懷孕前後 今日: 1 | 主題: 330573

積分: 2480

521^#

發表於 07-9-20 09:28 |只看該作者

flo, lee排轉天气, 好多人都病, 各位小心保重.

原文章由 elmostoney 於 07-9-20 00:26 發表

可能佢嘅節目太多, 我成日帶佢出去, 舟車勞頓, 而家疲勞過度卦. 聽日係屋企附近行行企企算啦.

私人傳訊

積分: 6299

522^#

發表於 07-9-20 09:55 |只看該作者

今朝帶b女去動值物公園, 見又唔曬, 又涼涼地, 唔洗去咁遠, 佢凰有少少鼻水, 不過就唔嚴重. 點知佢去到係咁扭抱, 我係唔抱,亦唔比工人抱, 最後佢大喊, 眼淚鼻涕物都齊. 到後來我地趕住走先抱佢去門口. 好在佢都唔係重, 不過咁落去都唔得.

今日又比b女返pg, 今個禮拜返足5日. 見佢係屋企無所事是, 對住工人, 不如去返下pg. 個老師都幾好, 有ddiscipline, 唔會比d naughty嘅小朋友係到攪亂檔, 會叫佢地出去. b女係個度做好多puzzle,訓練到專注力又可以手眼協調同matching, 我覺得都ok. 冇winnie同lo lo你地d pg咁好,教咁多野, 教就唯有靠我自己, 所以我要帶b女出去多d.

我諗諗下又覺得pth係要學, 不過都唔會好intensive咁谷啦, 一來一個禮拜上得一兩堂冇物用, 二來語言嘅野,唔用就學唔到. 等於我以前係hk讀書, 淨係返學上英文堂, 我學校已經係叫英文學校, 得一兩科係中文based, 但係除左上堂,因為平時唔會用, 所以都係用中文為主. 學pth, 而家當係比b女習慣下d音調, 唔期望佢學到d 物, 除非我自己去學埋一份,係屋企同佢講.

私人傳訊

carolchanym

積分: 2649

523^#

發表於 07-9-20 11:38 |只看該作者

lolo,

我都想黎'得一得'架,但我老公唔太想,怕個仔辛苦喎

佢又想早啲去飲，等對仔女同啲親戚影吓相喎:tongue:，如果佢唔去就冇人車我入去架喇。:-(

私人傳訊

積分: 7177

524^#

發表於 07-9-20 12:05 |只看該作者

M&M,

你真係傻女黎，有乜好嬲喎，意見唔同梗係講出黎好o的架啦，我唔係話要拗到你認同我，係大家傾下都好吖，係呢度，我地每個人做乜野都係諗左bb先，但當然，我地梗係比自已認為最好既野佢啦。
錦繡開左再通知你吖。

FLO,

我睇睇下都好想上埋60個鐘果個課程, 費事唔湯唔水，特別係我打算多o的係屋企教佢添，今日先知會所個pg下個月得返兩個小朋友，可能開唔成，呢個老師都幾好，可能人少少，發現有唔啱好快就糾正到，佢今日先讚牛奶妹定左，如果冇得返我咪當果o的學費比我去讀囉，係就係教完牛奶妹之後無以為繼，但或者到時我再學多o的，可以上門家教呢。

LO LO,

我地冇點傾過幾多點去到你度，我要睇下牛奶妹既狀況點，如果OK既我想帶佢去海灘玩下先，咁樣去到都可能成二點幾。
我今日買左鴨腎啦，要醃兩日先入味。

私人傳訊

積分: 7177

525^#

發表於 07-9-20 12:11 |只看該作者

FLO,

如果你驚秋交會咪要十月下旬先可以去廣州囉？黃金周真係會好多好多人，我都唔知點解，中國人就係鐘意揍熱鬧，好似唔去迫下唔舒服咁。不過你唔好咁急決定啦，迫得自已太緊心情都唔好得去邊，隨心囉，可能有一日你同老公都得閒，而你地o的證件又齊晒，咪即刻去囉。

carol,

你星期六又黎唔到呀？係咪嬲我地擒日卦住楝書，冇陪到你同小b豬食晏呀？
但我知你唔會咁小氣既！

私人傳訊

junbo

積分: 2226

526^#

發表於 07-9-20 14:15 |只看該作者

Carol,
咪傻,我同小B豬講下笑之麻,草草根本浯知發生乜事,佢唔緊呢D野(唔知係唔係感覺遲頓!

