影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


521#
發表於 12-8-28 10:03 |只看該作者
關仁隱事:「獨臂刀」食去水丸喼弗

做得娛樂圈當然要用最靚嘅一面見觀眾,有人健身操fit、有人節食減肥,點都好靠藥物就最唔好囉,一向以勤力出名凡事親力親為嘅「獨臂刀」,雖然年近半百,身形仲好fit,同跳舞出晒名叻嘅「力王」有得揮。人哋力王唔使開工日日舉嘢舉幾個鐘,獨臂刀咁忙,究竟佢點保持?有位同關仁熟嘅藝人爆料,話原來獨臂刀係靠食去水丸保持線條,大大話都食咗成五、六年。嗰位藝人話成日都有勸獨臂刀長食傷肝、傷腎,仲會食到啲肌肉好似死肉咁,同力王嗰種脹卜卜天然嘢唔同。不過你知啦,獨臂刀出名獨斷獨行,聽你講都唔係佢啦。

「獨臂刀」= 劉華
「力王」= 阿王

點評

IgnatiusWong  返來了,好玩嗎  發表於 12-8-28 12:07
chingcging  MAY姐,你返嚟啦﹗  發表於 12-8-28 10:09
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


522#
發表於 12-8-29 09:40 |只看該作者
關仁隱事:「大帝」甘做老婆奴

寶島女神「馬尾」前排嚟咗香港拍戲,同至打得「大帝」合作,係人都知大帝出晒名麻麻煩煩,自從佢打到紅咗之後,變得目中無人,當正全世界都要靠佢搵食咁,就連馬尾都唔例外。話說有次放食飯,大帝竟然消失咗四粒鐘,要全世界呆等,仲以為佢發生乜事,點知原來佢靜雞雞走咗去陪外母食飯,咪睇佢外表成個大佬咁款,內裏其實係一名老婆奴,只要老婆大人開聲要佢出現,就算開緊工,佢都借頭借路搵藉口竄走,大模斯樣失蹤幾粒鐘,連馬尾都冇佢符,話晒唔係自己地頭,忍咗佢就算。

「馬尾」= 陳妍希
「大帝」= 因子丹
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


523#
發表於 12-8-30 09:36 |只看該作者
關仁隱事:「小魔怪」遭功臣報復

「小魔怪」瞓身搞電視台,到家都唔知幾時可以翻本,但繼續日日燒銀紙唔係辦法,惟有諗計節流。早前無端端炒咗幕後「功臣」,搞到之前簽咗畀佢班藝人個個震騰騰。關仁聽講功臣嬲到飛起,覺得自己俾人用完即棄,為咗報復,連之前幫藝人搵嘅化妝、整頭贊助全部撬走埋,因為功臣喺呢行都叫有頭有面,贊助商當然照做。最慘當然係班藝人,好似「太陽之女」就最陰公,以為跟住老竇泊到好碼頭,點知早前接到個騷,完全冇公司人帶出帶入,十足孤兒仔,仲要自己畀錢搵人化妝、整頭,認真唔化算。

「小魔怪」= 王維基
「功臣」= 劉傳弘
「太陽之女」= 黃日華個女黃芷晴
很想知道,追夢的人是如何踏出第一步?


伯爵府

積分: 18896

分享愛 貓狗褓姆 魅力公主 好媽媽勳章 醒目開學勳章 2011精緻種植勳章 畀面勳章 環保接龍勳章 親子達人勳章


524#
發表於 12-8-31 15:37 |只看該作者
嘩 ... 我一口氣追晒27版呀


大宅

積分: 1718


525#
發表於 12-9-1 23:17 |只看該作者


珊瑚宮

積分: 112550

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 虎到金來勳章 HiPP勳章(1) 育兒性格勳章 最關心BB問題熱投勳章 開心吸收勳章


526#
發表於 12-9-2 17:18 |只看該作者
「爆」曾經周旋喺「發電王」同「拎起」兩位女星之間,搞到發電王同拎起反目,近日又傳出拎起唔知死,同「成日暈」私下出招冧爆,再搞多次兩女爭一男,係真係假只有當事人先知。既然有咁嘅新聞傳出,傳媒當然循例要問番發電王嘅回應,關仁聽聞之前發電王出席活動,記者咪問佢有關爆單新緋聞,點知記者一提起拎起個名咋,發電王即刻好大反應,仲黑面兼彈開,令記者嚇一跳,睇嚟發電王依然好唔妥拎起。

