真係嬲到爆，事關佢幾個月前先買左架，新車落地都無兩個月又買第二架。佢下午買左幾件蛋糕上來我公司「自首」，佢都算狡猾，因為佢知我唔會係大庭廣眾發惡，返到屋企我又已經落左大半啖火。當晚返到去，我特登黑佢面，佢死晒狗咁跟出跟入、斟茶遞水，真係又嬲唔落佢。但Bruce真係好賤，佢見我面色好少少，又問我：「可唔可以賣左你架mini讓個車位比我？你都唔用架啦。」

我即刻黑返面：「點解你次次都係咁？成日都蝦我！」
佢：「我實事求事之ma，你架mini半年都無開過，個引擎都封塵啦。」
我：「你唔好理我。」
第二日返工我即刻開架mini，等你無藉口賣我架車。

事關Bruce有前科。話說我同佢分開兩年間，交過一個男朋友，佢送左一部Leica M6半古董相機比我，仲係特別版，唔係周圍都有。我同果位男友好快就分手，之後我一直都有用果部相機，直到今時今日。同Bruce一齊返之後好多年，某日係屋企，佢望住放相機既防潮櫃，問我：「呢部機你係邊度買到？好罕有。」
我：「唔知，人地送。」
佢：「邊個送？」
我：「一個朋友囉。」
之後佢無再問。過左一排，有一日我返到屋企，發現佢買左一部新Leica M8相機比我，當時果部機好巴閉，新出都未必有貨，佢識人訂先有。我好開心啦，拎住部新M8愛不措手，係咁玩。玩玩下我想換鏡頭，走去防潮櫃望下換咩鏡好，望望下，咦？點解唔見左我部舊M6？
我：「我部M6呢？」
佢：「我賣左喇，你有M8，唔洗用M6啦。」
我：「下！！！」
佢：「你都好少用M6菲林機啦，M8係數碼機方便D呀。」
我：「唔係用唔用既問題，而係果部機係好罕有，係一份禮物！」
佢：「咁我送比你呢部M8都係禮物呀！」仲咁死硬頸！

聽完，我用左我生平以來識既粗口去鬧爆佢，有無搞錯？無問過我就掉左我D野！咩事呀！我咁大個人，都未試過咁惡去鬧一個人，而果個人竟然係我老公！真係激死我！依家回想返我當時應該真係好似一個癲婆，真係大叫大罵，史無前例咁激動！直頭人都震、氣都咳!！Bruce嚇到面都青，呆左，無反應。但佢越無反應，我就越嬲，越嬲，我就越鬧得惡。結果成晚我都無同佢講過半句野，同埋趕左佢去客房瞓，唔準佢同我同房，佢從未試過比我趕出睡房。

第二日，我記得係假期，我瞓醒仍然唔理佢，成個朝早係屋企大家都無出聲。然後到下午，佢見我都仲嬲緊（好少嬲咁耐），佢先騰騰雞雞、顫顫抖抖拎住個紙袋同我講：「其實，你部M6仲係度。」原來佢入晒袋準備拎去賣。

我見到個紙袋裡面我部M6入左盒，又更加嬲。點解你要我嬲足一晚？？？點解你尋晚見我咁嬲都唔即刻同我講未賣！！！Bruce大爺你係咪嫌我命長想激到我短幾年命？？？你玩我？？？
佢解釋：「我尋晚都未決定賣唔賣。」
我：「下！即係你見到我咁嬲、咁唔開心，你都仲想賣？」
佢：「......」

我又用粗口鬧爆，嬲足佢幾日。以後，所有「我的」物品，未經我同意，你唔準賣／掉左佢，就算係你送比我既野，都已經係「我的」，唔準搞我D野！！！！！！

果次之後，Bruce唔再敢搞我D野，佢執屋，要掉野都要問下我先，就連佢自己既野，有時都會問我。而到依家，我都唔明點解佢要整走果部M6，最大可能性係，唔知係咪佢sense到係男人送比我，所以佢先發作，唔想我再用果部機，以後只用佢送果部，真係好變態。

當然，我睬佢都傻，我鍾意用菲林機就菲林機，用數碼機就數碼機。