),你留返比小豬妹啦。話時話好耐冇見佢,你地星期六黎拉。

原文章由 carolchanym 於 07-9-19 23:36 發表
亞希子，
今日真係唔好意思喇,小b豬夾硬要咗草草既字母咭,買咗之後佢根本就唔記得,而且佢真係己經有好多呢類型既野,只不過想要thomas之嘛,我己經拎起咗,睇吓妳返日本之前邊日方便,拎埋比妳,當係送比草草吖,undefined ...

私人傳訊

junbo

積分: 2226

527^#

發表於 07-9-20 14:22 |只看該作者

其實我想問下唔比接觸其他小朋友係蒙氏主張定後D人理解之後認為係咁?我睇左the montessori method中譯版,而家睇緊Dr montessori's own handbook中譯版,唔見佢有提,不過我對呢樣野認識都係好少。

原文章由 奶粉妹 於 07-9-19 23:51 發表
flo:
係呀!我就係同意唔到蒙氏呢d point.
我唔敢發表太多,怕你同winnie唔仲意.
佢講有部份我係同意,比bb自己嘗試,咪都要參與.
但因為咁唔比佢接觸其他小朋友,我覺得唔太通.除非自己係個荒島住,生得係呢個社會 ...

私人傳訊

junbo

積分: 2226

528^#

發表於 07-9-20 14:35 |只看該作者

Winnie,
琴日唔該你,又帶買好野又幫我拎野,仲有打埋電話叫我一塊一塊魚包好來雪,我真係成袋放左入去!

係呢你可俉再講下個羊架點食呀?比呀媽問多幾問我又似唔係好肯定咁。

仲有唔該post明日開倉詳情,唔該!

私人傳訊

積分: 6299

529^#

發表於 07-9-20 15:16 |只看該作者

原文章由 junbo 於 07-9-20 14:22 發表
其實我想問下唔比接觸其他小朋友係蒙氏主張定後D人理解之後認為係咁?我睇左the montessori method中譯版,而家睇緊Dr montessori's own handbook中譯版,唔見佢有提,不過我對呢樣野認識都係好少。 ...

係我地上堂個miss講, 佢話bb係3歲之唔識分是非, 見到物都有機會有樣學樣, 所以最好唔好隨便比bb係外邊上pg, 最好係去一d架構同manage得好d嘅pg, 咁個導師控制得情況好d, 唔會有d小朋友有d失控嘅行為比其他小朋友見到. 但係據個miss所講, 以佢自己所知, 好嘅pg係hk唔係好多, 好多都係人辦佢又辦, 根本冇物幼兒教育知識, 所以佢就覺得唔上好過上. 亦都因為咁, 所以佢主張3歲前要媽媽全職湊全職教, 因為冇人可以幫到手教. 佢嘅意思係0~3歲bb不論係腦細胞連結同性格都form左60%, 所以呢段時間唔好假手於人, 亦要避免接觸外邊d不良影響.