「爆」= LAW霸

「發電王」= 阿蛇

「拎起」= 周NIKIE

「成日暈」= 苟姑娘

點評

connielamyee    發表於 12-9-5 12:29
22May    發表於 12-9-3 09:38


珊瑚宮

積分: 112550

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 虎到金來勳章 HiPP勳章(1) 育兒性格勳章 最關心BB問題熱投勳章 開心吸收勳章


527#
發表於 12-9-2 17:19 |只看該作者


「躁底王」之前公開勁鬧傳媒唔畀面佢,仲周圍辣火頭,見到躁底王咁唔理智,班傳媒就團結起嚟唔再採訪佢。
搵助手替死

起初躁底王都扮型唔志在,點知佢見次次出嚟大家都當佢透明人,就驚以後真係冇人理佢,所以早排佢出席一個頒獎禮時,眼見現場大粒星唔多,於是就搵咗助手做替死鬼,叫助手問記者想唔想同佢做訪問,成班記者一口拒絕,點知助手仍厚面皮再問多記者一次,但繼續被記者請食檸檬,躁底王呢次認真瘀皮。

「躁底王」=PAUL

點評

22May    發表於 12-9-3 09:31


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


528#
發表於 12-9-3 09:35 |只看該作者
關仁隱事:「頭暈暈」冇錢學廣東話

唔知點解香港靚女買少見少,三色台惟有捧一班廣東話都唔正嘅番書妹做花旦,過去都有唔少成功例子。不過「頭暈暈」嚟咗香港幾年,廣東話學極都係咁差,關仁聽講佢之前搵過專人教授,但大拿拿成千蚊一堂,喺三色台人工又奀,頭暈暈上咗幾堂已經放棄咗。其實想最快學好一國語言,最好係搵番個本地男朋友啦,可惜頭暈暈啱啱分咗手,身邊朋友又擔心傷害到佢弱小心靈,平時即使聽到佢發音唔正,但意識到佢噏乜,都唔會專登糾正佢;久而久之咪越講越差囉,搞到劇集出街成日俾人投訴。

「頭暈暈」= 9慧暈
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


529#
發表於 12-9-4 09:08 |只看該作者
關仁隱事:「黃咁咁」當眾唔認仔女

好耐之前關仁曾經同大家講過打仔「黃咁咁」其實結咗婚好多年,而且仲生咗對仔女,但佢唔想影響事業,所以一直好低調唔畀人知。聽聞黃咁咁為咗保守呢個秘密,平時已經唔係點同仔女出街,就算出街睇戲食飯,都會鬼鬼祟祟,最離譜嘅係,黃咁咁事前會提醒仔女唔好當眾叫佢爹哋,唔想畀街外人發現,呢種自私自利嘅人根本唔配做人老竇。講真句,黃咁咁又唔係紅更加唔係偶像,有冇諗過自己咁做會對仔女造成傷害?

「黃咁咁」= 樊少黃
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


530#
發表於 12-9-5 09:37 |只看該作者
關仁隱事:「阿火」避與「人瑞」衝突

樂壇「人瑞」呢排停工掛住湊B,自從二人世界變三人行之後,佢哋成日嘴唇邊都講湊仔經。做咗人妻兼人母嘅人瑞點都會長氣啲,佢當然會哦下老公「阿火」,關仁有日去high tea撞見人瑞個奶奶,佢同朋友大講家事,奶奶話人瑞會哦老公仔,不過阿火超級醒,佢啱聽嘅會統統記到實,唔啱聽嘅就當聽唔到,避免兩公婆嘈交,奶奶都讚自己個仔高招,治得掂人瑞。關仁始終覺得家和萬事興,一家人咪遷就吓囉。

