眼訓 發表於 21-2-24 16:14 
正正10年前都試過一次，成件事係倒模一樣。Cold snap，需求大咗但產量少咗，要rolling blackout，冇停電嗰 ...
推樁囉，點準備冇講？小市民信政府靠政府，結果係點？不過就算話自己準備喺咁急情況下都唔知要點，始終真係幾十年不逢一潤，真係望天打卦。馬後炮好多人都識，但明明有前科，仲信可以僥倖真係冇嘢講，其實就算唔係德州，點都應該有contingency plan，不過話又說回來，好多公眾服務或者大公司只睇營利，花錢嘅計劃可免則免，見到可以慳一筆點解唔慳，咩compliance咩contingency都唔及當前分花紅緊要，反正最受影響唔係一班高層；話說我朋友公司好地地炒咗一班supporting compliance team，諗住班老臣子人工貴，將工種headcounts去人工平果兩三個州度（冇州稅果D），但問題係果幾個州請唔到有同樣經驗嘅人，問咩都唔識答，好啦，一年後出事啦，公司俾聯邦政府罰錢，果舊錢遠遠大過慳到果筆數唔知幾多倍，而被裁果班大部份人都搵到工，朋友話最初佢公司諗縮數，想減班老臣子人工，於是炒咗佢地，再叫佢地去應徵搬咗去其他州嘅工種（其實性質差不多，workload係少咗DD，只係換個名減人工），人工自然係少一截，諗住呢班人好多做咗廿幾年，做慣做熟會願意接受，但偏偏人地拎住果筆錢慢慢嘆一陣先，之後再搵工，朋友公司班高層計錯數，表面係真係慳咗一大筆錢，但結果係走咗一班做咗廿幾年有經驗嘅員工，點解佢地咁高人工係有原因囉，結果而家輸晒，賠咁嘅咗人才又輸埋錢。
人禍難避，天災更冇得預計，以前幾十年前覺得冇可能嘅都陸續發生，加州一向都陽光多氣候暖雨水少，但都試過落雪同storm，所以真係冇得預計。
花旗太太生活在花旗國，留意時差，你問我未必即時答到。
而我今日先知原來TX唔係個個水喉總制就咁行埋去就可以關。
不過就有見裝修佬話趁呢個檔口落TX搵返筆，雙贏都好嘅。
要明白我地關大制係行落basement徒手擰個制咁簡單。知道佢地要點樣關大制之後，跟住自己代入吓，如果住喺一個冇唸過會冰封嘅地方，要搞plumbing又會請人返來整，有機會真係完全唔知個大制喺邊。就算知，可能已被冰封，或者冇架生，真係會企咗喺度。網上最多人提議話開少少水喉由佢滴滴吓就唔會爆。但間屋唔夠insulation，兩下就跌到零下。slow flowing faucet已經冇用。睇人地d相，要瞬間雪硬咁多水應該超級凍了。
但同今次TX比，應該話，根本冇得比。
結論係而家嬲幾多都冇關係，2024先reelection，到時都唔記得晒lu。
發表於 
返回列表