私人傳訊

chintaitai

積分: 3845

530^#

發表於 07-9-20 17:25 |只看該作者

lolo,
吾好意思, 都吾知整乜黎, 呢排 d 鴨又有事, 吾敢整鴨舌住, 吾好稔得咁辛苦, 叫外賣, share 番最好

咁我吾去多多喇, 1点零鈡左右黎丫。

我如果向HK, Oct 27 都想去Rosaryhill, 用一個家姐住址報, 佢住跑馬地。

winnie,
好想跟你買魚, 今日去完YMCA pg 去citysuper, d 加拿大鱈魚好貴

carol,
吾好意思呀, 我地睇書睇到朦哂, 攪到你同小 b 豬冇茶飲tim, sorry

sumsum

私人傳訊

積分: 7177

531^#

發表於 07-9-20 19:46 |只看該作者

亞希子,

我果日已經post左一次架喇, 而家再抄一次：

景行開倉：
21-29號, 上午九點至下午六點, 五折至七五折, 特價書10元起.
火炭坳背灣街廿六號富騰工業中心十二樓十四室(火車站D出口行十分鐘或沙田乘60K小巴在富騰下車)

我21號早上要同牛奶妹返PG, 所以下午先去, 據我所知亞希子會上午去.

蒙氏梗係冇講到唔好群外面o的小朋友啦, 佢創辦呢個兒童之家係收容貧困孤兒, 佢既兒童之家根本就自成一國.果日我都有問：我教囡囡守秩序, 但係遊樂場有其他小朋友唔係咁, 咁我應該點同囡囡解釋, 咁佢咪話三歲之前最好群返蒙氏既小朋友囉.

私人傳訊

積分: 6299

532^#

發表於 07-9-20 19:49 |只看該作者

winnie, 我留左名報導師班, 到時一齊上. 好似11月開班, 只要佢唔係要分開幾個月上我就得. 唔係又要等生完.

今日去左灣仔買教具, 好有收獲, 好過深水埗好多. 我買左:

1. 一個clown 嘅磁板拼圖, 唔同眼耳口鼻髮型自己砌 $38
2. 一個好似天秤咁嘅野教數學同重量, 不過好似好化學咁, 要試下work 唔work $15
3. 一套bb穿珠仔, 係五顏六色嘅線轆+鞋帶 $18
4. 一個拼圖物體嘅野, 好似鐘咁, 有12個數字同一支針, 跟住要拼返同數量嘅物體圖落去match$25
5. 一套穿到做頸鍊嘅珠仔, 我揀d窿大d嘅, 係深水埗都有呢d, 不過冇咁多choice $10
6. 波子 (之前都買左, 不過比b女玩玩下唔見左好多)
7. b女專用筷子
8. b女專用托盤 $12
9. 一個有拎蓋嘅飲水樽, 比b女練拎呢個動作, 佢玩完我地可以攞返來帶水出街飲 $18
10. 眼鏡一副 $3
11. pooh手提電話一個 $27

我都覺得真正教學, 唔洗買咁貴嘅野.

今日好滿足. 會慢慢再搵.

私人傳訊

wongwongbb

積分: 4703

533^#

發表於 07-9-20 20:38 |只看該作者

我又講下我對蒙氏既comment，聽左你地講咁多，其實好多野都係早就知，邊個唔知自己湊小朋友對佢地發展應該有好處無壞處，因為教左個小朋友出黎係因應你自己想點教，梗係最終自己唔會話自己唔識教仔啦；要多d帶小朋友睇實物，咪即係擴闊眼光，點會唔好呢？多d做家務，咪即係有discipline囉，梗好架....
但佢話要小朋友群上過蒙氏pg既小朋友，聽到呢度我就好反感，覺得佢地太偏激，眼光亦太狹窄，無量度，我諗你地唔會咁教小朋友，要點教小朋友呢？唔通話：呢個小朋友你可以同佢玩，o個個就唔好喇.... 小朋友會問點解，亦都好奇點解要選擇朋友，講真咁就令佢地咁快有階級觀念，有咩好處？對人亦無左寬宏，佢地第日唔識點選擇朋友，對別人可能會好早就存有懷疑之心，好難交朋友，我既角度係，每個小朋友都要有自己社交圈子，點識朋友識咩朋友，都要比佢地自己摸索，而唔係咩都為佢地安排，好既小朋友同曳既小朋友都有唔同既可取之處，自己個仔/女學左就話佢知咩係應該做咩係唔好做，佢先識分好與壞，同時要識得點去欣賞每個人既優點，點去判斷每個人又咩缺點，而唔係斬腳指避沙蟲，用逃避來解決問題，我覺得係消極，有違佢地既"要實踐同多接觸"既理念，講真丫，到小朋友長大就越來越多朋友，接觸咁多人，點去封鎖呢？蒙氏既理論有時真係令我覺得太偏激，當然我有好多方面係覺得o岩，只係佢地轉個方法來表達，同時將呢d好處好精挑出黎話比家長知，不過好彩你地個個都肯思考，相信都知道咩係無可能跟足做啦，每個人都有唔同既教育方法，無咩話對錯，只要小朋友係心地善良，第日唔會做壞事，對身邊人有愛心肯關懷，我覺得已經係好成功喇。

[/url]

私人傳訊

積分: 7177

534^#

發表於 07-9-20 20:42 |只看該作者

我聽日都上pg, 等我都留十一月位先得, 一齊上堂可以互補不足吖麻.

你今日收穫真係好豐富喎, 係咪係太原街買架, 我都有比個屈臣氏樽牛奶妹檸, 佢而家都可以開到.

私人傳訊

積分: 7177

535^#

發表於 07-9-20 21:04 |只看該作者

LO LO,

其實無論係蒙氏同Daisy都冇話到一定要群蒙氏教育既小朋友一齊玩先得, 係我問佢上次同牛奶妹係遊樂場遇到既事點解決, 佢話小朋友三歲之前最好由家長同佢選擇小朋友, 最好就同返蒙氏小朋友一齊玩啦.

我覺得佢地有時都會偏激左, 例如蒙氏最出色係數字, 有o的標榜蒙氏既學校就剩係用數學教具, 咁佢又話人地唔正宗, 我覺得呢o的就係太武斷, 集各家之所長有乜唔好啫, 但如果掛左蒙氏兩個字又收貴幾千蚊我就覺得過份左, 所以都要好好咁選擇先得.

私人傳訊

wongwongbb

積分: 4703

536^#

發表於 07-9-20 21:31 |只看該作者

winnie，

咁daisy咁講咪即係叫你最好同蒙氏小朋友玩，要為小朋友選擇朋友仔，我有無get 錯你意思？如果呢個純粹係佢自己睇法而唔係真正蒙氏既理論就真抵打，因為堂上面佢係負責將蒙氏理論教其他人，咁即係佢自己將自己想法加左入去，唔係好o岩喎。

[/url]

私人傳訊

積分: 7177

537^#

發表於 07-9-20 21:44 |只看該作者

lo lo,

我又咁諗, 蒙氏係一百年前主持一個叫'兒童之家'既機構, 裡面既小朋友根本已經自成一角, 唔使再分類, 所以係佢既著作裡面見唔到呢o的學說好正常, 而daisy咁講一黎係回應我既問題, 二黎我地唔多唔少都已經同小朋友分左類, 例如我講果個小朋友, 如果見佢係度玩我會引牛奶妹去玩另一樣野, 唔想同佢正面衝突咁解啫. 小朋友而家乜都唔識, 更加冇判斷對錯既能力, 係驚佢不知不覺中學左不良既野, 到時要糾正佢就難嘞.

daisy係講過同蒙氏教育下既小朋友一齊玩就唔有咁既問題啦, 佢係幾武斷架, 成日認為自已果套100%正確, 正如佢話唔好帶小朋友去飲茶, 好多家長都唔同意啦.

[ 本文章最後由 Winnie_C 於 07-9-20 21:47 編輯 ]

私人傳訊

wongwongbb

積分: 4703

538^#

發表於 07-9-20 22:36 |只看該作者

winnie，

所以我話好彩我地都識分析，唔會比佢偏見影響囉。

[/url]

私人傳訊