「阿火」= 子高
「人瑞」= 千fa

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


531#
發表於 12-9-6 09:45 |只看該作者
關仁隱事:「黃皮白心」有藝人家姐

靚女參加選美,好多時會俾人話要靠後台實力,同啲藝人有親戚關係就更有利,今屆三色台嘅鬥靚比賽中,參賽者「落湯雞」因為有個做過藝人嘅老竇令人氣大增,有個導演親戚嘅「暗啞底」仲攞埋冠軍。原來亞軍「黃皮白心」都有個藝人家姐,佢家姐原先喺三色台嘅收費電視做主播,但收費電視唔係咁多人睇,家姐知名度唔係咁高,佢喺阿妹參選前又轉咗去另一個收費電視台做。黃皮白心參選以來都冇靠家姐博見報,家仲攞到亞軍,相信都係同佢自己表現好有關啫。

「落湯雞」= 湯落文
「暗啞底」= 張名啞
「黃皮白心」= 黃心穎



很想知道,追夢的人是如何踏出第一步?


大宅

積分: 2494


532#
發表於 12-9-7 00:41 |只看該作者
22May 發表於 12-9-6 09:45
關仁隱事:「黃皮白心」有藝人家姐

靚女參加選美,好多時會俾人話要靠後台實力,同啲藝人有親戚關係就更有 ...

家姐?

點評

22May  now tv - Scarlett Wong 黃幗頤  發表於 12-9-7 09:55
:angryfire:  :chair:  :ranting:  :adore:  :verycold:  :wave:  :evil:


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


533#
發表於 12-9-7 09:55 |只看該作者
關仁隱事:「造姐」夠均真唔攞着數

由演員到做司儀都有一手嘅「造姐」,出晒名做嘢認真,而且永遠唔會遲到,呢樣嘢已經夠一班姐仔、哥仔學一世。另外,眾所周知造姐亦都係圈中嘅小富婆,佢之所以累積到咁多財富,當然係因為自己努力同慳儉,但佢就絕對唔係孤寒,只係均真,佢唔會攞人着數,人哋亦唔使旨意攞佢着數。話說造姐好鍾意去尖沙嘴某酒店嘅咖啡廳同人傾嘢,每次去親無論見嘅係老闆或者普通職員,造姐都會AA制自己畀番自己份錢埋單,連酒店職員都好欣賞佢呢種品德。

「造姐」= Do姐
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


534#
發表於 12-9-10 10:02 |只看該作者
「窿窿」樣靚手醜好避忌

查實近年大婆台鬥靚會參賽者嘅水準都有上升趨勢,但水平始終無復當年,神枱級美人「窿窿」就係經典,佢好似食咗防腐劑咁永遠唔老。

多青筋幼紋

對於自己個樣咁多年嚟都保養得咁好,窿窿都好自豪,不過關仁聽啲太太團講,原來窿窿有個死穴位,就係佢嘅一對手。手最容易洩露女人年齡秘密,唔知點解,窿窿對手特別多青筋同幼紋,似足阿婆手。因為咁,窿窿每次出席公開活動,只要有人影相,就會即時收埋對手,一係放喺背後,一係左右手搭住遮一遮,避免對手上鏡。

「窿窿」= Chu Ling Ling
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


535#
發表於 12-9-10 10:03 |只看該作者
「咀咀」網上爆料博見報

緋聞戀情永遠係娛圈最好嘅宣傳工具,「咀咀」同「小王子」嘅戀情曝光,成為好多雜誌封面,兩位主角知名度即時升溫。今次咀咀被指係第三者,令小王子同前女友分手,又揭出男方已婚多年有埋仔女等。形象一向楚楚可憐嘅咀咀,哭哭啼啼講到唔知情,又話唔想多講。不過,關仁聽聞其實咀咀電力勁係人都知,唔少男士都招架唔住,佢見同小王子戀情咁多人留意,話唔講但其實乘機喺網上不停留言,唔怪得有人話佢擺明乘機宣傳。

「咀咀」= JJ
「小王子」= 樊少王
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


536#
發表於 12-9-10 10:05 |只看該作者
關仁隱事:「高腳七」博見報唔怕面

三色台姐仔「高腳七」向來都係賣性感,所以幾受記者歡迎,不過,可能早排佢結咗婚,加上唔少性感尤物湧現,高腳七要靠性感見報都唔係十拿九穩。話說嗰晚姐姐仔選舉,高腳七悉心打扮出席,但嗰晚個個女藝人都性感㗎啦,要博見報真係唔易。高腳七於是出奇招,一味死等,當藝人行完紅地毯入後台,記者就會捉住想訪問嘅對象,而高腳七走到入後台嗰陣個個記者都忙緊,冇人騷佢,面皮薄嘅藝人梗係即閃啦,但高腳七就一個人面懵懵棟喺度等足五分鐘,終於等到記者訪問佢,呢啲咪醒囉。

