muffinmama 發表於 21-3-19 12:04 
這個婆婆簡直係我的hero！嗰班廢柴專揀阿公阿婆來襲擊，我睇片這婆婆拿著塊木板，旁邊燈柱有堆雜物，相信 ...
點講呢，我覺得最最離譜係呢個打人嘅白人已經唔係第一次，佢有前科，呢單係知道嘅第三單，全部受害人都係老弱婦孺，佢三十幾歲人，神高神大去洽老人家有咩咁光彩，只係發洩自己內心嘅自卑感。痛心在居然發生喺一向比較包容嘅加州，仲要係三藩市！呢度一向係華洋雜處，華人白人黑人拉丁矞普遍叫做和平，疫情以來，種族仇視同治安變差日益明顯，我完全感受到唔安全，所以我唔期待返工，要返我都唔會喺大部份人未返之前返工，我公司所在處而家水清河飛，揸車經過成個死城咁，要我喺度做嘢我會周身唔聚財，不過我知公司唔會逼我，我亦唔係非坐office不可果類工種，而家WFH係有唔方便，但都做到9成嘢，呢一年最大得著係耐性同包容，有D嘢係做唔到就做唔到，有D嘢要等，咁咪等吓囉，人生咁長～
最近加州打疫苗，老實講，計劃同安排都好麻麻，有地方要登記要收手續費，但同時疫苗開咗唔用唔可以過夜，於是有地方有人排好耐都約唔到打疫苗，有地方約咗冇出現令到疫苗浪費，於是就有人每日去疫苗中心或藥房外等，過晒約嘅時間後就可以排隊打，有時多3針，有時多好多針，於是我有朋友唔喺eligible list上都打咗，有人嘈話唔公平，我又覺得唔好講公平，我知有人搵咗好多地方都約唔到，有人唔駛約，咁總之可以打到嘅人越多越好，呢樣就係安排打疫苗嘅目的，希望多D人受到保護。FB上有人開咗個專頁，俾人分享資訊，例如邊度有疫苗，邊個網上有得約，甚至有人好心幫人約，朝早三四點上Walgreens/CVS網上，幫人開戶口約打疫苗，約好咗就將戶口名同密碼PM俾當時人，一分錢都冇收，純粹幫人，有人得到人幫助打到針後，決定回饋幫更多嘅人，呢D先係呢個時勢應該要有嘅，而唔係去損人而不利己。
** 果位婆婆係台山人（聽口音就知，而且三藩市嘅華人好多都係台山籍），我地成日聽人話台山妹唔好蝦，果然係嘅。以前我女個preschool 老師話必須教個女要tough，唔好俾人洽，而家更加唔可以唔stand up!
花旗太太生活在花旗國，留意時差，你問我未必即時答到。
其實來了美國咁多年，我只係這幾年覺得有危機。我老公唔明點解我討厭侵侵，我話係佢第一次令我覺得會有好似當年二戰時日本人被送到集中營的危機，因為佢成日講中國搶我們的工作。我住德州大埠suburban area，講真平日出入算安全，但我最近都覺得去華人超市等要小心啲，望吓周圍環境。唉！
發表於 
返回列表