「高腳七」= 女慧兒
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


537#
發表於 12-9-11 09:47 |只看該作者
關仁隱事:「不死身」硬食死貓

「不死身」雖然經常犯錯,但唔知點解每次危急關頭都有人出嚟撐佢,無他嘅,因為佢份人夠圓滑,去到邊都得掂班老細,早前又有機會擔大旗做大型節目司儀。好多人覺得不死身係擦鞋仔,見恩師「大師」無權無勢即時做縮頭龜冇咗影;但聽講不死身份人又唔係咁無情無義,早前大師搞咗個大型活動,不死身都諗住撐場,但點知俾某某使橫手,專登安排工作阻撓佢出現,搞到最後去唔成,仲俾人喺背後唱佢。不死身覺得好唔抵,話晒自己係四面人,周圍向朋友呻,原本佢都想將真相公開,但又怕俾人話博宣傳,惟有硬食呢隻死貓囉。

「不死身」= 崔波波
「大師」= 志雲大師
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


538#
發表於 12-9-12 10:15 |只看該作者
關仁隱事:「大力」拋棄肥醜「慧根」

來自台灣嘅「大力」雖然講廣東話唔掂,但自從佢加盟咗公仔箱之後,發展得都算唔錯,仲益咗佢成日有嗒女機會。半年前大力因為工作關係,同猛獸「慧根」撻着咗,佢兩個仲經常一齊接job搵真銀。不過,慧根近排唔知搞乜鬼,變得又肥又爛面,好似係皮膚敏感之類,慧根嘅肉酸程度,足以令大力嫌棄佢。另一個成日想上位嘅奀星「白人」收到風之後,即刻把握機會攝位冧掂大力,搞到家大力出去外面搵真銀,都係搵白人一齊去而唔會再搵慧根,大力咁做真係名副其實貪新忘舊

「大力」= 金剛
「慧根」= 蔡胃欣
「白人」= 白暈

點評

connielamyee    發表於 12-9-12 10:57
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


539#
發表於 12-9-13 09:47 |只看該作者
關仁隱事:「大牛」時刻高度戒備

富豪「大牛」份人脾氣好古怪,佢除咗有潔癖,平日出街開門乜都唔掂之外,佢又習慣去固定嘅飯堂開餐,聽聞佢因為怕俾人整蠱,所以去嚟去去都唔變,只去嗰幾間食嘢。貪佢哋招呼好,食慣咗唔怕大廚玩嘢。
唔講唔知,大牛仲有個習慣,佢唔准VIP房裏邊招呼佢嘅夥計企喺身後,怕有人搞小動作或對佢危險,咁樣好不利,大牛一定要人企佢視線範圍前面,有乜嘢突發事,佢對眼睇到就立即叫停。關仁覺得時刻保持高度戒備,真係好大壓力。

「大牛」= 大樓
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


540#
發表於 12-9-14 10:07 |只看該作者
關仁隱事:「阮阮」記仇玩謝「老尼」

由後生做到老嘅「臭草」因為得罪咗高層「阮阮」,呢排都已經冇乜嘢做。隻手遮天嘅阮阮嘅小器紀錄真係數都數唔晒,有啲人得罪佢,佢幾十年都記住。好似當年有位當紅小生「老尼」,阮阮非常嗒佢糖,千方百計要佢入自己公司,點知老尼不識抬舉,不斷咁推佢,就算人哋拍心口答應話搞掂舊公司份約,老尼都唔肯。呢個仇阮阮記到老,到老尼年老色衰入咗電視台嘅時候,第一年都冇乜嘢仲爆晒show,點知去到第二年老尼就量足成年地,佢打聽之下,原來係有人落聖旨唔准人用佢,到約滿咗都冇再續約,認真慘。

「臭草」= 你香琴?
「阮阮」= 620?
「老尼」= ??

點評

simple430  老尼係男人 (當紅小生)  發表於 12-9-19 18:33
影月紅  忽然諗到老尼會唔會係 = 說梨  發表於 12-9-19 10:13
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo